الحقوا يافراشات جايبتلكم قصة فرش حدهاا

1. بسم الله الرحمن الرحيم.


2. راح نذكر قصص البنات وحدة ورى الثانية حتى لا يصير التماس بالشخصيات.


3. أولا : بدرية .


4. بالحفلة:


5. الولد من شاف البنت وهو انصدم وانطم.


6. فطوم: ههه كشفتج بس تصبحين على خير .


7. مروه المعذبه:


8. بدريه: ماعليه حبيه لمده ساعه وخل نخلص حالبحث ونفتك.


9. وصلت بدريه وما لقت احد دقت على مروه قالت مروه خلاص اللحين جايه .


10. البنات لما شافوه قالو: وي حسافة جان زين مرووه هني وتشوف .

بسم الله الرحمن الرحيم.

قصتي قصة تعرض أحداث واقع حقيقي عاشته طبقة كبيرة من بنات جامعتنا وخلا هذه القصة سأذكر قصص بعض من هؤلاء البنات اللواتي سمحن بنشر قصصهن وللعلم هناك أشياء يصعب ذكرها كي نحافظ على سرية هوية أبطال هذه القصة.
بنات الجامعة
أبطال القصة مجموعة من بنات الكويت الحلوين هم طالبات بجامعة الكويت شلة عسى الله لا يفرقها هم باختصار:
(بدريه, مروة, هنادي ,هيونة ,هيا ,أحلام ,أريج ,غلا, أسرار,أسماء والبقية سيرد ذكرهم أثناء سرد القصة.......

راح نذكر قصص البنات وحدة ورى الثانية حتى لا يصير التماس بالشخصيات.

أولا : بدرية .

بدرية كانت طالبة لا لها بالحب ولا سوالفة طبعا ايام ما كانت بالثانوبه كانت حياتها مقتصرة على كتب المدرسة او رويات واذا عندها وقت كانت تقضية حجي بالتليفون او جدام التلفزيون وكانت اهم هواية عندها هي مشاهدة افلام القديمة ابيض واسود وكانت تتنافس ويا هيونة بعدد الافلام الي عند كل وحدة او بفلم شافتة قبل الثانية نجحت وتخرجت من الثانوية بتفوق حبو اهلها يحتفلون فيها فسوى ابوها لها حفلة كبيرة ببيت جدها لانة كبير العالية وبدت حياتها الحقيقية من هالحفلة مثل ما كانت تقول.

بالحفلة:

الكل كان كاشخ وبأبهى حلة امها وخالتها وصديقتها كلهم بس طبعا بدرية كانت نجم الحفلة باناقتها وجمالها الباهر بعد الرقص والوناسة وتقطيع كيكة التخرج وبعض الخبال الكل راح لبيتة اما بدرية طلبت من اهلها انها تبات بيت جدها عند بنت عمها فاطمة.
صعدت فطوم وبدرية للغرفة وقضوها سوالف وتعليق على الحفلة وطبعا من كثر السوالف نسو يبدلون حسو بالجوع فنزلو للمطبخ يحظرون شي ياكلونة بدرية طلعت من المطبخ وراحت تنطر فطوم بالصالة الاخت ما انتبهت ان في احد بالصالة دشت ومن التعب احذفت الجوتي حذف الا وصوت احد يصرخ.
بدرية : بسم الله من هنيي . وهي بقمة الخوف .
ياربي اكيد انا اتوهم بس انا متاكدة سمعت صوت .
الا بالصوت مرة ثانية : اخ راسي حسبي الله عليج يا فطوم هاذا انتي بس تحذين زين جذي شوهتيني.

الولد من شاف البنت وهو انصدم وانطم.

