الصمت قصه حب حزينه مره

دانتيـل

12-12-2022 - 02:27 pm

عائشه: يمنوه وين؟ قالت بخاطرها: وين سايره يمنى؟؟

شافت فاطمه يمنى ياييه صوبها وقالت بخاطرها:اف شو تبا هاي بعد

فاطمه كانت فنفس صف يمنى هي مش حسوده لكنها اتغار منها فكل شي.

عائشه: زين وانتي ليش مستغربه؟

يمنى:من زمان ماسأل عني وبعدين..................

يمنى: زين ببدل وبنزل روحي انتي

:زين...

سيف:لا واموت فيك ههه يلا اجهزباي

أحمد :أوك....قام عالسرير وهو لابس شورت وتيشيرت بدون أكمام

السلام عليكم يابنات...
جبت لكم اليوم قصه حزينه للغايه تندمجون فأجواءها بسررعه
هي قصه اماراتيه للكاتبه Ro0o0o07
بس كل يوم انشالله احاول اجيب لكم جزء لو لقيت منكم الحماس...
الجزء الاول..
الصمت
الجزء الاول:
كانت جالسه على الكرسي تمسح دموعها وهي حزينه تقول في خاطرها
: يارب هون عليها,,والله تكسر الخاطر المسكينه
صعدت فوق واتجهت لغرفتها تتذكر بكل خطوة تخطيها ضحكتها سوالفها, ,براءتها,,اللي اختفت ماعادت مثل ماكانت,,
دخلت الغرفه المكان بارد وهادئ كأن مافي حد ساكنها شافتها كالعاده شعرها البني الطويل مفتوح لابسه جلابيه بيضه كبياضها قاعده و مبتسمه ابتسامه البارده وعينها على قفص العصافير
قربت صوبها ..تتظاهر بالتفاءل والامل,,
:صباح الخير ياحلوة اشحالج اليوم ؟
ماردت,,
ارتبكت ..فراحت تفتح الستارة
:الله الجو وايد حلوشكله بينزل مطر
جلست عندها تبى اتأكلها الفطور:يلا حبيبتي كلي من ايدي..
كلت يمنى من ايد هديل لقمتين ..
هديل: وهاي الثالثه . يمنى مسكت ايدها
:ليش ماكلتي شي؟ صدت ويهها يمنى اتطالع القفص
انهارت هديل وقالت لها: زين حبيبتي لازم اشرف على شغل البيت .سارت خطوتين طالعتها وظهرت عند باب الغرفه وقفت تبكي بمرارة من دون صوت.. ابوها شافها..وقالها:بعدها؟
هديل:والله حالتها ماتسر.. تأكل لقمتين بس تسد فيهم الجوع
ابويمنى تنهد وملامحه حزينه
هديل: يبا ليش ماتروح اتشوفها؟
ابو يمنى:لاماقدر
هديل:عل اقل اقعد معاها شوي يمكن تتحسن,,
اتوتر ابو يمنى:ماقدر ..ماقدر يا يبا انا ماستحمل اشوفها كذي انا رايح الشركه عندي شغل خلوا بالكم منهاو لا تخلونها بروحها واذا محتاجه شي خبريني علطول.. نزل من الدري ابو يمنى..
هديل سرحانه: انشالله وراحت هي بعد اتكمل شغلها,,
رغم ان كانت اصواتهم مسموعه الا ان يمنى ما انتبهت فهي عايشه بالذكريات محتفظه بابتسامتها وعيونها على القفص الذهبي وراحت لمكان بعيد...بعيد تتذكر ايامها,,,,
عائشه تصرخ وهي ترمس فالتيلفون:يمه باركي لبنتج اخيرا نجحت!
ام خليفه:مبروك يايمه والله فرحتيني..
عائشه :ميرسي مام يلا جهزيلي الهديه ابي لاب توب خاص لي بدون ما تلمس غباره ساروه
ماسمعت عائشه صوت امها شو اتقول من حشرة الشله اللي عندها..
يمنى: مابتتوقعين!
مريم متحمسه:يلا يمنوه تكفين قوليلي كم نسبتج ؟
يمنى مستانسه:93%
:هيه لازم اتيبين هاي النسبه تراالابلوات يحبونج انتي كل شي تبينه يستوي قالت فاطمه وراحت عنهم
يمنى مستغربه:شوفيها فطوم؟لاتكون زعلانه مني بشي؟
مريم: الله اكبر ليش قلتي جدامها ماتعرفينها حسوده؟
عائشه : اف بسكم من الهذربان ماسمعت امي شو قالت
المهم عندي بنفتك من المدرسه مستانسه حدي منو قدي؟
مريم: هيه صدقج وبهاي المناسبه نبي حفله
عائشه سرحانه: ياسلام مومصدقه يعني مابشوف رقعه المديرة ضفاف مومصدقه لا لا واخيرا خلصت ابي اطيرمن الفرح ابي امي ابي ابوي!
سمعتها اليازيه وهي يايه صوبهم:زين بسج هذا وانتي طالعه من المدرسه عيل لو كنتي بالجامعه شنو؟
يمنى ومريم عائشه و:ههه!
يرن تيلفون يمنى اتشوف المتصل"بابا"
:هلا يبى
ابو يمنى:هلا ببنتي بشري؟
يمنى:نجحت يايبى ونسبتي 93%
ابويمنى:مبروك يا يبى قوليلي شو تبين هديتج اتكون؟
يمنى:اي شي من ذوقك ..
ابو يمنى:خلاص بنسافر ماليزيا..
فرحت يمنى وايد: صدق يبى؟
ابو يمنى:هيه حبيبتي على ها الخبر فرحتيني المهم انا عندي شغل ولازم اسكر لاتتأخرين وايد ردي البيت مع السلامه
وقبل لاتتكلم قطع الاتصال ..يمنى:مع السلامه كان ماودها اتسكر يرن تيلفونها مرة ثانيه وكانت مربيتها ماما رقيه
يمنى: الو هلا ماما رقيه
رقيه :هلا يمه نحن وصلنا طلعوا
يمنى :انشالله,,
مريم: شو بتروحين؟
يمنى: هيه والله الدريول وصل
اليازيه:زين عيل انشالله بنتلاقى والله بتولهه عليج يا يمنى وعلى طيبتج
عائشه رازه ويهها: اخجلتيني تسلمين
يمنى:والله وانا بعد فديتج يزووي وايد كنتي اتساعديني
عائشه تضحك: يلا كملوا الفيلم الهندي. يمنى ضربتها على كتفهاوبعدها عائشه تضحك..
مريم يايه اتسلم على عائشه ويمنى:زين حبايبي بروح مع السلامه.
اليازيه :وانا بعد يلا مع السلامه.
وبعد السلام يمنى:مع السلامه بنكون على اتصال لاتقاطعونا؟
اليازيه ومريم:انشالله
عائشه:يلا يمنوه بسج اتسلمين قومي انسير
يمنى: يلا يلا
وصلوا عند السياره وكانت فاطمه هناك تتريا ابوها
يمنى:سيري عواش انا بييج

