الف ليلة وليلة من غربتي كاملة للكاتبة علوا

ا ليلة الاولى
فيصل / عمت ت تي
وضحى / وهي مفجوعة أصبحنا واصبح الملك لله ،وجع وجع وجع ، وش فيك تصارخ على ذا الصبح ،ماصارت هذي
الواحد مصار يعرف ينام في ذا البيت منك ومن اخوانك.
فيصل/ قومي يالا انا جيعان ابغاء فطور.
وضحى /وانا اشلي شغل فيك ،جدتك عندك قلها..
فيصل / جدتي قالتلي قوم عمتك بسها نوم.
وضحى / ياالله الساعة ماجات 8 الصبح وانتو مقوميني .
صوت صيتة من برا الغرفة وضحى وينك انتي مابعد قمتي .
وضحى وهي تنط من على فراشها اها هذاني جاية يلا يلا
فيصل/ هاهاهاهاهاها من اول اصحيك منتي راظية تقومين
وضحى / اقول اصرف وجهك ذحين طالعه
تقوم وضحى وتغسل وجهها وتخرج لمها وابوها الي كانو جالسين يتقهوون في الحوش مع عمها سعد وزوجتة منيرة
وضحى /صبحهم بالخيرجميعاً .وتبوس على روسهم كلهم .
الكل / صبحك الله باالنور
صيتة/ كل هذانوم لي ساعة وانا اصحي فيك ,تعبتيني وتعبتي ها الصغير بعدي من كثر ما يتردد عليك.
وضحى/ هاذاني قمت امري تدللي ياحلا ام في الدنيا
ابو احمد عم وضحى/ والله وطاح كرتك يابو حمد
ابو حمد /أي والله ياخوي لي الله
وضحى / انتا تاج راسي واحلى واغلى واطيب ابا في العالم وتقوم تبوس راس ابوها
صيتة/اقول خلي عنك التقردن وقومي حطي الفطور لعيال اخوك ماجد وفطريهم زين.
وضحى وهي قايمه حاضر ياحسن ام في الدنيا. فيصل,محمد جيبو نوف ويلا الفطور.
عبد الله ابو حمد/الله يصلحك يابنتي ويحفظك ويستر عليك.
الكل/ آآآآآآآآآآآآآآآآآآآآآآآآآآآآآآآآآآآمين .
احمد منهمك هو ولد عمه حمد في شغل المزرعة الي يملكها ابوه وعمه .يرعونها ويشتغلون فيها من يوم مكانو صغار
حمد/الحمد لله الخير كثير والماء واجد بعد ماصب المطر على قريتنا والقرا الي جنبنا .
احمد/وهو يمسح العرق من جبينه أي والله ياخوي ربي رحمنا ورزقنا والسنة خصبة ان شاء الله .
حمد /وش رئيك نروح نشوف الوادي بعد ماخلصنا شغلنا
احمد /يالا
مزرعة ابواحمد وبو حمد تشرف على وادي كبير وعميق تجتمع فيه المياه وتصب فيه سيول الامطار التي تاتي من اماكن بعيدة .
ذهبو احمد وحمد الى حدود المزرعة وجلسو ينظرون الوادي قدامهم ويشوفون عظمة الله وقوة قدرته كيف هذا الوادي ينقل هذه الكمية الكبيرة من الماء السريع الذي يرغي ويزبد من سرعة سيره التي تجرف مافي طريقها من اشجار واخشاب وحديد وترب واحجار .
احمد /يقوة الله تشوف يحمد الي اشوفه
حمد / الله يرحمنا يقلون انه شال قرا وهجر ودمر بيوت وقتل ناس .الحمد لله ان مزرعتنا مرتفعة عن مستواه.
احمد/ وهو ينظر في نقطة معينة في وسط الوادي حمد تشوف الي جنب الشجرة الي وسط الوادي .
حمد/ أي وحدة .
احمد/الي في الوسط اكبر وحدة .
حمد/ ايه ايه ايه وش ذا الي متعلق فيها .
احمد/ياله هذا انسان متعلق بثوبه .
كان في الوسط زي النقطة الكبيرة السودا في بياض الماء والزبد من حوله والماء قوي يجرف الاخضر واليابس وهذا الشخص متعلقة ملابسة في احد فروع الشجرة الي تطمرها المياه.
احمد / هذا اكيد جارفه السيل يترا حي ولا ميت.
حمد / هذا مهو وقت الكلام حنا لازم نساعده ,بسرعة ندي كومار من المزرعة يجيب حبلين طوال
احمد وهو يجري المزرعة ويصارخ باعلا صوته كومار كومار ياكومار
كومار/ نام بابا حمد اس فيه مسكلا.
احمد /جلدي جلدي جيب ثنين حبل طويل وتعال عند الوادي.
حمد/ انت وين اتاخرت.
متاخرت يلا بسرعة ساعدني على ربط الحبل وثبته في هذيك الشجرة.
حمد/ خل عنك انا الي رايح انزل.
احمد /والله ماينزل غيري وانا اخوك ماغير ادعلي اني اطلعه بسلامة .
حمد/ اجل انتبه ترى الماء سريع والوادي عميق.وانا وكومار ننتبه للحبل ونمسكه لك .
ربط احمد الحبل حوله زين واحذ الحبل الثاني معه وتوكل على الله ونزل وسط الماء بكل هدوء وثقه وسبح لين وصل بعد مجهود وعنا للشجرة وثبت نفسه على احد فروعها ونظر للشخص الي متعلق في الشجرة وانصدم يوم شفها حرمه فقدة الوعي وماتتحرك وهو مايدري هي حيا ولا ميتة ,بس لازم انه يساعدها عشان طيبته وحبه لمساعدة الناس.سحبها من الماء عليه وربطها بالحبل الثاني من الوسط وثبت الحبل الاول بالثاني وشدهم مع بعض وربطهم حول وسطه هو ورجع يسبح على شان يطلع بيها .شوي شوي بس التعب والسباحة عكس الماء ولاحجارولاخشاب ابطاء وصوله وارهقه وتعبه . وفجاة يختل توازن الحبل ويطيح على وجهه في الماء.
حمد/ احمد احمد رد على انت بخير احمد
قام احمد وهو دايخ بعد مابلع كمية كبيرة من الماء ودخل في عيونه وخشمو.
احمد /وهو يسمع حمد يصرخ عليه ايه انا طيب امسك الحبل زين مابقي غير قليلواطلع ان شاء الله.
اتاكد احمد ان الحرمه معاه ومافقده وانها مثبته بالحبل زين وسبح احمد بالحرمه لين وصل بي السلامه وطاح على ظهره مثل الميت من التعب على طرف الوادي وهو يلهث بتعب واجهاد . اما حمد وكومار سحبوا لحرمه ومددوها على جنب بعيد عن الماء ولحفها حمد بغترتة.
حمد/ كوماربسرعة روح البيت ونادي امي وابوي بسرعةوقلهم عشان يشوفون حالت ذي الحرمه.
كومار/وهو يركض حاضر بابا حمد انا روح جلدي.
