التنحيف الموضعي معلومات جديده سحر بفيدكم انشالله

1. السلام عليكم ورحمة الله وبركاته


2. التمرين المشي السريع عشرين دقيقه كل صباح أو السباحه


3. نجي للسيقان


4. النتيجه << سيقان نحيفه زي عارضات الازياء


5. نجي للدهون تحت الدقن اللي بالرقبه

السلام عليكم ورحمة الله وبركاته

بنات اكيد تبون تنحفون شي باجسامكم مثلا كرش ولا ارداف وباقي الجسم تبونه زي ما هو .. باختصار بكتب لكم طريقه ما تخلى من الزبادي لكل موضع .. طبعا الموضوع ما جا من اختراعي وبس هي بعد خلاصة قرائات وتجارب ناس وافادتهم وفوقها اضفت لمسه من ابداعي يعني ادعولي من قلب ربي يحقق لي اللي اتمناه دنيا واخره
النتائج الأوليه خلال شهر والنهائيه بعد 3 اشهر
نبدأ بالزنود
لتنحيفها
مبشور فص من الثوم وحزمة من البقدونس في علبة زبادي خالي الدسم تؤكل قبل الاكل بعشر دقايق 3 مرات باليوم
ممنوع الجبن والخبز الابيض والمعجنات والالبان الكاملة الدسم
تمرين التصفيق للأمام والخلف كل يوم 300 مره موزعه 100 كل مره 3 مرات باليوم<< النتيجه زنودك تختفي لا قالو تختفي ( بإذن الله )
نجي للكرش
ملعقة شعير مطحون في زبادي خالي الدسم قبل الاكل بعشر دقائق 3 مرات باليوم .. ويفضل ابدال وجبة العشا بها او تقديم العشا قبل النوم بأربع ساعات
تمرين شفط البطن قبل النهوض من الفراش بالصباح والتنفس عادي بس اشفطي بطنك خمس دقائق وارتاحي وعيدي خمس دقائق ثانيه << خلي عنك الرفاله بس اشفطي بطنس وانتهينا خ
ربط البطن بالمشد الاندنوسي وكل اسبوع صغريه اكثر لكن قبلها انسدحي وارفعي رجولك ومرخي بطنك عل فوق شوي بعدين حطيه.. طريقة الربط الصحيحه تعلمك شغالتك الاندنوسيه فيها خ وهي من تحت الصدر حتى الحوض<< النتيجه بطنك لازق بظهرك لاقالو لازق ( بإذن الله )
نجي للخصر
ملعقة شعير مطحون في زبادي خالي الدسم قبل الاكل بعشر دقائق 3 مرات باليوم .. ويفضل ابدال وجبة العشا بها او تقديم العشا قبل النوم بأربع ساعات
كل صباح سوي تمرين الخصر الشهير .. وقفي وثبتي رجولك ولفي بيدك وبجسمك الاعلى يمين ويسار 100 مرة
اربطي شريطه او حبل من القماش اخر حد على خصرك وكل بوم صغريه اكثر<< النتيجه جسمك يصير زي الساعه الرمليه ان شاء الله وهاذي عن تجربه قديمه لي واذكروا الله
نجي للأرداف والفخوذ
مبشور الفجل الأبيض في زبادي خالي الدسم قبل الوجبه بعشر دقايق 3 مرات باليوم .. ويفضل ابدال وجبة العشا بها او تقديم العشا قبل النوم بأربع ساعات

التمرين المشي السريع عشرين دقيقه كل صباح أو السباحه

يفضل لبس بنطلون اثناء المشي بدلة السونا عشان تعرقين اكثر مع دهان موضعي من زيت الزنجبيل ( مبشور اربع حبات في زيت زيتون توضع على النار قليلا ثم تترك في زجاجة مغلفه بكيس اسود مدة سبع ايام ثم تصفى ويضاف لها ملعقتين خل تفاح ) <<عل فكره يساعد على التخلص من التشققات
النتيجه<< حياة بلا أرداف وفخوذ خ بس عاد لا تصغرونها مره حلاة البنت بالشسمه خ

نجي للسيقان

دهان موضعي من زيت الزنجبيل ( مبشور اربع حبات في زيت زيتون توضع على النار قليلا ثم تترك في زجاجة مغلفه بكيس اسود مدة سبع ايام ثم تصفى ويضاف لها ملعقتين خل تفاح ) >> تعجن كل مره بملعقتين قهوه تركيه وتسوين مساج للساق عشر دقايق ثم تلفينه بكيس الين تعرقين وغسليها ونعيما

النتيجه << سيقان نحيفه زي عارضات الازياء

نجي للدهون تحت الدقن اللي بالرقبه

دهان موضعي من زيت الزنجبيل ( مبشور اربع حبات في زيت زيتون توضع على النار قليلا ثم تترك في زجاجة مغلفه بكيس اسود مدة سبع ايام ثم تصفى ) >> تعجن كل مره بملعقتين قهوه تركيه وتسوين فيها مساج للمنطقه عشر دقايق بعدين تمسحينه وتحطين من الزيت لوحده وتلبسين كيس على الرقبه ولفي الشيله على راسك تحجبي فيها عادي الين تعرقين وغسلي
مصي اي حلاو او حتى لو خرزه كبيره او زرار ثوب زوجك او اخوك خ .. المهم مصي كل يوم عشرين دقيقه صبح وليل مرتين يعني .. راح ينرسم الحنك عندك اكثر بإذن الله ةتروح الدهون اللي تحته
النتيجه >> فيس خقق
تكفون بنات الموضوع تعبت عليه وبغت تجيني جلطه يوم اخوي الصغير كان بيطفي اللاب علي خ
ادعولي من قلب الله يحقق لي مااتمناه دنيا واخره واوعدكم موضوعي الجاي ان الله كتب لي عمر عن البنات اللي يدورون لعكس هالموضوع ويبون سمنه موضعيه فقط
شكرا لمروركم