(طبع انتو ماعرفتو منو الي كفختة بدريه هاذا ولد عمها اخو فطوم طلال الكبير بدرية كانت تسمع فية وتشوف صورة بس ما تعرفة عدل بحكم دراستة بالخارج من زمان هو اكبر منها ب6سنين شاب طوييل حليوه ومملوح حيل والاهم الستايل الي تحبه بدرية)
بدرية انبلهت من شلفت الولد وركظه للغرفة وهي شوي وتبجي من هول المفاجئة.........
طلعت فطوم على الصيحة الي صارت الا وتشوف اخوها وركظة لة بتسلم عليه (هو كان تو راد من السفر لقضاء عطلة الصيف ويا اهلة ولما وصل البيت درى ان عندهم حفلة وما بغى يخرب على البنات فظل برة لين ماخلصت الحفلة وكان تعبان حدة وما صدق يدش البيت والا على اقرب قنفة حط راسه ونام)
فطوم: اهلين وسهلين بطلول الحمدلله على السلامه.
طلال: هلا فطوم بس من هاذي الي طلعت فوق.
فطوم: من ماعندنا احد غريب.
طلال: بلى تة وحدة كانت اهني وحدة غريبة ما عرفها.
فطوم: اسم الله عليك اكيد كنت تحلم.
طلال:اوكي كنت احلم والورم الي براسي من الطقة والصندل هاذا لمنو.
فطوم: أي صح يمكن قصدك بدور بنت عمي عبدالله هي عندنا كنا نحتفل بتخرجها اليوم من الثانوية.
طلال : ماشاء اللة هاذي بدرية واللة كبرت. ياحليلها سلمي عليها وتاسفي لها اكيد خرعتها مسكينة بس هي ما قصرت على هالطقه.
بغرفة فطوم:
بدريه كانت متوتره حيل وتتسائل عن الشاب الي شافتة.
فطوم: السلام عليكم هاج ( تقط الصندل على بدريه) يا قندرلا .
بدريه : انا قندرلا لحظة شمعناتها.
فطوم : انتي قندرلا على وزن سندرلا على الاقل سندرلا خلت جوتي واحد وانتي الاثنين.
بدريه: فطوم من الي كان تحت ترى والله ما كنت ادري ان في احد .
فطوم : يعني ما تدرين المير طبعا وتراه يسلم عليج ويقول مبروك التخرج ولا عاد تعيدينها وتحذفين الاوادم لا يورج الشغل عدل.
بدريه ك خلصي علي من هاذا الي يقدر يراويني منو.
فطوم: صج بدوره ما عرفتي منو هاذا اخوي طلال.
بدريه: لا هاذي اول مرة اشوفة فيها بس عسى ما عورتة .
فطوم: لا ما عليج منة جني بسبع ارواح بس ما قلتيلي شرايج فيه.
بدريه ها عادي اة ام اصلا ماشفتة عدل بالظلمة".
فطوم:اها ماشفتية علينا عيل شلون هو شافج عدل اذا ظلمة حتى قال وع هاذي بنت عمي.
بدريه ك ها من صجج قالج جذي عدال من زينه هو.
فطوم: لا اضحك بشوف ردة فعلج.
بدرية: فطوم ادري انج جذابه من زمان اصلا ليش اتحجى وياج تصبحين لى خير بنام.

فطوم: ههه كشفتج بس تصبحين على خير .

ومن هذاك اليوم وبدريه حاطة طلال ببالها وهو بعد حاطها بباله وكانت تهتم بنفسها اذا بتروح لهم عدل وهو ان درى انهم بيزورونهم ما يطلع من البيت وعلى مواقف عاديه عند الاثنين قمة بالرومنسيه مثل اول ايام العيد تواجهم وسلمو على بعض عادي بس عند كل واحد احلى سلام واحلى عيد واستمر المدح والكلام الحلو يتبادل عن طريق فطوم . وفطوم ما قصرت ويا الاثنين توصل الحجي وتبهره عدل .
دشت بدريه الجامعه مع صديقاتها وكانو كلهم كليه وحده عدى هيونه واسرار كانو علوم سياسيه والهيا هانم دورات خاصه وعلى ضحك وناسه والحمداللة متوفقين بدراستهم وعدى اول كورس وثاني كورس وخلصت سنة والبنات ماعندهم سالفه الا شباب الجامعه وكل وحده صايرلها موقف ويا واحد بستثناء بدريه الي قلبها معلق ويا طلال واستمرت حياتهم طبيعيه الى ان قرر ولد خالتها يتزوج وقع اختياره على بدريه اهل بدريه وافقم لانه خوش ولد بدريه انصدمت من الخبر رفضت بحجة تكمل دراستها لكن اهلها قالو بس خطبه وارتباط اللين ما تتخرج تصكرت الابواب بوجهها لكنها على موقفها الى ان ما فطوم اتصلت على طلال وقالتله طلال كان بفرنسا يدرس لما سمع الخبر انصدم وقرر يرد لها لكن كان مرتبط بمواعيد امتحانات وبعد جهد جهيد قدر يأجل الامتحانات ويرد الكويت ادخل وطلبها من عمه عمه وافق لان بنت العم لولد العم طارت بدريه من الفرحه وسوى حفلة خطوبه على السريع لانه عندة اجازة بس 3 ايام واتفقة على الملجة بعد ما يخلصون الاثنين من دراستهم الكل بارك وفرح بالذات بدريه وصديقاتها وبجذي انخطبت بدريه لطلال صج انها ماقدرت تستانس ويا خطيبها وتطلع وياه مثل كل المخطوبين بحكم دراسته برة لكانها كانت تقول لصديقاتها احسن علشان نشتاق لبعض اكثر ويزيد الحب مع البعد .
الزواج راح يكون بعد التخرج والشله كلها متفقه محد يتزوج الا عد التخرج .
كان طلال كل مايرد للكويت ماينسى هدية بدرية الي تكون اما فلمقديم يشوفنه سوى او تكون انتيكا وبدريه مخصص ركن بغرفتها مسميته ركن طلولي تحط فيه أي هديه منه او شي جمع بينهم علشان يكون شاهد على حبهم ويذكرهم باحلى الاوقات الي قضوها مع بعض .
بدريه مل تعذبة حيل بقصة حبها ولله الحمد والله يتمم لها لكن تعذبت مع صديقة عمرها مروة وكان لبدريه دور كبير بقصة مروة وباقي البنات.