ابو حمد عبد الله/والله ياسعد مارحنا مع العيال المزرعة نشوف المطر وش سوا فيها.
ابو احمد /وهو يمد فنجال القهوه لخوه ,ماعليهم خلاف والظهر نخذ الغداء ونلحقهم ان شاء الله.
ابوحمد/الا وين عيال احمد مجو اليوم .
منيرة ام احمد/ ياحالي تلقيهم لين الحين نيمين ماحد صحاهم.ماهم زي عيال ماجد الله يحفظهم يصحون من بدري .
صيتةام حمد/والله يوخيتي لو ماني على روسهم بذا العصاء ماقمو.
سعد ابو احمد/هاهاهاهاهاالله يخليهم لكم ويرجع ابوهم سالم غانم.
الكل / آآآآآآآآآآآمين
صيتةام حمد/والله ياذا الولد كاسر بخاطري ودي--------------------وش ذا الصوت احد يصارخ وينادي
كومار جاي من بعيد/ويصرخ باعلى صوته باباسعد ماما صيتة ,بابا ماما .
عبد الله/ ياكفي البلا وش يبي ذا .
صيتة/ والله مادري يالله تستر عسى ولدي حمد مافيه شي.
سعد /اذكرو الله يجماعة مافيه الى الخير ان شاء الله.
كوماروهويلهث من الركض /بابا عبد الله ماما صيتة جلدي جلدي فية حرمه غرقان في سيل وادي في خرج باب احمد
بابا حمد يقول سرعة جيب ماما بابا عشان شوف هو حي ولا موت.
قامو كلهم بسرعه مع كومار يشوفون وش صاير .وصلو للوادي وشافواحمد منسدح على ظهره من الأعياء , والتعب باين على وجهه وحمد جالس جنبه .
سعدومنيرةبصوت واحد/احمد ولدي فيك شئي يعورك شئ.
احمد بصوت مجهود/ لاالحمدلله مافيني الا العافية, بس تعبان من المجهود الي بذلته.يمه عمتي تكفون شوفوا لحرمه ان كانت حيه ساعدوها.
انحنت صيتة على الحرمه وتحسست جسمها ونبضها ودقات قلبها بحكم ان لها خبرة في العلاج الشعبي القديم.
صيتة/ التفتت لهم وقالتلهم والله حالته ماطمن ,فيها نبض بس ضعيف مره ,لكن اذا الله كتب لها عمر بتعيش ,لازم الحين تساعدوني ننقلها البيت.
علي يبكي باعلى صوته واخته شوق تحاول تسكت فيه بدون فايده.
مها/آآآآآآف وش فيه ذا بعد مايكفي انه ماخلني انام طول الليل,شوق شوق ياشوق
شوق /نعم يما
مها/ ليه ماسكتي اخوك
شوق/مهو راضي يسكت
مها/ خوذيه واديه عند جدته
شوق / جدتي منيرة ماهي فيه
مها / وين راحت , تلقينها عند جدتك صيتة .
شوق /لا كلهم راحو المزرعة.
مها/ اف هاتيه هاتيه خلاص مافيه نوم اليوم بعد.
وصلو صيتة ومنيرة البيت وهم شيلين الحرمة معهم ودخلوها غرفة ماجد بحكم انه مهو فيه ومددوها علي الفراش وبدلولها ملابسها الي كانت مبلوله من الماء وغسلو لها جسمها بماء دافي وجلست صيته توقف النزيف من جسمه وتضمد جروحها بخلطات شعبية تعرفها وكتشفت كسر في رجلها ويدها وكدمه كبيرة في رئسهاورضوض وكدمات في كل انحاء جسمها ,لحفتها بطانيه دافيه واشعلت النار في الغرفة عشان تدفا,وجلست تتئمل الحرمه الي قدمها ,مع كل الي فيها بس بين على ملمحهاالجمال الهدي الطفولي مع ان عمرها بحدود 27سنة ,شكلها وهيئتها غريبة على صيتة ومنيرة
منيرة/ها بشري وش صار عليها.
صيتة/ والله الي علي سويته والباقي على الله .بس باقي ا نادي المجبر ابو خلف يجبر رجلها ويدها اذا قامت ان شاء الله.
منيرة/والله ان شكلها غريب ولا قد شفت زيها لا في قريتنا ولا في القرى الي جنبنا.
صيتة/أي والله يوخيتي وش ذا, الشعر اصفر كان حرقته الشمس, والاضافرحمركانها اكله فيها كبدة نيه,ولا ذا السروال الي لبسته كانها اخذته من عند كوماروالله انها عجيبه.
وجلست صيته ومنير يرعونها ويهتمون فيها طول اليوم والليل كل ماغابت وحده جات الثانيه مكانها ولا احد دري عنهم الا اولادهم احمد وحمد وسعد وعبد الله .
وضحى/امي امي امي .
صيتة طالعه من الغرفة/وصمه وش تبين انتي تزعقين بصوت عالي وطي صوتك بلا.
وضحى/وليش ان شاء الله اوطي صوتي.
صيتة/ فيه مريضة عندي جوا.
وضحى/ انتي مهو قلتي انك كبرتي وعجزتي و بتبطلين العلاج خلاص .
صيتة/ عجز حيلك من بنت انتي ماتبطلين طولت لسان .وهذي حرمه لقوها حمد واحمد غرقانه في الوادي وطلعوها.
وضحى/وهي ذحين وش طلع فيها.
صيتة / فيها رضوض وكسور وماهي راضيه تصحا و---------
منيرة/صيتةتعالي بسرعة------

up up
لعيونك يالغلا

صيتة وبنتها وضحى يجرون بسرعة لغرفة المريضة ,الي كانت منيرة عندها
صيتة/ خير ,خير وش فيك عسى ماشر .
منيرة وهي تاشر على الحرمة/شوفي يام حمد الحرمة كنها بدت تصحا.
صيته تقرب من الحرمة وتتبعها من وراها وضحى ويشوفون الحرمة الي بدت تتحرك على خفيف وتتكلم بحروف مقطعة غير مفهومه بصوت واطي وضعيف جداً
وضحىتنظر بصدمة ودهشة واستغراب . ي---ي---يما هاهاذي0000((((((((أمل)))))))) )
صيته/ لا لا لا وشبك انتي ------لالا---- وش امل بعد.
منيرة / والله حتى انا اولا ماشفتها شكيت انه هي امل
صيته/ لالا قلتلكم ماظن وش يجيب امل بعد الي صار .انا حسبتها هي في البداية . صح احنا ماقد شفناها الى مره واحدة جات فيها وليتها ماجات ,حسبي الله عليها.
وضحى/ امي اذكري الله ودعي ان الله يسمحها------بس بجد هذي نفس الهيئة صح مافيه شبة بس احس انهم نفس الناس .---------ولا يمكن من اهلها.
منيرة/ايه شكلهم من الحضر الي في المدينة,بس وش جابها للوادي حقنا ,اقرب مدينة لنا يمكن 700ك .
