الجهااد في السعوديه هذا حال المواطن السعودي عن قرب والله مأساه ومعااناه

وخطبوها ولله الحمد وجو لين الشروط الاب لبنته وشي
مهر 80000 الف ريال وبيت لوحدها وشغاله و
والمسكين هو منين له هو سيارته شاريها من الشريطيه ودافع عليها دم قلبه واقصاد وكل شهر خربانه
وهذا يبي 80000الف والله حرام عليهم
وراتبه 5000 ريال وينقسم على الاقصاد السياره ومقاضي لبيت امه وخوانه الصغار وفوااتير الماء والكهرب والتلفون
وبعد ما تسلف من كل الي يعرفهم واخيراا استطاع انه ينفذ كل شروطها
وبدئ يجهز لبيته ومن سووق لسوق وزحمه الرياض وعفستها
وبدى يدور على بيت اجار رخيص
والله اكلونا اكل الاجارات اه
ولقى له شقى بأأأخر الرياض وبحى مكسر والشقه صغيره واجارها 45 الف سنوي
ليه ليه ليه كل شي مرتفع حتى الاجارات ارتفعت مايكفى السلع
100 ريال ماتسوي شي ليه
والله المواطن الي ماعنده الا 3000 ريال من وين يصرف على اهله وعياله
طيب منوين يجيب حليب لاطفاله
وقام يتجول من مكان لمكان يدور له على اثاث لبيته ويدور الرخيص لان ماعنده علشان يجيب الغالي
ومونااقص تاخير لان ما شااء الله كثرو سكان الرياض وكثرت
الحوادث الي كل يوم بطريق خريص والاموات الي كل يوم تروح بسبب السرعه والزحمه الشاحنات والتريلات والسطحات وغيرها والشوارع المكسره والبيارات الي دايم تعوم بشوارع الحارات
المهم
وماخلى سوق بالريااض وماخلاه
وخلص من الاساسيات
و
وتزوجو وظن انه يكون مبسوط
وكل يوم زوجته تعاايره بألاثاث والشقه وحالته المترديه يوم بعد يوم
وطااحه الام مريضه وكل يوم بهالمستشفيات والمواعيد بعد شهر وشهرين يعني الواحد يموت وماجأء الموعد
مات امه من المرض وحتى المستشفيات ماهتمت وحزن عليها كثير ولاكن هم الدنيا انساه حزنه على امه
والزوجه حملت وطاار من الفرحه وتمنى امه تكون موجوده
وجابت ولد وقال يبي يسميه عبد الله على اسم ابوه المتوفي
وصارت سالفه وقامت الدنيا على اسم الطفل المسكين هي تبيه على اسم ابوها وهو يبيه على اسم ابوه
وتدخل ابوها وطلب يطلقها علشاان اسم
تخيلو علشان اسم تطلب الطلاق وتطلقت بسبب عناد ابوها وعنادها وقله الحيله
وسمو الطفل عبد الملك
وعاش عبد الملك قصه عذااب امر من قصه ابوه وعاش بعيد عن ابوه
وصار كل يوم يتعذب علشان يشوف ولده الي ظن انه يبي يربيه ويعيشه احسن من عيشته الي عاشها وعذابه الي كل يوم يمر فيه
وتعب بدر من عيشته زهق من حياته وتعرف على سلمان وقام يشكيله كل همومه وقاله خوذ هالحبه بتنسيك كل حزنك وهمك وهو على نياته ومايدري وش مخبي له سلمان واكل الحبه وعاش جوهاا ويوم بعد يوم وادمن بدر حبوب المخدرات وهو مايدري انها مخدرات على باله انها مسكنات لانه مايفهم بالحاجات هذي
وكل شوي سلمان يجرب فيه نوع مره ابر ومره شراب ومره يشم ومرحبوب لين خلاص ماعاد يقدر يتركها وصار يتعب اذا ما ياخذ جرعه
ومره من المرات احتاج للجرعه وقاله سلمان بيع سيارتك وعطني حقها وانا اعيك الي تبيه وبسرعه باع السيارره علشان ياخذ الي يبيه وعلمه سلمان على طريقه ثانيه يقتات منها او يدبر له فلوس علشان المخدرات وهي السرقه ويقوله روح اسرق بيت وانا اعطيك كل الي تبيه وفعلا علشان يرتاح بدر راح وسرق البيت واخذ الي يبيه وتعود بدر على هالحال وكل مابغي جرعه سرق بيت او اثنين علشان يرتاح او بالمعنى الصحيح يزود همه ويقرب موته
ومره من المرات قاله سلمان مانبي فلوس هالمره نبي بنات او اطفال
وهو مثل الغبي علشان ياخذ الي بيبه أي طفل يشوفه قدامه يتحايل عليه ويجيبه
وكمان برب
لاحد يرد

