الحل مع زوجي الي يكره أهلي

1. 6_ماله دخل الاسم هو يسدده عن طريق البنك برقم الحساب


2. 7_النقطه السابعه بالعكس أحس أنه يطمع

السلام عليكم خواتي الفراشات
الي شجعني أني أكتب لكم هو قلوبكم على بعض
لذا أنا بدخل في الموضوع على طول
المشكله ياخواتي زوجي العزيز مايبغاني أكلم أهلي أو أكلم خواتي لما يشوفني أكلمهم يزعل وبعض الاحيان يجلس يتريق أو لما يدق جوالي يقولي بأسلوب أستهزاء يالله ردي بسرعه
علما انه ماعندي ثابت رافض يركبلي من ايام زواجي وأهله عندهم ثابت وهو الي يسدده
ولا عمره شرالي جهاز جوال لما اقوله يرفض والجهاز الي معي من أخوي وفاتورة جوالي بالقوه يسددها لي عذره مامعه فلوس
ودائما جوالي مفصول حتى إني أنحرج من أهلي يوم يكون مفصول ولما يدرون يقولون خلينا نسدده لك بس أنا أقول لا زوجي بيسدده ونص صديقاتي قاطعتهم على شان مقدر أكلمهم
واهلي لما أكلمهم ادق عليهم ويشغلونه وهم يدقون علي
ومايوديني عندهم إلا كل خميس بعد بالملعنه والزعل والهواش قليل جدا ايام الاسبوع قليل يعني قليل
وهو كل يوم عند اهله ولما يدقون عليه ما ازعل ولازم يوميا ينزل عندهم
والحين الله رزقني بمولوده ولما رجعت لبيتي كل يوم ينزلها عند امه وخواته لازم ضروري تنزل
ولما يكون خارج بره البيت يعني عنده شغل أقوله نزلني عند اهلي أمي تبغى بنتي يقول لا
قلت طيب امي جدتها مثل ما أمك جدتها وهي تشتاق لها لا كن يرفض واليوم الي ماتنزل تحت عند عمامها يزعل
علما ان بيت اهلي مو بعيد
وانا ما أنزل تحت دائما لا اجلس كم يوم وأنزل طبعا هذا من أيام زواجي وأنا كذا
ودائما يتصل علي يقول وينك أقول فوق في بيتي يقول ليش ماتنزلين النونو تحت
أقول الحين أهلي ترفض توديني أو اني اكلمهم وتبغاني انزل كل يوم عند أهلك
والحين أنا وهو متزاعلين علشان اختي كلمتني أمس
بنات اوقات اتحسب عليه
لانه لما أتكلم انا وهو بالموضوع يكون رده لا تقارنين نفسك بي انا رجال
احس اني ودي اصيح يمكن ارتاح
أختي ورد تشرين برد على نقاطك
1_بعض الاحيان مايكون موجود لكن يتصل علي يلقى معي مكالمه عاد أنا إذا شفت رقمه أقطع المكالمه وارد عليه ومع ذلك مايعجبه
2_أنا بس أبغى يوديني أزور أهلي
3_كيف يعني أمي مالها حق تشوف بنتي
4_مسألة إني أنزل كل يوم ماتصلح لان خواته يدقن بالكلام او يجلسون يسألون أسأله مالها داعي ويتدخلون في حياتي وحتى لما أنزل أنزل معي بعض الاحيان قهوه وحلا أو فطاير يعني أنزل ومعي شي لكن مو دائما
5_من أول أيام زواجي وأنا متفقه معه كل خميس عند أهلي لكن بعدين ما أعجبه يقول أقعدي أسبوعين لاتروحين

6_ماله دخل الاسم هو يسدده عن طريق البنك برقم الحساب

7_النقطه السابعه بالعكس أحس أنه يطمع

مثل لماخلصت الاربعين قلت تعال خذنا يوم الجمعه قال لا الاربعاء أناأبي أجلس معكي وأنا رفضت بعدين رضيت وقلت خلاص تعال طبعا طلعت نيته انه مايبغاني اجلس يوم الخميس عند اهلي لانه يوم أجتماع خواتي وتخيلي يوم الخميس الي يقول يبي يجلس معي خلاني أنزل تحت وطلع وتركني