الحرمة بدا صوتها يعلا شوي وتفتح عيونها بصعوبة . ماهذ -----ماذا جرى----آآآآآه ماهذه الالام ------- كم يولمني جسمي--------- آآآآآآآآآه قدمي تولمني --------رئسي . يدي آآآآآآآآآآآآآآآآآآآآآآآآه--------آآآآآآآآآآآآآآآآآآآآآآآآآه
صيته/ يابنتي لاتتكلمين كثير إنتي مافيك الى العافية ان شاء الله .
وتلتفت لبنتها وضحى اقول يما روحي بسرعة لبوك وقوليله ينادي المجبر ابو خلف عشان يشوف اذا فيها كسور يجبرها .
احمد / دخل بيته منهوك مرهق من الاحداث الي مرت علية اليوم . ومافيه الى صوت بكى ولده الصغير علي الي عمره سنتين .
احمد/ خير وش فيه ذا بعد.
مها/ والله مادري عنه من البارح وهو مسخن مخالني انام.
احمد/ اقول روحي هتيلي زيت زيتون بدهن جسمي به احسه بيتكسر.
مها/ خير وش فيك عسى ماشر.
احمد/ لا سلامتك بس اليوم لقينا حرمة غرقانة في السيل وطلعناها انا وحمد .
مهابنظرة غريبة مانتبهلها احمد/والله لا الحمد لله على السلامة وهي وين الحين.
احمد/ ودينها عند عمتي صيتة عشان تعالجها .
مها/ ومن الي طلعها من الماء .
احمد/ انا الي طلعتها ,تعرفين حمد كبير شوي وصحته على قده .
مها/ آيه ونت سويت فيها الفارس الشجاع ورميت نفسك في الماء عشان طلعها.
احمد/ لااله الا الله وخير وش فيها ذي بعد .
مها\ لاسلامتك ,اقوم اجيب الزيت احسن.
وضحى وهي رايحا لدكة الي في وسط الحوش الي جالس عليها ابوها وعمها سعد.
وضحى /السلام عليكم .
عبدالله +سعد /وعليكم السلام
وضحى / يبا تقولك امي الحرمة المريضة قامت شوي ,نادي المجبر ابو خلف عشان يشوف رجلها ويدها تقول انها تعورها وامي تقول يمكن فيها كسور.
عبد الله / خير يبنتي بقوله بعد صلاة العشاء واجيبة معي ان شاء الله.
في زاويه من هذه المزرعة الكبيرة بيت شعبي متواضع يضم الكرم والحب والحنان .اب عطوف رحيم بأولاده ,وام مخلصة حنونة .تجمعهم صفة الرحمة ورباط الاسرة ليحلقو باولادهم في سماء السعادة , السعادة التي حرم الكثير منها .تتوفر لدى هذه الاسرة السعادة برغم حالتهم المادية البسيطة برغم الظلام المنتشر في بيتهم برغم ضيق افاقهم , برغم محدوديت مواردهم بسبب بيئهم البدوية.
حمد بعد ماجاء من المسجد / السلام عليكم .
امينة/ وعليكم السلام .ياهلا ببو خالد .
حمد / ياهلا فيك ,الى وين العيال ماشوف احد منهم .
امينة/ حنان وغزال يسون العشاء . ووسلمان وسليمان الحين يجون من بيت عمي .الاماقلتلي كيف حال الحرمة الي طلعتوها اليوم .
حمد ببتسامة/ انتي دريتي.
مها/ أي والله قالتلي وضحى والحمدالله على سلامتكم وسلامتها.
حمد / عساك سالمة --- قابلت اابوي بعد الصلاة وقالي انها طيبة وبياخذ ابوخلف عشان يجبرها.
شوي الابدخلت سلمان وسليمان من الباب وصوتهم عالي
سلمان / اقولك ترى والله اعلم عليك جدي عبد الله .
سليمان/ ليش ونا ويش سويت .
سلمان/ ليش تضرب نوف.
سليمان/ لالالالالا والله ماضربتها . كنت ماد رجلي وهي رجعت على ورا وطاحت.
سلمان / والله تراني شفتك انا ومحمد.
سليمان/ايه انت قول انك متشارك انت ومحمد في الكذب علي ماكني انا اخوك .
امينة/ خير خير وش فيك انت وياه ,ماتبطلون ها النقير ها انت وهو مثل البس والفار.
سليمان/ كله من سلمان يلعب مع محمد وعيال عمي ماجد وانا مطنشني .
حمد/ صح ياسلمان الكلام الي يقوله اخوك .
سلمان/ لا تصدقة يابا كل مانقله تعال العب معنا يقول هذي العبة ماحبها وش نسوي فية .
حمد بهدؤه وحنيته المعهوده/ يولدي ياسلمان هذا اخوك وماهو أي اخو هذا اخوك التوم يعني انت وياه انولدتو سوا مع بعض في وقت واحد لازم تراعيه وتهتم فيه وتقدره .وهذا الكلام لك ياسليمان كمان لازم تكونون قلب واحد ويد وحدة ها فهمتو يعيالي
سلمان +سليمان /فهمنا يبا وحنا اسفين.
حنان وهي جايبه صينية العشاء/ يالا ياحلوين غسلوا يدنكم عشان العشاء.
غزال وهي جايبة الشاهي / يالله وترى الي مايغسل مافية اكل
تحلقت هذه الاسرة السعيدة حول مائدة العشاء يضحكون ويتكلمون ------عسى بالعافية
ابوخلف يدخل على الحرمة المريضة في بيت ابو عبد الله ويتحسس رجلها ويدها وبدا يجبر لها رجلها بعد ماكتشف ان فيه كسر .وضع خشبتين على طول الكسر الي في رجلها بعد مامددها وربط عليها وشدها حتى لاتتحرك .امايدها كان فيه بس فكك بسيط مع رضة ربط عليها وطلع من عندهم بعد ماعطهم علاج مناسب يجبر الرجل .
الحرمة/ آآه----------------آآه--------------آآه
صيتة/ الحمدلله على السلامتك .قومي يابنتي اسندي علي اشربي هذا الدواء وان شاء الله يهدي عنك الوجع .
الحرمه بعد ماشربت منه قليل وبصوت واهن/ يألهي ان طعمه مر لأستطيع.
صيته/ سمي بالله ولازم تشربينه وبعدها تنمين ونتي مرتاحة .
الحرمة بنفس الصوت الضعيف/ ساحاول .وتجرعتة قليلا قليلا .تم استرخت وراحت في سبات عميق من التعب الي فيها-------

الليلة الثانية
------حي على الفلاح *حي على الفلاح * الصلاة خير من النوم*الصلاة خير من النوم----
ارتفع صوت المؤذن عاليا يصدح بذكر الله, يزلزل قلوب قوم يخشون الله ويخافونه ,يصدح لينبه النائمين الى صلاتهم ,الى عبادة ربهم الى توحيده ,الى ربوبيته ,يصدح ليعلن ان يوماً جديد قد بدا ,يوم بخيره وشره ,بحلوه ومره .
عبد الله/ لااله الا الله ,الحمد لله الذي احينا بعد مماتنا واليه النشور.صيته صيته قومي ياله اذن الفجر ,
صيته وهي قايمة / يلا يلا صبحك الله بلخير.
