البارت الناقص برايتي تحت رحمة القدر

*************************
نواف كان منسدح على سريره يفكر بحياته والي يصير للناس حوله ابتسم وطيف فجر روحه قدامه تنهد بقوه وهو يدعي لهم بالتوفيق سمع صوت نغمتها زادت
ابتسامته رد بلهفه:هلا ياروح الروح هلا بعيوني
فجر وهي تبكي :نواف
نواف بخوف:شفيك تبكين
يحيى كان رايح يودي اغراض لدلع متعب موصيه لانه مايقدر يواجهها وهو بهالحاله ساهي ويفكر كان بيدخل غرفة دلع يوم شاف ابو منصور يدخل
مع مرته ووحده من بناته وان ماخاب ضنه شادن لغرفة تنويم قريبه دخل الاغراض لدلع وبعدها طلع مايقدر يعرف السالفه اتصل بشادن وهو واقف عند الباب
سمع صوت جوالها انتظر شوي لحد ماطلع ابو منصور وابعد طق الباب ردت ام منصور:نعم مين وناظرت بشهقه يحيى
يحيى:تعالي خالتي بكلمك
ضل يحيى يصر على خالته لحد ماعلمته بكل شي
دخل عند شادن الي كانت تبكي :ليه ماتبني اعرف
شادن بصدمه:يحيى
يحيى:ليه ماتبيني اكون معك بمحنتك
شادن:مابي اشوف نظرة الشفقه على حالي منك ولا التقرف من شكلي
قعد يحيى جنبها :هذا امر ربك قدره لك قولي الحمد لله على كل حال ناظر لها بحنان انت اختارك رب العالمين علشان يمتحنك ويكفر ذنوبك
ويختبر صبرك لاتبكين
شادن:الحمد لله بس بعد ابي الطلاق خايفه بكره تقرف من شكلي
قاطعها يحيى:قلت لك انا احبك ومااقدر افارقك
شادن:اخاف يتغير رايك
يحيى:طيب تخيلي انبترت رجلي بتتركيني
شادن:اسم الله عليك لاتقول كذا
يحيى:جاوبيني الصراحه شادن بتتركيني
شادن بكت:لا
يحيى:افأ عليك بس تبكين مسح دموعها وباس جبينها اصبري ان الله مع الصابرين ابتسم لها اضحكي
ابتسمت شادن رغم الالم
يحيى:يازين الابتسامه كشر بوجهها مستانسه بكشرتك هذي وين اصرفها اقولك اضحكي تبتسمين
ضحكت شادن
يحيى:لا شكلي انا صاكك عين تفله مني وتطيبين
شادن:وع يحيى
شهق يحيى:وع مني بس اصبري علي تعالي بيتي واعلمك الادب
نور دخلت البيت ونايف يساعدها قعدها على الكنبه
نايف:ليه ماتروحين على سريرك اريحلك
نور:لا مابي مليت من السرير ابي اقعد هنا
نايف:طيب وش تبين تاكلين ترا موزين عليك
نور:وش يعني بتطبخ
ابتسم نايف تذكر نور اول زواجهم ماتعرف شي ناظرلها:ياطماعه مره وحده اطبخ يالله علشانك بس طبخي احلى من طبخك اخاف تزعلين
نور ضحكت بعدها سكتت وهي تمسك مكان الجرح
نايف:نور شفيك وريني
حمرت خدودها:لالا مافيني شي
نايف:نور مو وقت حياك بتخليني اشوف ولا هاه المستشفى
نور:لا صرت زينه
نايف:من صدقها يوه انا ليه اشاورك اساسا رفع بلوزتها يشوف الجرح مابه شي يوه شمعرفني هو خاف انه ينزف ولا شي تدلعين علي هاه
وقعد جنبها لا الحمد لله انت الحين بخير
نور ناظرت نايف بعدها ناظرت الارض :تدري نايف يوم صحيت ماصدقت حالي اني للحين حيه
نايف:يوه نور لاتجيبين هالطاري
نور جت تبي تقوم حست بالم
نايف:نور شهالقافه اهجدي
نور:بروح لغرفتي يمكن احسن
نايف جا عندها وشالها وعيونه عليها ودخلها الغرفه حطها على السرير وغطاها وسند مخدتها
نور:مشكور
