الدليل على ان التعلق بالحمل يأخره تجارب شخصيه

السلام عليكم أخواتي الغاليات اليوم حبيت أتكلم معاكم عن موضوع اللتعلق بالحمل ودوره بتأخير الحمل لأنه يلخبط الهرمونات ويرفع هرمون الحليب اللي يضعف المبايض والتبويض , والتجربه هي لي تصدقون اني أول ماتزوجت بأول شهر سافرت لأمريكا مع زوجي وأنا عمري ماسافرت حتى البحرين اللي هي ساعه من المملكه وكنت مبهوره ومو في بالي غير اني بأمريكا والرحله اللي طالت ل24ساعه والتمشيه والدلع والهدايا ياسلام , وعدى موعد دورتي ولاجات وبدون ما أحسب لنفسي بس أمي الله يحفظها هي اللي نبهتني لمن قلت لها اني مزكومه مره لأن امريكا فيها ثلوج ومو متعوده على كدا وحرارتي مرتفعه وظهري بيموتني من اللإمساك الم شديد قالت لي الدوره جات؟؟؟ قلت لها :ليه هو وقتها الحين قالت لي:وقتها عدى من اسبوعين و3ايام قلت طيب مو مشكله متى ماجات تجي , مافهمت قصد امي من سؤالها قالت لي لاتكونين حامل بس وانتي جالسه تفرفرين ومو مريحه نفسك قمت ضحكت على كلامها وماحطيته ببالي وبنفس الليله أنا وزوجي ماقصرنا وجربنا كل الطرق اللي سمعنا عنها مثل اللي ماشاف خير خ وتعالوا شوفوني بعد ساعتين من يوم خلصناواحنا نايمين مدري الا وشي يشد على أسفل بطني وكنه بينفحر وقمت اصرخ من الألم وزوجي قام مفجوع وقلت له حاسه نفسي بموت من الألم ورحت الحمام وينزل مني ذاك النزيف لدرجة اني حسيت بدوخه وبرضوا على بالي انها دوره ويوم خذني زوجي للطواريء وعلى طول حللولي دم وطلعت حامل لكن للأسف استمر الين أجهضت , وبعدها تأثر ت مره لأني أموت بالأطفال وماتوقعت الحمل بهالسرعه وبدت اللخبطه للهرمونات وكملت سنتين بدون حمل الين جا وقت سفري مره ثانيه للهجره وطبعا انشغلت بالسفر وترتيب الشنط وحوسه وفعلا عدى موعد الدوره وحللت منزلي وطلع حمل لكني ملقوفه وما أصبر على تأخير الشغل انبوبة الغاز خلصت وقلت لزوجي وقالي بعدين انقهرت قمت شلتها وحطيتها عند الباب قلت فاضيه مو مشكله وبعدها بدى الدم وبدى الصياح ويالله نزل مره ثانيه من بدري وانا توني ماتهنيت بالحمل وزوجي بهذلني وخاصمني وبعدين حزن على حالي وجلست بعدها سنه كامله , وعلى هالحاله كل مالتهي وأشيل الحمل من بالي احمل حتى بالشهر اللي سويت فيه عملية المنظار عشان الدكتوره ماراح تحملين الا بالأنابيب خلاص صدقت كلامها واراد الله وحملت وماجتني الدوره بعد العمليه بس هالمره هم اللي طلبوا مني أنزل الحمل عشان احتمال انه ينفتح الجرح بالشهر الخامس وتأخر بعدها الحمل الين جا وقت رجوعي للملكه بعد سنه فراق لأهلي وطبعا السوق والهدايا وفرحتي الا ماتوصف لأني رايحه وبحضر ولادة أختي ومرة أخوي ووصلت المملكه وحضرت العشر الأواخر برمضان وسويت عمره وعيدنا واكتشفت تأخر الدوره لكن هالمره بغبائي الي ماله نهايه حسيت بألم أسفل بطني قلت يمكن برد رحت على طول سخنت زيت زيتون حار وكبيته على بطني وطول الفتره أشوب زنجبيل مركز وأجهضت والى الأان لم يحدث حمل, بالنسبه لأختي تحمل طبيعي من زوجها الأول جابت ولد وبنت وتطلقت منه لأسباب معينه وتزوجت من الثاني ولآنها متعلقه بأطفالها من الزوج الأول لأنه المجرم حرمها من شوفتهم تلخبطت هرموناتها ودخلت في دوامة العلاجات اللي ماتنهي ولمن نوت تتطلق من زوجها الثاني عشان يمكن زوجها الأول يرضى يخليها تشوف اولادها ظلت شهرين في مشاكل ومحاولات عشان الطلاق ويريد رب العالمين بحملها سبحان الله من جماع واح لأن بعده ظلت عند امي تبي ورقتها الين مرضت وودتها أمي المستشفى وجا زوجها ركض مايدري وش فيها وجات السستر بأحلة خبر خلى الكل يبكي من الفرحه والحمدلله ,عشان كدا يابنات حاولوا انكم تحطون براسكم شي واحد انه متى مالله أراد بيجي الحمل وكل تأخيره خيره وكل ماقدره رب العالمين خير لنا ,,
ها وش رايكم بهالتجارب؟؟؟؟