عبد الله / صباح الرضاء ,انا رايح المسجد.ونتي صلي وقوامي وضحى.
صيتة في غرفة وضحى/ وضحى وضحى يما قومي للصلاة ياله---- وضحى ----
يما قومي ----يابنتي وبعدين معك .
وضحى وهي مو قادرة تفتح عينها من النوم/طيب هاذاناقايمة.
صيته/ قايمة ونتي لسع على فراشك ,يلا لاارجعلك مرة ثانية قومي صلي وحضري الفطور والقهوة وصحي محمد للمدرسة.
امينه بعد ماصلت الفجر حضرت الفطور لعيالها وقومتهم للصلاة والتحضير للمدرسة
حنان / صباح الخير ياحلا ام .
امينه/ صباح الرضاء.اختك جاهزة ترى اليوم كنكم تاخرتو.
غزال وهي ماسكة الشنطة بيد والعباه بيد /لاوالله متاخرنا بس حنا اول من يصحا واخر من يصل.
امينه/ وليه ان شاء الله.
غزال / انتي ناسيه يما ان الباص يمرنا احنا وبعدين يمر على القرى الثانية وبعدين يرجعنا قرية الجبل ,يعني مسافة وحوسة ودوري ماله عازة.
كما اخبرتكم انهو لايوجد مدارس في قرية الوادي المدارس في قرية الجبل التي تبعد عنهم مسيرة 3ساعات ينتقلون لها بواسطة باص للبنات وباص للاولاد
حنان/ الحمدلله هذي اخر سنة لي في هذا العذاب.
امينه/ طيب قولي ان شاء الله ,وشدي حيلك وجيبي نسبة ترفع الرس , ولا ترى ماراح تكون اخر سنة.
غزال / ليه ماراح تدخلين الكلية.
حنان/هاهاهاهاهاهاها دخيلك أي كلية هذي ,الي يسمعك يقول ان حد دخلها قبلي من البنات شوفي عمتي وضحى خلصة الثانوي وقاعدة في البيت .
امينه/ والله ودي يبنتي اشوفك داخله الكلية وارفع رئسي فيك .بس وينا وين الكلية
حنان/ اصلاً انا شايله هذا الموضوع من رئسي ولا افكر فيه الواحد مايحسب يخلص الثانوي الا وروحه طالعة اروح افكر في الكلية كمان .
غزال / ماعليك منها يما انا الي بارفع رئسك وادخل الكلية واصير اول بنت في القرية كلها تدخل كلية.
امينه وهي تبتسم/ انتي خلصي المتوسط اول وبعدين يحلها الله. جلسوا يفطرون ويتكلمون لين جاء الباص وتوجهو الى مدارسهم .
دخلت وضحى بشويش غرفة الحرمة المريضة بعد مافطرت هيا وامها وابوها ومحمد راح مدرستة.لقيتها مغمضة عيونها بقوة ,وباين عل ملامح وجهها الالم وجبينها عرقان
وضحىبصوت واطي وهي تتقرب منها/ سلام---------لارد-سلام----------لارد--------انتي فيكي شئ---------سامعتني -----
الحرمة بصوت منهك / آه آه آه ------------إنني-----------اسمعك .
وضحى/ كيفك الحين ان شاء الله احسن.
الحرمة/الحمد لله --------احس---ببعض ----التحسن ولكن---- هذا –الصداع---يفتت رئسي.
وضحى/ طيب انتي ارتاحي وانا ذحين اقول لامي .
الحرمه/هل---امك—هي ---الطبيبة ----وهل هي –التي ---علاجتني.
وضحى/ هاهاهاهاها, اما قويه ,هي امي صح طبيبةبس مهو زي منتي مفكرةهاهاهاها,اروح اقلها انك صحيتي هاهاهاها.
احمد/مها -----مها -----مههها يامها وبعدين معك يعني إنتي متى عندك نيه تنعدلين . قومي شوفي حضرتك الساعة كم وانتي لسع نايمة.
مها بكسل وصوت كله نوم/ كم يعني
احمد/ الساعة ياحرمة 8ونص.
مها/ آف آف آف واذا يعني تراه بدري .
احمد/يناس احر ما عندي ابرد ماعندها ,بدري من عمرك قوليلي حضرتك بنتك فطرت وراحت المدرسة ولا ماتدرين عنها.
مها/ اكيد عمتي منيرة قومتها وفطرتها وراحت مدرستها.
احمد/ انا بعرف من امها من المسؤل عنها انتي ولا امي .
مها/ وبعدين يعني .انا وعمتي واحد .
احمد/اقول لايكثر كلامك قومي سويلي فطوري انا تاخرت على المزرعة ,لايجيك الحين شئ مايرضيك .
طلع احمد من الغرفة وهو متضايق .وقامت مها تحط الفطور وهي تتافف.
وضحى/ هاهاهادكتورةصيته, دكتورة صيتة . امي امي وينك .
صيتة/ انا هنا في المطبخ علامك تزعقين .
وضحى /دكتورة صيته الحرمة صحت وشكلها احسن من امس شوي ,بس رئسهايعورها.
صيته/ طيب هذا انا اسوي علاجها .وبعدين وش حكاية الدختورة هاذي.
وضحى/ الحرمة مسكينة على نيتها تحسبك من ذا الدكاترة الي معهم الشهادات .ماتدري ان حدك كم خلطة ,وكم صيخ للكوي .وشويت خرق للف .وكم عشبه ريحتها تصرع.
صيته بطرف عينها وهي حابسة ضحكتها على كلام بنتها/اقول بلا كلام فاضي ,هذا الطب مهو بطبكم الفاضي .قومي سوي كباية حليب وجيبيها لي في الغرفة بسرعة.
تركت صيته بنتها وتوجهت الى غرفة المريضة .
صيته/ السلام عليكم .صباح الخير.
الحرمة بصوت ضعيف/وعليكم—السلام.صباح---النور.
صيته/ ها بشري كيفك الحين.
الحرمة/ الحمد—لله—الالم—خف—قليلاً—لكن –هذا—الصداع –شديداً—جداً.
صيته/ ولا يهمك الحين احط هذي الصبخه(مواد لزجه من عدة اعشاب معجونة بلماء)على رئسك وتخفين ان شاء الله .
بدئت صيته تضع الصبخه على راس الحرمة .والحرمة واصلة فيها من القرف وشوي وترجع بس من الامهاوصدعها سكتت ,بذات انها بدئت تحس ببرودة هذه الخلطة على رئسها .
دخلت عليهم وضحى وشافت المنظر قدمها ومااقدرت تمسك نفسها من الضحك .وامها طالعت فيها بذيك النظرة الى على طول سكتتها.
صيته/ اقول حطي الحليب عنك وطلعي شوفي الغدا احسن .
صيته للحرمة بعد ماطلعت وضحى/ اشربي الحليب عشان بعده تاخذين الدواء الثاني.
شربت الحرمة الحليب وهي تتنهد من الراحة النسبية خاصة ان الصداع بقدرة الله بدا يخف شوي .اعطتها صيتة الدواء الثاني ,وخلتها ترتاح.
