اقماع التمر

أقماع التمر المقادير كأس ان دقيق كأس ان سميد ملعقه صغيره باكنج بودر ثلاثة أرباع الكأس زيت ذرة ملح كأس ماء تمر عجوه للحشو الطريقه نخلط جميع المقادير ماعدا التمر ونعجنها ونترك ها ترتاح ربع ساعه تقريبا .. نقطع العجينه كور صغيره وكذلك نقطع التمر كور صغيره والحشو افردي كل كورة عجين بالنشابه..وافردي كل كورة تمر أيضا ..وانا اقولكم أنا شلون افرد التمر عشان مايلصق وكل واحده تفرد التمر حسب الطريقه اللي تريحها بس أهم شي بالنهايه يطلع مفرود على شكل دائره ومتساوي ..
المهم طريقتي في الفرد..جيبي كيس نايلون اللي نحفظ فيه اللحم بالفريزر تعرفونه..قصيه وخليه يصير قطعتين منفصلتين عن بعض..وادهنيهم بزيت..حطي قطعه من الكيس على الطاوله ونضع بوسطها كورة تمر و غطيها بقطعة الكيس الثانيه وبعد ذلك افرديها بالنشابه وإذا انفرد التمر أزيلي قطعة الكيس اللي فوق وتطلع لك قطعة التمر بسهوله ومفروده وشكلها متساوي جيبي قطعة عجين مفرودة على شكل دائره وحطي فوقها التمر اللي فردتيه ولفي العجين مع التمر مثل السويسرول..مع ملاحظه إغلاق جوانب العجينه يعني تقريبا يطلع شكلها مثل الكبه اقليها بالزيت..وخليها تبرد..قطعيها بالسكين الى نصفين بشكل مائل..ورشي الوجه بسكر بودره وقدميها ...