البلاليط

البلاليط تلقينها جاهزة بس طريقة عملها هي
تغلين البلاليط لين يستوي وبعدين تصفينه من الماي وتحطين عليه سكر على حسب الرغبه وتخلطينه وبعدين تقلين بيض على حسب الكمية وتحطينها فوق البلاليط وبس وسامحيني على الشرح

هذي طريقه مره حلوه الوالدة الله يحفظها تسويها والكل يمدحها
اول شي خذي البلاليط او الشعيرية وكسريها وحطيها في قدر بدون زيت وبدون ماي بس هي
وحركيها على النار لين ما يشقر لونها بس مو كلها جزء منها بس
وبعدين صبي عليها ماي وخليها تغلي لحد ما تستوي وانتبهي تراها ما تاخذ وقت طويل بسرعه تخلص والا بتصير لينه وزي العجينة
بعدين صفيها من الموية ورجعيها القدر وحطي عليها سكر وملعقة صغيرة هيل مطحون وشوية زعفران وحركيها
بعدين خذي قدر ثاني وصبي فيه شوية زيت واكسري بيضة عليه وخليها تستوي صبي عليها الشعيرية وحركيها
وخلاص
بالهناء والعافية
وقولي لنا وش صار معك
.

يسلموو الايادي
يعطيك العافيه

أشكرك حبيبتي عنودي
وتسلمي مليكة قلبه وتسلم أيد أمك الله يخليها لك .
ومشكورةأم وجدان ولجين ع المرور .
باي

ترى لا تفوتكم طريقة ,, مليكة قلبه ,, بجد لذيذه
أختي الله يذكرها بالخير دائما تسويها لنا ... جنان

اول مره اعرف انه يحطون بسويه بيض ؟

حنا نسوي البليط
مثل ما قالو الاخوات اما ان نسلقه اشوي ا ونحمصها بدون زيت وحنا على طول نحركها حتى تصير شكل واحد ذهبي اوبني او بعدين نسكب عليها الماي نسلقها اشوي ونصفيها ونضعها مره ثانيه في القدر ونضع عليه زبده ملعقتين او حسب الرغبه والكميه وسكر ونخلطه جيدا ونغطيه حتى ينشف واللي يحبون بعد الهيل والزعفران مثل ما قالو الاخوات
وسلامتكم

مرحبا عندنا يسوونها بنفس الطريقه بس بعد ما يحمرونها ويضيفوا لها المويه وتستوي .نقطع بصله الى شرائح رقيقه ونحمرها في الزيت لما يصير لونها ذهبي نحط عليها البيض ونحركها ونحطها على البلاليط ونضيف السكر والهيل.