استفسار

بليز ردو

دبلوم : يعني دراسه لمدة سنتين في مجال
معين وأحياناً تكون سنة وحدة فقط .
موفقة يارب

زه الشرق رة
شكراا لك
هل الدبلووم نفس الدوره؟؟
طيب ايش الفرق بينهم؟؟؟

لأ .. شهادة الدبلوم مو نفس الدورة الدبلوم أفضل لأنك تدرسي سنتين كاملة أو سنة كاملة
أما الدورة غالباً 6 شهور أو أقل .
بس لو تبغي مجرد شهادة حاسب عشان وقت التقديم
خذي دورة 6 شهور إدخال بيانات ، شاملة وفيها الأشياء المهمة.
لكن لو تبغي تتخصصي فيه أو تفتحي مجالات لنفسك أكثر
خذي الدبلوم .

يعطيك العافيه
بس لو تبغي مجرد شهادة حاسب عشان وقت التقديم؟؟
مافهمت ممكن توضيح؟!
طيب لو اخذت دوره ايش اخذ
ادخال بيانات ومعالجة نصوص
او استخداام الحاسب في الاعمال المكتبيه
وكل واحد ايش الهدف منه؟؟
معليش انا ماعندي اي خلفيه او معلوومه عن الحاسب!!
ارجو التوضييح......
وشكرا للجميع

أقصد يَ جميلة لو تبغي شهادة حاسب عشان
تكون عندك خلفيه عنه وعن استخدامه في البرامج المكتبية
وتقدري تقدمي بيهآعلى الوظايف
خذي دورة أسهل وأسرع .
ادخال بيانات ومعالجة نصوص
أو استخدام الحاسب في الأعمال المكتبية
كلها كويسة طالما أنها موأقل من 6 شهور.
تعلمك الأساسيات في الوندوز ، وعن برامج الأوفيس بصفة عامة
الوورد - الأكسل - الأكسس - البوربوينت والانترنت .
موفقة ي رب.