استفيدي من تجاربي المطبخيه

1. وعند صنع شاهي الزنجبيل ناخذ مقدار الحاجه ونرجعه للفريزر

وشلونكم يابنات ان شاالله طيبين المهم اليوم شفت مواضيعكم في ها القسم وحسيت انه فيه بنات يدورون
عن اسرار جديده تساعدهم في الطبخ ادري فيه موضوع فاتح بابه لأحد الأخواتبس حبيت احط موضوع
مستقل بذاته للأستفاده وهاذي كلها من تجاربي يوم تزوجت ماكنت اعرف كوعي من بوعي ومع مرور
الوقت تعلمت من التجارب ومن الي حوليني ومافيها شي اذا سألتي وجربتي وهاذا ما في جعبتي
الرز اغسليه زين قبل النقع واذا حطيتي مويه حطي فوقها قرن فلفل حار ليغير ريحة الرز
اذا بتسوين رز حطي الدجاجه مع شوي مويه وبهارات عدله وحبة فلفل وخليها على النار
الين تبيض وحتى اللحم والبهارات العدله مسمار ودارسين وهيل حب والسبب انه تروح الزفره
والريحه من الدجاج او اللحم
اذا حبيتي تسوين اكله في الفرن وخفتي تنسينها شغلي لنبة الفرن عشان تنتبهين لاتخترق منك الأكله
اذاكني تبين تعرفين ان الزيت جاهز للقلي حطي شوي مويه ورشيها على الزيت اذا طرطش يعني جاهز
للقلي
استخدمي القلايه الكهرب لأنها اسرع واوفر لزيت وانظف
لنجاح اي عجينه للفطائر اخلطي اولاً المقادير الجافه ثم ضعي فوقها المقادير السائله
اذا كنتي تعملين كرميل الذي بسكر والقشطه وبدء يتكل ماعليكي الا ان تضعيه على نار هاديه جداً مع
الأستمرار بتحركه با المضرب ومع الوقت ستتلاشى الكتل
اذا احترق الأكل حطيه بقدر ثاني وحطي بوسطه قطعة بطاطس او فوقه قطعة خبز ابيض وتروح الريحه وطعم الحرق
اذا قطعتي بطاطس او باذنجان حطيه في باديه فيه مويه من الصنبور وملح وملعقة خل عشان مايسود
اذا عندك جزر كثير ابشري نصفه وكيسيه في اكياس لحم صغيره كل وحده فيها مقدار ملعقتين اكل كبار
واذا احتجتي طلعيها وفكيها وحميها شوي با المكرويف
اذا اشتريتي في الشتاء الزنجبيل الطازج ولطوال مودته نظفيه وقشريه وبشريه وحطيه في كيس بفريزر

وعند صنع شاهي الزنجبيل ناخذ مقدار الحاجه ونرجعه للفريزر

اذا اشتريتي طماطم الطماطم النصف سواء حطيها في شبك في الثلاجه الناضجه في الدرج للأستخدام اللي شوي فيها خراب وخري الخراب وشميها اذا مهي مخوره وريحتها زينه حطيها في الخلاط واذا موخره ارميها واذا كان عندك شوي طماط من اول حطيه معهم في الخلاط وحطي سوية مويه وخلطيهم وجيبي كيس شفاف الخاص باالحم وحطيه فيها وبعدين فرزيه
اذا اشتريتي بقدونس ورقيها وحطيها في علبى بلاستيك وحطي تحتها مناديل واذا خلصتي الكميه حطي فوقها مناديل وغطيها بغطها وحطيها باالثلاجه تسهل عليك في الطبخ وتكون جاهزه لتقطيع
اذا اشتريتي شي زي العدس او المكرونه وفتحتيها لاتحطينها في كيس بل اشتري علب وحطيها فيهم
الأشياء الي تنحط في الفريزر وفي علب وبرطمانات القهوه - الدقيق -البقسماط -السماق -السميد -النشاء
المكسرات بأنواعها كلاً على حدا للحلويات والتزين - جوز الهند - الخميره الفوريه - بيكنج صودا - البيكنج بودر -التمر الرطب- السمسم -الزبيب - الصنوبر -وممكن لسكر البني - ملح الليمون - ماجي ابيض
سوي كميه كبيره من الشيره وخاصه برمضان وحطيها في برطمان بالثلاجه لتوفير عليك الوقت وعند الحاجه لها اخرجيها واستعمليها فقط
لقهوه عربيه ممتازه خليها نصف ساعه بدل الربع على النار واتركيها بعيده عن النار لخمس دقايق بعدها
حطي الهيل ورجعيها واذا غلت خليها بعد خمس دقايق بعيده عن النار بعدها حطيها في الترمس وتمتعي بأحلى واطيب قهوه
اذا خلصتي من بعض الأشياء المعلبه ببرطمانات قزاز لاترميها بل استخدميها لحفظ الأشياء
اذا اردتي لتتبيل الممتاز بنكه رائعه جيبي الكيس السحاب موجود في السوبر ماركات وبأحجام وحطي فيه
التتبيله واللحم او الدجاج او السمك الي تبين تبليه وسكريه ورجيه وخليه يتبل
الدجاج ولتسهيل الطبخ والخلاص من حوسة وزفر الدجاج اشتري كميه وخليه برا واذا فك من الثلج شوي
قطعيه حسب حاجتك اليوميه ونظفيه وغسليه بمويه وملح وخل انثري الملح والخل وافركي الجلده والداخل وغسليها بمويه عاديه من الصنبور وكيسيها وفرزيها
وهاذا مافي جعبتي اليوم واذا زاد شي بجي اذكره لكم تقبلو تحياتي