الحبكلمة كبيرة ادخلوا شاركونا الرأي

سلام للجميع..
بصراحة قريت موضوع كيف تعرفين زوجك يحبك ولا..لا؟
وحبيت ارد بموضوع لآني ابي ردودكم ومشاركتكم معي..
لأن لي وجهة نظر متواضعة اتمنى تناقشوها معي..
لاتفهموني غلط..بس انا بوضح نقطة مهمة جدا
قديغفل عنها الكثير..وهي..
ان طريقة التعبير عن الحب تختلف من شخص لآخر
حسب البيئة اللي تربى فيها ومفهوم الحب اللي اخذة من اهلة..
مو كل من خاف عليها زوجها اذا مرضت معناه انه يحبها
والله مو قصدي شي..بس فية بعض الازواج يخافون على زوجاتهم
لانهم اصلا خوافين لو يتعب اي احد بالعائلة بيخاف علية بنفس الطريقة
وفية على الجانب الثاني الازواج اللي تربوا في بيئة تتجاهل المرض
وتحس انه مايستدعي تقوم الدنيا وتقعدها عشان مرض بسيط او تعب
والله لاتفهموني غلط يالغاليات بس حبيت اوضح ان نقطة الحب نقطة متشعبة
جدا ولايمكن تحليلها في موقف واحد..
على سبيل المثال..لي قريب شخصيته عنيدة جدا ومستحيل يعترف
انه فاشل في اي شي..تزوج بعد بحث طويل وفي النهاية طلعت اخلاق الزوجة
مو ذيك اللي يرتاح معها..وزيادة على كذا عندها انزلاق في الرحم وحملت اكثر من مرة
وسقطت..وعرفت بطريق الصدفة وانا اسولف ويا اخته انه مو مرتاح مع زوجته ابدا
ودايما يشتكي لأمة..بس مايبي يطلق..تدرون ليش؟؟؟؟؟؟؟؟؟؟؟؟؟؟؟؟؟
مو حب فيها ..لا..ما يبي ينقال عنه انه فشل في حياته الزوجية وما عرف يختار
(((شوفوا التخلف لوين يوصل صاحبة..فعلا اهل العقول براحه)))
والله مو قصدي ياحبايبي اشكك في حب ازواجنا لنا بس اللي
اشوفة ..انة مو كل فراشة تقرا مظاهر الحب هنا تروح تطبقها على زوجها
لأنه ممكن يكون زوجك يموت فيك اكثر من فلانه
وعلانة بس هذي طريقته في التعبير عن حبه...
اهم شي انتي حبيه..واحتويه..وعطيه اللي تقدرين علية..
وبطريقتك وحسك الانثوي..بتدرين يحبك ولا..لاء..
الله يجعل بيوتكم عامرة بالحب وطاعة الرحمن ..
تحياتي وامنياتي للجميع بحياه مليئة
بالحب******************* **