عائشه: يمنوه وين؟ قالت بخاطرها: وين سايره يمنى؟؟

شافت فاطمه يمنى ياييه صوبها وقالت بخاطرها:اف شو تبا هاي بعد

سلمت يمنى على فاطمه وحضنتهابالقو لفراقها:والله يا فطوم مابنسى ايامنا الحلوة اللي قضيناها مع بعض ضحك ولعب صدق بشتاقلج يا فطوم بشتاق لقعداتج الحلوة صحيح انج ما كنتي اتسولفين وايد بس يكفينا وجودج.. ديري بالج على عمرج وخلينا على الاتصال ..مع السلامه
تجمدت فاطمه ولا نطقت كلمه سلمت عليها يمنى وراحت ولما روحت نزلت دمعه من عين فاطمه كأنها تذكرت ايام الحلوة اللي مرت معاها رغم انها كانت تكره يمنى

فاطمه كانت فنفس صف يمنى هي مش حسوده لكنها اتغار منها فكل شي.

يمنى بنت قمرر كأنها لوحه مرسومه رسم وايد حلوة يعني بصراحه جمالها يذبح وملفت.. ملامحها ناعمه وبريئه رموشها كثيفه وعيونها وساع وخشمها صغير وشفايفها حمر بلون خدودها لانها بيضه وايد وشعرها بني وطويل واصل لاخر ظهرها سايح عليها جسم فهي مخصرة ورشيقه لانها تهتم بصحتها كل اللي يشوفها لازم يتأمل فيها فوق كل هذا طيبتها اللي اتغطي واسلوبها الواضح ..
رغم كل هذا الا انها وحيده
عائشه: يمنوه وين وصلتي؟
يمنى: مادري يا عواش افكر بابوي كيف اتصل اليوم وسأل عني؟
عائشه اتنكت: عادي كأي اب يسأل عن بنته!
يمنى تضحك:عوااش لاتنكتين دخيلج مش وقته..

عائشه: زين وانتي ليش مستغربه؟

يمنى:من زمان ماسأل عني وبعدين..................

كانت رقيه تسمع صوتها العذب وهي تتكلم عن ابوها سرحت و خذ فكرها اول ما جت تشتغل مربيه ليمنى..كيف كان بو يمنى يحب ام يمنى حب جنوني لايوصف مايرفض لها طلب ولاطلعاته كثيرة طول اليوم عندها بس النار كانت تحرق قلب "جميله" كلما اتشوفها عنده
جميله بنت عم بو يمنى كانت اتحب بو يمنى من هم صغاركانوا يقولون لبعض بس هو اخترق الطريق صرخ وقال لاهله ماراح ياخذها
لانه يحب بنت جيرانهم" ام يمنى" انهارت جميله بحزن من سمعت الخبر وامتلى قلبها حقد وخبث ماكان الموقف سهل لها وحلفت يرجع بو يمنى ويتوسل جدام اهلها عشان ياخذها ويرد حبها العذري ماسكتت وفرقتهم بين كذب وشك وفتن بويمنى كره عيشته ماتحمل الوضع صدق الاشاعات وكره مرته كره لين ما طلقهاوخذ الحضانه منع حتى الزيارة هددها اذا شافها عند باب بيته
وقتها يمنى كان عمرها 5سنوات.." تنهدت رقيه"وهي ناظرتها بنظرة مسكينه يايمنى وش ذنبج ماتشوفين امج .......
يمنى:ماما رقيه وصلنا نزلي..
رقيه:وينها عائشه
يمنى تضحك:ماما وصلناها بيتها
رقيه :اوه! نسيت اههه شسوي حبيبتي راسي يعورني
يمنى:سلامات ماما تعالي بساعدج اتسيرين الغرفه ترتاحين..
رقيه:لا لا مايحتاي احين بتحسن ماعليج
يمنى:شو ماعليه؟انتي تعبانه ولازم ترتاحين وهذا البندول خذيه وارقدي
رقيه : مشكوره بنتي قولي لميري اتحطلج الغدا..
يمنى :لا تحاتيني..تمسين على خير,,وسكرت الباب
ابتسمت رقيه ..طول عمرج طيبه يايمنى عسى الله يوفقج يابنتي
وفي غرفه يمنى..
الله لايحرمني منج ياماما رقيه فيج خير اكثر من...وسكتت
ميري :يمنى غدا تحت جاهز..

يمنى: زين ببدل وبنزل روحي انتي

:زين...