فيصل /عمتى عمتى عمتى وضحى .
وضحى وهي غرقانه في المطبخ تسوي الغداء /نعم وش تبي .
فيصل /عمتي وضحى, نوف ----نوف طاحت وحنا نلعب في الحوش ورجلها تعورها وتصب دم .
وضحى /وبعدين يعني آف—يلا انا جاية.
وتروح مع فيصل وتشوف نوف بنت اخوها ماجد الي عمرها 3سنين طايحة وتبكي بصوت عالي والدم مغطي على ركبتها .
وضحى/ بس حبيبتي نوف بس بس من سوى فيكي كذا.
بصوت طفولي باكي/ فيثل تيحني (فيصل طيحني).
فيصل /والله والله ماطيحتها عبد الرحمن هو الي طيحها .
عبد الرحمن /يالكذاب انت الي مطيحها وتقول انا.
وضحى بنظرة من طرف عينها /لايشيخ انت وهو ,.لابعد قولو هي الي طاحت.
فيصل+عبد الرحمن / بصوت واحد ايه صح هي الي طاحت.
وضحى/ هي طاحت ها.عقاباً لكم انتو اثنين راح تنظفون الحوش وان جيت ولقيت فيه قشة طايحه بخليكم تنظفون المزرعة. وانتي تعالي معي اغسل لك رجلك واحط عليها واحد من خلاطات الدكتورة صيتة المشهورة هاهاهاهاها.
نوف/ امتي ليس تتضهكين لهالك انتي مزنونه .
وضحى/ مجنونة بعينك امشي معي وبلا طوالت لسان. ودخلتها معها البيت وغسلت رجلها وحطت عليها خلطة وقفت الدم ولفت عليها وراحت عنها تكمل غداها.
جلست نوف ماهي قادرة تمشي على رجلها الي تعورها ,بعدين قامت تمشي على الرجل الثانية وتنط عليها ودور في البيت طفشانه ,بعد مهددتها عمتها تطلع تلعب مع الاولاد
لفت لين وصلت غرفة ابوها تذكرت كلام جدتها(اسمعو يعيال ماجد والله ان واحد فيكم وصل الغرفة هاذي ولا قرب منها يويلكم مني فهمين ولا لا)طالعت في الغرفة بس لقافة الاطفال خلتها تدخلها ,لقت فراش ابوها علية حرمة غريبه عليها, قربت لين وصلت جنبها وهزتها بيدها وبصوت طفولي.
نوف/ هي انتي ليه دحلتي علفة بابا والله اقول لزده.
الحرمة التفت ولاباجمل طفلة ,صغيرة ,بريئة ,مرتبه ,لابسه فستان بسيط لكن نظيف شعرها مرتب جديلتين وغرة بسيطة .
الحرمة وهي تحس بتحسن ملحوظ/اهلا حبيبتي .كم انتي جميلة .
نوف / انا نوف مو زميلة .
الحرمة/هاهاهاها .حسنناً حسناً انتي نوف ولستي جميلة.
نوف / انتي وزعانة .
الحرمة/ لا يصغيرتي انا لست وجعانة هاهاها .كلامك جميل هل عندك اخوان.
نوف / ايوا كسير وبدات تعد على اصابعها الصغيرة .فيثل ومهمد ونوف.
في هذه الحظة خرجت وضحى من المطبخ للتطمن على نوف فلم تجدها بحثت عنها فسمعت اصوت اتيه من غرفة ماجد فعرفة ان نوف راحت للحرمة المريضة .راحت لها بسرعة علشان لا تزعج المريضة لاانها تعرف نوف وثرثرتها.
وضحى / هى نوف ايش تسوين هنا امي ماقلتلك يويلك ا ن جيتي هنا .
خرجت نوف وهي تجري خايفة.
الحرمة/هاهاها ارجوكي انها لم تزعجني كم هي جميلة ومسليه .
وضحى/ هذى اذا اعطيتيها وجه ماراح تقفل ابد, اسئليني انا عنها .
الحرمة/ هاهاها ,هل هيا اختك .
وضحى / لا نوف بنت اخوي الاوسط ماجد .انا اخر العنقود سكر معقود.
الحرمة /هاهاهاهاها كم انتي متواضعة.
وضحى /اكيد .بس تعالي قوليلي كيفك الحين .
الحرمة / الحمد لله احس بتحسن كبير . وقد خف الصداع ايضاً.
وضحى/ زين زين . ممكن اعرف اسمك .
وقف الزمان , توقفت الرياح, عم السكون, نظرة الم ,نظرة خوف, نظرة صدمة , الدنيا ظلام دامس, ماذا جرى, ماذا حصل, سؤال بسيط, الاجابة اسهل, لكن اين الجواب , كل شئ مغلق , لا لا لالا لا لا لامستحيل.
وضحى/ خير وش فيك وجهك انقلب كذا .عسى مارجعلك الصداع.
الحرمة برتباك واضح/ ---ن—نعم—نعم ---- لقد عاودني الصداع ---لا—لااستطيع ان افتح عيني من الالم--- لقد --- طلبت مني امك ان ارتاح اعذريني .واغمضت عينيها.
استغربت وضحى من تصرفاتها لكنها خرجت وتركتها (وش قصتها هذي )
عبد الله / ها يبواحمد متى تبغانا نجمع المحصول ترى السيارة بتجى في ذا لاسبوع ونت تعرف ان جات وحنا ماخلصنا محنا لقين سيارة غيرها وقعد محصولنا ياكله الدود.
سعد/هاها, والله يبو حمد اليوم مريت العيال في المزرعة ولقيتهم شادين حيلهم ومابقيلهم الى القليل
عبدالله/الله يعينهم ويساعدهم وان شاء الله يكون يمديهم . الا اقول هذي المره الدور على من يروح مع السواق المدينة عشان بيع المحصول .
سعد/ الدور على ولدي احمد .
عبد الله /الله يعينه.
مها شالة ولدها علي وتوجهت بيت عمها عبد الله .لقيت عمتها منيرة وعمتها صيته وضحى قاعدين يسولفون ويتقهوون.
مها/ السلام عليكم.
صيته+منيرة+وضحى/ وعليكم السلام والرحمة .
منيرة/ هلا بنتي جيبي على عنك .واخذته وحضنته وجلست تناغيه وتلعبه .
مها بعد ماجلست وصبت لها وضحى القهوة/ الى ياعمتي صيته كيف حال الحرمة الى عندكم
صيته/ الحمدلله اليوم احسن كثير عن امس .
مها/ ماعرفتو وش الي جابها الوادي عندنا.
صيته/ جابها السيل .
مها/ وضاقت عليها الدنيا الى تجي وادينا .
منيرة/ لااله الا الله وش ذا الكلام يمها هذا قضاء ربك وش بعد .
مها / ونتو ماسئلتوها عن قصتها وش جرئلها.
صيته/ الحرمة تعبانة ,كيف تبينا نسئلها.
دخلت عليهم امينه
امينه/ السلام عليكم . وتبوس رئس عماتها.
