اش رئيكم اتعاملت معاه صح ولا لا

1. جبلي هديه وورد واتصالحنا بس مو بسهوله بعد نقاش ثاني

بنات انا مو من اللي يفهمون ف المقدمات عشان كذا احب ادخل
في صلب الموضوع على طول<<<< اهم شي صلب الموضوع
سار معاي شوي اكشن يوم الثلاثاء على الغدا مع زوجي كنا نتناقش
فموضوع مصروفي كنت اقله ابغى مصروف ثابت كل ماينزل الراتب تحولي على حسابي
مع انو كنا متفاهمين على ذا الشي من اول ما تزوجنا بس اللي يسير انو مو كل شهر
يحولي والحق ينقال مو مقصر بس اننا ما ابغاه يتعود انه مايصرف على وكل ما ضاقت معاه يجي يطلب مني
يعني ذا الشي مره يقهرني بس اقول يلله يابنت مو مشكله عطيه وكان يطلب مني من اول ماتزوجنا بحكم الاقصاد اللي عليه المهم اللي سار على الغدا انو كلمه مني وكلمه منو قلتله خلاص اسكن خلاص اسكت بحكم انو عندي خدامه في البيت وماكنت ابغاها تسمع الاصوات قلي لا تقولين اسكنت ترى اعطيك كف وفعلا ضربني كف
انصدمت وجلست اطالع فيه بحقد وقمت قالي ايوه قومي انقلعي انا انتضرت فبيتي الين ماراحت الخدامه لانها من اللي يجون ساعتين لماراحت لبست ورحت بيت اهلي وانا مو ناويه اني انام هناك بس نسيت مفتاحي رسلتله خلي مفتاحي على الجزامه فعلا تركها على الجزامه رحت بيت اهلى المغرب ورجعت الساعه 12 ودخلت غرفه التلفزيون وهو كان فغرفه النوم ومن قهري انو ما اتصل ولا رسل رسلتله مسج <<شوف اذا ماتبغى تصرف عليا طلقني انا ما اطلب منك صدقه انا ما اطلب غير حقوقي وصدقني لو بابا دري ولا اخواني دريو انك مديت يدك عليا يورونك الوجه الثاني<< مع انو زوجي واخواني مره يحبون بعض بس انا اعرفهم لو احد غلط علينا
رجع اتصل عليا قلي ليه ماكملتي نومتك هناك عشان يدرون قفلت وجلست ابكي من قهري
يعني ضاغطه على حالي ورجعت بيتي ولا قدر وثاني يوم بعتلي مسج طويل عريض من انا اسف ولله احبك ان شاء الله يدي تنشل لو مديتها عليك ثاني احبك اسف رسلتله اوكي ماسار شي

جبلي هديه وورد واتصالحنا بس مو بسهوله بعد نقاش ثاني

واليوم كانو حليتلو كلمه طلقني اللي قلتها له قبل كنت لابسه وباطلع لبيت ستي فرجعنا لنفس الموضوع قلتله ترى انا ما اخذت منك لاحق ولا باطل بخصوص مصروفنا غير انو اكلتلي كف قلي تدرين انو المطلقه تاخذلها 800ريال
تبغينها
طبعا هوا بمزحه جلست اطالع فيه وقلتله انت واحد وقح وقليل ادب ومسكني قلي اشبك انا امزح ولله ما اقصد انا ما ابغاك تطلعين وانتي زعلانه الله يخليك ويشد فشنطتي وفيا وانا بكيت شوي وهوا على وشك انو يبكي
حسيت انو هوا كمان تفاجئ من كلمته جلست شويه وهديت وقلتله طيب خلاص خليني اطلع عشان اهدا
وطلعت ولمارجعت اعتبرت انو ماكانو سار شي
حابه اخذ رئيكم فموقفي انا كنت اتعامل صح معاه ولا لا؟؟؟
عشان لو كان في شي غلط ممكن اغير فمواقفي
ولكم الف شكر