الرز

السلام عليكم ورحمه الله وبركاته
تبين الرز يضبط معك نقعي الرز في ماء عادي بس مو كثير مع شوي ملح انا انقع الرز اي نوع من الرز المهيدب او ابو كاس بعد مااضع اللحمه على النار ابو كاس يبى ماء واجد اما المهيدب يبي شوي موي وعليك بوضع الزيت لان الزيت يزين الرز (بعد ماتستوي اللحمه او الدجاج شيلي الدجاج وصفي ماء اللحم من البصل والطماطم ضعي على مرق اللحم بهارات زياده مثل فلفل اسود كمون بزار القصيم وضعي الرز وخلي النار عاليه على الرز ولا تضعي القدر علشان يروح البخار لانه ماهو زين للرز وعندما يستوي الرز او يشرب مائه ضعي على الرزشوي زيت اواحمسي بصل مع زيت مقدار نص بياله لان الزيت يزين شكل وطعم الرز
وارجو انك تدعين لابني واخوي بالمغفره

الله يرحم ابنك واخوك وجميع اموات المسلمين يارب العالمين بس انا عندي سوال ان الرز يطاع مخمود اوفيه مويه رغم ان القلل الميه عليه

يا الغاليه المويه تكون على قد الرز يعنى ارفع من الرز بمقدار اصبع وحطيه على نار عاليه لما يشربه الرز وطلعت فتحات في الرز كبي الكشنه هي عبارة عن بصل وبهارات وزيت واقصري عليه لمدة عشر دقايق وسكري القدر وبالعافيه بس ادعى لى انا بعد
غرت

الله يوفقك دنيا واخره يارب العالمين يابلسم الحياه

السلام عليكم ورحمه الله وبركاته
انا عندي طريقه حتى تعرفين ان ماء الرز زياده او لا
وهي ضعي ملعقه علي الرز اللي بالقدر اذا بدا معك تحريك الملعقه سهل فالماء حق الرز كثير نقصي منه المهم اذا الملعقه تاقف في وسط القدر اول ماتضعين الرز على النار وبعدين تطيح فماء الرز زين
والله يوفقك واذا احتجتي شي خبريني