اقسم بالله العظيم شعري صار ناعم وتثخين من بعد هالبرنامج

1. اقولكم قصتي:


2. تحطينها عالشعر مدة ساعه ثم تغسلينه بالشامبو والبلسم...


3. 4-خلطة زيوت انا مسويتها:

السلام عليكم يافراشات
والله العظيم احس ان شعري ناعم ماشاءالله وثخين والتقصف راح كله ماشاءالله عاد قولوا ماشاءالله

اقولكم قصتي:

شفت خالتي كان شعرها كله ميت وجاتلها فتره كله رابطه شعرها ورافعته فوق ومن بعد سنه تقريبا اكتشفت ان شعرها صاير خيال ماشاءالله ناعم ناعم ناعم ماشاءالله عليها طبعا اكيد سألتها قالت من الزيوت والخلطات وكل ماتسمع عن زيت تشتريه وانا حلفت لازم اسوي شعري مثل شعرها بس مو بسنه اقل
والله العظيم يابنات اني ماخليت شي مااستعملته بس صبرت وصبرت لما بينت النتيجه قبل شهر تقريبا يعني صارلي باديه بالبرنامج 3 شهور فقط
والله يابنات الاراده ثم الاراده ثم الزيوت ثم الخلطات
اقولكم شسويت طبعا بطول عليكم شوي بس هذا اللي سويته والله على مااقول شهيد...
طبعا كل يوم احط شي ومرات اخذ لي راحه
وهذي الخلطات اللي خلت شعري ماشاءالله حلو
1-قناع الموز
تحطين بالخلاط:
موزه+ زيت زيتون انا احط نص كوب+ملعقة مايونيز+3ملاعق عسل...
تحطين الماسك عالشعر مدة ساعتين...
2-حمام زيت:
شريت انواع من حمامات الزيت
حمام زيت الصبار+حمام زيت الحيه يكون لونه وردي وعلبته بيضه على صورة حيه+حمام زيت الجزر+حمام زيت العسل بالحليب+بلسم صانسيلك للشعر الجاف لونه ابيض ببرتقالي...
بعد مااغسل شعري بالشامبو احط الخلطه واخليها ربع ساعه ثم اغسلها ماشاءالله راح تحسين شعرج ناعم...
3-خلطة المايونيز:
3 ملاعق مايونيز+بيضه+3ملاعق عسل...

تحطينها عالشعر مدة ساعه ثم تغسلينه بالشامبو والبلسم...

4-خلطة زيوت انا مسويتها:

زيت الحيه+زيت السمسم+زيت البصل+زيت الثوم+زيت جوز الهند الازرق الهندي+كوين هير التونيك الماليزي انا حطيت بالخلطه نص العلبه+خلطة ال7 زيوت من صانسيلك+زيت الجرجير+دابر املا بالياسمين+دابر املا الاسود+زيت الذره الخاص بالقلي+زيت الزيتون الفلسطيني الاصلي+3 ملاعق عسل+زيت اللوز+نص علبة زيت بيبي جونسون بالبابونج+زيت الخروع+زيت هندي لونه احمر وايد حلو بس الصراحه ماعرف اسمه...
تخلطينهم مع بعض ثم تضعينهم بقدر عالنار حتى يدفأ الزيت ويذوب العسل بس لاتخلينه يغلي...
وكل ماتبين تحطين الزيت سخنيه شوي عالنار حتى يدخل في الشعر واخلي الخلطه ساعتين او ثلاث اي وقت عادي ومرات احطه ساعه اذا كنت مستعجله ثم اغسله كالمعتاد...
5-قناع الفواكه:
اتفحص الثلاجه واشوف شنو فيها من الفواكه مشمش+بطيخ+ احط موز+برتقال+كيوي+مانجا+بابايا+اي نوع عندي واحط عليهم 3ملاعق عسل وعشان يصير القناع ثقيل احط ملعقتين روب او اكثر على حسب الخليط والفواكه الموجوده...
احط الفواكه الموجوده بالخلاطه الكوب ثم احطه على شعري مدة ساعه...
اغسله كالمعتاد...
6-زيت دابر املا الاسود+دابر املا بالياسمين...
اخلطهم واحطهم على شعري ساعتين...
7-قص اطراف الشعر مره كل شهر انا قصيت بهالثلاث شهور 4 مرات...
8-قناع الروب بالعسل:
علبة روب و3ملاعق عسل احطهم على الشعر ساعه ثم اغسله...
9-كريم براشوت احطه مدة ساعه قبل الاستحمام...
10-كريم ماتركس لونه برتقالي وهذا مهم جدا جدا وايد حلو تستعملينه بعد الاستحمام والشعر مبلل...
هذا اللي اتذكره من برنامجي واي شي جديد راح اضيفه هني...
نصائح مهمه عند تطبيق البرنامج:
1-اي نوع من الزيوت قبل لاتحطينه عالشعر لازم تسخنينه عالنار شوي...
2-بعد الاستحمام تمشطين الشعر بمشط ذو اسنان عريضه وتحطين كريم ماتركس لونه برتقالي عالشعر...ومرات احط سيروم كريستال...
3-بعد تمشيط الشعر ووضع الكريم ترفعين شعرج وتسوينه ذيل حصان وتثبتينه بماشات ومشابك...
4-عند اتباعي البرنامج استخدمت السشوار لكن مودايما كنت كل يوم اتسبح لكن مااسشوره كل يوم يمكن بالاسبوع مره او مرتين...
5-يوم الخميس كان يوم راحتي لان كل خميس عندي ضيوف...
6- غيري نوع الشامبو كل شهر ودائما استعملي الشامبو للشعر التالف او الجاف حتى لو شعرج عادي...
انا عن نفسي استخدمت سيلفكرين بالبيض وصانسيلك بالبيض وهيداند شولدرز ونيزورال ولوريال وهيربال اسنسز انتعاش الحمضيات...
7-دائما خلي شعرج ينشف بروحه لكن اذا كنتي مظطره نشفيه بالسشوار على الهوا البارد او الدافيء...
هذا كل اللي عندي وان شاء الله يصير شعركم مثل شعري ومثل شعر خالتي واحلا ان شاء الله امين...
واي شيء جديد استعمله بضيفه هني ولاتنسوني من الدعاء...