استخدامات ملح الليمون فى الغسيل واستخدامات اخرى جربى بنفسك

1. توفير لانك لما تشوفي النتيجة هاتقللي من استخدام المسحوق العادي


2. جربي وانشالله لما تنشري غسيلك يكون منور زي الشمس


3. وكمان ممكن تستخدمي التركيبة دي للسجاد تنظيف وتعقيم وبدون مجهود

استخدامات ملح الليمون فى الغسيل واستخدامات اخرى جربى بنفسك
استخدامات ملح الليمون فى الغسيل واستخدامات اخرى جربى بنفسك
السلام عليكم ورحمة الله وبركاته
ان شالله تكونوا جربتو ملح الليمون في زهزهة الملابس البيضاء والتخلص من بقع الملابس
النهاردة ان شالله نحل بيه مشكلة تانية جديدة
الحلة اتحرقت وانتي بتطبخي او فرن البوتجاز فيه دهون محترقة أو الغلاية الكهربية الاستلس بقى فيها بقع أو حللك الاستلس فقدت لمعانها
الحل بسيط اوي معلقة او اتنين ملح ليمون حسب درجة الاحتراق ونضعها في الحلة المحروقة او على سطح البوتجاز ونسيبها تغلي 10دقايق وبعدين نغسلها غسلة خفيفة نلاقيها زي الفل
في حالة فرن البوتجاز تجيبي حلة وتحطي فيها ملح الليمون وتشغلى الفرن لما يتبخر الماء تزول الدهون الحترقة بسهولة
وطبعا كله ده عن تجربة شخصية مني والحمد لله النتيجة هاتسعدك وتريحك من هم الدعك وقطمة الظهر بتاع زمان
اخواتي الحبيبات اسال الله ان تكونوا جميعا في غاية السعادة في الدنيا ومن اهل الجنة في الاخرة مع الحبيب المصطفي صلى الله عليه وسلم
انا اخت جديدة معكم وانشالله افيدكم بتجاربي في كل شي يعود على الجميع بالفايدة باذن الله
انا الوصفة دي للامانة اخدتها من منتدى تاني لكن الجديد فيها هو تجربتي لها
وهي تتكون من ملح الليمون وده حاجة مذهلة للنظافة وخاصة للبقع الصعبة في كل شي نبدأ بالملابس وفي الموضوعات القادمة باذن الله احكي لكم على وصفات رائعة
لعملاق النضافة ملح الليمون
تشتريه من عند العطار سعره رخيص ولما تجربيه انشالله هايكون حاجة اساسية جدا في بيتك باذن الله
سامحوني طولت عليكم
الوصفة كوب صغير من الخل و4 ملاعق ملح الليمون ومسحوقك المعتاد وتنقع الملابس فيها من 3 الى 5 ساعات وانا اختار في غسالي خيار النقع واغسل بعده بالطريقة المعتادة
الفوايد
بياض ناصع للملابس البيضاء واشراق وثبات الوان للملابس الملونة
القضاء على اصعب البقع خاصة بقع الشوكلاتة والدم
تعقيم للملابس ورائحة جميلة
نتيجة هايلة مع اضافة القليل من الزهرة
يحافظ على الغسالة ويطول عمرها لانه يصون الطبقة الداخلية للغسالة ويعمل لها تنظيف مستمر من الالياف والاشياء العالقة بها

توفير لانك لما تشوفي النتيجة هاتقللي من استخدام المسحوق العادي

جربي وانشالله لما تنشري غسيلك يكون منور زي الشمس

فعلا ملح الليمون ده قوي جدا في ازالة البقع وانا جربته في حاجات كتير وكان رائع وانتي فعلا ممكن تعملي منظف خاص بيكي مكون من ملح ليمون مركز مع خل ومسحوق غسيل كويس وتخليه عندك لاي بقعة وأول بأول حطيه على مكان البقعة وفرك خفيف ولاحظت احسن نتيجة لما يتنقع شوية وانشالله تلاقي البقع اختفت وعلى فكرة كمان انا بعمل نفس التركيبة دي لتنظيف الحيطان لما الولاد يكتبو عليها بالقلم الحبر والالوان والنتايج روعة

وكمان ممكن تستخدمي التركيبة دي للسجاد تنظيف وتعقيم وبدون مجهود

نحطه مباشرة مع المسحوق في درج الغسالة الاتوماتيك وصاحبتي كانت غسالتها فيها عطل معين وفني الصيانة نصحها من وقت للتاني انها تعمل دورة غسيل بدون مسحوق للغسالة وتستخدم فقط ملح الليمون بيحافظ عليها ويصون الاجزاء الداخلية
السلام عليكم ورحمة الله وبركاته
انشالله يا قمرات فتكات تكونوا استفدتو من تجربتي في زهزهة الملابس البيضاء وتنضيف الحلل المحروقة وطبعا بالفتاك محل الليمون
تجربتي النهاردة اننا بفضل الله نقدر نتخلص من البقع الصعبة والعنيدة في المطبخ والحمام وكمان في تنضيف قاعدة التواليت
ممكن نعمل التركيبة البسيطة دي ونخليها للمهام الصعبة
كوب من ملح الليمون وكوب من الخل وكوب من سائل غسيل اي نوع وياريت ما يكونش امريكي عشان المقاطعة
ونزود عليهم مية سخنة وبليفة خشنة ندعك السيراميك الي ورا البوتجاز لان ده بيكون اكتر مكان صعب ونحاول نخلي الرغوة عليه شوية عشان تفتت الدهون عليه
وبعدين نشطفه هنلاقيه بينضف بسهولة ولو احتاج نكرر الغسيل لغاية ما تشوفي السيراميك بيلمع وينور لوحده
قاعدة التواليت بقى هاتي الخل وملح الليمون ومية سخنة وسمي باسم الله وحطيها في القعدة وخليها 5 دقايق وافركيها بالفرشاة هتلاقيها بفضل الله بقت زي الفل
لكن لو القاعدة لقدر الله حالتها مستعصية سيبي التركيبة دي فيها من باليل للصبح وافركيها الصبح كويس بالفرشاة وممكن تكرريها لغاية ما توصلي للنتيجة الي تحبيها
وبالمناسبة للي بيستخدموا الفلاش في تنضيف قاعدة الحمام ما شاء الله ملح الليمون بيعمل نفس النتيجة لكن من غير الريحة القوية للفلاش وبدون مواد كيميائية تخدش السيراميك
وطبعا كالمعتاد مجرب
بالفائده للجميع
منؤؤؤؤؤؤؤؤؤؤؤؤؤل يعني منقول