استراحة في جدة ارجوا المساعدة

السلام عليكم ورحمة الله وبركاته
لو سمحتوا بندور على استراحة راقية في شمال جدة تنفع لسابع مولود, و المعازيم في حدود 40 نفر تقريبا للنساء ,و الرجال مو مشكلة ممكن يجلسوا في الحوش او على المسبح ( نحطلهم جلايل كبيرة وتكايات ومراوح).
جات في بالي استراحة كازالولو بس ما اعرف كيف نظامهم ولا اسعارهم ولا ارقاهم (ممكن نحط الحريم في القاعة الصغيرة و الرجال برة في الطلعة الدائرية او تحتها والعشا يكون في نفس مكانهم)
احد يعرف بكم القاعة الصغيرة اللي قدام المسبح على طول ؟؟؟ وهل يدونا الطاولات والكراسي ؟؟ ولا نحنا ناجرهم ؟؟
و سمعت باستراحة نفرتيتي بس بصراحة ما شفتها قبل كدة.
ياريت احد يدلني على استراحات في دي الاماكن وبدا النظام و تكون زي نظام الريفيرا او كازالولو او اي مطعم صغير ينفع لسابع بس ما تكون اسعارها فوق ال 5 الاف
وشكرا
حطيت الموضوع هنا لاني قلت اكيد ما شالله العرايس والبنات يعرفوا دي الاشياء و حيفيدوني