الكل/ وعليكم السلام والرحمة .
امينه/كيف حالكم ان شاء الله بخير .وكيف حال مريضتكم .
صيته/ الحمدلله ستر الله يدوم .والحرمه اليوم احسن .
امينه/ بسلام عليها واتحمد لها باسلامه .
صيته/ اخاف نضايقها وهي لسع تعبانة.
مها/ لاتعبانة ولاشئ خلنا بس نروح نسوي الواجب .
كلهم راحو لغرفة ماجد الى فيه الحرمة المريضة.
ماهذا الظلام ,هل من الممكن ان يكون كل هذا حقيقة, هل يمكن ان يكون واقعاً, لا لا لا لابد ان يكون سراب ,طيف احاول ان امسك به فلا استطيع, لماذا,وماذابعد من سيفهم ,من سيصدق .هاههاهاهاها,لبد اني قد فقدت عقلي يارب ساعدني .
يفتح باب الغرفة لتدخل منها النساء الخمس .صيته ,منيرة,وضحى,مها,امينه
ليفاجؤ بملامح الخوف والذعر على وجهها ,والدموع تبلل عينها والصدمة تشل تفكيرها---------------------------------------------------------------
ماذابعد كل هذه الالغاز فهمتو شئ

الليلة الثالثة
بعد ان قامت من نومها.مستلقيه على فراشها مهمومة ,حزينة,تفكر في احداث الامس وماجرى لها وتستعيد ذكرى ماجرىلها ---
(دخلوا الغرفة ليجدوها في حالة صدمة.اسرعة اليها وضحى وضمتها اليهاباحنان
وضحى/ سلامتك حبيبتي انا رحت عنك وكل شئ تمام وش صار .لسع رئسك يعورك.
صيته/ خير يابنتي وش فيك عسى ماشر.
الحرمة/الحمد لله انا دحين احسن كتير عن قبل,.
امينه بصوت حنون يدخل القلب/ الحمدلله على سلامتك ومقام العافية.
مهابدون نفس/ماتشوفين شر.
الحرمه وادمعه عالقة في رمش عينها وتحاول اخفاء ارتباكها /الله يسلمكم وتسلموا على زيارتي ومساعدتي .
صيته/ ها يبنتي ان شاء الله خف الصداع.
الحرمة/ ايوا الحمد لله خف مرة.
مها/ الى اقول خير ماعلمتينا كيف طحتي في السيل .وش صار عليك بضبط.
الكل استغرب من مها وسؤلها المزعج واسلوبها الوقح.
الحرمة نكست رئسها ولم ترد عليهم جواب ,والتزمت الصمت .
منيرة/ مهو وقته يامها .
صيته/ مها منتي شايفه قد ايش هي مريضة.
مها/ والله الى اشوفه انها هذي هي طيبه قدامي ,فليه ماتقولنا اسمها وقصتها ومن وين هي .لاعيب ولاحرام.
الكل صار ينقل النظر بين مها والحرمة الي منكسة رئسها.
امينة/ يمكن يامها م---
اسكتتها مها /اقول انتو ليه دورون لها اعذار خلوها تحكي.
الحرمة رفعت رئسها والدموع مغرقة وجههاوبصوت بح من البكاء/طيب,طيب.انا حتكلم .لكن اش تبغُوني اقلكم .ان سكت شوفت نزرة الاتهام في عيونكم.وان اتكلمت مافي واحد ِمنكم حايصدقني لااني مني مصدقة نفسي.
وضحى/ وليه مانصدقك .وليه انتي منتي مصدقهة نفسك.
الحرمة/ هل راح تصدقوني ازا قلت لكم --------,انِي ماتزكر أي شئ.هل راح تصدقوني ازا قلت لكم ان كل حاجة في عقلي انمحت انطمست .كل الي في عقلي دحين مجرد ضلام دامس لاصورة لااسم لاكلمة مااعرف اسمي ولالقبي ولا اسرتي ولامدينتي ستصدقون ان قلت لكم ----ولاشئ ولاشئ ولاشئ ولاشئ ولاشئ ولاشئ ولاشئ ونهارت في بكاء مرير في حضن وضحى التي حضنتها بحنان.
مها/ هاهاهاهاهاهاها والله تعرفين تمثلين .علينا عاد ذا الكلام .وقول ياشاطرة دوري غيرها.
صيته/ يما وضحى مني فاهمة وش تقول يما فهميني .
وضحى وهي تحاول تهديها/انتي يمكن بس تعبانة ورسك من الجرح الي فية لسع يعورك عشان كذا تقولين هذا الكلام بس اذا ارتحتي وخف الم رئسك بتتذكرين كل شئ .
الحرمةوهي تبكي/ لا ---لا انا لي فترة وانا انام واقول لنفسي لمن اصحى القي كل شئ تمام ,لكن لاما اصحى مالقي الى الضياع ,حاولت وحاولت لكن بدون فايدة.صدقوني انامااكزب والله ما اكزب مااكزب
امينة/ بس حبيبتي .بعدين من اتهمك بالكذب .انتي ارتاحي الحين وكل شئ له علاج .
صيته/ يما فهموني اش فيها .
وضحي/ يما تقول انها ماهي متذكرة اسمها ولا اهلها ولاشئ .
صيته/ يمكن انخبلت .ترى الطيحة على الراس ماهي بسيطة .
مها/ هى انتو صدقتوها والله منتو صاحين.
منيرة معصبه على مرة ولدها/وليش مانصدقها وش مصلحتها تكذب.
مها/ شوفو عاد يمكن مسوية مصيبة وشاردة عن سواد الوجه.
امينة/ يمها اتقي الله ولا تحطين في ذمتك .
مها/ كمان احد يصدق ذا الكذب.
وضحى / ايه عادي انتي عشان جاهلة منتي متعلمة ماتعرفين عن شئ اسمه فقدان الذاكرة,اذا تعرض الرئس لضربه قويه,مثل الي تعرضة لها.
مها/ والله يالمتعلمة مخلين التعليم لك .لكن انتي لسع صغيرة وماتعرفين مصايب الحريم.
الحرمةوهي تبكي بحرقه/ والله العظيم اني ما كزب ماعرف ايش حصل ,كل شئ اسود ----------رئسي يئلمني----رئسي يبغا ينفجر آه آه رئسي صدقوني----صدقوني ----انا معم اكزب.
صيته وهي تبكي لمنظر الحرمة/يما قولي لااله الاالله .وحنا مصدقينك ان شاء الله .ومها معليك منها
انتي ارتاحي الحين ونامي ونشاء الله لاصحيتي اندور علاج لمرضك وطلبي الشفاء من الله .
وخرجو من عندها وهي استرخت .لكن تسمع اصوتهم تجيها من برة الغرفة.
مها/ الحين انتم بجد مصدقينها.
منيرة /مها وطي صوتك الحرمة تسمعك.
مها /خليها تسمع وتعرف انها ماضحكت علي بكلامها.
صيته/ انتي ذحين وش فيك عليها من اول ماشفتيها ونتي مقلوب حالك .
