الجزء الثاني من للبدينات والدبيات وصاحبات الاوزان الثقيله تعالوا هنا

1. السير اللي عندي ........ غبر


2. كتب عن الرجيم والحميه والرياضه ............. تنتظر افعال مو بس قرايه


3. وإذا خبصت الريجيم في يوم عاقبي نفسك بساعه مشي ومنها تنقصين اللي زدتيه


4. او بيضة مسلوقة..


5. دوري الاشياء الصحية..

السلام عليكم حبيباتي ...
ياهلا ومرحبا ...اسفرت وانورت واستهلت وابرقت ...
طبعا مثل ما انتوا شايفين .. هذا الجزء الثاني ..
وقبل لانجي للجزء الثاني ...
في موضوعنا القديم عانيت وعانوا معاي بنات كثير ... ونفسيتنا كانت زفت ..... بس الحمد الله بفضل الله ثم بفضل تشجيعنا لبعض قدرنا نوصل لوزن ماكنا نحلم فيه ابدا .....
والحمد الله مرت نص سنه وانا احاول واحاول ...
وامنع نفسي من اشياء ماكنت متخيله اني ابعد عنها ....... كل هذا بفضل الله ثم بفضل تؤام روحي ( مجروحه الزمان _ اموره الفراشات )..
كان وزني 80 وبعد مافتحت موضوعي القديم صار 78 والحين ولله الحمد صار 69 ...... ادري ان في ناس بيزعلون علي لان المفروض يكون 64 ... ولكن صارت ظروف فوق طاقتي خلتني اضرب بالخمس .....
بس هالحين لا والف لا .... لو وش يكون ...
بأذن اللي ماتنام عينه ماتفتح المدارس الا وانا 60 .... قولوا يارب ..
ترى السمنة قرف وانتي عارفة ماودك تلبسين ذاك الفستان اللي في بالك والا ذيك البدلة والا ذاك الطقم ادري ودك وان شاء الله بتلبسينه ...ماراح اتنازل عن ال 60 وبيصير وزني 60 ان شاء الله. ..
يالله عشان ننحف سوا...قومي تحركي لازم ننحف وبننحف غصب ..سدي حلقك يامال العافيه وحركي جسمك وانتي تنحفين ماهي صعبة مرة يعني تعالي بس هنا كل يوم وانا انحفك ....
ولو انتي بالشرقيه احلى واحلى انا مستعدة اوصلك الين حد بيتك ريجيمات وبروشورات وكل شي يخلي نفسك تنسد بس اهم شي لازم ننحف ونساعد بعض ...
والمتزوجات ... شوفي انتي بتنحفين عادي زي ماكل الناس ينحفون ومو صعب وبتسوينه وزوجك بينجن عندك وبتملين عينه غصب واذا غيرك قدر شي طبيعي انتي يا قمر تقدرين.. الحين لو زوجك هفت نفسه على وحدة رشيقة وجسمها حلو وش بتسوين وقتها طاح الفاس بالراس..ومو بس على شان رجالنا اللي ما يملى عينهم شي لا عشان ثقتك بنفسك تزيد وتعرفين ان مافي شي ناقصك وانك مثل باقي البنات....
العمر يمشي وانا بمكاني ما تحركت .... تبلد ...

السير اللي عندي ........ غبر

كتب عن الرجيم والحميه والرياضه ............. تنتظر افعال مو بس قرايه

ايش عاجبنا في الشحوم هذي اللي فوقنا و الله جمالي راح من كثر المتن اللي انا فيه لما اشوف فساتيني حقت اول اتحسف على اللي وصلت له ..والله ضايق خلقي وماني عارفه ايش الحل و المشكله ما أعرف حل وسط يعني لما اسوي
رجيم اسوي اصعب انواع الرجيم واقساها وبعدها ارجع للأكل ثاني...لازم اتغير لازم اتغير وغصب بعد ..
الريجيمات اللي نسمع عنها لا بتقدم ولا أخر كم وكم جربناها ما سوت شي وإن سوت في النهاية برجع وزننا....
لذا نصيحيتي نظام غذائي عادي ولكن تحتها خطين ههه الدهون أقل و السكريات وزيد من السوائل و الماي ...
وإذا حبيتي يكون جسمك مشدود وحلو سوي رياضة وأفضلها المشي ربع ساعه كل يوم على الأقل ما بتاخذمنك وقت

