الزوج اللي مايستاهل تنتظرونه

طبعا كل وحده تحلم تتزوج
بس لاتخلون الزواج اكبر همكم
لان الزوج مايستحق اليأس والتعب والحزن
موكلهم طبعا
بس شوفوا هذا الزوج
حبته وتعلقت فيه
ماكان شاغلها مرضها قد
خوفها على حبيبها وزوجها
اللي تخلى عنها على طول
هذي قصتها
على فكره العضوه هذي توفت قريب
من المرض
ادعولها بالرحمه والمغفره وان الله يعوضها
ياريته وقف جنبها في مرضها بس تركها وهي في امس
الحاجه له
وانتو عارفين مريض السرطان
جزء من علاجه النفسيه الحلوه
العضوه اسمها كلي تفاؤل بالشفاء من منتدى
ثاني
ساعدوني جزيتم خيراصديقة مقربة لي نصحتني اني ادخل النت واشوف يمكن لمشكلتي حل انا مدرسة في احد المدارس الاجنبية
تعب في احد الايام ولما رحت المستشفى قالو احتمال انه التهاب في الكلى واعطوني العلاج مدة سنة وانا ماتحسنت
الامي تزيد يوم بعد يوم سافرت انا والوالد للخارج بعد شهر من الفحوصات قالو انه ابدا كليتي سليمة مئة بالمئة ومرضي هو
انسداد في الشرايين الموصلة للكلى وشريان في القلب واحتاج ل3 عمليات المفروض انه اكتشفوا هالشي بدري وش رايكم
مو حرام هالشي المشكلة الاكبر انا ملكة وزواجي مفروض شهر 6 مادري اقول لخطيبي انا خايفة ينصدم يحبني حب
الحمدالله لايوصف بتخلص بعثته الدراسية شهر2 الماجستير وعمليتي الدكتور صارحني وقال النسبة 40 في المئة يعني
الايام معدودة والله العالم بس انا زعلانة على زوجي اذا مرضت بسيط والله ينهبل علي ويقعد يدق كل ثانية تبغون الصراحة
انا اموت فيه والله العالم كل ماتالمت من مرضي اذكره وابكي ودي يكون يمي ومرات ماودي اخاف من صدمته لمى يدري تبغون الصراحة مرات يوسوس الشيطان لي انه اذا عرف يمكن يتخلى عني رغم اني عارفه انه مستحيل بس انا خايفه من امه مادري احس عقلي موقف ساعدوني الله يخليكم ............................................
ادعولها يابنات تحتاج دعواتكم
عشان تلاقون اللي يدعيلكم بعد موتكم