اكلات رمضانية بسبوسة الجالكسي

1. ..


2. المقادير

السلام عليكم ورحمة الله كيفكم وكيف رمضان معاكم
واخيرا جيت انزل موضوعي اللي من اسبوعين قلت انزله وللاسف انشغلت

..

المقادير

• ثلاث ارباع كوب زيت
• ثلاث بيضات بس هنا حطيت اثنين لاني ما احبه
• كوب سكر مطحون (هالمرة تكسلت اطحنه وحطيته خشن
• معلقة كبيرة كاكاو
• معلقة كبيرة نسكافية
• علبة قشطة التاج (نسيت احطها يوم صورت المقادير
• ملعقة باكينج بودر
• رشة فانيلا (احب اكثرها علشان ريحة البيض
• بنفس الكوب اللي عملتي فيه *
• كوب وثلاث ارباع سميد
• كوب جوز هند
• نستلة كبيرة
• حبة او حبتين جالكسي سادة .

نجي للطريقة
اول شيء تحطي المقادير السايلة (البيض -الزيت - القشطة)
واخلطي لين مايصير متجانس شوي وضيفي الفانيلا والباكينج بودر والنسكافة والكاكاو
وكمان اخطلي وبعدين تضيفي السكر والسميد والجوز هند
ويجيك مثل كذا
..
اذا حسيتي انها جافة ممكن تضيفي شوية مويا
..
وبعدين تحطيها بصينية وسط
وتحطيها في الفرن
لاحد يسئلني كم درجةحرارة الفرن اخليه شغال اقوى شيء
وبعد ربع ساعة شيكي عليها
وطبعا اكيد عارفين طريقة عود الاسنان او سكينة تدخيلها بالنص واذا طلع نظيف كذا تصير استوت
..
وطبعا تطلعيها وتصبي فوقها النستلة وهي ساخنة
وبعدين تحطيها بالثلاجة تبرد وعند التقديم تبشري الجالكسي
مثل كذا
وكمان
ومن قريب
لما تقطعيها عند التقديم تطفشك
وهالمرة جربت اقطعها قبل ما اصب النستلة علشان ماتتعبني وكمان السبب الرئيسي
هو انها تتشرب النستلة بشكل افضل .
وشوفوا صورها بعد التقديم
(الله يعينكيم ياكثر ماصورتها
وباالهنا والعافية
اكثر مرة ضبطت معاي هالمرة علشاني مسويتها لمنتدى الفراشةة
ايوه نسيت اقولكم ترى لما ابشرها مو بالبشارة
حزروا فزروا بإيه
ب قشارة البطاطس (لاتعلموا احد
والسلام عليككم غرووبة