الحل الامثل للي تبي تضعف وبالصور مهم جدا

1. السلام عليكم ورحمة الله وبركاته


2. ملاحظات مهمة قبل الريجيم :::::::


3. وشق الجدول الغذائي ...........

السلام عليكم ورحمة الله وبركاته

نظرا لكثرة اسئلة الفراشات عن الريجيم اللي اسميه المثالي ,,, ورغبتهم في الحصول عليه حبيت انزل موضوع كامل عنه وعن التجربة اللي سويتها وراح صدقوني تعجبكم وايد,,,, اولا هالريجيم انا قاريته في منتدانا من وحده جزاها الله الف خير واهي ماخذته من اخصائية تغذية,,,,,,,,,,
ابي اعترف لكم اعتراف خطير الريجيمات اللي في هالقسم صراحة ريجيمات تضر وماتنفع اكلمكم عن تجربة انا سويت كذا ريجيم مثل دشتي , 12 يوم, ريجيم عذاري , ريجيم الكورن فلكس ,,,,, صحيح ان باسبوع ينزل 5 كيلو لكن شكل الجسم ما يتغير,,, اللي تبي تنحف صدقوني انصحكم نصيحة تسوي هالريجيم وبعد اسبوعين اذا ما تغير جسمها خل تتركه ,,,,
هو ريجيم صحي لان باليوم تاكلين الاربع مجموعات + ماتحسين بصداع الجوع + ما يأثر عالشعر والبشرة ولله الحمد+ يعتمد على 5 وجبات باليوم (( 3 اساسية و 2 ثانوية ))

ملاحظات مهمة قبل الريجيم :::::::

• يجب شرب الماء بكثرة يعني 8 اكواب عالاقل ويمنع ما دون ذلك ,,, وكل ما كثرت كل ما حرقت دهون اكثر.
• يمنع التخبيص منعا باتا وخاصة في اول اسبوعين (( بعد كل اسبوعين يكون يوم حر تاكلين فيه اللي تبين بعدين تردين للريجيم مرة ثانية ))
• قياس الوزن يكون بعد كل اسبوعين يعني بيوم الحر لما تقومين الصبح عالميزان على طول
• وقت الريجيم لا تطالعين بجسمج وتقولين ما صار , مانزلت لا تهتمين بعد اسبوعين حطي ايدج على خصرج وشوفي الفرق
• بعد اسبوعين راح تحاولين تاكلين و تاكلين بيوم الحر بس ماراح تكونين شرهه نفس قبل لان الريجيم اذا مشيتي صح وبالضبط عليه تحسين معدتج صغرت

الريجيم يعتمد على شقين شق الرياضة اللي تسوينها بربع ساعة وانتي قاعدة بمكانج (( ماله داعي مشي مشي البيت او السوق او المدرسة او الجامعة يكفي ))

وشق الجدول الغذائي ...........

• راح اعطيكم وسيلتين مساعدة اللي تقدر عليهم زيادة الخير خيرين ترى مو الزامية :::::
• اللي تقدر تمشي وعندها جهاز هذي راح تنزل وزنها بسرعة اكبر واللي ماتبي كيفها
• الحل السحري والحلو واللي يحرق الشحم بسرعة كبيرة هي خيمة البخار / خيمة السونا (( نص ساعة باليوم ))

شق الرياضة ::::
يجب عمل الرياضة والبطن فارغ اما عالريق او بعد الوجبة الاساسية بخمس ساعات , افضل بعد الغداء بخمس ساعات ,,,,,,,,,
التمرين الاول
القفز 50 مرة
التمرين الثاني
التصفيق للوراء 100 مرة عالاقل يمكن تقسيمها مو شرط متتابعة (( لشد اليدين والصدر ))
التمرين الثالث 20 مرة
التمرين الرابع 20 مرة
التمرين الخامس 20 مرة
التمرين السادس 20 مرة يمين و20 مرة يسار
التمرين السابع 20 مرة يمين و20 مرة يسار
التمرين الثامن 20 مرة
التمرين التاسع 20 مرة
التمرين العاشر 20 لليمين و20 لليسار
التمرين الاخير لشد المؤخرة
المبتدئات 15 يمين و15 يسار بعد اسبوعين تزيدينها 30 بعدين 45 وتستمرين على هالرقم
ودمتم بود
شق الجدول الغذائي
عالريق كوب ماء , بعد ربع ساعة الفطور ولازم يكون قبل الساعة عشر واللي يقوم عالساعة 12 الظهر لا يتفطر احسن له ,,,,
الفطور :
نص خبز اسمر او 2 شريحة توست اسمر + جبنة بيضاء + كوب حليب خالي الدسم
او
كوب لبن خالي الدسم + 5 تمرات
او
كوب حليب خالي الدسم + علبة صغيرة كورن فلكس الديج
عالساعة 11
تفاحة او برتقالة
الغداء الساعة 2 او 2 ونص
ملاحظة هامة قبل الغدا بنص ساعة تاخذبن (( 10 عروق بقدونس و 3 اوراق خس وكوب شاي اخضر او احمر بدن سكر عليه عصير ربع ليمونة )) يساعد على حرق الدهون
الغدا:
5 ملاعق اكل ارز + صدر دجاجة او شوية لحم طبعا يفضل مشوي + خضار بس مو مقلية يعني الخضار اللي بالمرق اخذي منها جم لقمة حتى لو كان بطاط + حبة كيوي وحبة ليمونة مقشرات وبالخلاط اشربيهم اوكي
ممكن تغيرين المرق بروب خالي السم
السمك ممنوع في الاسبوع الاول اما الاسبوع الثاني ممكن تاكلين سمج مشوي
بعد صلاة المغرب بساعة يعني 6 او 6 ونص جذي تاخذين
اما 2 حبة فاكهة ماعدا البطيخ والمانجا
او
كيتكات بو اصبعين
او
قهوة عربية يعني فنجان واحد مليان + 4 تمرات يا حلوات
العشا مو بعد الساعة 9
نص خبزة سمرا او 2 شريحة توست + 2 بيض مسلوق
او
صحن فواكه مشكلة
صدقوني ريجيم مريح الحمدلله ومايتعب وصدقوني بعد اسبوعين راح تبجون من الفرح
اللي تبي تسوي هالريجيم وتكتب يومياتها حياها الله وممكن اساعدكم باي سؤال,,,,,
تكتب عن نفسها وانا اقدر اتابعكم ولازم يكون عندج عزيمة وتقولين خلاص كافي هالشحوم وخليني اصير نفس فلانة شحلاة جسمها ههه ,,,, وخلوا الريجيمات اللي مسوينها صدقوني عن تجربة ماراح تستفيدون وهذا الحل الامثل لكم ,,,,,,,,
خلوني اعرفكم ههه انا طولي 162 ووزني قبل 12 يوم كان 65.5 والحين 62.2 وشكل جسمي حيل متغير الحمدلله والشكر,,,,,,,, وعمري 21
وابي اوصل ل52 بصحة وعافية ان شاء الله
في بنت نزلت عليه باسبوعين 6 كيلو لانها ماشية عليه بحذافيره
يللا تحياتي وناطرتكم والله ماراح تندمون وماراح تجربون مثل هالنظام بحياتكم