الباستا

الوصفة انا مجربتها من يومين وقلت احطها لكم
أدري وايد ناس يحبون الباستا مثلي
المقادير:
صدر دجاجة, نص علبة جبن بوك , نص علبة قشطة نستلة, نص كوب حليب سائل, نص كوب مشروم, مكرونة مسلوقة، جبن مازوريلا ، ملعقة طعام كاتشب, ملعقة طعام معجون طماط, فلفل أسود, ملح , بصل و زبدة
أول شي نقلي البصل المقطع في الزبد بعدين انضيف له صدر الدياي المسلوق المقطع و نحركه و بعدها انضيف المشروم ونحرك
بعدين انضيف الجبن السايل و القيمر و الحليب ونخلط و بعدها انضيف الكاتشب والمعجون و نحرك و نضيف اثناء التحريك قليل من الملح و الفلفل الاسود وآخر شي انحط المعكرونة و نخليها على النار جم من دقيقة و نشليها و نقدمها واهي ساخنة جدا حتى اذا خلينا عليها جبن بارميزان ايذوب
وبالهناء والشفاء
الوحيدة...