العجوز وقميص النوم

1. قالت أمهم: معصي أنت و ياها هذا اللي باقي أخاف شلاحي يزعلون علي.


2. ضحكوا البنات واستانسوا وغيروا الموضوع

بسم الله الرحمن الرحيم
في يوم من الأيام كانت هناك عجوز حبوبه ودمها خفيف وكان يوم خميس وبناتها مجتمعات عندها على فكرة ترى حتى جسمها خفيف و نحيفة لأنها عجوز نشيطة ما شاء الله
الموهم بعد ما تعشوا قعدوا يسمرون و كان في وحده من بناتها أرملة وعندها بنتين كانن عايشات عندها
وحده من بناتها بتعرس بالعطلة .
فالأخوات قاعدات يسولفون عن جهاز البنوته قالت أمها.....أيوه البارح رحنا شرينا قمصان النوم ماشاء الله
تهبل ومابقى لنا إلا شي خفيف ... وقعدوا يسولفون عن قمصان النوم والعجوز تسمع !!! قالت لهم: الله يرحم
أيام الشلحه ليش ماتشترون شلح أريح لكم شحليلها والله أنفه (أوسع)
قعدوا البنات يضحكون عالحفيدة ويتخيلونها تلبس شلحه ليلة الدخله
الموهم قالوا لها: يايمه هذاك أول ..ألحين الرجال إذا ماشاف الاحمر والفوشي والسكري والقصير والمخلع يزعل ويقول أنت ماتهتمين وأنت... وأنت...
بعدين قالت وحده منهم يمه شرأيك تجربين وتلبسين قمصان بدل هالشلاح؟؟؟
ضحكوا وقالت وحده منهم أنا مستعده أختارك أحلى واحد والليلة إذا تبين اروح أجيبه

قالت أمهم: معصي أنت و ياها هذا اللي باقي أخاف شلاحي يزعلون علي.

ضحكوا البنات واستانسوا وغيروا الموضوع

الموهم بيني وبينكم العجوز عجبتها الفكرة وبينما البنات مدهرات بالسهرة راحت شوي شوي لغرفة حفيدتها اللي بتعرس وفتحت شنطتها تدور على هاك القمصان و أخيرا لقتهن وبسرعة قبل لحد يطب عليها خذت واحد على أساس أنه أستر واحد((ياحليلها))
وراحت علقته بخزانتها ((والله أنها مرتبة))
هنا صارت الطامة ((بين الشلاح اللي مرميات بهالخزانه وبين القميص الي محشوم ومعلق))
قالت شلحه من الشلاح هو انت وش تسوين هنا؟؟!!
قال القميص: انت وشو ؟!
قالت: انا شلحه لنامت العجوز لبستني واحيانا لتروشت لبستني بدل سروالها المخطط((سلك التلفون))
قعد القميص يضحك بقوة
قالت الشلحه:وجع أن شاء الله وش عليه تضحك
قال :أبد بس يالفشيلة مالقت غيرك تلبسه
قالت الشلحه: وخير ياطير وليه ماتلبسني!!
قال: الناس تطوروا... وأنتو باي عصر؟
قالت الشلحه:حط عن رحايلك هالعجوز هاللي جابتك هنا ماراح تلبس غيري أنا الأصل ولو تنط للسماء وتنزل
ماراح يعجبها غيري.
قال القميص: وهي ليه جايبتني هنا ونشوف
قالت الشلحه: أنا عطيتك العلم و أنثبر أقول تراك قرقعت رأسي.
ماكان للقميص إلا أنه يسكت من هاللي هذا طول لسانها ((الشلحه طبعا))
نرجع للعجوز
رجعت العجوز عند بنياتها قالوا وينك يمه بطيتي ؟
قالت لا بس عزكم الله كنت بالحمام.((خطيرة تدبر عمرها))
وقعدوا يسولفون ويسولفون ويسولفون
وبعد شوي قامت العجوز قالت وحده من بناتها وش عندك يمه كل شوي تقومين قوليلي وش تبين وانا
اسويه لك
قالت: اقول اقعدي وانثبري لو بغيت شي ماني مستحيه منك اطلبك لاتخافين
قالت:أفا يمه مشكورة أنثبر!! طيب
راحت الام لغرفتها تبي تجرب القميص قبل لايجي ابو العيال وفعلا لبسته تتوقعون وش ردة فعلها؟!!!
تستانس على الموضوع أو ...... لا ؟
<
<
<
<
<
<
<
<
نزلت العجوز بناتها ومعها كيس صغير وقاعده فيه والبنات يسألونها يمه أنت عندك سالفة ياما قمتي وياما قعدتي
شعندك يالله قولي لنا
قالت :ولا كلمة تراكم غثيتوني سالفة وسالفة, إلا أنت وش أخبار أم صالح جارتك
قالت: مو علينا يمه بتغيرين الموضوع ,قالت :أقول يالله أنت وياها حطي لي على بداية و أقري لي هالفاضيات
وش فيه يسولفون وقعدت يقرأن لها ويضحكن على أمهن قالت: أختهن الأرمله أيه متعوده لطفشت قالت: حطي لي على بداية و أقريلي ..تدور سوالف هالمتهاوشات مع رجالهن عشان تدعي لهن ((ياحليلها من عجوز والله أنها
نشمية))
الموهم والبنات يسولفون وفجأة خذت الكيس وطشته على وجه اللي أقترحت تشتريلها قميص نوم
قالت: بسم الله يمه وش فيك نززتيني((خوفتيني))
(كانت رابطته زين زين)
قالت: انتن ماودتسن تعرفن وش بهالكيس ,؟ شوفيه لابارك الله فيتسن تريدني البس...
عرفوا البنات وقاطعنها وقعدوا يضحكون بصوت عالي وفجأة يدخل هاك الشايب((مبين أنه وسيم وهو شاب))
جاي من الشبه
قال ابوهم ماشاء الله شعندكم تضحكون ..ضحكوني معكم,, هالشياب اللي يكح واللي يعطس ضيقوا خلقي
قالت بنت من البنات ابد يبه بس امي ....
قاطعتها أمها ماتبيها تتكلم وتعلمه قالت وانت يالغالي ماكليت حبة الضغط عندهم قال: إلا والله قالت: ليه تعذرب بالشياب وانت زيهم يالشباب
قعدوا يضحكون (ياحليلهم ياليتني عندهم) بس يضحكون يونسون صح؟؟
الموهم
دخل الشايب ينام , وعلى طول الأم مسكت شدووق (خدود)بنتها وبقصتها بقوة ,صرخت البنيه آآآآآآآآآآآي يمه وش فيك علي اليوم قالت الام : لا وبعد تبين انت ووجهك تعلمين ابوك ؟
قالت: والله صدق يمه ؟؟ وشرأيك بالقميص؟؟
مسكت الام قريناتها المظفرة وتلعب بهن قالت : والله انه حليله بس ماتعودت قليبي مايقوى (أخلي شليحتي ؟)
واهجدي انت وياها ولا عاد تعودنها
قامت الام تنام وقالت لبناتها قومن يالله نامن مو تبطن للفجر هذرة وسوالف (ماشاء الله متعودات ينامن عند اهلهن كل خميس)ياحظهن
إذا صارت ثمانيه وماصحيتن والله لدهنتسن بفقس ,ضحكوا البنات وقاموا وحبوا راس امهم وقالوا ابشري يمه ان شاء الله
لما راحت الأم فتحن الكيس لقنها ماخذه قميص أول ليلة ((والله أنها بطرانه طاحت على اهم واحد))
علقوا و أستانسوا وراحوا ناموا
وتوته توته خلصت الحتوته