ال ف رقا أه يا قوو نار الفرقا تجربتي أنا أهوواكS

بسم الله الرحمن الرحيم
قبل لأكمل وأقوول أي شئ..
بقول لكم إن هاي مب روايه..
هذا ألم..ألم..بداخلي حبيت أعبر عنه..
يا كثر ما كنت أسمع فيها (( الفرقا))..!!
وكنت مع أعز إنسانه بحياتي ..
كنت أخر ما أتوقعه إننا بنفترق في يوم..
هي بالنسبة لي.. إختي.. صديقتي..حبيبتي ..حياتي ..دنيتي..!!
أنا حافره صورتها في بالي..
وهي سااكنه في قلبي..ساكنه في بيت(ن) غالين إيجاره علي حيل..
لكن مع ذلك سكتنها فيه..
كنت دوم أشوف هالصوره وأقول:
إذا ما كانت تبي الفرقا تقدر..!! تقدر تكون مع اللي تحبه طول العمر..!!
لكن عرفت هاللحين إن الفراق ناره قويه ووايد..
كنت متهاونه حيل فيه..!!
لكن اللحين أحس إنه جاء ووقف قدامي وقال: هذا أنا اللي كنتي مستهتره فيني..!!
عرفت إن الفراق محد يبيه..
لكن .. لكن..
غصبن عنا يأخذنا من بع(ض)..!!
حنا إنخلقنا ثنتين نحب بعض..
بس شوفوا.. هذه الفرقا اللي كنت طول ما اسمع فيها أقول يا (( هونها))
لكن عرفت اللحين أنها قويه ونارها حيل تكوينا..!!
تعبنا نرتجي الدنيا ولو لحظه تهنينا
تعبنا نرتجي جمعه بلا فراق والم واحزان
تعبنا من ردات الحظ ولو نسلى يبكينا
تعبنا نتجتمع ساعه ويفرقنا الدهر ازمان
ليش؟؟..!!
عرفت إن الدنيا سخيفه سحيفه..!!
وما ينفع فيها غير إن المسلم يفكر بربه ودينه..!!
يا ناس أنا حبيبتها..إختها..صديقتها..
وربي كل شئ بالنسبة لها..!!
وهي بعد..
بس شوفوا..!!
الدنيا بايخه.. تصفعنا من خد..ومن الخد الثاني تبوسنا..!!
كذب..كذب..كذب من قال إضحك تضحك لك الدنيا..
حاولت أضحك وأضحك أبيها تضحك لي.. إكتشفت إن كل ما أضحك تكشر بأنيابها أكثر..!!
ليت كلماتي تخفف عن غيابك
ليتني دايم معك وانتي تضحكين
ليت كلماتي تجفف كل همك
وامسح دموعك وابدلها بحنين
لو تقولي الآه اشعرها معك
تكتئب دنياي ولا اشوفك حزين
انا أغليك وسط قلبي موقعك
حتى روحي تحت امرك لو تبين
أنا اللحين ندمت ع كل لحظه كانت هي معي ..
وكنت مره زعلانه ومره هي زعلانه..!!
ودي لو يرجع الزمن ثواني.. أضمها ..وأضمها..
صج إن الواحد يعرف قيمة إنسان لما يفكر إن وحش الفراق بيهجم عليهم بأي لحظه..
وحتى لو ما كان لكم ذنب بهاللي صار..!!
أبي وعد منك انك ماتخليني؟؟
ولا تساوي غلاي بأحد ثاني..وان كانك تحبني بجد وتغليني..
لامني خطيت اسمحلي على شاني..وانا في محبتك مايلزم توصيني..
من يمك الروح تامرني وتنهاني
شفتوا الكلام اللي تحت الصوره؟؟
هذا مره أهدتني ياه..
وأنا بعد بحياتي ولا مره بنساهاا..
واللحين زبدة موضوعي..
أبي من كل وحده تعز وحده صديقه لها وكل شئ..
اللحين تتصل عليها وتقول لها ..أحبس))..
نصيحه مني لكم.. قولوها قبل ما يفرقكم أي شئ..!!
لا تقولون لا.. ما راح نفترق.. أبد..
×™®®™×
ياصاحبي في
خاطري أسألك شي؟ شي معكر كل صافي حياتي!! ان كنت انا مدري بغلاتي وانا حي.. وش
مكسبي كانك حزنت بوفاتي
لا يا بعد دنياي إنتوا..
تراني كنت مثلكم .. أقول ما راح يفرقنا غير ربي اللي خلقنا لبعض..!!
لكن شوفوا..!!
(( وربي حالتي تموت ضحك))
تشوفووني مرات أتخيل طيفها معاي وأسولف معها..و مرة .. أه.. بس.. خلوني ساكته..
إختكم المعانيه: أهواك..s