مها / لأني شفت الكذب بعيونها .----انتو ماشفتو شكلها, يدينها , رجولها, شعرها, --انتو كيف تصدقونها ولا تثقون فيها .--- مها بحرقة تكمل ---انتو تعرفون انها من حضر المدينة ,تبون تساعدونها وتبقونها عندكم وتصدقونها وتفتحون بيوتكم لها.-----زي مافتحتوها ل----امل --- تبونها تسوي فينا زي مسوت شبيهتها.
صيته بالم / يابنتي انتي لسع مانسيتي .الي راح راح وامل الله يسامحها.
مها /لامانسيت ولا راح انسا لسع الجرح ينزف يعمه .
منيرة/ يابنتي يمها انتي اوهمتي نفسك لاتدمرين حياتك وحياة زوجك بغلطة مارتكبها.ولاتخذين ها الضعيفة بذنب غيرها .تبينا نخذلها وهي مالها بعد الله غيرنا.وش عذرنا من ربنا.
مها/ كيفكم على رحتكم لكن انا وراها لين اكشف لكم كذبها وغشها وبتشوفون.وخذت ولدها وطلعت
وضحى/هذى مهي صاحيه.
منيرة/ الي جاها مهو قليل.
امينه/ لاياعمتي منيرة انا مني معك في كلامك هذا, كلنا نعرف احمد ونعرف اخلاقة زين .
صيته/ والله يابنتي احنا نعرف احمد وتراه تربيتي مهو بس تربية امه, ربينهم سواالله لايفرق بينهم ,بس والله مها خوفتني بكلامها .
وضحى/ ليه يما.
صيته/خايفة تطلع الحرمه زي ا مل, ولا من اهلها , ولا وراها مصيبه زي ماتقول مها.
وضحى/ يما اذكري الله . والله ان حالتها تقطع القلب واذ ماساعدنها من راح يساعدها.
منيرة / ايوالله وضحى صادقة .والله سبحانه وتعالى يجزي كل مين بعمله .وترى امل اخذت جزاها والله كشفها لنا في نفس اليوم.بس مرة ولدي هذي شكاكه وخبله .
صيته/ الي علينا بنسويه والباقي على الله . بس يوضحى صح فيه مرض زي كذا. انا اعرف الي يطيح طيحة قوية ينهبل.
وضحى/ يما الطيحات تختلف بقوتها واماكنها . يمكن يفقد عقلة اويفقد السمع اويفقد البصر اويفقد الذاكرة يعني ماعاد يتذكر شئ انا قريت هذا الكلام في كتب الطب الي عندنا في مكتبة المدرسة.
صيته/ وهذا المرض وش علاجه .
وضحى/والله مادري لازم نوديها دكتور متخصص.
صيته/وينا وين الدكتور اقرب مستوصف في قرية الجبل .ومافيه سيارة .والحرمة مكسورة ماتقدر تقوم .بس شكلي بكويها كمن كويه مع رئسها.
وضحى/هاهاهاهاها.والله لوتسمعك لتشرد على رجلها المكسورة.
امينه/هاهاهاهاهاالله يقطع سوالفك ياوضحى .اقول خلوها اطيب من الكسور ذحين وبعدين يحلها الله من عنده.يلا انا استاذن بروح اشوف العيال وابوهم.
اغمضة عينيها بقوة بعدما سمعت كلامهم ومن قوة الصداع وهول الصدمة راحت في سبات عميق-----)
تواصل حديثها مع نفسها اليوم يبدو وكان الامس ليس موجود فبرغم حالتى الى اني اشعر ببعض التحسن لقد رفع كلامهم امس معنوياتي .ولكن ماقصة مها مع امل ولماذا تكن الكره لي وماذنبي انا
لقد بدئت احب هؤلا الناس ,احب طيبتهم,احب اخلاصهم وبساطتهم .مل راح اخذلهم ابداً.
في المزرعة الكبيرة احمد وحمد منهمكين في شغلهم .
حمد/احمد وين كومار.
احمد/ارسلته مع ثلاث عمال عشان يلمون محصول الجهة الشرقية .
حمد/طيب حنا خلصنا من هذي الجهة ,ومابقي غير الجهة الغربية .خلها بكرة ان شاء الله .انا تعبت اليوم.
احمد/ خلاص .حتى انا تعبت والله .بكرة انكمل, وبعده اجازة لين تجي السيارة.
حمد/هاهاها. ياحبك للا جازات .
احمد/ ايه وش عليك الروحه هذي المره مهي عليك .
حمد/ المفروض تفرح تراك بتسافر وتنبسط .وتغير جو.
احمد/ الله يخليك وين الانبساط .وهو سفر يوم كامل بسيارة ومن هناك على طول السوق ابيع المحصول واشتري اغراضنا الناقصة وثاني يوم ارجع على طول.
حمد/وش رئيك هذي المرة تاخذلك يومين.
احمد/هاهاهاها .والله ضحكتني وش تبيني اقول للشياب.(بابا عمو . ابغا اسافر انبسط)
حمد/هاهاها.لوقلتلهم كذا ودوك لبو خلف عطاك كويتين مع رئسك.
احمد/ لاتكفا الى الكوي ترى مادني اسمع ذكرة.
حمد/ اسمع اذا على المزرعةوانا بمسكها بدالك.واذا على الشياب ان اكلمهم لك .-----بس بشرط.
احمد/ ايه انت قول كذا من الاول .انها مصلحة .
حمد/ اجل عشان سواد عيونك .---بتسمع شرطي ولا لا .
احمد/ قل خلنا نشوف.
حمد/ابغاك تدور على ماجد--------.
احمد/---------- ايه بس كيف وين ,انا ماعرف الاماكن في المدينة.
حمد/ مادري عنك .انت هناك تصرف روح شقتة القديمة .اسئل زملاة وقول لخالد وبندر يساعدونك.
احمد/ ايه بس خايف ان ماجد يزعل .بذات انه ماهو صغير ندور عليه.
حمد/ ماجد ضايق وزعلان و-------
احمد يقاطعه/بس انا مالي يد في الي صار وماجد عذرني وصدقني .
حمد/ عشان كذا انا طلبت منك انت تسئل عنه .عشان يعرف انك معه وماتسبب في قطيعة بينكم .بذات ان الموضوع يمس شرفة ورجولته.وانت تعرف عزة نفسة وكبريائة.
احمد/بس ياخوي الي صار مهو عذر له عشان يشرد ويتركنا وثلاث شهور منشوفة.
حمد/ انت اعرف بتسرع ماجد ,والي جاه مهو قليلو وانت تعرف قدايش يكره الخيانةا.عاذناالله منها
احمد/اللهم آمين. ابشر بعزك وانا اخوك ماارجع ان شاء الله الاوهو معي ولا عندي علم اكيد عنه.
حمد/ بس ترى مابغا احد يعرف انك رايح تسئل عنه .
احمد ابشر والله.
حمد/يلا ذلحين خلصنا خلنا نروح نتقهوا مع الشيبان ونقلهم.
احمد/مشينا.
صيته/ يما وضحى حضري للحرمة اكل وديه لها اكيد جيعانة .
