اسهل فطيرة تفاح من يديني

السلام عليكم ورحمة الله وبركاته
طبعا الموضوع واضح من عنوانه
سويت لأهلي حلا سريع مع القهوه العصريه >>وقت العصر
ومشاركة لحملة (( دلع وسنع ))
فطيرة التفاح وهذي صورتها
مقاديرها :
عجينة البف باستري أفضل ماركة السنبله
الحشوه:
حبتين من التفاح او اكثر حسب الكميه مقطعه مربعات صغيره
ملعقة داسين مطحون ( القرفه )
ومقدار من الشيره اللي هي عباره عن السكر والماء
على حسب الكميه اللي عندك
الطريقه :
تمسكين عجينة البف باستري وكل شريحه تقطعينها بقالب نجمه او ورده او دائره اللي يعجبك
بعدين تكونين محضره الشيره اللي هي عباره عن ماء وسكر حسب كميتك وقبل لايغلي على النار تحطين التفاح المقطع والقرفه
لين يذبل التفاح ويصبح عندك خليط مثل المربى
وتضعين كميه بسيطه في منتصف شريحة البف باستري
وترصينه بالصينية الفرن وتكون درجة حرارة الفرن متوسطه لما تتحمر من تحت وتنتفخ وتحمر من فوق تحميره بسيطه تطلعينها
ولما تبرد ترشي عليها سكر بودره لكن انا ماحطيت لأن اهلي مايحبون السكر زياده
وبألف عافيه عليكم