نزلت يمنى ماكلت وايد لانه متعوده رقيه تاكل وياها..قبل لاتصعد الدري طالعت كل جهات الفيلا ..بيت فخم و مافيه احد غيرها ورقيه وميري وشمس الدريول تمنت لو ابوها يكون موجود و يهنيها على رغم فرحه النجاح الا ان يمنى مافرحت وايد...
تعبت يمنى صعدت غرفتها عشان اتنام
اما فبيت الجيران...
ام خليفه: بسكم تتظاربون
سارة : والله ضحكتني اونه انا ناجحه واتصرخ ونسبتها 67% ههه!! تحريتها من الاوائل بصراخها!
عائشه :يمه سكتي بنتج لانحرها
سارة:ويو!!
عائشه اتفر المخده على راس ساره..
ساره: اي خلوف
خليفه: شو فيكم؟
عائشه: شوفهها اتنرفزني
سارة: كل الحكايه اني طيبه وابي اباركلها بنجاح!!
عائشه عصبت لانه سارة غيرت كلامها :اتباركيلي؟؟
خليفه:اوه نسيت مبروك عيوزتنا بدش الجامعه احينه؟؟
عائشه:خلوف اضرب سارونه قاهرتني والله لو ضربتها بقول يمنى ان خليفه يسلم عليج!!
خليفه:افا عليج بجتلها لو تبين؟
سارة :يما شوفيهم
ام خليفه معصبه: والله ان مايلستوا بخبر ابوكم ....يلا روحوا اتغدوا!
ههه ضحكوا كلهم على عصبيه امهم وساروا يتغدون..
وبعد الغدا..
عائشه وهي سايرة غرفتها..
خليفه:عواش
عائشه :هلا
خليفه متردد يسأل:يمنى نجحت؟
عائشه:اكيد ربيعتي متفوقه
سرح خليفه بتفكيره وراح الا ان ورا خجله يحب يمنى
وبغرفه عائشه
اف احينه الساعه5:30ياترى شو اتسوي يمنووه؟؟ خلني ادق لها..
"اتعبني الهجر لكن مانزل راسي"..المتصل عواشي..
صحت على صوت الرنين,,:الوه
عائشه: وينج رقدتي بسرعه يلا قومي قومي انسير
يمنى:وين؟
عائشه: شو نسيتي فالسيارة شو قلنا؟
يمنى:اووه نسيت كم الساعه احينه؟
عائشه: 5:30
يمنى من سمعت علطول قامت: تاخرنا على مريوم !يلا يلا بتسبح وبطلع سوري عواش....
عائشه:لاتطولين اترياج باي
يمنى:باي ..فرت التيلفون على السرير,,
راحت تتسبح بماي حار طلعت بسرعه كان شعرها مبلول ومموج نشفته بالسيشوار تكحلت ولبست القميص هاي نك وردي وتنوره بنيه
وعبايتها عليها دانتيل وخذت شيلتها نزلت من الدري اتنادي:ماما رقيه؟
رقيه:هلا يمه طالعه؟
يمنى:هيه بطلع ويا البنات سايرين مول الامارات
رقيه:زين يمه استانسي..
يمنى:انشالله باي
وركبت السياره شمس الدريول:وين يسير
يمنى:شمس بسرعه روح بيت مريم بس قبل وقف بيت عواش
وبعد ماوقف..
"مشكلتي اهواه وحبه هو مجنني والمشكله عن ...."المتصل يمنى
عائشه:ها يمنى وصلتي
يمنى:ظهري اترياج
عائشه:يبالي 10 دقايق نزلي حياج
نزلت يمنى من السيارة ودشت بيتهم وسلمت على سارة
سارة:شخبارج؟
يمنى:بخير ربي يعافيج وينج مختفيه
سارة:من المخفي
يمنى:ههه
سارة:وين سايرين؟
يمنى :ليش عواش ماخبرتج؟
نزل خليفه شاف يمنى
خليفه:السلام عليكم
يمنى:وعليك السلام اشحالك خليفه؟
خليفه:بخير دامج بخير.. وبخاطره:ليتج تعرفين باني احبج يايمنى
عائشه:خلصت
سارة:ههه جني شفت مهرج قال شي؟
يمنى تضحك..
عائشه:ياربي مشكله اللي يغارون
يمنى:يلا انروح؟
سارة:ابي اي معاكم
يمنى: تع..قطعتهاعائشه:ماناخذ حشاكل معانا يلا انروح يمنى
كان واقف خليفه برع يدخن وطول الوقت عينه على يمنى ركبوا السيارة وراحوا
:الوها وينك؟
:يا ريال خل عنك مب ساير وياكم..
:ليش
:والله تعباان
:أحمدوه تتمصخر!!
أحمد:ههه
سيف :الربع يتريونا هناك
أحمد:زين روح انت
سيف: بدونك ملل مايخصني انا بعد هب ساير
يضحك أحمد ويقلد :سيف اتحبني؟

سيف:لا واموت فيك ههه يلا اجهزباي

أحمد :أوك....قام عالسرير وهو لابس شورت وتيشيرت بدون أكمام

راح اتسبح وطلع ولبس كندورته البيضه "الخشخاش "يوم يلبس الكندوره يبين عليه الصراحه شخصيه لانه جسمه رياضي.. مشط شعره الاسود ناعم وكثيف قاصنها دائري بحيث من جدام قصته واصله لفوق حواجبه مررة القصه لايق عليه هو حنطاوي.. وهو يمشط يطالع تقويمه هالمرة حاط لون احمر لبس ساعته تبخر وتعطر تراه وايد يحب العطور
:الله شو هاي الريحه,,
أحمد وهو نازل:ريحه ولدج.. باس راس امه وايدها
ام أحمد وهي تمسح على شعره:الله يبارك فيك حبيبي ....ياسلام شو هاالزين وين انشالله؟
أحمد: والله ماشي ساير امارات مول..
ريم:خذني وياك
أحمد:يلا مناك
ريم:ماما قوليله يحوطني,,,
ام أحمد: يمه ليش ماتشل اختك اتحوطها شوي؟واطالعه بعمق
أحمد:يمه انا ساير ويا ربعي
ريم:دومك تظهر ويا ربعك ..طالعهاوقال لامه:يلا يمه شي فالخاطر؟
ام احمد:سلامتك امي لاتسرع ورد البيت بسرعه وعن تسمع كلام ربعك واتطول مافيه ابوك يحرج علي و..
احمد:بس خلاص خلاص حفظت هاالدرس..: مع السلامه
ام احمد:درب الرحمن يحفظك امي..
ام احمد وايد اتحب ولدها الوحيد..
وفي سيارة احمد "استيشن"السوده يرن تيلفونه"سلامات حبيبي موعلى بعضك سلامات سلامات اشوف الحزن بعيونك سلا.."الو
خالد:وينك؟
أحمد يتكلم بشوي:يأأأي
خالد:اقول أحمد دقايق وبدقلك القلب عل الخط الثاني داقه
أحمد بمصخره: الله يعين يلا باي
يسرع ويعلي على صوت الاغنيه...الاماكن..
وفي الجهه الثانيه بين حشرة المول البنات كانوا يتسوقون
وفي المحل....
عائشه ترمس يمنى (مستشارها في اللبس):شوفي ها القميص حلو؟
يمنى: هيه حلو بس.. موجنه لونه غامج؟
عائشه:والله؟تتكلم بتردد: بس عايبني
مريم تأشر انها بتتطلع من المحل لانها ترمس فالتيلفون..
اليازيه وبأيدها البدله:لا بس صدقها يمنى سعره بعد وايد غالي و لونه غامج انتي تبين شي يفتح لونج وتضحك ..
عائشه معانده:ماعليه باخذه!
:هلا بشيخ الشباب ..اشحالك؟
أحمد:والله تمام هاا وينه سيف عنكم؟
سالم:هناك يرمس فالتيلفون
احمد: براويه الهرم و يصرخ: سيفوو سيفوه
نزل التيلفون وبصوت خفيف:اسكت فضحيتنا,,
يضحك أحمد من شافه:يلا تعال
سيف ربيع أحمد روح بالروح وايد متوالفين ويا بعض..
رد احمد عند الشله وقعد وياهم في استاربكس ..
مرت بنت صوبهم وكانت تتطالع..
خالد:سلوم افتح البلوتوث
سالم:اشفيها تتطالع لاتعالي يلسي عنده بعد
خالد:ليش تتطالع منو؟
سالم:احمدوه!
احمد وهويشرب الكابشينو يكح,, خالد:الا عطتك بعين ههه.......
واقفين عند الكاشير..
مريم:ها خلصتوا؟
اليازيه:هيه خلاص خذنا عوااش اشرايج انسير اسكي دبي؟ ..
عائشه:هيه والله قوموا اندش
يمنى مستانسه:يلاا
سيف ياي صوب الشله
احمد:وشحالهم.....
سيف يطالع احمد :بخير.. قم احمدوه انسير انشوف فيلم اكشن يديد نازل..
احمد:دام عليك الدفع ليش لا؟ وقام عاالكرسي ...ها بتون؟
سالم:لا انا يالس انتوا سيروا
خالد: هيه شوفوا العرض متى وخبرونا..
اليازيه : عواش.. واول ماصدت ضربتها بالكورة الثلجيه فويهها..
عائشه:ماعليه يزوي.. ركضت وراها لين ماطاحت فرت عليها كل الثلج.. جان اليازيه اتصيح:يادفشه محد يلعب وياج..
يمنى تضحك..يمنى قالت لليازيه:ماعليه انا بأدبها
ضربتها بالثلج وردت علطول عائشه الضرب اليازيه:محد يروم على الدبه!
سيف:اوك يلا حمود..
وراحوا باتجاه السينما..
:والله براويج يزوي
وردت غرقتها بالثلج واتصرخ اليازيه:لا خلاص خلاص مابقولها
يمنى ميته من الضحك عليهم ....
احمد: وي شوف هني انته منو هاي الجرندايزر؟
سيف: الله ياخذ ابليسها ذبحت البنت
وجان تطيح عينه احمد على البنت اللي واقفه تضحك,,يمنى
وقف مكانه ..خذت عقله.. وبخاطره: ياويل حالي..
سيف :جني سمعت صوت؟
احمد :ها؟
"بلق

