الرسائل الخاصه 11

ٍبسم الله الرحمن الرح ي مٍٍ
:
ِِِالس لام عليكم ور ح مة الله وبركات هِ ِِِ
هلا وغلا
بلي سكنو داخل الروح000
الرسائل الخاصه:1
انتي مخطيه
لما تزوجين وتودعين حياتك العزوبيه
وتعطين زوجك كل شي من اهتمام ومعامله
وتنسين نفسك
طيب انتي وش عطيتي نفسك يوم تزوجتي..
صبيتي كل اهتمامك وحياتك بزوجك
وماخليتي لك شي
صديقاتك حاربتيهم
واشياء كنتي تزاولينها بعزوبيتك
وتخليتي عنها بزواجك
انتي قاعده تخسرين اشياء كثيره
الحياه الزوجيه اخذ وعطاء
مو تعطين وتاخذين لزوجك وناسيه نفسك
عيشي حياتك الزوجيه زوالي هواياتك ويومياتك عند اهلك
واضيفي لها رجل
مو تحطين حياتك كلها زوج
وناسيه هواياتك وصديقاتك
هذا قمة الخطا00
لان راح تواجهك اشياء تخسرينها بسبب اهتمامك الوحيد بزوجك
انا مااقول لاتهتمين بزوجك
بالعكس اهتمي فيه
بس لاتنسين نفسك
اطلعي ومارسي هواياتك علاقتك بصديقاتك لاتقطعينها
بعضهم من تزوج تقاطع الكل
وبعدين تندم وتحسر
عيشي حياتك واستمتعي
ولاتحرمين نفسك من شي
الرسائل الخاصه:2
متطلبات البيت والزوج والاطفال كثيره
حتى تتخيل الزوجه انها طلبات لاتنتهي
لبي طلبات زوجك برحابة صدر
ولاتذمرين
حتى لو كان الشغل متعبك وطلب منك تحضرين له شي
لبي طلبه برحابه
ابشر من عيوني تامر ان شالله
صدقيني هالكلمات ماتكلف00
لاكن لو قلتي انا تعبانه الشغل علي شوي بحضره لك
راح يحز بنفسه ويتضجر منك
وش يمنعك تلبين طلبه برحابة صدر وترتاحين
بعضنا تقعد تلفظ وتذمر من الطلبات
وانا اسوي وانا وانا
طيب وش استفدتي احرقتي دمك ع الفاضي
ولو جايبتها بطيب خاطر اريح لك ولزوجك
وحبيت اقولك
لو رفضتي له طلب
راح ينكسر بداخله شي ويشوفك زوجه غير مطيعه
راح يغضب منك
الرسائل الخاصه:3
تفاعلي مع زوجك وشاركيه بمشاعره واراه
اجعلي لك بصمه بحياته
لاتجعلي نفسك كقطعة الاثاث
لاتعطين ولاتاخذين ولايسمع لك راي
بل اجعلي لك كلمه وراي
الزوج يحب الزوجه الي كلمتها تكون معه
وتاخذ برايه وياخذ برايها
وتشاركه بمشاعره
لو شافك زوجك
ماتشاركينه ولاتعطينه اي راي ولاتناقشينه ولاتشاركينه بمشاعره واحاسيسه
لاشك سوف ينفر او لايحب نقاشك او حديثك لانه مايسمع منك اي شي يستحق انك تسمعين له
وراح يخبي عنك اشياء
الرسائل الخاصه:4
لكي تكسبي زوجك اعملي له كل مايحب ويريد
وحاولي ان تتكيفي مع متطلباته حتى تفوزي بقلبه00
الرسائل الخاصه:5
انتقدي زوجك اذا رايتي منه
تصرف غير لائق او كلام بذي
لاكن انتقديه باسلوب حلو ويكون الوقت مناسب
ويكون زوجك رايق وهادي
بقولك شي ياعمري اليوم سويت شي ماتوقعته يطلع منك او تلفظت بشي ياعمري ماتوقعته يكون من انسان طيب وحبوب مثلك
وقولي له
اذا شفتي زوجك مقصر معك بشي واجهيه بامور التقصير
الرسائل الخاصه :6
جربي تكلمين زوجك مكالمه غير
بعيد عن الطلبات والمشاكل
مكالمه كلها رقه ودلع
الو حبيبي اشتقت لك
جاء ع بالي اسمع صوتك
اشتقت لصوتك
حبيت اتطمن عليك يالغال
وابدي تغزلي فيه
لاتجعلين مكالماتك له
بس لطلبات والمشاكل
لاعطي الغزل فرصه بمكالماتك ورسائلك
عودي نفسك ع هالشي
وقولي لزوجك اشتهيت اكلمك بهالاسلوب
وش رايك فيه وانا اتغزل فيك واقول لك هالحكي مو يهبل
مابي احرمك منه وانت لاتحرمني
الرسائل الخاصه:7
دائما قولي له
الله لايحرمني منك
الحمدالله اني زوجتك
يارب تبقى بدنيتي موجود
مالي غنى عنك
هالعبارات مفعولها سحري
الرسائل الخاصه: 8
ارضي بحياتك الزوجيه
واعلمي ان كل شي مكتوب لك قبل تجين لهالدنيا
لاشفتي زوجك ظروفه صارت صعبه
لاتقعدين تذمرين وتشتكين
اصبري وتحملي وطولي بالك
لاشفتي زوجك متغير عليك
اصبري وتحملي
ودائم اقول خلي الصبر سلاحك
وحطي بالك مابعد العسر الايسر
الرسائل الخاصه:9
اهتمي بنظافتك وجسمك بشكل عام
واثناء العلاقه
وابحثي عن الاشياء الي تثير الزوج بخصوص العلاقه
واجعلي جسمك يفوح من الروائح الزكيه
والبسي ملابس تغريه
وتاكدي ان لقميص النوم سحر ع الزوج
وافعلي مايريده منك زوجك بخصوص العلاقه
يريد منك ان تكوني كذا
يريد منك تسوي كذا
الرسائل الخاصه:10
داعبي زوجك ولاطفيه بالعبارات والتصرفات
واجذبيه بحلاوة اسلوبك
عبري عن مشاعرك اتجاهك00
دائم كرري عليه عبارات الحب
بيني له حبك واثبتيه بتصرفاتك
ولااتنسين الهديه لها مفعول قوي ع نفسية الزوج
اطبخي الاطباق الي يحبها وتفنني بطبق جديد
عوديه ان لايرى منك الا كل ماهو جميل
الرسائل الخاصه:11
احفظي اسرار زوجك
وانتبهي تقولين لاحد
زوجي اعترف لي انه يسوي
او زوجي صار له شي
لو طلع هالسر من راح ينضر اكيد انتي وتندمين
انتبهي سر زوجك اجعليه بالصون
او كشفت زوجي يكلم
وزجي صدت معه شي
والخبر راح ينتشر حتى لو امينه بهالزمن ماتنوجد امينه
يمكن تصير بينكم مشكله وتبيح سرك وتفضح زوجك
//
بنت العتيبي