الباف بسترى والميل فى والكرواسون والسليزون من ايد هيومه بسرعه تعالوا اتعلمو

خلالالالالالاص فردناها
نطويها تانى وماتنسيش ياحلوة تشيلى بالفرشاه اى دقيق عالق فيها
ونلفها بالنيلون وندخلها اللثلاجة لمده ثلث ساعه او ربع ساعه مش مشكله ضرورى النيلون على شان العجينه ماتنشفش وتعمل قشره وتتشقق منك عند الفرد
خلاص قومى طلعيها الثلث ساعه خلصت بلاش كسل
ونبدء بقى الشغل وحانفردها ونطويها وندخلها الثلاجه 6 مرات بتقولى كام ماسمعتش ياهيومه 6 مرات ياختى ههه
نرش الرخامه بالدقيق ونحطها
ونفرد فى اتجاه النشابه مثل مانا وضعاها
فردنا نشيل الدقيق الزيادة ونطويها
وتضغطى فى المنتصف بصبعك مره على شان ماتنسيش عدد مرات الفرد وتلفيها بالنيلون وتدخليها الثلاجه
تانى مره فرديت وطويت
والثالثه والرابعه وراها
خلاص ياهيومه طفرتينا امشى روحى
لاه وراكم لغايه ماتتعلموا ههه
خلاص كده انا شطورة عملت ال6 مرات
والعجينه جهزت على الشغل
انا اول حاجه حاعملها الميل فى بعشقه
حانعمل الباف بسترى ( الكستر)
ماصورتش عارفه انه فى ملف على اللاب طلع عينى ادوره ماحصلته عموما سهل جدا
حانجيب كيلو اللبن المغلى وندوب فيه ربع كوبايه السكر
ونجيب نصف كوبايه اللبن البارد ونخفق فيه البيضاتان ونضع معلقتين الدقيق مع استمرار الخفق حتى مايسوى حبيبات معاكى ومعلقتين السكر ونخفق ومعلقتين الكورن فلور والفانيليا ونخفق
ونبعد اللبن على النار ونصب الخليط عليه مع استمرار الخفق ونرجعه على نار هادئه ونقلب لغايه ماتحسى بانه اصبح سميك ارفعيه من على النار
وياشاطره صبيه فى طبق اى شيئ زجاج وتجيبى قطعه زبد وتمسحيه من على الوجه حتى مايعمل قشره
ياله نبدء نشتغل
نقطع جزء من العجينه
وحاولى ان تكون الشرايط فى الطول والعرض تكون قد بعضها
تكونى مجهزى الصينيه او صاج الفرن اللى بتستعمليه واهم شيئ ترشى شويه مويه فيه على شان يعطى رطوبه للعجين ويرتفع معاكى وتفرشيه بورق الزبده من غير ماترشى دقيق ولا تدهنيه
والميل فى مش محتاجينه يرتفع عيزينه راقات رفيعه كده بسمك نصف سم او اقل
حاننقل الشرايط فى الصاج ونشكشك العجين بالشوكه على شان مايرتفعش معانا
اتبقيت قطع من العجين ادهنيها بيض هاتى بيضه وربيها وادهنيهم بالفرشاه ورشى عليهم اى حاجه عندم ملح وحبه البركه ملح وسمسم قرفه اللى بتحبيه ولولويهم وضعيهم بالصاج
وتدخليه الفرن على حرارة 180 درجه لمده تقريبا نصف ساعه
وافتحى لمبه الفرن وبوصى عليه كل واحده حسب بوتاجازها
خلاص كده استوى واو شوفى القطع الزيادات المالحه كيف مورقه ومرتفعه ياسلام عليكى يابت ياهيومه استاذه والله
بعد مايبرد وبحرص لاانه ارتفع شويه حانجيب السكيين ونقسم كل شريطه نصفين من النصف بس بالراحه لايتكسر لاانه بيكون حساس جدا ههه ياعينى عنده مشاعر ههه
ونمسك راق راق نضع عليه الكستر ونفرده ولو حابه تستعملى المربه او الكريم شانتيه اى حشوه تحبيها
ممكن تسويه مالح وتفرشى جبن ابيض او كيرى يعنى نوعى بشطارتك
نضع تانى راق ونفرش برضه عليه الكريم بسترى
خلاص حانجيب السكين ونقطعه بحرص بحيث يكون فى حجم قطعه الجاتوة
شوفى بقى انا حارش على الوجه سكر بودرة انا بعشقه كده فيكى تحطى شكولاته او كريم بسترى وترشى مكسرات او جوز هند حسب ماتحبى
شوفوا كيف شكله يالهوى يجنن ولا الطعم رائع
ماقدرتش امسك نفسى ورحت اكله نصف واحده وانا واقفه بشتغل ايه ياجدعان ماهو طباخ السم بيدوقه ههه
حانعمل صنف تانى مالح اوعوا حد يرد راجعه لكم لغايه الصور ماتتحمل

حانعمل المينى بيتزا بس انا بعملها مربعه على شان العجين مايهدرش معايا يعنى استخدم اكبر كميه منه
حطيت كاتشب وزيتون وفلفل رومى وجبن موتزاريلا عند رومى او شيدر استعملى مافيش مشاكل اى شيئ متاح عندك
يمى يمى استويت تجنن
حانعمل صنف ثانى حلو
نجيب قطعه عجين ونفردها بالطول ونقطعها الى شرايط رفيعه وبعدين نلفها زى دى
وندهن الوجه بالبيض ونرش عليها سكر تكون حبيباته خشنه انتى عايزه تعمليه مالح اعمليه حسب رغبتك
شوفوا شوفوا لما استوى
حانعمل صنف تانى باتيه بالشيكولاته
وكرواسون
وندهن الوجه بالبيض
واو استوى بياخذ العقل
حانعمل صنف بالجبن الابيض
حانجيب القطاعه بتاع السامبوسك ونشتغل
شوفوا لما استويت تجنن ده اللى اتبقى منها ههه
وبالهنا عليكم وعليكى ياهيومه
اتمنى يكون الموضوع حلو وبانتظار التقييم

روعه ماشاء الله

ماشاء الله ابداع

مبدعه
ماشاء الله
بس احس العجينه سالفتها طوويله

حلو وبس .. ماشاء الله عليك .. شغلك قامد قداً ..
وتسلم دياتك ..
وتستاهلي تقييم من المشرفات ..

مشكورة غلاتي

ماشاء الله تبارك الله
تسلم يدك الشرح واضح جدا الله يوفقك

تسلم هاليدين فديتك ..
انتي بجد مبدعه ماشاء الله عليكي ...^_^
بنتظر جديد ابداعك ..
+ وتستاهلى آحلى تقيم
\
\
ودي