للملعون سلمان وينتهك طفولتهم البريئه ويشوههم واو يقتلهم واو يرميهم بالبر بعيد عن الانظار علشان ماحد يشوف فعلته البشعه
تعب بدر من حالته ومن طلبات سلمان الي كل يوم تزود وتزداد خطورتها وقرر يهرب منه
وبالفعل هرب بدر عن سلمان بعد ماخلاه يدمن وخلا عذابه يزود عليه
وتذكر ولده عبد الملك الي تركه وهو صغير وماكان له قدوه وماكان له اب صالح
حب انه يشوف ولده بعد هالسنين الي رااحت
وراح لبيت اهل زوجته وطلب زوجته
وين ساره
من انت
انا انا انا انا بدر
منو بدر مانعرف احد اسمه بدر
انا بدر ابو عبد الملك
لا ابو عبد الملك مات
لا انا مامت هذا انا شلون مت هذا انا قدامك
ابي اشوف ولدي ابي اشوف عبد الملك وقام يصارخ عطوني عبد الملك ابي ولدي
وجاء ابو ساره على صراخ بدر
وش فيه منو انت وش تبي بعبد الملك
انا بدر ياعمي
بدر وينك من زمان ماشفناك شفيك كذا متغير حيل شكلك تعبان
بدر ساعتها يدور حضن يلمه
قام يبكي ويشكي ويقول ماعندي احد غيركم ابي ولدي ودخلوه للمجلس
واكل وشرب وارتاح وجابو له ولده عبد الملك
والولد كبر وصار عمره 5 سنوات
ويناديه تعال ياولدي تعال ياروحي تعال تعال ماشميتك تعال ابي اشبع منك
عبد الملك خايف انت منو انا ما اعرفك
انا ابوك
لا انا ابوي مات امي تقول ابوي مات
لا انا كنت مساافر بعيد ورجعت
لا وهرب عبد الملك دااخل لامه
وبدر ضل يناديه ويصارخ جيبوه ابي اشبع منه ماشبعت منه
الله يسامحكم الله يسامح الي فرق الي بيني وبينك ياحشاشه جوفي
وطلع بدر وهو زعلان ومقفله الدنيا بوجهه وكان يمشي عند كوبري وزحمه السيارات
وانتحر بدر و من كثر العذاب والموت كان اريح له من هالعيشه
كتب بوصيته انه يناشد ويطالب كل من ويخصه الامر وماكتب يهمه لان ماراح احد يهتم
وكتب ارجو انكم تخففون شوي على وعلى كل مواطن
ليه الطفل من اول مايدخل المدرسه تبدئ حياته الجهاديه
يقعد 4 الفجر وبعز البرد وماحد مهتم
ولما ينمر الثنوي وقله الحيله تخليه يدخل ادبي ولما ينجح تطلبونه اختبار قدرات ياناس خافو الله
ولما يتعدااه بعد العذاب 4 سنوات يدور وضيفه ولما يلاقيها ليته يرتاح
واذا بغى يتزوج المهور غاليه والاجارات غاليه ووزحمه الشوارع المكسره والخربانه
واخرتها تدخل ابو الزوجه بمولود بنته
ليه ليه
خافو الله فينا
ريحونا الله يريحكم
انا ميت لاكن على الاقل ما ابي ولدي يمر بالي انا امريته
ما ابيه يموت مثل ما انا مت
كمان برب

شفتو عذاب المواطن السعودي شفتو الجهاد الي كل يوم يمر فيه
ليه كذا خافو الله فيهم
كثير امثال بدر يعيشون وعاايشين مثل هالقصه وازود من كذا
يعني يرضيكم الطفل يصيح والاب يبكي ماعنده فلوس يجيب له علاج
ولا الزوج يطلق زوجته علشان مايقدر يصرف عليهم
والى كثيرالي يضيعون مع عيال الحرام ويتعبون و ينتحرون ويموتون بسبب ارتفاع كل شي ومافي وظايف وقله الوازع الديني
لاكن وين الي يهتم وين الي يقدر وين الي يقول نبي نغير حياتنا الهمجيه
كل الي فيها الكبير يدوس على الصغير وياكله والصغير ماله غير ربه
ادري ان هالكلام ماحد يهتم فيه لانه من مواطن صغير وماله الا انه يكتب ويدعي ربه يفرجها عليه وييسر له امره
على فكره قصه بدر ممكن تكون من نسج خيالي لاكن هذا هو الواقع المر
الي قاعد نعيشه ونتعايشه
واخيرا
ادعي ربي ان ماتكون نهايتنا مثل بدر وننتحر من قله الحيله \
لاكن
ياربي اذا عشنا لبكره مانذوق العذاب ومانيئس من رحمتك
يارب اننا نصحى على اخبار تفرحنا وتبشرنا مثل الرخص الاسعار ورخص المهور وكثره الوظايف
وقراارات كثيره لازم تتعدل وتتصلح
واخيرا وليس اخرا
يارب لاتحرمنا من النعمه الي عايشين فيها
والحمد لله رب العالمين
انا لم اذكر الايجابيات التي مر بها بدر لانها اقل من السلبيات ونريد ان نركز على السلبيات لنصلحها ونصلح احواالنا ان شاء الله
بقلم
مواطنه سعوديه تدافع عن حقوق المواطنين السعوديين
انا كتبت كل هالكلام
ومتعمده احطه هنا لكثره رواد النادي
ورجاء الي يدخل يقولي تعليقاته على الموضوع
ويمكن تلاقون اخطااء املائيه كثييره لاكن سامحوني طلعت عيوني وانا اكتب
الفالحيه

ماشاء الله
إنتي كاتبته ..؟
تنفعين تكتبين قصص وروايآآت
بس كأنه فيلم هندي ..!!^_^
مثل ماقلتي إنتي ركزتي على السلبيآت
وتفاهة بعض الأشخآص مثل الأب اللي أجبر الولد انه يطلق البنت عشان آسم
من يوم الدنيآآ واحنآ نعرف انو البكر يسمي على اسم أبو الزوج
ومن نآحية الراتب ومايكفي الله يعينآآ ويرحمنآآ
هو لو ينحط حد لهالغلاا احنآآ بخير
مشكورة ع القصة ولك مستقبل في الكتآبة

ماشاء الله تبارك الله قصه جميله تحكي عن واقعنا هذا اللي يصير الله يصبر المحتاجين .

سلامات واقعنا...!!!
شقه اخر الرياض حي مكسر ب45 الفف<<<هذي بحد ذاتها عجيبه

ماشاء الله تبارك الله قصه جميله

نورتو صفحاتي

شكرا ع القصه ماشاء الله شكرا ع الموضوع