الحقوني انقلبت صبغتي لأحمر كالجمرة والسبب يافضيحتي بهالعيد

الحقوني يابنات بموت من حزني وحيرتي؛؛
بنات انا شعري كنت عاملته بلياج بني وخصل اشقر؛حبيت اغير هالسنة بإني اصبغه لون واحد؛‏‏
رحت لكوافيرة الله لايربحها وقلتلها اصبغيه كستنائي فاتح الي هو اللون البني المائل خفيف للأحمرار؛راحت صبغتلي بني ثم جابت صبغة عودي قبل ماتحطها حذرتها لايقلب شعري احمر؛‏
حطت العودي وما أشوف الا شعري صار لونه زي السماق او الاحمر المولع صرخت فيها قالت بإستهبال مو هذا قصدك!‏
قلت تستهبلي شوفي الكتالوج هذا الكستنائي اذا ماتعرفيله غيري صبغتي لبني وفكينا راسي يحرقني من تجاربك؛راحت تقول انا بسحب اللون الاحمر عشان يزبط البني؛سايرتها وانا احترق وحطت البني وقالت خلاص طالعي بالمراية؛
صرخت لااآآآ حسبي الله عليك اش هذا!‏‏!طلع لون شعري احمر عودي فاقع ولا جا جنب البني بشي مع الصداع قلت كفاية تجارب حسبي الله عليك فروةراسي ولعت ماقدر المسها آه ؛؛اخذت نفسي وشافني زوجي واهلي كتمو الضحك وقالو مشي حالك وتغيير؛بنات كرهت شعري ولابشوفه بالمراية؛مستحيل اعيد بهالشوشة اش الحل وكيف اغير هاللون المرعب انا عايشة في كابوس انقذوني من عرف الديك إلي فوق راسي؛وحدة قالت اسحبي اللون ثم اصبغي بس انا خايفة بلليلة اصلع ولا اعيد؛اش الحل عجلو علي‏‏ كأني باكستانية مشيبة متحنية إهي إهي