عطني الريال

(مراحب)
اليوم جايبه لكم طرفه سمعتها وحبيت أنقلها لكم..توسع صدوركم.......
الولد(عمره 10 سنوات):يبا يبا عطني الريال...الأب جالس وحاط يده على
خده:إنقلع..ماعندي الريال...الولد:لا لا لا أبغي الريال..أبغي الريال..الاب:
روح خذ الديك إلي في الحوش وبيعه وفكني......
راح الولد يركض وخذ الديك وطلع من البيت..وهو يمشي في الشارع شايل الديك
على صدره..أشرت له جارتهم(جارتهم وحده مهيب مضبوطه)..دخلت الولد غرفة
النوم وجلسته على السرير..إلا جرس الباب ينطق. قالت الجاره للولد: ياويلي هذا
زوجي..تعال بسرعه ادخل الكبت(خزانة الملابس)..دخل الولد وديكه على صدره..
فدخل رفيقها وجلس على السرير..إلا جرس الباب ينطق مره ثانيه..قالت الجاره
لرفيقها: ياويلي هذا زوجي..تعال بسرعه ودخلته مع الولد في الكبت..كان الكبت
ظلام..قال الرجال للولد :ويش هذا إلي معك..قال الولد:ديك..تشتري..قال الرجال:
لا منيب مشتري..قال الولد: كيفك تشتري ولا صرخت بعدين يدري زوجها عنك
ويذبحك أنا ولد ماراح يسوي لي شي..قال الرجال: خلاص خلاص كم بتبيع..قال
الولد: مية ريال..قال الرجال: غالي..قال الولد: كيفك اصرخ..قال الرجال: خلاص
هاته..وعطى الولد مية الريال..شوي إلا الولد يقول لرجال: بتبيع..قال الرجال:لا
منيب بايع..قال الولد: كيفك تبيع ولا صرخت..ألخ....قال الرجال: زين خلاص كم..
قال الولد: بريال..قال الرجال: لا بميه نفس ماشريته..قال الولد: كيفك أصرخ....
قال الرجال: خلاص هات..وخذ الرجال الريال وعطى الولد الديك....(صار الديك بين
الرجال والولد أخذ وعطى حتى صار في النهايه للولد وفوقه 300 ريال).......
طلع الرجال وراح لبيته..وطلع الولد وراح لبيته..
رجع الولد مع الديك...وحصل أبوه على نفس الجلسه..قال الولد: يبا عطني الريال>>>>>>>>>>>>الريال إلي عند أبوه طعمه غير.........
قال الاب: إقلب وجهك..توك مأخذ مني 300 ريال.......
( تصدقون إني تعبت من الكتابه الله يعين إلي يكتبون قصص وروايات )