استراحه بين الشوطين ههه

غلا بنت ابو غلا

22-01-2022 - 09:29 pm

السلام عليكم ورحمتة الله وبكاته
اسعد الله اوقاتكم بكل خير ومسره اخواتي الغاليات 000
موضوعي استراحه بين الشوطين ههه شكلكم تفاجاتو قلتو قاعده في قسم الرياضه ههه
ومالي والقسم ذا ههه 00
المهم ياطويلات العمر ابيكم تعصرو مخكم معي بافكاركم للفرح 00
السالفه ومافيها زواج خالي بعد اسبوعين تعرفو مافيه وقت افر المنتدى الحين زبدة الموضوع
ان في العرس رجال ملتزمين واذا حطو العشاء بنوقف الطق وهذا شي متعارف عليه عندنا مايبون
يفشلونفسهم قدام الضيوف
ابغى افكار عند استراحه الطق لين يخلصو الرجال من العشاء
امي تقول نرتاح ونوزع الهدايا وكل شي وكل وحده تاخذراحتها بس نبغى فكره حلوه نخليهم
يتحمسون ويتحركون شوي فهمتو 00
قلنا لها نحط فرقه استعراض وامي رفضته تقول ياويلك من
جدتك ههه جداتنا الله يطول بعمرهم مايحبون الحركات هذه متمسكه بالعادات والتقاليد
قلنا دي جي قالت بيطفونه وفلوس على الفاضي
شغلو مخكم معي مافيه وقت جدتي معتمده على امي تجهز العرس ونبي نبيض وجهها قدامها 000
كمان بنوزع ورد عند الاستقبال بس ابي حركه للطاوله 000000
لاتخيبون ظني فيكم يابنات الفراشه الحلوات كل شي شوفتوه في زواجاتكم وفرح اخوانكم وخواتكم
قولوه عادي متقبله كل شي 000
غلا

التعليقات (9)

غلا بنت ابو غلا

23-01-2022 - 12:10 am

10 دخلو ولافيه رد خساره والله
بس بنتظر واصبر والصبر زين

المكاوية السمرا

23-01-2022 - 01:11 am

وعليكم السلام
ألف مبروك وربي يتمم على خير
طيب ممكن تحطي الاناشيد حقت الافراح ، اللي تجي في شرايط
والطاولة ازا قصدك توزيع الورد عليها ممكن تجيبي زي المزهريات من زجاج وتحطي فيها موية وورد طبيعي
أو تعبيها ورد مجفف وتحطي في وسطها شموع
وبالتوفيق

واحةالمها

23-01-2022 - 02:12 am

اللي فهمته باجاوب عليه والف مبروك ويتمم لهم بخير حبيبتي بالنسبة للاستراحة افضل راحة بدون شي انا حضرت زواره في قصر ومتكلفين وكل شي بس مافي لاطق ولا اي شي اللهم سوالف وكان حلو صراحة ورايق بالنسبة للورد ممكن توزيعي الورد في سلات مشغولة وممكن اذا ماتبين صمت ممكن تجيبون من الفرق اللي يسون استعراض تقول نبي تقصدين قصايد بدون موسيقى او اي شي وان شالله موفقه دعواتك يالحلوة

غلا بنت ابو غلا

23-01-2022 - 03:13 am

تسلمي اختي المكاويه والصور افادتنا
اذا عندك افكار غيرها دلينا عليها
وجزاك الله خير 00

غلا بنت ابو غلا

23-01-2022 - 04:14 am

اختي واحة المها الله يبارك فيك
وشلون مافهمتي 00
ادري بس كذا راح نمل ماحب الهدوء وش نسوي
امي رافضه فكره الاستعراض وشالتها من راسها 00
اذا فيه افكار زودينا منها 0000

سوسن الحياة

23-01-2022 - 05:15 am

شرايش اختي اتحطون موسيقى كلاسيكية هادئة وراح تعطي جو روعه
والله يتمم ليكم على خير

غلا بنت ابو غلا

23-01-2022 - 06:16 am

ههه هذه الفكره رافضتها امي وجدتي
راح يذبحوني خوالي
تسلمي لمرورك اختي سوسن
معقوله 25 دخلو والله مصيبه ماعندكم افكار ؟

الفراشه الورديه ليال

23-01-2022 - 07:17 am

غلاوي قلبي
طيب وش رايكم توزعون هدايا مع شعر يعني تخلون احد يلقي قصايد ترحيب بالضيوف ولا يمدح خالك وزوجته

غلا بنت ابو غلا

23-01-2022 - 08:18 am

هلا فيك ليال
فكره حلوه بس ذي يبيلها وقت ادور قصيده حلوه وبعدين نطبعها
وتعرفي موفاضين يلفون ورانا
اذا لقيتي شي حلو ارسليه لي طيب

فزعتكم يابنات الرياض والخرج←
خططى لزفافك جيدا فهناك ما هو أهم من الفستان→