نايف:بس بخيله وطلع قبل يفضح نفسه شوي جا ومعه صحن شوربه
نور ابتسمت:يابخيل بس هذا
نايف وهو يقعد جنبها وهو يأكلها:اقول كولي واسكت طراره وتشرط
نور:عطني انا ابي اكل
نايف مارد عليها
نور:نايف اخاف اتعود على الدلع
نايف ناظرها وطاحت عينه بعينها حس قلبه مثل الطير يرفرف بين ضلوعه تنهد بقوه وابتسم يبعد توتره:لا ماعليك بس قومي بالسلامه
بخليك تكرفين كرف ولا بالعصا
نور:تقدر
نايف:اقول بلا قرقر وازد
نور:ههه صراحه تصلح هندي
نايف:هندي في عينك انا احلى
نور:من قال
نايف:انا اقول وهو يرمش بعيونه كل البنات المعجبات يقولون
مهند:ادري يايوسف انها رفضتني بس مصر على خطبتي لها مره ثانيه انت شخسران قلها نشوف رايها وبعدين انت اخوها ولك كلمه عليها
يوسف:لا يامهند هذي حياتها وهي حره والله يكتب الي فيه الخير
بعد ماراح مهند دخل يوسف البيت وخبر اهله
بيان شردت لذاك اليوم يوم اتصل مهند يبي يوسف
بيان:لا مو موجود
مهند:طيب شكرا بس قبل مااسكر بيان ممكن سؤال؟
بيان:تفضل
مهند:انت تحبيني ليه رفضتيني
بيان بصدمه:احبك هاه والله مشكله انت ليه مغرور
مهند:وانت ليه شايفه نفسك حتى على حالك
بيان:مالك دخل
مهند:بيان انت تخافين مني وحياتنا مع بعض
بيان:ليه احد قالك اني بيبي
مهند:اجل ليه رافضه
بيان:علشانك ماتبيني وعزت نفسي ماتقبل اتزوج واحد مايبيني
مهند:انا رجال مااحد يفرض رايه علي انا بخطبك وكانك قد التحدي انك تقدرين علي اقبلي
بيان:انا اقدر عليك يامهند صدقني
مهند:الايام بينا يابنت عمي تشاو
بيان:مع السلامه
يوسف:بيان وين رحت
بيان:شوي افكر ناظرت له اذا هو مصر انا موافقه
ام يوسف:كلولولولولوش
ابتسم يوسف:الله يوفقكم يارب ناظر لعفاف يالله قومي
عفاف باستغراب:وين
يوسف مارد عليها وطلع
عفاف بحيا قامت ومشت وعيونها بالارض تفكر شيبي يوسف صدمت فيه الي كان واقف يناظرها وينتظرها شهقت
يوسف:سمي لايدخلك شي
عفاف:هلا يوسف وش بغيت
يوسف مسك يدها ومشى دخل غرفته وسكر الباب ووقف قبالها :انت زعلانه مني
عفاف:لا ليش يهمك
يوسف ابتسم وهو يحك رقبته بتوتر:ايه يهمني
عفاف:شكرا جت تبي تطلع مسكها
يوسف:وين
عفاف نزلت دموعها:انا انا ادري اني انك معتبرني مره بس لفراشك لين يجي الفرج وارجع للبيت الي ضمني طول هالسنين بدون مايتقرف
مني الي شاهد على معاناتي وقتل كل مشاعري
يوسف:اجل ماعرفتي يوسف الي ماتعنيه هالسوالف كل الي ابيه اننا نعيش مثل كل الخلق
عفاف:عمرنا ماراح نصير مثلهم انت يايوسف جرحتني كثير وكرامتي انهدرت
يوسف:انا اسف وتراك تحرمين علي مادام هذا تفكيرك وكلامك يعلم الله بنواياي ابعد عيونه عنها روحي لغرفتك وخلينا قدام اهلي وغيرهم عادي
عفاف طلعت وهي ماتعرف شعورها الندم او الحرمان او انها خذت القرار الصح
بعد مرور اسبوع
تحدي القلوب
مهند قاعد بابتسامه :اهلين ببيونه
بيان بخجل:هلا فيك
يوسف قام:خذوا راحتكم وطلع
قام مهند وهو يناظر لوراه وقعد جنب بيان:اخبارك
بيان بعدت شوي:بخير
مهند يقرب ويحط يده علشان ماتبعد :ليه تبعدين ولا مو قد المقام
