العجينة السحرية عجينة ال10 دقائق رهيبة ومجربة

1. السلام عليكم ورحمة الله وبركاته


2. نصف كاس زيت


3. 3 كاسات دقيق

السلام عليكم ورحمة الله وبركاته

انهارده أنا عايزة أقولكم ان كل اللي بيخاف من المعجنات يقوم حالا ويعمل العجينة ده ...والعجينة ده تنفع لعمل الخبز و رائعه للبيتزاولفطائر اللحم و السبانخ و الدجاج - والسينابون-و خلية النحل و المخبوزات الاخرى وما بتاخدش غير عشر دقائق كما انه يمكن استخدامها ساده والصراحة أنا مجرباها وما عليهاش كلام وما شاء الله روعة وربنا يكرم الاخت اللي اخترعتها لأن أنا كان عندي عقدة من المعجنات.... ودلوقتي أسيبكم مع المقادير
المقادير:

• المجموعة الأولى : فنجان قهوة سكر

2 ملعقة كبيرة خميره فوريه ناعمة
2 كاس ماء سخن
ذرة ملح
2 كاس دقيق

• المجموعة الثانية :

نصف كاس زيت

3 كاسات دقيق

• تخلط مقادير المجموعة الأولى مع بعض و تترك لمدة 10 دقائق .
• بعد العشر دقائق يضاف لها مقادير المجموعة الثانية و تعجن جيدا و تستخدم على طول .
• الكميه ممكن تكون كبيره , لكن ممكن تشكلي فيها و تنوعي يعني تقسمي العجينه للفطاير أو البيتزا أو خليه النحل .

وأنا طبقت العجينة ده وعملت منها البيتزا
وطلعت روعة
لو عندكوا أي استفسار عن العجينة اسألوا وأنا تحت أمركم
ملحوظة: لو احتاجت العجينة دقيق ممكن تضيفي على حسب احتياج العجينة بحيث انك لما تشتغلي فيها ما تلزقش في ايدك
وده بعض تطبيقات الاخوات عليها
أتمنى انكم تجربوها وتقولوا لي رأيكم