وإذا خبصت الريجيم في يوم عاقبي نفسك بساعه مشي ومنها تنقصين اللي زدتيه

حرام انا اللي يشوفني يقول عمري 5 مليون وكسور كني جاية من العصر ماقبل الحجري استغفر الله اللهم لا شماته وانا توني 18 بس اكل اكل الين قست قلوبنا لا ونزعل الا دبب وديناصورات ومتوحشات بعد ونفس خايسة..خ.. اعوذ بالله ماكننا شابات تونا ..وش خلينا للعاجيز لا والله حتى العجايز اجسامهم احلى..
من الان للعيد بس على الاقل ابي كلكم تسمعون كلمة ماشاء الله نحفتي..
واللي ما تقول ماشاء الله طبي في عينها واخنقيها الين تقول .
حنا اصلا خير شر محنا ماشيين بدون عين اجل كيف بالعين
وانا بوريكم العين الحمرا وبتنحفون غصب..ههه..
يالله ابي كل وحد تقولنا وش كلت اليوم واللي تخرب الرجيم لاخنقها واخليها عبره لمن يعتبر ..خ..
بنات ..
حاولي انك ما تاكلين الا اشياء مفيدة وابعدي عن الاشياء اللي بتضرك فكري بصحتك قبل الريجيم..
اهم شي خفي اكل اللي بدون سنع تقل خلاطات اسمنت ناكل اي شي يا كافي...
ووقفي اكل بعد الساعة 7 اول يومين بتموتين جوع بعدين خلاص بتتعودين وبتشوفين الرشاقة..
مع مشي ..
الفطور
كوب حليب منزوع الدسم..
حبة فاكهة او 3 تمرات اهم شي مايكون تمر فيه دبس
ربع خبز عربي مع جبن منزوع الدسم او جبن للريجيم
او لبنة للريجيم

او بيضة مسلوقة..

دوري الاشياء الصحية..

الغداء اشربي كوبين موية وبعدين سوي سلطة وتفنني فيها خليها ملونة كثير عشان تشتهين تاكلينها وحطي على السلطة زيت زيتون وخل ابيض وملح طبيعي او عضوي تلقينه في محلات الاغذية الطبيعية ولو ما تحطين ملح اصرف بعد..
خذي لك سمك مشوي خذيلك 6 ملاعق رز من اللي مسوينه مع ملعقتين مرق لو فيه
او مثلا لحم مشوي قلقليه مع خضار وحطي معاه صويا سوس كأنه صيني بس لا تكثرين واهم شي خلي اكلك صحي ابعدي عن القلي واذا اضطريتي مرة مرة اقلي بزيت الزيتون مع ان الاكل المشوي او اللي بالفرن الذ الف مرة..
الساعة 5 مثلا كلي لك اي شي حلو عشان ما تنهبلين علينا روحي محلات الدايت شوب او حتى السوبرمارت الكبيرة تلقين شوكلاته وحلويات للدايت خذيلك شوي..
خلي عشاك الساعة 7 مثلا زبادي منزوع الدسم وما تصدقين قد ايش الزبادي مفيد مع سلطة او مع خيار او حتى قطعة خبز مع جبن او شوي مكرونة مسلوقة ابعدي عن التخبيص والدهون الكثيرة
شفتي لا انك حرمتي نفسك ولا شي بس مو تاكلين كل البيت لا خففي وخليك رايقة
تخيلي نفسك بنوتة تهتم في نفسها بشدة وهالفترة مرت عليك غصب وانتي اصلا كذا من اول معليش اكذبي على نفسك الين توصلين للي تبينه
ولو تبون نتفق على اكل معين كل يوم ماعندي مشاكل...بس كذا بيصير صعب شوي لأن مو شرط الشي اللي احبه غيري يحبه...
المهم يا بنات كل وحدة تجي تقول وش مشكلتها ونسولف مع بعض الين ننحف غصب يعني غصب
والا اقعدوا دبب وديناصورات يا دبب ..
يالله اكتبوا اللي تبون نتناقش ونقول الاشياء اللي جربناها ونسولف .....
اختكم باربي ..