بيان ناظرته وعيونها طالعه:مهند شيل يدك كان وجهها احمر ويدها ترتجف وباين عليها الربكه
مهند:ههه ياربي ههه
بيان رغم ابتسامتها الغادره وهي معصبه:مهند لاتضحك
مهند:هذا وتو مابدينا التحدي ووجهك يعطي الوان
بيان:الزواج الفه ومحبه مو تحدي
مهند باسها:طيب انا ابيه تحدي
قامت بيان وهي متأثره بكلامه:على راحتك وانا قابله التحدي
مهند مسك يدها وقعدها:لسا بدري اقعدي
بيان:لا مابي ابي اروح
مهند طوقها:اتحداك تقومين انت زوجتي
بيان قرصته وقامت تركض وصلت عند الباب مع ابتسامه هادئه على فمها:لاصرت في بيتك تعال تكلم فتحت الباب ماحست الا يد مهند اسرع منها وسكره
حدها على الباب هي ظهرها على الباب ووجهها مقابل وجهه ويدينه على الباب
مهند:نعم وش قلتي
بيان ساكته بس تناظر بعيونه وهو يناظر بعيونها وهو ساكت جامد المعاني هو بنفسه"ماتوقعت نظره وحده تحفضني معالمها "وهي بنفسها"حيوان متخلف
حقير يما الحقيني"
مهند:بيان
بيان:نعم
مهند:اخر مره تسوينها ولا تشوفين شي ماشفتيه فاهمه
بيان ابعدته:زين بس ابعد
مهند مسك يدها:قلت لاتعيدينها ولوا يدها ورى ظهرها انا مااعيد كلامي
بيان تألمت وهو تركها
بيان:مهند ترى الرجوله مو بمد اليد على مره وانت مديت يدك علي واحنا للحين بس بكمل التحدي وبنشوف
مهند:اكيد ماعندك خيار
بيان:لا يامهند انت للحين ماعرفتني ان بغيت شي اسويه واشوف من بيغصبني
كانوا واقفين عند الباب دخل يوسف سولفوا شوي
مهند:سالله فمان الله اشوفكم على خير وطلع وهو يغمز لبيان
تنهدت بيان هذي البدايه الله يستر
تلاطم الامواج تولد المحبه بين البحر والصخر
مهند:هلا متعب شفيك طيب انت وين جاي جاي الله يهديك وش موديك الشرقيه بعد ماوصل مهند شاطىء الخبر ووقف سيارته
عند سيارة متعب نزل بسرعه لصديقه واخوه الغالي
مهند:وش فيك وانا اخوك ليه مسوي بنفسك كذا
متعب تنهد بقوه:اه يامهند تعبان وذابحني التفكير صورتها في خيالي ماتفارقني صاحي ولا نايم ليل نهار ماني قادر انام هي هواي وروحي انا بدونها
ولا شي مدينه باقي ساكنيها اشباح
مهند:افا يامتعب كل هذا تسويه فيك مره
ناظرله متعب:واكثر واكثر يامهند
مهند يضيع السالفه:متعب ماباركت لي ولا تبي تنسيني
متعب ابتسم رغم الاسى :مبروك اعذرني وانا اخوك تعرف الي بي
مهند:لالا عاذرك مجنون رسمي
ابتسم متعب وبسرعه اختفت وهم يتمشون وكل واحد يفكر بعالمه متعب كل فكره بدلع وكلامها
مهند تذكر كلام بيان ضحك على نفسه نظرتها حتى يوم مسك يدها خجلها ثقتها حك رجله وهو يتذكر قرصتها ابتسم معقوله اثرت فيني لهالدرجه بس
نظرتها الي تحسسك انك ولا شي زفر وهو يناظر لمتعب ممكن بيوم يحبها وهي تمشي وتخليه بسرعه ابعد هالتفكير عنه
نايف:لا ماشاء صايره احسن
نور:الحمد لله الفضل لله ثم لك
نايف:نور لا تتعبين حالك زياده
نور تنهدت بخوف:يعني خايف علي
بسرعه نايف ناظرها:نور ليه تقولين كذا وقام لعندها ووقف قبالها
نور:نايف لاتقول شي ادري اني ناظرته انت انا اقصد انت بس علشان يعني ماتظلمني