مروه المعذبه:

مروة فتاه عادية تخرجت والتحقت بالجامعة مع بدريه بنفس الكليه كانت مروة تحب ولد خالتها ومناها انها تتزوجة هو بعد يبادلها الشعور وتقدم لخطبتها واو لمح لخالته ام مروه انه يبي يتزوج مروه لكن ام مروه كانت رافظه هالزواج لانه كان سعودي امها ماكتنت رافظه لانه سعودي بالذات بس كانت تقول انا ماصبر على فراق بناتي ومراح ازوجهم الا كويتي ولو شنو مايدفعون ما ازوج بنتي الا كوتي ولد خالتها مل وخطب وتزوج وحده ثانيه مروه كانت باول سنه بالجامعه انهارت لما تخلى عنها وتزوج وكانت تبجي عليه حيل وتلوم امها تغيبت اسبوع عن الدراسه لكن صديقاتها ماخلو وظلو وراها لين ما قدرت تعدي الي صار وصارت تتناسى ولد خالتها .
مروه كانت مدمنة انتر نيت ومتى ماطلب أي دكتور معلومة طلعها من النت لانها ماتحب المكتبات ولا الكتب وعمرها مادشت لا مكتبة مدرسه ولا مكتبه عامه.
الى ان مرة من المرات طلب الدكتور بحث وهال بحث لازم يكون من عدة مراجع ومن كتب معينه .
مروه : اف يهل الدكتور اللحين انا شلون بتصرف ما حب المكتبات كاش .

بدريه: ماعليه حبيه لمده ساعه وخل نخلص حالبحث ونفتك.

راحو البنات للمكتبه دشو حاسو بالكتب اخترة جم كتاب وراحو عند الاستعاره بيستعيرون كتب .
الي كان يسوي الاستعارة واحد صغير بالسن طلع طالب ميداني وحاطينه يدرب بمكتبه الجامعة ( الشاب كان طويل مملوح مايتعدى 23 اسمراني شوي وعلية ابتسامه هي الي محليته وضعيف شوي ماكان من الاستايل المفضل عند كل الشلة كانت مروه هي الوحيده الي عاجبها ) من شافته مروه وهي على طول بالمكتبه يمكن استعارت كل الكتب الي بالمكتبه وان ضيعوها البنات يلقونها بالمكتبه كانت بسنه ثالثةالكورس الثاني لانها ماعرفت اسمه طلعو البنات علية اسم "سمسم" تمويه اذا سولفو عنه وكان يبادلها نفس الابتسامات ومن كثر ما تستعير عرف اسمها وصار يناديه باسمها تجرأت واسالته عن اسمه وعرفها على طول وقال:
سالم ال........... لما اسمعت مروه الاسم ما ستغربة وقالت اكيد انها سامعة الاسم بس ما تذكرت (ابو سالم طلع شريك عم مروه باحدى شركاته وصديق عمها وابوها من زمان بس هي ما تذكرت والي سبب لها مشكله) مر كم يوم طبيعي استعارة وارجاع ونظرات وابتسامات وكانت مروه ما تحللها القعده الا بالكراسي الي بره المكتبه كان قدام المكتبه مساحه صغيره مزروعه وجم كرسي وكانت القعده هناك دايما حلوه وتجمع للبنات مو بس مروه وشلتها بل اغلب بنات الجامعه الى ان بيوم من الايام اعتذر دكتور بدريه دورت الشله وما لقتها قالت : اكيد اللحين البنات عند المكتبه او على الاقل مروه خل اروح واذا ما لقيتهم دقيت عليهم.

