اطباقي لعيوون الفراشات دلع وسنع

مساء الخير يالغوالي
اليووم بنزل لكم الاطباق اللي سالتوني عنها واعذروني على التاخير
اولاً مكرونة الجبن يمي
اسلقي اي نووع تفضلينه من المكروونة وانا اضفت لها ذرة وبعد ماتصفيها ضعيها بصينة فرن
مدهونة بقليل من الزيت
الحشووة اي حشووة تفضليها انا سويت حشووة لحم مفرووم واضفت لها صلصلة الطماطم وجميع
انواع البهاارت وكل شي حلوو عندك بالمطبخ وضعيها فوق المكروونة
التغطية كاس جبن بووك او المراعي الصغير + 3ملاعق مايونيز + علبتين قشطة عادية + فلفل اسود وملح
تخلطيها بخلاط الكيك وتضيفي لها مووية اذا حسيتي انها جامدة بالمرره وتغطي بها المكرونة والحشوة
وتضعيها بالفرن لحد ماتتحمر من فوق وتحت وبالعافية
ثانيا صينية الخضار
تقطعي انواع الخضار اللي عندك انا حطيت بطاطس وجزر وباذنجان مكعبات وسط وتغليها بالزيت
وتحطيها بصينية فرن مدهوونة بقليل من الزيت
وتجيبي علبة قشطة الخفق وتسخنيها على النار لحد ماتثقل شوي وتصبيها على الخضار
وتحطيها بالفرن لحد ماتتحمر وبس
ثالثا العذاب الحلا
الطبقه الأولى (كيك سويسرول بشكولاته)العلبه اللي فيها 6حبات تقطع حلقات وتوضع في الكاسات تحت
الطبقه الثانيه يوضع في الخلاط (نصف علبه حليب مركز كبير +1قشطه +1ظرف دريم ويب +4حبات جبن كيري +علبة بسكويت شاهي مطحون
+نصف كاس ماء يخلط ويوضع فوق الكيك في الكاسات
الطبقه الثالثه(3حبات جالكسي بالتوفي+3حبات سنكرز +ربع كأس ماء)يوضع في حمام مائي على النار الى ان يذوب بعدين يوضع على الطبقه الثانيه
يوضع في الثلاجه الى ان يبرد جربوه والله ماتندمون وكمان يشرفكم عند ضيوفكم,,
اتمنى انكم استفدتو واي استفسار انا حاضرة يالغلا
دعواتكم لي