التعليقات (8)

شمـ الأمل ــس

12-12-2022 - 05:18 pm

كمليها يا عسل ومشكورة الله يعطيك العافيه

دانتيـل

12-12-2022 - 06:19 pm

شو رايكم بالجزء الاول؟؟؟؟؟؟؟

همــ الليل ــس

12-12-2022 - 08:21 pm

يسلمو
كمليها انا في انتظارك

دانتيـل

12-12-2022 - 09:22 pm

احينه بكملها لحظه

دانتيـل

12-12-2022 - 10:23 pm

الجزء الثاني.... بعد ماسكر احمد من فيصل انتبه وطلع علطول برع السينما راح صوب اسكي ماشافها طالع يمين ويسار عرف انهم طلعوا تضايق... شوي يمشي راد للسينما سيف::احمد وين سرت؟ احمد:ماشي خذت لي فراغ.... ......... عائشه: حياج؟ يمنى:لاماعليه الوقت متأخر يوم ثاني.. عائشه:زين يلا تصبحين على خير يمنى: وانتي من اهله.. وتحركت السيارة ودخلت الكراج البيت رقيه:ها يمه شو طلعه؟ يمنى:وناسه لو اتشوفين عواش شو سوت ليزوي... رقيه:ليش شو سوت ؟ وخبرتها السالفه يوم دشوا الاسكي احمد مش مندمج بالفيلم..لان صورة يمنى علقت فذاكرته.. قام سالم:ها ساير؟ احمد:هيه بسير البيت راسي يعورني سيف:تو الناس اقعد احمد:ماعليه لازم اروح بدقلك عقب مع السلامه خالد وسالم وسيف:مع السلامه سارة: خبريني شو الطلعة من دوني؟ عائشه وهي تمسح المكياج: وناسه انا لو ادري جي من اول جان كل مرة مانوديج! :ههه والله عواش عليها سوات... يمنى:لاويزووي من بعدها حرمت اتقول الكلمه... رقيه:هي من ناحيه دبه الصراحه يبالها رجيم مادري ليش فجأه انتفخت؟ بس والله تراها طيبه .. يمنى: زين ماما اسير ابدل ملابسي.. رقيه:هيه يمه روحي صعدت يمنى فوق وقبل لاادش غرفتها طالعت غرفه ابوها ودشت غرفتها..وينك يابوي ؟ طلعت شيلتها وهي قاعده عند التسريحه... احمد وهو قاعد عالسرير... :منو هاي؟ خذت عقلي والله انها طر ... تذكر ضحكتها وكأن يمر الشريط مرة ثانيه .. مر اليوم كلها وناسه عند يمنى وتبدأ من باجر اجازة الثانويه... حاسب وتسمع صوت اصطدام ... تشهق واتصرخ متروعه:بسم الله ..شوها الحلم؟ قعدت من النوم ..شربت ماي تنهدت.. طالعت الساعه 30وعندها مسج.. المرسل:مريوم "ساعات احسه انه قريب مني وايد" ابتسمت يمنى و ناظرت متى طرشت المسج :يالله الخبله شو اموعنها الساعه4:00؟ تنتبه لصوت دق الباب.. رقيه:صباح الخير .... تقعد على سريرها يمنى:امم.. صباح النور ..وتحضنها رقيه:يالله مانروم على دلوعتنا وتضحك.. يمنى بتلهف: ابوي ما اتصل؟ اتنهدت :لاوالله يابنتي مااتصل وتسمع صوت ميري اتنادي رقيه:ماما..ماما رقيه:هاي ميري اتنادي اقوم اشوف شو عندها... قومي انتي اتريقي الريوق جاهز تحت يمنى:انشالله طلعت رقيه من الغرفه وراحت يمنى الحمام ..رفعت شعرها كل فوق بدلت ملابس النوم القصيره ولبست قميص وسروال بيجامه البيت ونزلت تحت رقيه اتكلم ميري: زين بس من منه؟ ماشفتي حد؟ ميري:مايعرف يمنى:شو يمه؟ رقيه:مادري بنتي حد حاط باقه ورود يمنى:اشوف,,الله ورود حمرة فرش شافت رساله مكتوب عليها: "دريت انج متفوقه الف مبروك" استغربت يمنى وتقول فنفسها:منو هذا؟ رقيه قاطعت تفكيرها:ها يمه شو كاتب؟ يمنى:يبارك لي بالنجاح! رقيه:اكيد وحده من صديقاتج اتسوي فيج مقلب؟ يمنى:مادري وبعدها مستغربه.. صوت رجولي.. : امورتنا تستاهل.. اتصرخ ريم :اله ...تتدلع:مابي ليش ماوديتني امس وياك أحمد: خلاص المرة اليايه اوعدج اني بطلعج بعدها معانده:مابي أحمد: برايج بحط الباربي عندي اتونسني وقام ....يغايضهامبتسم وهو رايح ريم:زين أحمد:ها؟ قلتي شي؟ ريم: هات هديتي... دخل بواحمد.. احمد:هلا بالغالي .. بواحمد:اهلين يبا احمد روح شل امك احمد:ليش وينها ريم: الصبح راحت بيت خالتي نعيمه احمد:عيل بسير اييبها ريم:انا بيي وياك.. احمد وايد يحب خالته نعيمه واحيانا يبات عندهم نعيمه عندها 2ولدين نايف 23سنه وحسن20سنه و 3 بنات هدى25 متزوجه ونوره16 وغاليه17 يدرسون بالمدرسه واثنينتهم يحبون احمد.. مانلومهم اللي يشوف احمد لازم ينعجب فيه عنده اسلوب مرح وفيه شي وايد ملفت .... عيونه جذابه صعد احمد فوق سار غرفته اتسبح وصلى وطلع وهو كاشخ لقى ريم راقده فالصاله ماحب يزعجها..