وصلت بدريه وما لقت احد دقت على مروه قالت مروه خلاص اللحين جايه .

كانت الساعه 1ونص الظهر بشتاء كان الجو بارد وبدريه ملت من النطره وكل ما اتصلت لى مروه قالت جاي واثناء النتظار طلع سالم ششاف بدرية واستغرب من امس مروه ما مرت تجرا وراح صوب بدريه وسالها عن مروه بدريه ارتبكت وما قدرت تقول الا مروه على وصول نطر برة شوي وما قدر الجو كان بارد ودخل المكتبه . اهني الاهام نزل على بدريه الي ماذيتنا بخواطره وكتب.
أتيه...
كلمت قالتها ورددتها صديقتي اني أتيه......
متى المجييء صديقتي متى ....
قد طال بي النتظار وانا اسمع كلمتك اتيه....
انتظرتك جوار مكتبة خاليه.......
خرج موظفوها وانطوت اوراقها باكيه.....
وظهرت سمرة الطوال غاديه..
تتربص بي النظرات قائله....
متى المجيء متى.....
قد طال بي وبك انتظار الاتيه.
فلسعتها برودة الجو القارصه....
فدخلت لمكتبتها الدافئه..
وظللت انتظر قدومك ايتها الاتيه...
وبعد انتظار ليس بقصير ظهرت اتيه...
تضحكين غير داريه.
اتيت اثلجتي غروره بقدومك ايتها الاتيه....
فخرجت تتطلع لنظرة حانيه......
منك ايتها الاتيه...
فذهبتو وذهبتي وذهب وظلت المقاعد خاليه.........
بعد ما وصلت روه عند بدريه وشافت بدريه متوتره ولمل اسألت بدريه قالت لها بدريه ان سالم سال عنها فرحت مروه وقالت: بدورة خل ننطر يمكن يطلع اللحين بدريه:خلاص بس ما نطول .
مروه اوكي.
سالم لما طلع وشاف مروه فرح وجاء عندهم وتشجع وتكلم:
السلام عليكم .مروه ممكن كلمه.؟
مروه: انصدمت من جراءته وقالت: مو مشكله قول اللحين.
سالم: بس ممكن على انفراد.
بدريه قامت تبي تروح الا مسكتها مروه وقالت: قول الي عندك انا ما خش شي عن صديقتي وبصراحه ما ابي احد يشوفنا بروحنا مع بعض .
كلام مروه عجب سالم بس ما بغى يبين لها انها محقه.
انا بصراحة معجب فيج ودي نكون علاقة مع بعض.
مروه : انصدمت من كلامه وقالت : اسفه انا مو من اصحاب العلاقات تبيني لازم يكون بينا شي رسمي .
سالم: لا أي رسمي تو الناس خل نتعرف على بعض اكثر.
مروه:لا انا اصلا ما اكلم سباب وما ارضى على نفسي اتحجى مع واحد ما بينا أي شي ,ولا تظن اني بنت لعابه.
سالم: أي لعابه اصلا انتي الي دايما تترززين عندي بالمكتبه ولا نسيتي انا ماتجرات الا من جرأتج.
كتن هالكلام امبر صدمة بالنسبه لمروه وما قدرت الا تبتعد عنة وعيونها مليانه دموع بس كرامتها ما تسمح لها تبجي قدامه.
بدرية : كنت اقول كلكم مثل بعض شباب تلفه ماعنده اخلاق.
