ارجوكم يابنات ارجو الدخول والرد عاجل

1. لا حرقان ولا حكة ولا افرازات ولا روائح كريهة , ما اشكي من شي ابدا


2. وعلى موعد الدورة عطتني موعد عشان تشوف اذا في حمل اولا


3. وطبعا انا حسيت بأعراض اللي هما الالام شديدة فالظهر وارتفاع الحرارة.


4. عنبو صار 3 اسابيع وبعدها ما انفجرت ؟؟!! معقوله هالكلام ؟؟!! يصير جي

بنات انا بحكي لكم قصتي وانتوا احكموا وارجوكم من عندها خبرة او معلومة او مرت بنفس الظرف لا تبخل علي واللي ما عندها خلفية لاتحرمني من دعواتها..
انا حملت اول مرة بعد الزواج ب3شهور بس ما تبت الحمل,توقف النبض بالشهر الثالث وسويت عملية اجهاض وبعدها ما حملت .
راجعت عدة عيادة خسائر ومصاريف عالفاضي, اللي يقول عندي تكيس واستخدمت جلوكوفاج 4 شهور بس مافي فايدة واللي يقول ما عندي شي ,كل شي طبيعي بس التأخر بسبة التفكير والنفسية بس اخر مرة سمعت عن دكتورة وحدة قالت عنها انها شاطرة فقلت بسير اراجع عندها.
طبعا اول ما شافتني قالت عندي التهاب ,هذا طبعا بلا اي تحاليل ولا زراعة.
وتمت تسألني عن اعرض وانا اقولها لا
لانه فعلا ما عندي اي اعراض

لا حرقان ولا حكة ولا افرازات ولا روائح كريهة , ما اشكي من شي ابدا

المهم شافت لي الرحم والمبايض قالت لا عندج تكيس ولا مشاكل فالرحم والتبويض زين بس المشكلة التهابات وعطتني مضادات حيوية مدة 17يوم وتحاميل بيتادين ومنعتني من الجماع لمدة شهر لين ما اتعالج من الالتهاب
المهم انا كل شهر تتأخر علي الدورة.يعني دورتي مب منتظمة,بس ذا الشهر الوحيد اللي انتظمت فيه عندي الدورة يعني جات بعد 28 يوم بالضبط, مما جعلني أطمن لهالدكتورة وعاد عطتني كلوميدلتضمن التبويض اكثر وطلبت مني اراحعها في اليوم 14 للدورة
ويوم سرت لها قالت لي مرة حجم البيضة اوكيه 18ولازم تسوا جماع لمدة اسبوع لانه البويضة احتمال اليوم تنفجر وانتي اكيد ان شاء الله حامل هالشهر وعطتني دوفاستان لمدة 5 ايام

وعلى موعد الدورة عطتني موعد عشان تشوف اذا في حمل اولا

وطبعا انا حسيت بأعراض اللي هما الالام شديدة فالظهر وارتفاع الحرارة.

واليوم كان معي موعد عندها واتصلت لها اقولها اني بجي قالت لي لي اشتري فحص حمل من الصيديلية مال البول كلير بلو قلت لها اسوي دم احسن قالت لاجيبي كلير بلو ادق واشترته من الصيديلة و وسرت لها فطلبت بول وسوت الفحص طلع خط واحد قالت عيل انتي مب حامل بس لازم تشربي ماء وايد عشان تفحص الرحم تتاكد وعاد يوم سوت سكان استغربت جدا من كلامها حسيتها مافاهمة شي
تكفون يابنات قولوا لي كيف يصير جي اونه ذيك البويضة او كيس البويضة بعده ما انفجروحجم البويضة 19 يعني زاد والالام الظهر والحرارة من التبويض

عنبو صار 3 اسابيع وبعدها ما انفجرت ؟؟!! معقوله هالكلام ؟؟!! يصير جي

وقالت في خط ابيض فالرحم واحتمال تنزل عندج الدورة بس الليلة لازم تسوي جماع ممكن تنفجر اليلة واذا نزلت الدورة تسوي جماع عالطول بعد الدورة مب يوم ال14 لانه احتمال تحملي بعد الدورة مباشرة او قبلها ؟؟!! واذا حملت قبلها يمكن ماتنزل لي الدورة مع انوها ورتني خط ابيض واضح فالسكان
حد يخبرني يصير هالكلام ؟؟!!
رجعت البيت وانا ميتة من الصياح كنت متأملة هالشهر بس خسارة خابت كل توقعاتي احس نفسي خلاص يأست من الحياة
كرهت نفسي..!!
احس كل دمعه تطلع مني حارة تحرق لي خدي من حرارتها..
ريلي يطمني يقول مدام ما نزلت الدورة وما شفتي الدم احتمال تكوني حامل بس انا اقوله ان الدكتورة افهم منك اذا قالت بتنزل الدورة يعني خلاص بتنزل ..
بس تكفون يابنات حد يعطيني تفسير لكلامها ولا يخبرني هل كلامها صحيح؟؟!!!!!
والسموحة طولت عليكم......