وطلع يمنى برع فالحوي كانت قاعده اتفكر.... :خلني ادق لمريوم مريم حاطه رنه تيلفونها مقطع شعر لطارق محياس"ليت ما كان بفؤادي للهوى والحب قيمه ولا انا مالي ومال الحب اصلا من بدايه كنت ماخذها هوايه مادريت انها جريمه لين هي صارت جريمه من بعد ماهي هوايه" تنتبه مريم للتيلفون اللي عالتسريحه:الو يمنى:هلا والله مريم هاديه:اهلين يمنى:شخبارج؟ مريم:افكر فيه يمنى:مريم انتي اتحبينه؟ سكتت مريم...... وصل احمد بيت خالته وبعد مادق على باب بيتهم تفتح غاليه ومانتبهت احمد:السلام عليكم تفأجأت غاليه:ه ..هلا وعليكم السلام ابتسم احمد:غاليه اشفيج؟ غاليه :لا ابد احمد:زين مابدخليني؟ غاليه:لا حياك احمد تفضل ...ودخل احمد البيت وغاليه دخلت غرفتها خاله احمد ام هدى :هلا بالغالي احمد امي اشحالك؟ باس راسها وراس امه :والله بخيرانتي اشحالج؟ اشعنى العيايز متجمعين؟ يضحكون ام هدى:الله يقطع سوالفك احمدووه لابويه انا بعدني شاابه امك اللي عيزت....تضحك :عيل مايبت ريموه؟ احمد:قالت بتي وعقب شويه اشوفها خامده عل قنفه الصاله رقدت وهي اتشوف اسبيس تون.. ام هدى :وي فديتها .. فتحت الباب..غاليه متحمسه اتقول لنورة:قولي منو هني؟ نورة:منو؟ غاليه:خمني... نورة:محمد ولد عموه؟ غاليه:لا نوره:او تكفين قولي منو؟ غاليه:احمدوه :يامحلا اسمه ..فديته.. سرحت وتقول فخاطرها وقالت لغاليه:صدق؟ غاليه:هيه وهوتحت فالصاله.. هيي وين سايرة نورة وهي طالعه:سايرة اسلم عليه مريم؟؟؟مريم يمه؟ مريم:زين يمنى هاذي امي اتناديني اكلمج بعدين... يمنى:زين ديري بالج على عمرج مع السلامه ام مريم:شتسوين؟ مريم :كنت ارمس فالتيلفون ام مريموهي تمسح على راس بنتها:زعلانه مني؟ باست ايدها :حشى والله مافي يوم ازعل انا منج يا امي حضنتها بعد ما انهت المكالمه..تنهدت بعد ماتذكرت امها.. شخبارج يا يمه؟ ياترى انتي مرتاحه مع ريلج؟وبكت......كيف قلبج طاوعج اتهديني واتروحين من دون حتى تسألين عني يايمه انا بنتج ...كانت اتصيح واتصيح بصوت مسموع سمعتها رقيه:وي يمه يمنى اشفيج؟ واتروح اتشلها.. :امي ماسألت عني انا بنتها محتاجتلها.. محتاجه لحضنها ادفيني "خذت نفس وردت اتصيح رقيه:لا يا يمه..لاتقولين جي انا موجوده انا امج.. وودتها الغرفه عشان ترتاح ماكان على يمنى شي سهل ماتشوف اهلها حولينها امها بعد ما منعها بويمنى تزوجت وسافرت هاللي انتشر الخبر فالمنطقه اللي كانت ساكنين فيها اهل ام يمنى اما ابوها هو مايسافر كل اسبوع مكان بل هو فنفس البلد وماخذ بنت عمه جميله ماكانت اتخليه حتى يزور بنته ..خايفه يرد يتذكر مرته لان يمنى وايد اتشابه امها .. ماتدري يمنى ان لها اخوان هديل 15سنه ...هند وناصر صغار ماتعدوا 10سنوات بس يمنى شو موقفها لودرت؟؟؟؟؟؟؟؟ الجزء وفي بيت ام هدى... احمد وهو يشرب القهوه:خالتي عيل وينه نايف ؟ماشوفه؟ ام هدى:والله مادري يايمه سير جوفه يمكن بداره.. احمد طلع فوق متجهه غرفه نايف وحسن ام هدى اترمس ام احمد:ياختي ماعرف متى يدشون البيت ومتى يطلعون حتى مايخبروني وين يسيرون... دشت الصاله نوره:السلام عليكم ام احمد:هلا ..هلا بنوار واتبوسها..اشحالح يمه؟ نوره بصوتها الناعم:حمدلله بخير خالتي ام احمد :ماشالله عليها اكبرت واحلوت ..نعيمه هاذي لولدي من احينه اقولج .. ام هدى:زين خله ولدج اول يخلص اخر سنه اللي عنده بالكليه وعقب يسير خير نوره: عن اذنكم طلعت من الصاله استحت من الكلام بس بداخلها فرحانه لاخر حد وبخاطرها:واحد يقربلي وحليو واحبه ..وبالنهايه اخذه وفجأه طاحت من الدري:اوه انا اسفه! صد احمد:نوره؟انتي بخير؟مسك ايدها عشان اتقوم.. نوره:انا؟واطالع عيونه. احمد:ههه شكلج كان يضحك ويرد يضحك.. نوره خوزت ايده عنها:زين...مشكور وراحت.. :صبري ..وقفت مكانها وقلبها يدق.. جى وراها بالضبط:خذي سلسلتج اللي طاحت صدت تاخذه منه.. نايف:ياحي الله من يانا والله اسف حقك علي... احمد:الله يحييك ياريال من متى اترياك قم... نزلوا من الدري وطلعوا من البيت... نوره بعدها واقفه مكانها تتذكر الموقف وبخاطرها:احبك يا احمد والله احبك..احب اسلوبك حركاتك وعيونك اللي تجذبني والله عذبتني .. "تبغى تعرف امنو انا وليش جيتك انا الولهه ياللي من الشوق ولهان"قطع تفكير خليفه برنه تيلفونه:الو؟ راشد:هلا والله انته وين ماتبيين تنهد خليفه :والله موجود راشد:وينك انت احينه بييلك... خليفه فالمقهى... وبنفس المقهى احمد ونايف هناك.... نايف :شو تشرب؟ احمد:امك ماخلت شي ماشربتني .. يضحكون:ههه رقيه:زين لحظه..وادق غرفه يمنى:يمه يمنى انتي نايمه؟ يمنى:ماما دشي دشي رقيه:هذا ابوج يبي يكلمج...وقفت يمنى تاخذ التيلفون:هلا يبى بويمنى:هلا يبا شخبارج انشالله زينه.. ناقصج شي؟ يمنى بصوت حزين:ناقصني وجودك..يبا انت شخبارك؟ بويمنى:الحمدلله ها جاهزه يمنى:ليش؟ بويمنى:عشان باجرانسافر ماليزيا! اتصرخ:صدق يبا؟انا وانت.. بويمنى يضحك من رده فعلها :هي.. هيه جهزي شنطج باجر الصبح طيارتنا بتتحرك.. يمنى:ياسلام بويمنى:خاطرج بشي؟ يمنى:سلامتك يبى بويمنى:يلا مع السلامه يمنى:مع السلامه.....رقيه جهزي شنطتي مسافرة مع ابوي رقيه فرحانه :صدق حبيبتي؟ يمنى:هيه والله قال طيارتنا الصبح... رقيه حضنتها:اتروحون بالسلامه.. وبصوت موسيقى رومانسيه فالمقهى... نايف:يالله متى بنفتك من الكليه.. احمد شكله املمح حد :نايف اتشوف اللي اشوفه؟ نايف:وين؟ احمد:هذا موجنه......راشد؟ نايف :هيه بس منو اللي حذاله يدخن شيشه؟ احمد: قم بنسير انسلم عليه واتجهوا صوبهم:السلام عليكم.. خليفه يتطالع... راشد:يتطالع.وعليكم....اتذكر:هلاحمد اشحالك؟يسلم عليه.. خليفه حط الشيشه:السلام عليكم احمد:وعليك السلام راشد:حياكم اتفضلوا نايف :اشحالك حمد مااتذكرتنا؟ راشد:لاوالله اتذكرتكم.. يطالع خليفه.. هاييل ربعي بالمدرسه.. الله دارت الايام واخيرا شفناكم... احمد:حمد ماعرفتنا بربيعك..؟ خليفه:خليفه..ربيع راشد بالشغل.. احمد يطالع خليفه... سيف كأنه يدور على شي :مرت عمي..وعلومكم؟ :بخير ياولدي والله ماتقصر فيك الخير..من عمك اتوفى وانته ماتقطع زيارتك عنا حنا مالنا فهادنيا غير الله وغيرك.. سيف:لا يامرت عمي لا تقولين جي نحن انقوم بالواجب.. :عسى الله يوفقك ويخليك.. وتدخل مريم.. سيف كأنه لقى اللي كان يدوره.. مريم :السلام عليكم.. سيف :وعليكم السلام.. ام مريم:يمه مريم تعالي صبي القهوه لولد عمج.. مريم وقف قلبها:انشالله يمه.. قربت صوبه قالها بصوت خفيف عشان تسمعه:توني شارب القهوه بس دامج انتي بتصبين لي والله لاشربه...مريم ميته خلاص ماتروم توقف على ريولها.. بسرعه صبت القهوة وستأذنت:عن اذنج يمه عندي شغل سيف يطالعها وهويشرب القهوة..طلعت مريم ام مريم:تعالي يمه وين رحتي؟ فاطمه اتفكر بيمنى بعد ماخبرتها عائشه انها مسافره... بعد ماسكرت عائشه من فاطمه قامت تتجهز.. دشت ساره الغرفه:ل وين؟ عائشه شاده حيلها :عل حمرعين! ساره:ماتضحكين!...((قفطه)) عائشه:عيل مابوديج... سارة:لا حرام ههه (تضحك غصب) ..عائشه اتطالعها... سارة :عواش خذيني معاج والله ملانه عائشه:زين روحي اتلبسي بنسير انسلم على يمنى باجر بتسافر... ساره متحمسه:يسس اوكي نايف : زين نترخص نحن راشد:وين تو الناس... احمد:لاوالله ورانا مشوار نايف:يلا حمد انشوفك على خير لاتقاطع.. راشد:والله ماعندي ارقامكم احمد:هات تيلفونك...ويكتب رقمه ورقم نايف... خليفه:فرصه سعيده شفناكم.. احمد:تسلم يا الطيب مع السلامه .. راشد:مع السلامه وطلعوا من المقهى نايف:احمد وصلني البيت بسير اتسبح ريحتي كلها شيشه احمد:ها؟ نايف اقولك خلنا انسير بيتنا.. احمد:اوكي... احمد باله موهني بعده يالس يتذكر يمنى اللي ماتروح عن باله.. وصل احمد نايف البيت..وبعد ما وصله فكر لو ان سار المول ياترى بيشوفها؟؟؟وبخاطره:والله ان شفتها مابخليها .. يسمع سيف رنه تيلفونه ويشوف المتصل احمد سيف:الو احمد:سيفو انته باي عالم احينه ...ويبتسم سيف يغير الموضوع:الحمدلله بخير وينك انت؟ احمد يضحك:وانا بعد بخير الحمدلله ههه قول شفنا منو؟ سيف:زين احينه بيي احمد:يلا باي.. قام سيف:استأذن انا.. ام مريم:تعال لنا بعد سيف.:شي فالخاطر ام مريم:سلامتك يمه سلم على امك سيف حزين بعده يدورها:انشالله مع السلامه.. ركب سيارته انفينتي البنيه وهو بعده يفكر فيها..يتذكر عيونها المتكحله ..