مروه من كثر الصدمة وقفت للين ماشفت بدريه وراها .
مروه: بدريه ممكن توصليني، لاني ما اقدر اسوق وانا متظايقه.
بدريه : اكيد حياج مروه.
طول الطريج بالسياره والثنتين سكتات بدريه مو عارفة شتقول علشان تخفف عن صديقتها ومروه تبجي بصمت ثاني واحد تحبه ويطلع مو قد الحب اول واحد تخلى عنها وما قدر يواجة اهلها والثاني طلع حقيير .
وصلت بيتهم وسيده لغرفتها وظلت تبجي بحرقةعلى الي كانت تحبه وما توقعت هالشي منه انه يظن فيها سوء ويعده مع البنات الي.....الله يستر على الجميع .وعلة هالحالة الى ماتعبت ونامت.
بيت سالم :
كان سالم تضايق وفرحان متضايق لانه جرح مروه وفرحان لان مروه طلعت بنت محترمه ورفظت أي علاقة يمكن تمس كرامتها حتى لو تحب الشخص وهو متاكد من حبها له بس كان ناوي يختبر اخلاقها بس قسى شوي عليها.
قرر بهالحظة وراح عند ابوه وقاله انه ناوي يتزوج وقاله عن مروه ابوه فرح لانه يعرف اهلها زين بس طلب من ولدة اسبوع علشان يستعدون قبل لا يخطبونها بس سالم اصر على ان اليوم الثاني يخطبونها
وفعلا بعد يومين راحولبيت مروه ولقو الكل بستقبالهم
وابوى مروه وافق بس طلب مهلة يسال البنيم .
مروه كانت بالجامعه كان عنده تاخير للساعة 5 العصر والبشتاء 4ونص ياذن المغرب وطبع سالم صرقع اهلة وخلاهم يصلون بمسجد القريب من بيت مروه
لما ارجعت مروه لقت سيارات عند بيتهم استغربت وصفطت سيارتها ودشت الا الصدمة الكبرى
سالم واهله بالبيت عندهم سالم فز لما شافها وهي ولا كنى احد موجود صار تبلد بمشاعرها عمها من زود حبه برفجيه فتح المووع معاها قدام الكل.
العم: ياهلا ومرحبا بعروستنا نورتي يبة.
مروه : النور نورك عمي بس أي عروس.
عمها: بعد اذن ابوج وبما اني انا اكبر منه فسمعي يابنتي هاذا سالم ال.... ولد رفيج عمري شاب يشتغل عندكم بالجامعة اكيد صادفتية وهم جايين يخطبونج. شقلتي ترى احنا كلنا موافقين وهم على ظمانتي خوش ناس.
مروه:بكل جرأة والنعم فيهم بس ترى انا مو موافقة. طلعت وخلت الكل منذهل من ردها الاشكرة ما تحججت بدراسة ولا شي بالوجهة انا رافظة .
اعتفس وجه ابوها عمها تكدر وابو سالم طلع زعلان
اما سالم كان متوقع الرفظ بعد الي صار خصوصا مع وحدة عندها عزة نفس مثل مروه.
وقال حق اهل مروه ما عليه اكيد تعبانه خل تفكر ونبي الرد بعد اسبوع.
.
اليوم الثاني بالجامعه:
سالم كان مداوم وكله امل ان يلقى مروه ويعتذر لها بس تفجا لما لقى كل شلتها متجمعه وهي مو بينهم .