نايف لانت ملامحه وهو يحط يده على فمها ةاصبعه على فمه:اس لاتقولين كذا"صوت الجرس "اصلا انا وسكت وهو يناظر الباب خليني اشوف من عند
الباب وارجع مسك يدها ومسح عليها وكانت المفاجأه:خالي
ابو بندر :خلخلت عظامك بلى ياقليل الخاتمه
متعب تنهد من قلب جلس على الصخر توه منهد رايح ناظر لبعيد حيث الشمس تودع الارض سمع صوت الجوال زفر بعصبيه مو وقته جا بيقفله بس
شاف رقمها رد بلهفه:هلا
ام متعب:تعال يامتعب انت وينك
متعب:وش بغيتي يمه
ام متعب:تعال لك بشاره بس تجي
ابتسم متعب:وشو دلع وافقت تتعالج
ام متعب:احلى وانا امك تعال وانت تسمع من الدكتور بنفسه
نور:يبه قلت مابروح معك بضل مع زوجي
ابو بندر:زوجك وليه انت وش شفت من زوجك غير الذل ولا فوق كل هذا بغيتي تموتين
نور:امي قالت لك
ابو بندر:قلت اخلصي جهزي اغراضك
نور سحبت نايف للغرفه ناظرته تروي ضماها:نايف تسمع ابوي قل تكلم وش رايك اروح ولا ابقى معك
نايف ضرب راسه:نور ليه كذا ليه ماني قادر اواجهه مستحي منه انت زوجتي
نور:نايف ايه ولا لا
نايف :نور انا
نور:خلاص لاتكمل فهمت ناظرت بالطاوله ممكن اخذ صورتك تذكار ولا مستخسر فيني
نايف:نور انت تعنين لي كثير لاتقولين كذا بس هو ابوك وبعدين احنا
نور:لاتقول احنا قول انت لمت اغراضها بسرعه وطلعت مع ابوها ماسكه دموعها تطلع ونايف حط راسه على الجدار بقهر ليه هو يحبها وهي
ولا همها ليه ماتحس فيني
دخل بدر:شالسالفه نايف شفيه عمي معصب
متعب دخل المستشفى وهو مايدري ايش السالفه بسرعه لغرفة دلع ناظرها وهي تبتسم ناظرته هي وسكتت كانت تتفحص الي ماغاب عن البال
متعب:بشري دلع؟
دلع:روح الدكتور تلقاه ينتظرك برا
طلع متعب يناظر يدور بعيونه الدكتور
الدكتور شافه ابتسم يعرف ان الخبر بيفرحه راح يمشي بخطوات سريعه ولاول مره حس بحب صادق ووفي:متعب
ناظرله بسرعه متعب:هلا يادكتور بشر ولي يرحم والديكمافيني صبر وبدون مقدمات
زادت ابتسامة الدكتور:مبروك يامتعب دلع مافيها سرطان كل الي فيها فقر دم حاد وان شاء الله تتعالج وتصير احسن وهذا من حسن حظك يامتعب والله يوفقكم
متعب ضحك لاشعوريا وهو يبوس الدكتور راح يمشي بخطى سريعه لغرفة دلع حياته فتح الغرفه اول ماطاحت عينه على دلع الي جالسه على سريرها
ناظرها وناظرته تلاقت نظرات مليانه شوق ولهفه ابتسم وهو يمشي وعيونه عليها مايبيها تغيب عن عيونه ثانيه يكفيه عذاب قعد جنبها مسك يدها
وباسها :دلع صدق الي سمعته ولا انا احلم
كانت دموع دلع اسرع من لسانها ويديها قبل عقلها ضمت متعب وهي تبكي مشاعر قديمه لكن الاشخاص جدد متعب ابعدها ومسح دموعها
متعب:ليه تبكين يانور عيني منتي فرحانه
دلع كانت بس تناظر تركت لغة عيونهم ولغز عيون العشاق هي الي تتكلم
متعب:خلاص يادلع زمن الدموع ولى الحين لازم نفرح ونضحك يكفينا حزن وسنين عمرنا تضيع فيه
نور قاعده بالمزرعه ساكته من يوم جت من كندا بس الدموع مثل السيل على خدها