دانتيـل

12-12-2022 - 11:24 pm

ها اش رايكم؟

دانتيـل

13-12-2022 - 12:25 am

الجزء الثالث...
:بو!!
يمنى:بسم الله روعتيني قامت اتسلم:اشحالج ؟
عائشه تتصنع:حمدلله بخير يا حبيبتي
ساره:ماتعرفين اختي الدفشه..
عائشه اتصاصر ساره:مافيه اضربج جدامها تأدبي.. ههه اشحالج يمنى؟
يمنى مستغربه اطالعهم:حياكم اتفضلوا اش تشربون؟
ساره:اي شي حلو
عائشه تضرب ريولها على ريول ساره
يمنى:زين وراحت اتيب لهم
ساره:ماشالله بيت يمنى وايد كبير ومرتب صح؟
عائشه:سااروه تأدبي لااردج البيت!
جت يمنى وفأيدها عصير برتقال فرش..:اتفضلوا
عائشه وساره:مشكوره
ويالسين عند البحر
يسمعه :والله احبها خاطري اقول لها ابي اعرف رده فعلها..
احمد:واتظن هي اتحبك؟
سيف يفكر:مادري..
سكت احمد
سيف:بس شوف شو سويتلها
احمد: شو؟
سيف:يوم صبت القهوه قلتلها دامج صبيتيلي القهوة والله لاشربه.. حسيت ان القهوه طعمه اتغير
ضحكوا....:ههه
احمد يضرب على كتف سيف:الله يلعن ابليسك....
دخل خليفه البيت..
ام خليفه:خلوف يمه وين كنت؟
خليفه:عند الربع..
ام خليفه:زين يمه روح ييب خواتك
:وينهم.؟
ام خليفه:ساروا يزورون يمنى لان باجر بتسافر
خليفه شد انتباهه:ليش بتسافر ومتى بترد؟؟؟؟
ام خليفه مستغربه:يمه اشفيك ؟ بالاجازة بتسافر مع ابوها..
خليفه سارح:ها هيه
ام خليفه:ليش واقف روح ييبهم....
خليفه:زين انشالله ...وراح مومصدق فترة ماراح يشوف يمنى
كان يشوفها يوم تطلع من البيت...
رغم ان خليفه يحب يمنى بجنون فهو شخص خجول مايبوح اللي بقلبه لاي حد.. فكر كم من مره يخطب يمنى بس خايف انها اترده.. بس لو واقفت خليفه ماراح يقصر معاها باي شي راح يخليها مرتاحه ومستانسه طول حياتها تراها هي حبه الاول والوحيد...
دق باب بيتهم..
عائشه:جني سمعت حد يدق الباب؟
يمنى:ماعليه. .واتنادي ميري يا ميري؟
اظن فالحمام دقايق اسير افتح الباب
طلعت من الصاله وصلت عند الباب البيت ...فتحته
:خليفه؟ السلام عليك؟
خليفه يطالعها مارد عليها....صدق يمنى انتي باجر مسافرة؟
استغربت يمنى:انشالله ..........ودام الهدوء بينهم 4دقايق وهو يطالعها بعمق مادري شلي يفكر فيه
يمنى بخاطرها:ليش هاالنظرات ياخليفه نظراتك هاذي اتخوفني
خليفه انتبه للهدوء:انشالله اتردين بالسلامه يايمنى بس ممكن اتنادين خواتي
يمنى:انشالله
ساره:موجنها طولت؟
دخلت يمنى:هذا اخوكم خليفه برع
عائشه:اكيد امي قالتله يلا حبيبتي ..
يمنى اتسلم:ماتعشيتوا ولاقعدتوا؟
سارة:يوم بتردين بالسلامه
عائشه:اتروحين واتردين بالسلامه
يمنى:تسلمون
عائشه:يلا مع السلامه
يمنى :مع السلامه
ماطلعت يمنى اتوصلهم لين باب البيت...
سارة وعائشه ركبوا السياره
وخليفه بعده يناظر يمكن يلقاها
ساره:نحن ركبنا
خليفه ركب سيارته الرنج البيضه وراحوا
وفي نفس الوقت
عائشه في نفسها:معقوله ؟ياخليفه اتحب يمنى؟
خليفه فخاطره:شو بيصبري لين من اترد...
يمنى تفكر:خليفه ماكانت نظراته طبيعيه ....كانه يعرفني من زمان..شلي يخليه يسوي كذي؟
وهي اتفكر الوروود الحمرة كانت بجنبها فالمزهريه......
يتمشون... سيف:زين شفت منو قلتلي؟
احمد:صديق الطفوله ودرسنا مع بعض
سيف:منو؟
احمد:رشود
سيف:قول والله...احمد:اقولك متغير ..
سيف:شخباره؟
احمد:هو يداوم بس ربيعه اللي يالس عنده جنه خقاق!
سيف :جيف يعني؟
احمد:موول مايرمس اتقول كنه سرحان
سيف: مثلي يعني؟المعذبون فالارض ...
احمد: يلا عيل سيوف اشوفك عقب شهر
سيف:شهر عاد
احمد:عسب ما امل منك بسرعه ههه
سيف :ها وين؟
احمد: هاذي امي دقت تباني اوصلها... الرضيعه روحها فالبيت
سيف:يلا عيل...
وفي الجهه ثانيه يرن تيلفونه يشوف المتصل
:هلا والله
:اهلين
:شخبارج حبيبي؟
تستحي:ام..
:فديت اللي تستحي والله..
ماترد:
:يزوي اتحبيني؟
اليازيه:شورايك
سعود:مادري؟
اليازيه مستحيه:برد اكلمك
سعود:اوكي باي..
اليازيه بعد ماسكرت تقول فخاطرها: هيه احبك مووت
بعد 3 دقايق..
رساله جديده.. سعود يفتح الرساله
أحبك كثر ما ضم البحر شمس الدفا بذهول
يا ليتك من وفا هالشمس باللقيا توافيني
وأحبك كثر ما عانق نسيم الغرب ورد سهول
وعد الوبل ما عانق فياضه والبساتيني
أحبك كيف يا عمري وهل يصبح من المعقول
بأن اللي معه روحه يقول أهواك يا عيني
المرسل اليازيه
ضحك..
بعد ما طرشت اليازيه تذكرت اول مسج وصله لها منه
كانت فالغرفه اتذاكر فجأه تسمع صوت تيلفونها
:فطوم ماتييوز عن سوالفها...
رساله جديده
لو قالوا ان الشمس توله وتشتاق
لقول ما غيرك حرقها من الشوق
والا القمر لو يفهم وعنده أخلاق
ما كان غيرك معتلي في السما فوق

