الذهب بين الغلاء والأناقه

cute smile

08-03-2022 - 03:11 am

السلام عليكم ورحمة الله
هذا الموضوع ... سيكون ملتقى لعاشقات الذهب والمجهوهرات ...
وطبعا احنا العرايس ورانا شغل كبير بهالمجال ..
حبيت أطرح هذا الموضوع ...
لنتناقش ...
في أشكال الذهب ... المناسبه للعروس ..
كيف يكون لبسه .... وايش الملابس اللي تناسبه ..
وغلاء الذهب ...
كيف نقدر نشتري بحيث مانطيح ميزانيتنا ...
كل شئ
كل شئ
كل شئ ..
يخص الذهب او المجوهرات ...

التعليقات (9)

cute smile

08-03-2022 - 05:29 am

ر اح ابدأ انا الحين ...
بصراحه بديت اشتري من الحين الذهب ...
لانه بدا يغلى كثير واخاف يقرب زواجي وهو طاير فوق ...
فقلت الحقي عمرك ..
المهم شريت تقريبا طقم عروس كامل ...
بس طبعا فيه أشياء كثير ناقصتني ...
بنات تتوقعون لازم ..
اشتري اطقم كثير .... قصدي " اللي يسمونها نص طقم سلسال وحلق بس "
ولا عادي لو البس اكسسوار ؟؟

3yoon 3ala2

08-03-2022 - 06:30 am

حبيبتي بالنسبة لي انا جبت طقم الماس و كان بالرياض بنص السعر اختدة و هادا بس الي اشتريتة من جهازي و الله يوفقك

لمعة الماس22

08-03-2022 - 07:31 am

موضوع رائع تشكرين عليه
بالنسبه عن نفسي اختي راح تتزوج وفكرنا نشري لها طقم ابيض حلو وهادي لليلة العمر
وطقم هادي لون اصفر لابد تجي حاجته حتى لو راحت موضته
ودبلتين ابيض واصفر
وسلسالين لاحالهم مع 3 خواتم واساور
وتنوع بينهم
لان كشخة الذهب الايام الاولى وبعدين خلاص
والاكسسورات الان تفي بالغرض
لاننا عائله ماتحب لبس الذهب
بالتوفيق للجميع

الملكهـ

08-03-2022 - 08:32 am

انا بصراحه ما اعتقد راح اشتري ذهب كثير لانو ميزانيتي ما تسمح
والذهب صار غالي
بس الى الان ما قررت وش راح اشتري بالضبط
راخ اخليها لوقتها
بس للي حابه تشتري ذهب انا افضل تشتري نص طقم احلى وينلبس في كل وقت لانو ناعم وخفيف
اما الطقم الكامل فانا ما افضله ..
شكرا اختي على موضوعك

*الدانــــه**

08-03-2022 - 09:33 am

اول شي الف مبروك لعرايس الفراشه
الذهب حلو يكون ناعم يعني الاطقم الناعمه وتلبسينه مع الجليات استقبال اذا جاكي احد
او سلاسل ناعمه تلبسينها مع القمصان والبجايم ولبس البيت عند زوجك ومره راح يحب هاذا الشي
عموما الاكسسوار مع الاطقم اكيد احلى لاكن الله يعينك على العجز وحنتهم كل يوم بتسالك انتي وين ذهبكي يابنيتي ليه ماتلبسينه ههه
والله يعينكم

أنسه قوقل

08-03-2022 - 10:34 am

انا ان شاءالله قررت اشتري طقمين ابيض واصفر كامل وسلسالين وثلاث خواتم وحلقين و4 بناجر لآن الذهب غالي ومهري خلص
الله يستر

senyrita

08-03-2022 - 11:35 am

موفقه حبيبتي
والف مبروك لعرايس الفراشه......

cute smile

08-03-2022 - 12:36 pm

3yoon 3ala2
هلا فيك اختي
تصدقين مرة بودي اشتري ألماس ...
بس حسيته بيضرب علي الميزانيه فوق ماهي مضروبه ..
ماشاء الله تبارك الله...
مره حلو الالماس ...
بس المشكله انا عائلتي يحبون الذهب الكثير ...
مع اني نتأكده ماراح البسه بعد الزواج كثير ... بس وش اسوي
الوالده تقوللازم وعيب ... وما ادر ي ايش
الله يوفقك يارب

cute smile

08-03-2022 - 01:37 pm

طيب بنات ...
ودي أسألكم ...
احنا بعادتنا ... لازم العروس تكون لابسه كل ذهبها صباحية عرسها ...
عشان كذا ودي اكون مميزه ذاك اليوم ...
تصدقون شايله هم الصباحيه اكثر من العرس نفسه :(
فكرت أخلي طلتي اصباحيه طله هنديه ...
مكياج هندي ...
لاني شريت هامه ..:: بس مره نعومه وحلوه ... جايه سلاسل بس من فوق ...وسلاسل نازله منها
ب المشكله ...
كيف اسوي شعري ...
لو افكه عادي بيصير مره قديم ... وانا ودي بحركه جديده
فكرت في اني اسويه بف ويفي ...
بس مدري هل الويفي يمشي مع الهامه !!
الله يوفقكم اللي عندها فكره حلوه للتسريحه بالهامه تقول لي ...
ومشكورين كلكم على الردود والمشاركات يارب يسهل على عرايسنا ويوفقهم ..
ويرزق البنات منهم بالازواج الصالحين ..

عرايس الشرقية خلونا نتعاون لجعل افراحنا اسطورية←
ماذا بعد→