السلط ة المكسيكي ة بالناتشووز

هاي
حبيت احط لكم طريقه السلطة المكسيكية ,, بس مو العادية ،،
لا ،، اللي معاها ناتشوز ,,
وانشالله تعجبكم ,,
المقادير :

• 1 فلفله بارده لون أخضر + 1 فلفله صفره + 1 فلفله برتغالية + 1 فلفله حمره .
• 1 علبة ذره صغيره .
• علبة فاصوليا حمرا .
• 1 ملعقه كبيره فلفل هلابينيو .
• القليل من الخيار المخلل ( يقطع شرائح )
• شوي جزر مبشور حسب الرغبة .
• عدد 2 كيس ناتشوز " يفضل نكهة حامض حلوو " .. أحلى نوع الكتكو اللي يكون كيسه لونه خضر .

الصلصة :

• نص كاس صلصة إيطالية >> تباع بالجمعية عند الدريسنغ .
• 1 ملعقة أكل زيت زيتون .
• نص ليمونه . >> اللي يحب الحامض يخليها ليمونه كامله .

الطريقه :
يقطع الفلفل شرائح بالطول ثم يضاف الية الذره والفاصوليا والهلابينو والخيار المخلل ..
بعدها تضاف الصلصه ..
والأخير قبل التقديم نضيف الناتشوز عشان لا يصير ليين " رطب " ..
وعليكم بألف عافية ..
ترى لذيذه جربوها وعطوني رايكم