الزباد

وشو هذا مافهمت كريم او زيت او ايش بالضبط وكيف طريقتة ياليت توضيح وين نلاقية

الزبااد عشبه ولا كريم الله يسعدك ردي

وينك علقتيينا ورحتي الله يسامحك

بنات الزباد عباره عن كريم وحجمه صغير كبر الفكس ونفس اللزوجة
قريت عنه كثيير يمدحونه لتطويل وتكثيف الشعر
ياليت اذا فيه بالسعوديه وخاصه بالاحساء يرد عليناا وين نحصله ؟؟
ويالغلا رنوون تلقينه بالكويت اكيد عند العطارين لانه مشهور عندكم !!!

احلى الشيخات
آسفه على التاخير الزبااد هو كريم بني يميل الى السواد
يجي بغرشه صغيره وله اكثر من استخدام ومعروف عند حريم اول
بس يقولون استخدامه على فروة الشعر مع الفرك خلال شهر او اقل نتايجه جدا فعاله
يساهم بتكثيف الشعر وتنعيمه وتطويله يعني 3 في 1 وفوق من هذا يكسب شعرج لمعه خياليه
ان صديقتي الله يجازيها كل خير استخدمته لسنه وتحلف يمين ان شعرها كان باهت ومتقصف بس تقول من بعد
الزبااد تحول شعرها 180 درجه حتى الناس انهبلوا من شعرها بالعرس
ايام اول المره لجت تعرس في ليلة عرسها يدهنون فرقة شعرها ويخلطون شويه زباد مع زعفران
ويدهنون رقبتها ومن ورى اذنها لأن من ضمت استخداماته أيعطرون فيه العروس بس على كلام رفيجتي ان
له ريحه نفاذه كشره ما تتحمل بس الظاهر حريم اول كانوا يشوفون ريحته خيال
غريبه محد منكم سمع عنه خصوصا ان سمعت انه مشهور بالسعوديه

دموع الليل
اجل من بكره رايحه افرفر عند العطارين

طيب اسمة كذا اسأل اقول بدي زباد
بدورة عند العطارين ولو حصلتة راح اقول لكم ياحلوات