دخل طارق شاف اخته على حالها استحقرها ايه هذي نهايتها الخايسه بس هذي اخته دخل البيت لقا امه وابوه سلم:يبه ليه جبت نور
ابو بندر بنظرة غضب:اجل بنت تنضرب وبغت تموت وهو ولاهمه ولا كلف نفسه يترجاني علشان اخليها عنده
طارق:يبه بس هي
ابو بندر:خلاص ياطارق لا تجادلني اكثر
طلع طارق وقعد عند اخته:ليه يانور ليه سويتي كذا
زاد بكاها:طارق انت للحين مو مصدقني حتى نايف عرف الحقيقه وانت اخوي من امي وابوي تربيت انا وياك بنفس البيت ماتعرفني
طارق:ودي بس مااقدر وقام وهو ندمان يمكن فهم الموضوع خطأ
طلعت امها تبي تهديها:خلاص يايمه لاتبكين الي يبيعك بيعيه
نور:يمه ليه يايمه بعد ماصرت انااحبه ليه قلتي له يايمه هو ذنب مين قلبي ولا انا هو ذنب مين قوليلي يمه وش ذنبي ان كنت حبيته
بعد مرور اسبوع
دلع طلعت للبيت وقاعده تتعالج في البيت وعندها ممرضه خاصه متعب مو مصدق يحس انه بحلم مو بعلم
نايف قاعد بالمطبخ ياكل ساندويش جبن ويشرب كوب شاي وهو يتذكر نور يوم جوعانه اول يوم لهم في كندا كل شي يذكره فيها مايقدر ينساها
شادن حددوا العمليه الي راح تكون بعد العرس
نواف للحين مو قادر يتأقلم ان صديقه وولد عمه واخوه بيتزوج حبيبته والمشكله انه مايدري صوت فجر مايغيب عنه تترجاه يعلم بندر انه يحبها
ويبيها تترجاه يكون مثل طارق يدافع عن حبه بس هو مو قادر هذا بندر مو اي واحد حساس ومايتحمل هالكلام
مهند ينتظر بفارغ الصبر عرسه ينتظر العنيده بيان تشرف بيته يبي يعرف من يغير حيات الثاني غامضه تصرخ بالانوثه ههه ضحك على نفسه
طلع معجب وهو بيعطيها درس ماتنساه بس ولو هي بنت عمه
عفاف ويوسف يتكلمون عادي يخفون مشاعرهم كان يقعد يناظرها ومتكي وجهه على كفه وهي تسولف وتضحك مع بيان بدون قصد ناظرته
ورجعت تناظر بيان بحيا رجعت ناظرته بابتسامه عذبه خجوله وهي تحك خدها الي احمر خجلا رد لها يوسف الابتسامه وهو يغمز لها
عفاف مو متعوده ياحول ولا بعد بوسه بالهوا طلعت عيونها ويوسف ضحك بفرحه وهو طالع بيان مانتبهت كانت تفكر بخوف من زواجها
شروق ملت من روتين حياتها نفسه كل يوم ابتسمت على فكره ببالها ونوت عليها فتحت الدرج طلعت ثوب رجال حق تركي سابقا وشماغ وطاقيه
وسبير سيارتها وبطاقتها الشخصيه تلثمت وطلعت تنهدت وهي تتذكر خالد ركضت بسرعه لااحد يشوفها ركبت السياره وطلعت محد من الحرسانتبه
انها شروق مو نواف تمشت ودارت يوه من زمان عن الدوجه والفرفره بالشوارع حست بخوف الانثى على نفسها لو احد كشفها ابتسمت بخبث
وتحدي معها اوراقها ومهارتها بالسواقه رفعت معنوياتها ودها تدخل كوفي دايم كانت تحبه ضحكت بنفسها على ذكرى تركي دخلت وقعدت
وتحسفت كثير انها دخلت كيف ترمي لثمتها وتشرب قهوتها المفضله تنهدت وهي تاخذ كوبها وتطلع سمعت صوت يضحك ويتمصخر عليها
لااراديا ناظرته وهي قاطبه حواجبها
الولد:يما خوفتني صراحه يالبنت
واحد ثاني:وجع ليه تناظر كذا لاكف على وجههك اطيرك انت وعيونك
ثالث وقف قبالها وضرب كتفها بتحدي:شفيك ساكت ليه مادافع عن نفسك ياجبان خايف يادلوعة الماما
