اطباق على الريوق الفطور من مطبخي

^قلب الامارات^

18-08-2022 - 04:13 pm

السلام عليكم والرحمه ... يامرحبا بكم ... وياهلا فيكم ...
اليوم عندي كمن طبق للفطور ... فقلت انزلهم لكم ممكن تستفيدون منه
واذا عندكم افكار تحطونها لنا نستفيد منكم ...
الطبق الاول
المقادير والطريقه ...
نحمر البصل وثوم ثم نضيف اشوية طماطم وفلفل حار ..
نحط الملح وبهار وفلفل اسود ..
نخفق البيض ونضيفها على خلطة البصل ونضع عليها شرايح الطماط
وممكن نرش عليه جبن تشيدر مبشور يطلع ام ..
وندخلها الفرن ونشغل عليها من فوق بس .. تقطع وتقدم وبالعافيه

التعليقات (9)

^قلب الامارات^

18-08-2022 - 07:07 pm

الطبق الثالث ..
المقادير والطريقه ...
بيض .. وطماط .. ملعقتين جبن كرافت .. فلفل حار حسب الرغبه ...
نحط اشوية ريت ونضيف له الطماط المقطع ونتركه لين يذوب
ثم نحط عليه البيض المخفوق .. ونحركه قبل لا نسكر عنه
نحط ملعقتين الجبن ...
نصب عليه زيت زيتون حسب الرغبه .. وبالعافيه ...

^قلب الامارات^

18-08-2022 - 08:08 pm

الطبق الرابع ..
المقادير والطريقه ..
بصله .. طماطه .. بيض .. جرفه .. وبهار .. ملح .. ملعقة صلصه ..
نحمر البصل بس حتى يصفر ثم نحط الطماط ونتركه يذوب
نحط ملعقة صلصه حسب الرغبه والبهار .. نحط عليه نص كوب ماي
ونخليه يفور .. نحط البيض بدون خفق يعني عيون
ونحركه خفيف لين يستوي البيض .. حتى لا يتكسر
ويقدم ويكون بها الشكل ...

^قلب الامارات^

18-08-2022 - 09:09 pm

الطبق الخامس ..
المقادير والطريقه ..
علبة فول .. بصله .. وطماطه .. صلصه .. بهار .. ملح .. كركم ...
نحمر البصل والطماط نضيف له الصلصه ثم نحط عليه البهار والكركم والملح
نضيف له الفول ونخليه يطبخ .. واذا حابه تهرسينه او تخلينه بحباته ...
ويقدم وبالعافيه ...

حكاية فتاة

18-08-2022 - 10:10 pm

تسلم الايادي

^قلب الامارات^

18-08-2022 - 11:11 pm

الطبق السادس ..
المقادير والطريقه ...
علبة فول مهروس ... زيت زيتون .. ملعقة طحينيه ..
نفتح علبة الفول ونحطها على النار نحط عليه زيت زيتون
عند التقديم نحط عليه الطحينيه .. وحبات الطماطم ...
حسب الرغبه .. وبالعافيه ..

^قلب الامارات^

19-08-2022 - 12:12 am

الطبق السابع ...
المقادير والطريقه ...
جبن للسلطه .. طماطه .. خياره .. خس .. زيت زيتون ..
تقطع السلطه وتخلط مع الجبن وزيت الزيتون وتقدم ...
وبالعافيه ..

^قلب الامارات^

19-08-2022 - 01:13 am

الطبق الثامن ...
المقادير والطريقه ...
خبز التنور او الخبز العربي .. بيض .. شرايح طماط .. بقدونس مفروم
ملح .. فلفل اسود .. فلفل احمر ...
يخلط البيض والبهار والملح والبقدونس ..
نحط الخليط على الخبز .. واذا حابه تحطين شرايح الطماط حسب رغبتج
نرشه بالجبن وندخله الفرن ونشغل عليه من فوق .. وبالعافيه ...

^قلب الامارات^

19-08-2022 - 02:14 am

الطبق التاسع ..
المقادير والطريقه ...
بصله .. طماطه .. بهار .. ملح ...
نحمر البصل والطماط وشوية ماي ونحط عليه الملح والبهار
نضيف البيض بدون ما نكسره .. يعني عيون نخليه على نار هاديه
وبالعافيه ...

^قلب الامارات^

19-08-2022 - 03:15 am

واخيرا مقتطفات ...
الفاصوليا ...
شرايح القمح مع الحليب ...
بيض كيري .. وعسل ...
واخيرا بالعافيه عليكم .. وان شاء الله استفدتوا ..
والسموحه ع الاطاله ...

وجبات خفيفه تصلح للعشاء←
طريقة حلوة لصامولي→