دانتيـل

13-12-2022 - 01:26 am

ضحكت اليازيه جى عينها على المرسل (رقم غريب)
استغربت:خلني اشوف منوهاي؟
طرشت:منو انتي؟
بعد دقيقه
رساله جديده
اسمحيلي بالغلط.. (نفس حركه فاطمه قبل سوتها لليازيه )
ابتسمت اليازيه:الحركات هاي مش علي..
طرشت:الحركات هاي مش علي يلا قوليلي منو انتي؟
رد طرش:يهمج تعرفين منو انا؟
سكتت اليازيه وطرشت:هيه
انتظرت وعقب3دقايق
رساله جديده وتفتح
معاج سعود..
(اسم ولد عم اليازيه بعد سعود)
طرشت:ههه والله ضحكتيني اونه سعود ليكون تطرين ولد عمي ؟
طرشلها:ليش مومصدقه زين بدقلج ردي علي
اليازيه فخاطرها..حركات جديمه:اوك
ويتصل سعيد:الو؟
سكرت فويهه
طرشلها:ليش مارديتي علي؟
طرشتله:لو سمحت لاتتصل مرة ثانيه..
طرش:انشالله
وثاني يوم
رساله جديده...
فتحت
أنت الوحيد اللي له القلب طوعت .......... منك أستلذ الجرح حتى عذابك
مت بغرورك كيف لامن تواضعت .......... أحس كن الكون قام وزهابك
قربك حياتي يافدى روح من طعت .......... فيك ابتدى معنى الغلا وانتهى بك
:افف اش يبيي هذا؟
طرشت:ممكن ماتطرش مسجاتك ؟
رد طرش:اوه اتصدقين بالغلط
وقتها فكرت اليازيه اتخبر اخوها العود بس تذكرت موقف..
يوم كانت تمشي فالسيتي ..لحقها واحد... اخوها من شافها توقعوا شو سوا!!
رد اخته البيت وضربها! بعد ماسمعها الكلام الجارح : اشوفج تطلعين مرة ثانيه ..والله اراويج يزوي ...طلع من الصاله وفأيده الحزام ...
خافت اتقول لاخوها عن يحط اللوم عليها..
ماردت عليه..
وبعد يومين رد طرش لها رساله وهي كانت عند ربيعتها يمنى..
اتغير ملامحها حست يمنى في شي..حاولت تعرف منها بس اليازيه ماقالت شي...
ويوم ردت البيت هددته وطرشت له :وبعدين وياك؟اذا مااصطلبت بقول لاخوي تراه يشتغل فالتحريات
طرش:والله خبريني منو هو عسب اعرفه تراني اشتغل فالتحريات..
وفالاصل لااليازيه عندها اخوان يدامون هناك ولا هو يداوم هناك....
و بمرور ايام قدر سعود اييب راسهاواليازيه قامت اتكلمه..
ماتعرف اليازيه هي صح ولااللي اتسويه غلط.. كل اللي تعرفه ان ماتتخيل فراقه..
سعود ولد لعوب يلعب بمشاعر البنات لكن ....اليازيه بطيبتها صارت الضحيه..
في بيت ام هدى...
ام هدى:تصبحون على خير ..
احمد وام احمد وهم يركبون السيارة:وانتي من اهله
يلا مع السلامه..
وفي الطريق..
ام احمد: احمد وايد طولت..
احمد:كنت طالع مع نايف ورديته البيت وسرت مع سيف
ام احمد:امي بسك من الهياته طول اليوم متى بتفرحني؟
احمد:مش كفايه اني جدامج المفروض تفرحين
ام احمد:ليش ماتاخذ نورة والله تراها حلوة وصغيرة..
احمد: منو؟ههه نوره؟ تذكر طيحتها...
ام احمد:هيه نورة شو فيها؟
احمد :نورة وغاليه اعتبرهم مثل خواتي...طالعته امه مستغربه؟ وكمل:وبعدين انا مافكر بزواج ..
ام احمد:ياسلام يعني سكتني!!
ضحك احمد:امي الله يخليج لاتفتحين السيره احينه..بعدين خله ولدج يتخرج
ام احمد:وشو يصبرني لين من تتخرج؟
احمد يغني:كل شي بوقته حلو..
ام احمد:ياولدي فكر بمستقبلك شوي.. روح دورك على وظيفه
احمد:ياامي لاتحنين.. صعب الواحد يلاقى وظيفه امرتبه ولو هو جامعي وانا مابي اي وظيفه...
سكتت ام احمد ..شافت ولدها صح كلامه... ووصلوا البيت....
الساعه1:00 بالليل
يمنى بالصاله اتشاهد التلفزيون...
وصلها مسج....
تفتح ..."اتروحين واتردين بالسلامه.."المرسل فطوم
:الله ياطيبه قلبج يا فطوم عسى الله يحفظج...اتقول يمنى...
الكل بنفس الوقت....
:ياترى بشوفها مره ثانيه؟احمد يفكروهو قاعد عالسرير
:ليش تعذبني؟مريم تتذكر نظراته...
نوره اتبوس صوره احمد قبل لاترقد:تصبح على خير..
سعود يكلم وحده ثانيه ...اتقوله:الله ياخذ ابليسك تراك مره شيطون ويضحكون...
اليازيه ادق على سعود مايرد:ياترى هو يفكر فيني بعد احينه؟
سيف:مااتحمل اكثر ..
خليفه ماسك ايده سرحان ولكنه مايتكلم
,,,,,,,,,,,,,,,,,,,,,,,,
انتظروا الجزء الرابع..
هاشو رايكم بالجزء هذا؟

قصة ثبات امراءه قصه عجيبه تحمل في طياتها العبره←
حوار رومانسي بين البيبسي والميرندا بس ايش في قمة الروعه ابي الكل يدخل يشوف→