شروق مسكت حالها غصب جت تبي تمشي بس هم ماخلوها خافت بس ثقتها بنفسها وبتركي اكبر ضايقوها بكلامهم وتصرفاتهم لازم تتصرف
وبسرعه تطلع ضربت واحد منهم ضربه قويه مع ان جسمها الناعم مايدل على كذا ومشت بسرعه وهم لحقوها وين رايحه ياشروق جبت
لنفسك المشاكل
محمد:خير انت وياه ابعدوا عن الولد
شروق شهقت وتدور بعيونها على خالد شافته واقف ومعصب وهو يكلم هذولا الشباب على قلة ادبهم صارت هوشه كبيره لكن بقوه طلعوهم
بس خالد انتبه للثام الي طاح
خالد:سبحان الله
هدوء مابعد العاصفه الشباب طلعوا
خالد:سبحان الله "بغى يقوله انه يعرف اخته "وينك يارجال ماشفناك "ابوك يالمصلحه" صافحه وبسرعه ابعدت قبل يكمل ويبوسها ويسأل عنه وشوي ليقوله
شلون اختك بسرعه شروق انهت السالفه وشكرته على موقفه وطلعت مع التوبه الا تعود لمثل ذلك
حست بالذنب عمرها ماراح تعيدها حست خدها مثل النار مع انها ماكانت تدري انه راح يصافح ويسلم حسبت نفسها بتشرد قبل ينتبه
في اليوم التالي
بيان:عفاف وش اقول من اليوم؟
عفاف:يوه بيان استحي
بيان:عفاف انت تبينه حافظي عليه وادخلي الحرب من شانه
بيان:خلص ابشري بكفخه زين لك زين وتناظرها وش ادخل حربه
بيان:لا انا انفخ بقربه مخرومه
عفاف:ههه عجبتني صراحه
دخل يوسف:يوه عروستنا شفيها معصبه ليكون زوجتي مأذيتك
بيان:وذاها على قلبي مثل العسل
ناظر يوسف لاخته ومرته وهو يقلدهن وهن يضحكن عليه حب يحرج بيان:عفاف خلصوا بدري المعرس مستعجل مدري وش عنده
عفاف فقعت ضحك وبيان حمرت خدودها بعصبيه دفت اخوها بره وسكرت الباب وضربت عفاف بالمخده الي ناقعه ضحك
كانت بغرفتها تبكي وهي ماسكه صورته صورة حياتها وعمرها نايف باست الصوره مئات المرات وهي تحاكيها سمعت صوت الباب ردت بيأس:يمه
مابي اكل مالي نفس تنهدت وهي تسمع صوت ابوها
ابو بندر:نور افتحي الباب بسرعه
فتحت نور الباب وهي تمسح دموعها
ابو بندر مد يده لاحد جنب الباب وجره
نور شهقت:نايف
ابو بندر:ادخلوا وتفاهموا مابي تطلعون وانتم على هالحال وراح
نايف:شخبارك نور
نور"من بعدك ماتسر"زينه
نايف:ممكن ادخل دخل وسكر الباب وقف قبالها يتأملها وهو يمسح على شعرها مسك يدها:ليه تبكين
نور تنهدت وهي تبلع ريقها عن تبكي:اه ياويل حالك يانور وتسألني ليه ابكي
نايف ماقدر ضمها بين ضلوعه :سلامتك من الاه ياروحي
نور بكت وبكت تركها على راحتها تطلع الي فيها همس باذنها بس يانور مابي دموعك تنزل اكثر دموعك غاليه علي
نور ناظرته وهو يمسح دموعها مستغربه:ليه يانايف طلعت من بيتك ولاتكلمت ليه
نايف:خفت انك ماتبيني بعد الي صار بينا
نور:تبيني يانايف انا اقول سكتت
نايف:قوليها ناظرها وش تقولين قوليها
نور بحيا تلعب بازارير ثوبه
ابتسم نايف:احبك احبك وربي اموت فيك جننتيني ياام العيون الناعسه
بعد ماراحت وزفت العروس لزوجها قد يكون اللقاء ودودا او لايعرف مرساه
مهند ميت ضحك على شكلهم صار لهم ساعه قاعدين وساكتين جته فكره جهنميه قام وعلق بشته وعيونه على بيان بفستانها الابيض مع قمة الانوثه البارزه
