افكاركم مع ذكرى الزواج

هلا اختي انا زيك ودي افكار حلوة عشان يوم زواجنا باقي تقريبا شهرين بس حبه اسمع افكاركم مع الاخت اللي قبلي لان اول مرة اسوي حفلة ليوم زواجنا ومنكم نستفيد

حتى انا ودي عيد زواجي قريب وودي في سربرايز حلو
يليت تفيدونا ياخبرة

حتى انا اول عيد زواج لي ب7-7
بس فكرت اروح مشغل مكياج وتسريحه والبس فستان والباقي عليه

معقوله خلصت افكاركم يافراشات فين الافكار بس مانبي شي مبالغ فيه ابدا شي بسيط حفله بالبيت مو شرط بالفندق لكن شو نعمل بالبيت كيف انسق حفلتي وكيف اقدم هديتي .

انا ودي بأفكار جديده عشان ذكرى زواجنا الخامسه بعد اسبوعين وزوجي برا السعوديه وانا بروحله تقريبا في هالفترة بس مو عارفه اش اسوي..
بعطيكم افكاري اللي سويتها قبل..
جهزت عشا في البيت فيليه سمك مع الصوص وسلطة فواكه...وطلبت كيكه من سعد الدين..وشوكلاته من انوش <<لزوم لعبة الشوكلاته
وماحطيت العشا على طاوله <<كتغيير
حطيت مفرش حلو لونه عودي واطرافه ذهبي على الارض في الصاله ووزعت على اطرافه شموع صغار وجهزت العشا عليه وزوجي كان برا وعلى وشك وصول...لأني اعطيته بطاقة دعوه وهوو طالع..
ورحت لمدخل البيت كتبت عنده i love you بالشموع...وكنت مجهزة اوراق حمرا صغيره كاتبه عليها كلام حلو وزعتها من المدخل للصاله علشان يقراها وهو داخل...
وطبعا قبلها كنت مسويه شعري وميك اب خفيف وفستان ناعم والعيال في سابع نومه...
واول مادخل مبسوط واعطيته هديته وهو بعد جابلي هديه<<ياويله مايجيب ههه
وتعشينا على اضواء الشموع ...
وباقي الليله طبعا بتكون في الغرفه...وكنت ماخذه لعبة الشوكلاته ومجهزة الغرفه بالشموع والورد والبلونات...وجهزت شريط شهر العسل عشانه نشوفه ونتذكر احلى ايام...وكنت مشتريه قميص جديد وملحقاته...الخ...
عطوني افكاار بليز لو عنددكم

انا في ذكرى زواجي سويت كل شي مفاجأه جهزت في البيت عند اهل زوجي في صالتهم شوي كبيرة جهزنا زفة حلوه من النت وحطينا الكيكة والحلويات والعصير الاحمر طبعا وشموع وبالونات وباقة ورد ونثرت ورد مجفف في الارض وطبعا هو كان كاشخ لانو يوم عيد الفطر يوم ذكرى زواجي وانا طبعا فستان وتكشخت عند اختي هي مرة مكياجة حلو ويعجبني وهي تشتغل في مشغل طبعا جهزنا كل شي وبعدين قلنا له انو في ضيف يبقى يعايد عليك وهو مصدق ودخل وكان مرة مستانس وبعدها طلعنا وحسنا وجهزنا لطلعة برا الديرة ولما رجعنا هو وصلني البيت وبعدين راح عند ربعه وانا جهزت الشقة وطلعت مرة حلوه وهو استجن على الفكرة مراح اقول لانو شي خاص مرة وهو لها اليوم وهو يقول سوي زي يوم ذكرى زواجنا ....واليوم الثاني طلعنا برا الديرة يعني شهر عسل مصغر وكان هو مجهز الطلعة واستانسنه مرة.....

