الصراع النفسي بيني وبين نفسي بحياتي الزوجية ارجوكم ساعدوني

1. السلام عليكم ...

السلام عليكم ...

انا بصراحة اليوم مرة متضايقة وليه فترة بافكر في وضعي وايش اعمل مع زوجي لأنه وضعه مو عاجبني ومااقدر افضفض لأحد من اهلي لأنه محد بيعطيني وجه ومحد بيحس فيه لاني جربتها لأنهم كلهم شايفينه ملاك نازل من السما
انا فتاة عمري 24 سنة متزوجة ليه سنتين وثلاثة اشهر ، علاقتي بزوجي الحمدلله مرة طيبة هو يحبني وانا احبه بس في اشياء مضايقتني ومنكده عليه بحياتي
اولها زوجي اصغر مني بسنة عمره 23 سنة ودائما افكر بالموضوع دا وفي الناس اذا عرفوا ، محد يعرف من اهلي الا امي وابويه واخوية حتى اخواتي مايعرفو الشي دا ،لأنه شكلا هو يبان انه هو اكبر مني طول بعرض ماشالله بس اخاف يجي اليوم اللي اندم فيه ، هو عمره ماحسسني بالفرق دا انا محسودة عليه من عماته حاسديننا على علاقتنا ومستكثرينه عليه عشانه بس هو ابيض وانا قمحية مع انه بالملامح انا الحمدلله جميلة وناس كتير من اهلي كانوا متمنين اتزوجهم بس بابا كان رافض زواج الاقارب احسهم متمنينه لبناتهم
الشي التاني احس زوجي مرة نياتي وعقله صغير بسرعة ضحك عليه مايقدر يسوي شي الا بعد مايخد رايي انا عارفة انه شي حلو بس المرأة تبى تحس بأنوثتها فين القوامة حقت الرجل
زوجي مرة ماشالله طيب وحنون معاية واحس نفسي احزن عليه بس دي الحكايتين معكرة حياتي .
وموضوع البزورة والحمل من جهة تانية تعبت من التفكير هو عنده مشكلة ببالسائل المنوي وانا خايفة من اهله وكلامهم دايما لمن يشوفوني يقولولي ها ماصار حمل .
دائما اقول انا لو اخدت واحد اكبر مني هل حأكون مبسوطة ولا لا ارجع اراجع نفسي واقول مالاقي احد يحبني ويخاف عليه اكتر منه، والله اني احزن عليه ترك المدينة اللي عايشين فيها اهله وجا سكن بالمدينة اللي فيها اهلي عشاني وعشان يرتاح من اهله وحسدهم ويقلي اني احبك وماابغى اخسرك عشان احد واحيانا احس اني مو جالسة الا عشان هو يحبني ويحترمني مرة وحنون عليه اكتر من حنية اهلي علية بمليون مرة . والله عانيت كتير لمن كنت ساكنة بنفس مدينة اهله تجيني حالات مو طايقته ولا ابغاه من غير سبب وهو يتوددلي وكنت دايما احلم احلام مو كويسة وكلها تفسيرها انه في عين قوية بتحسدنا، مرة اضاربت معاه وقلتله طلقني انا ماابغاك جلس يبكي ويقلي لا تتركيني انا مااقدر اعيش مع وحدة غيرك
انا مو عارفة كيف اغيره واخليه يبطل الثقة بالناس وحسن النية شوروا عليه بليز وهل هادي تهيئات اللي انا احسبها ..
معليش فراشاتي يمكن اسلوبي مو مرتب في الكتابة بس ماني عارفة افهمكم اللي فيني