في مكياجها وتسريحتها قعد جنبها:كيفك ياعروس
رفعت نظرها بحيا:بخير
مهند ابتسم:ياي مااقدر انا على الي يستحون مسك يدها الي ترجف ليه خايفه ماني ماكلك
بيان بهدوء سحبت يدها:توتر مو خوف
مهند:طيب ليه متوتره
بيان:مهند وش تحقيق
مهند:ياه يازين اسمي على لسانك
بيان سكتت وهي تتصبر عليه
مهند:تعشيت
بيان:لا مابي ماني مشتهيه
مهند:بس انا مشتهي العشا من يدينك الحلوه وهو ماسك يدينها ياليت تقومين تبدلين ملابسك وتسوين لنا عشي
صدمه عظيمه بفستان العرس والريحه الزينه والتسريحه والمكياج ناظرته نظره بلا معالم قامت وهي ودها تصكه كف على وجهه العروس بيوم
العمر المفروض تكون مدلله على الاقل بيوم العمر
وتهادت احلام الفتاه بالثوب الابيض
متعب:مهند انت صاحي ولا مجنون
مهند بالصاله يتمشى وهو ميت ضحك ويناظر المطبخ:والله مابي شي بس تحدي بينا
متعب:لا حرام عليك هذا يومكم لا تخربونه
بعد ماسكر قعد على الكرسي:بيان وين عشاك طولتي
بيان لازم تكسب التحدي هي عصبيه ولازم تظبط اعصابها وتوريه مين بيان ابتسمت ومدت راسها له:شوي لسا صبر
بعد شوي طلعت من المطبخ وراحت تتحمم راح المكياج الصارخ والتسريحه الغريبه طلعت تركت شعرها على راحته لبست جنز ابيض برمودا
وتي شيرت فوشي علاق حطت كحل عربي وبلاشر وقلوس فوشي صارخ مع بشرتها البيضا وماسكار مع بعض الدلع والحيا الرباني اوكي
طلعت من غرفتها مالقته احسن بعد عطرت المكان رتبت السفره على الطاوله بالصاله وحطت الاكل هو بعد طلع توه متحمم شم الريحه ناظرها باستغراب بقلبه
"ماشاء الله تبارك الله :اوه وش هذا
استحت بيان من نظراته:تفضل
هو كان بيرفع ضغطها شوي:يوه تعبت حالك كثير كل الي ابيه ساندويش جبن بس الحين مااقدر اكل عشاك كان بيموت ضحك على شكلها
بيان شدت على اسنانها تنفست بعمق وهي تلعب باطراف شعرها بدلع وصبر:ياحياتي ابشر وراحت ويوم دخلت المطبخ شدت شعرها بهبل وضربت رجلها
بالارض بقهر سمعت صوته من وراها يضحك ناظرته بسرعه
مهند:ههه خلاص مابي شي تعالي كولي
بيان:مابي
مهند:احسن توفرين وراح ياكل
يوسف:شفيك عفاف
عفاف منهاره:والله مدري احس اني بختنق متضايقه احس شي يكتم على صدري بكت وبكت كثير
يوسف يمسح عليها ويهديها ويسمي عليها قعد جنبها وطوقها بين ايدينه وهو يقرا عليها مشاها لحد السرير بغرفته علشان تكون تحت عينه
غطاها وهي ساكته ماتكلمت
ابتسم يوسف:تدلعين علينا تبين تعرفين غلاك عندنا
عفاف لاشعوريا ناظرته بدمعه كسيره تشتعل على خدودها
مسحها يوسف:لاتبكين يالغاليه تراك تعذبيني لااليوم صاير شي يمكن علشانها منهاره ويهديها هو قام يصلي قيام الليل وخفف الاضواء هي نامت
وهو ضل صاحي قرا قران وهو ينتظر صلاة الفجر قعد يتأملها حس انه مايقدر يستغني عنها ياه شقد اليوم خاف عليها ماهو عارف
كيف يترجم كل هالمعاني اذن الفجر الي صحاه من افكاره راح المسجد صلى ورجع صحاها تصلي وهو نام عفاف صلت ورجعت مكانها
ولاول مره من يوم تزوجوا