بجد ماشاء الله روعة بس ممكن تحجزي في فندق راقي اومنتجع ليله وتقولي لهم حفله وهم يرتبوها وتعطيه كرت دعوة حماس بس مدري احس اول حفله حلوة تكون في البيت انا عن نفسي فاتتني اول حفله كنت في الاربعين ونفسي في حفله خيال وافكار حلوة

الصراحة الموضوع منقول وحبيت انقله لكم للاستفادة والصراحة أنا جربتها بزوجي وفادتني وعجبته الفكرة
حقيقة لما شوفت كل وحدة تضع تجربة يستفيد منها الجميع وخاصة انا
حبيت اضع لكم تجربة عشتها مع زوجي وهي
قبل اربعة ايام كنت راجعه البيت وكلمني زوجي قال لا تطلعي البيت حتى اتصل
عليك ، طبعاً ان ساكنه في نفس البناية مع اهلي .
وبعد حدود ربع ساعة اتصل وقال اطلعي الحين ترى جبت لك هدية بس راح
تتعبين إلين تلقيها
قلت انت وين قال مالك شغل فيني المهم حاولي تحصلي الهدية ولا راح تروح
عليك
يوم دخلت البيت لقيت كل الأنوار مضائه وفيه ورقه في المدخل كاتب فيها
مشاعر حبه لي وطريقة الوصول للهدية
وكان لازم اجمع اربعة حروف وهي ( أ ح ب ك ) وهي منتشرة في البيت وإذا
جمعتها راح احصل على الهدية .
في نهاية الورقة كاتب الحرف الأول
اكله احبها كثير واموت فيها خاصة من يدك
طبعاً انا اعرف زوجي يحب المكرونة كثير فرحت المخزن ودورت ما لقيت شئ
ولما فتحت الثلاجة لقيت ورقة داخل علبة المكرونة
مكتوب فيها الحرف الأول أ
احبك اموت فيك اهوك اعشقك انا مجنون بعيونك
الحرف الثاني تجديه عند جهاز احب اجلس معه دايم
طبعاً طيران على جهاز الكمبيوتر والقي ورقة مكتوب فيها الحرف الثاني ح
حياتي حبي حناني ليتك بس تعرفي قد ايه اعشقك
الحرف الثالث تجديه في جهاز كأس العالم الذي تركت
طبعاً زوجي من عشاق كرة القدم بس الحين بعد ما التزم تركها وترك كل شئ
حتى تلفزيون مافيه بس انا سعيدة معه كثير .
احترت شوي بس رحت اشوف بقايا الرسيفر وكروت كأس العالم ولقيت الورقة
بعمري ماشفت زيك .....كم انا فخور بأنك زوجتي .....هذا شرف لي
الحرف الرابع تجديه في درع
زوجي موظف وحقيقة مو مدح فيه هو مجتهد كثير في عمله وحصل على الكثير
من الدروع ومزينه بها مكتبة الصالون .
رحت وفتشت الدروع واحد واحد الين لقيت الورقة تحت اول درع حصل عليه وكان
مكتوب كل هذه الدروع بعد الله انتي السبب فيها فلو لا دعمك لم احصل على اي
شئ منها
تجدين الهدية في اكثر ملابس احبها عليك
احرج طبعاً ................
المهم رحت ولقيت ورقة تقول الف مبروك الهدية حياتي
ولما فتشت داخل الدولاب لقيت الهدية وكانت
( جهاز جوال برج العرب ) يعني الف ريال
بعضكم الحين يقول هذه هي الهدية
اصبروا شوي ؟؟؟؟؟؟؟؟؟!!!!!!!!!!!!!!!!!
دخل زوجي الحين وقال تذكري في نهاية العام الدراسي لما قلتي لي نفسي
اغير جوالي واكشخ على زميلتي في الكلية بجوال زي الفيصلية ولا برج العرب
في بداية الدراسة ، انا حبيبتي مع الأيام ما نسيت ابد ، والحين ما باقي على
الدراسة شئ وهذا اكبر دليل انه كلامك معاي وحتى طلباتك تحفر في صدري
حتى احققها لك .
طبعاً ما ابغى اكمل اكثر من كذا
واتمنى انه فكرة زوجي او تعامله معاي يفيد احد
منقول