البنات لما شافوه قالو: وي حسافة جان زين مرووه هني وتشوف .

الا بجية بدريه :لما شافته بدريه اعطته ذيك النظرة الي الواحد يكرة عمره بعدها. مشت البنات راحو الكفتريا وقالت لهم بدريه السالفة الكل عصب وتنفرز.وهنادي ظلت تبجي لانها عارفة شكثر مروه حساسه مو قد صدمه ثانيه.
الكل راح لمحاظراته ولما كانت بدريه وهيونة يتمشون بالممر تصادفو ويا سالم .
سالم شافهم ابتسم وقرر يسأل عن مروه.
هيونه الي ماكانت راضيه عن الموضوع من أوله شافته تعكر مزاجها وهوبعد طينه وسلم عليهم وسألهم عن مروه وردت عليه هيونه رد وزفته وشرشحته المسكين وما عطوة مجال يشرح لهم.
راح لمكان تجمع البنات شاف هنادي قرب منها عطتة ظهرها وطنشته.
يأس المسكين وظل الامل الاخيراسماء شافها راح علطول عندها وما عطى اسماء فرصة تتحجى وقال: مرحبا لو سمحتي ادري انج صديقة مروة ويا ريت تتأسفيلي منها وهاج هالعلبه امانه وصليها لها وراح وما عطاها مجال تعترض.
اسماء طبعا كان لا زم توصل الامانه اتصلت على مروه وقالت انها بتزورها اليوم.
ببيت مروة:
اسماء ك السلام عليكم شلونج خالتي.
ام مروه: ياهلا باسوم بخير انتي شلونج.
اسماء: تمام مروه موجوده.
ام مروه: أي فوق طلعي لها وتكفين حاولي طلعينه لها فوق اسبوع ما طلعت من البيت.
طلت اسماء لمروه دقت الباب ودخات على طول.
الا الخت مروه مسويه جو كئيب اضاءة خافتة وبسريره وتسسمع اغنية راشد الماجد:
خلاص الماضي ودعتة .
محيت ذكرها من قلبي
انا من باعنب بعتة ولا دربة يجي دربي
خلاص خلاص الماضي ودعتة
بعاند كل احاسيسي وابدا خطوت النسيلن
متى ما زرني طيفك بقولة روح ياخوان
صبرت اكثر من الازم صبرت وما عاد بيحيل
عمري صار باسبابك بقايا للسهر والليل
دخلت اسماء طفت المسجل وبطلت الدرايش وقدت تظحك.
مروة عصبت على اسماء وقالت ك وجع يا اسوم احر ما عندي ابرد ما عندج .
اسماء: ببساطة لانج تسرعتي بالحكم علية وقلتي عنة انة خوان وانتي مادرتي شصار اليوم.
مروه: يعني شصار.
اسماء:المسكين طول اليوم يدور عليج وما يسال احد الا ويشرشحة .
مروه: يستاهل.
اسماء : حرام عليج انتي لو شفتي حاله جان كسر خاطرج المهم ادري انج للحين تحبينة فبطلي من سوالف الكرامة والخيانة ترى الحب مافية كبرياء سالني(اسماء قصتها قصة نطرق لها بعدين) الي يكابر بالحب يندم .
مروه: بس يا اسوم انا ما اقر حاولت بس الوحدة شلون تعيش مع واحد ظن سوء فيها .
اسماء : انتي الخسرانه انتي وتعقيداتج اقول بس هاج هاذي منة امني اوصلها وتكفين على القل فجيها وشوفي بعدين قرري الاسبوع ما خلص.
بطلت مروه العلبة لقت فيها دفتر صغير على شكل قلب مغطى أوراق الورد المقطعة الي ترست العلبة والدفتر كان مكتوب بكل ورقه منه كلمه او عباره.
احبج
اسف
فهمتيني غلط
انا كنت ناوي اتأكد من حبج
وعد احطج بعيوني
خلاص ننسى الماضي
االله اعلم بحبي لج
ارحميني
ماقدر اعيش بدونج
انجنيت ببعدج
بسج ثقل تراج غاليه مهما تتغلين
ان سامحتيني
وان شاء الله تسامحيني
تكفين سامحيني
ترى ناطرج بنفس المكان
لا تتاخرين
والله أموت ان ما جيتي
بعد كل الكلام تتوقعون مروه سامحت سالم.........
الي يحب عمره ما يكره كلمه قالتها اسماء لمروه خلت مروه تحسم الموضوع وتقرر تسامح ساالم بس لازم تنشف ريجه شوي.
بنفس يوم الموعد:
لبست مروه وراحت للمكان ومعها وردتين الأولى غير متفتحة والثانية متفتحة .......
شافت المكان لقته ناطرها رجعت من غير ما يشوفها ونادت احدى عاملات النظافة وعطتها الورده المسكره وقالت لها توصل الوردة لسالم وتمشي عنه.
العامله عطت سالم الوردة وراحت .
سالم استغرب بس لقى ورقة مع الوردة مكتوب فيها
(هاذي حياتي قبل لا أعرفك ........)
ما فهم سالم شي ومع موقف الانذهال من الورده الا نفس العامله جايه معها ورده ثانيه بس متفتحه ومعها ورقة مكتوب فيها.:
(هاذي حياتي من عرفتك ........
ودي اكملها وياك جذي فلا تخلي حياتي تذبل ببعدك عني ناطرتك........)
سالم من قراى الكلام وهو بقمة الفرح دق عليها وقال لها :حبيبتي احنا اليوم عندكم ويا ويلج ان قلتي لا . باي
وبهالطريقة انخطبت مروه لسالم وكانت بسنه ثالثة الكورس الثاني طبعا اتفقو الزواج بعد سنه علشان تتخرج مروه وهو يستعد ويستقر بوظيفته ........
ذكرت لكم قصة بنتين من الشله وان شاء الله اذكر باقي قصص البنات بالجزء الثاني .....
(قصة هنادي والايملات الي هدمت حياتها....وقصة اريج وشباب الجامعه الي نسوها حب عمرها فهد......)