وضحى/حاضر يما.
سوت وضحى اكل للحرمة وراحت تودية لها.وراحت معها نوف
وضحى /السلام عليكم .
نوف/ الثلام الٍِيتم.
الحرمه/وعليكم السلام ورحمة الله وبركاته.اهلين وضحى.اهلين حبيبتو تعالي ياقمر بوسي خالتو
وضحى /لا انتي احسن اليوم كثير.
الحرمةوالدمع بدا يتسلل من بين عينيها/ لاماضن ان فيه أي تحسن ,انالحد دحين ماتزكرت شئ.مااظن ذلك .انا الين دحين ما اتذكر أي شئ .
وضحى/ يابنت الحلال ترى حالتك مهي بسيطة .انتى لازم ماترهقين نفسك بتفكير وحاولي تساعدين نفسك على انك طيبين وتقومين مثل الحصان.تخفين وتستردين صحتك .
الحرمه/ طيب انتي قوليلي ولدتك ماتقدر تعلاجني .انا سمعتها امس تزكر طريقة علاج بلكن تكون طيبة.
وضحى/هاهاهاهاهاهاهاهاها.والله لو تعرفينها مكان تكلمتي فيها.
الحرمه/طب انتي خبريني .عنها.
وضحى/هاههاها , مالك ومالها مابغا اسويلك رعب.
الحرمه/ لا الله يخليكي خبريني .
وضحى/هاهاها,هذا ياطويلت العمر تجيب مسمارمن الحديد وتحطه في النار حتى يشقر ثم اتش في الرئس لين يدخن.
الحرمةوعلامة الرعب والصدمة على وجهها/وه وه وه هزا هوا علاجها لحالتي الله يعفينا .
وضحى/ وبنظرة جانبيه والله على حسب.
الحرمه برعب/ لا لا شكرا تسلموا. ودوني لدكتور احسن.
وضحى/هاهاهاههاههاهاهاهاهههاهاهاهاهاهاهاهاهاهاها اههه.
الحرمه/ والله انك مجرمة تخوفيني كدا وبعدين تضحكي .
وضحى/ههه ,والله ماكان ودي اخوفكههه بس انتي سئلتيني عن العلاج حق امي .
الحرمه/يعني كلامك جد ولا تريقة.
وضحى / ايه والله فيه امراض كثيرة مالها علاج الى الكوي.
الحرمه /وعسى مرضي مو منها.
وضحى/ههها لاعاد انتي ان كوتك امي فقدتي عقلك ماهو بس ذاكرتك.
الحرمة/يالطيف منك مادري متى تتكلمي جد ومتي تمزحي.
وضحى /اقول ي-------- اقول وش رئيك ندور لك اسم على بال ماترجعلك ذكرتك ترئني تعبت من كثر ماقول الحرمة ولا وش رئيك.
الحرمة/ طيب انتي اش تقترحي .
وضحى/ها----------------------ايه وش رئيك باسم مريم.
الحرمة/ واو بجد حلو يجنن.
وضحى / يعني خلاص من هذه الساعة انتي اسمك مريم .يلا ياست مريم كلي قبل مايبرد الاكل كلههه ولا ترى الكوي يستناك.
مريم/ههه. لاراح اكلو كلو بس خلي الكي بعيد عننا.مريم تتذوق الطعام.واو لزيز اش هوا دا الاكل.ا
وضحى بنظرة خبث وبصوت واطي / لاوالله انك جيعانة مرة/هذا يست مريومة مرقوق وانا بيديا اثنين مسويته لك .
مريم/تسلم ايديكي
وضحى/ يلايانوف خلينا نطلع قبل امي ماتجي.
نوف/ لالالا انا بعد حنا (لالالاانا بقعد هنا)
وضحى/ يلا بلادلع.
مريم/ ياعمري عليها معليش خليها عندي. تعاليي ياعسل اش رئيك ناكل سو
نوف/ انا مابا اتل(انا مابغا اكل)
مريم /ترا هوا مرا طعم .هيا تعالي انا مراح اكل حتى تاكلي معيا.
بدئت مريم تاكل وتطعم نوف حتى شبعو
وضحى/والله يانوف اول مرة تاكلين الاكل هذا كله .غادي جسمك مسواك من نحفك.
مريم/ نوف من اليوم راح تاكل معيا مو كدا يانوف.
نوف/ ايه ثحيح.
مريم/ انتي طفلةً زي العسل
تدخل عليهم صيته معصبه من بنتها ,
صيته/انا مقلتلك ودي الاكل وتعالي ساعديني بسرعة.
وضحى ويدها على رئسها/ والله نسيت كنت اتكلم مع مريم ونسيتك ههه.
صيته التفت الى مريم متفاجئة/ انتي اخيراً تذكرتي اسمك.
وضحى بعد مالحظت ان مريم نكست رئسها لارض/لايما ان قلت لها انا اناديها باسم مريم لين اتذكر اسمها ان شاء الله.
صيته بخجل/ايو فكرة زينه .واسم مريم حلو ويناسبك.
مريم برتياح/شكرا ليكم كلكم.
حنان/يما ترى اناوغزال بنروح بيت جدي عبد الله .عند وضحى العصر.
امينة/ روحو ولا تتاخرون.
حنان/ يما ترى اليوم الربوع يعني بكرة مافيه مدرسة .يعني ترى بنسهر عندهم.
حمد/ روحو يبا وخذو رحتكم .
امينة/اخاف ياحمد يزعجون الحرمة المريضة .وانت تعرف بناتك وثرثرتهم .
غزال/ لايما الحرمة صارت طيبة الحين وتتكلم وتسولف .وحنا مارح نزعجها
حمد/روحو روحو. وانا وامكم متواعدين مع احمد واهله نجتمع عند جدكم بعد صلاة المغرب.
دخلواالبنات بيت جدهم عبد الله ..ولقيو وضحى مع مريم يسولفون ويتكلمون سلمو وتعرفو على بعض ومن اول لقاء تأقلمومع بعض وتهدمت بينهم جميع الحواجز والي يشوفهم يقول يعرفون بعض من سنين .
حنان/مرقوق عاد لا ههه ماصدق .ياشيخة خافي الله في بنت الاوادمالناس اول مرة ومرقوق كمانبعد .
وضحى ويدها على خصرها/ وليه يعني وياش فيه المرقوق ماهو عاجبك.
حنان/ انتي اخر واحده في قريتنا تعرف تسوي المرقوق .حتى غزال النونو تعرف تسويه احسن منك بس الحمد لله ان مريم ماصبها تسمم.
غزال/ نونو في عينك.
مريم/ ههه.والله حرام عليكم مرقوقها يجنن.ا لذيذاً جداً
وضحى وهي نافخه صدرها/خلاص .يلا عاد اسكتي ولقطي وجهك.
حنان/يجننلذيذ.ها احمدي الله على انه سلمك .ترى فيه ناس جلسو3ايام مانامو من المغص بعد ماكلو مرقوق وضحى .مسيكين 3ايام مرابط عند باب الحمام.اعزكم الله.
وضحى/ اقول حنانوة بلا طوالة السان .وبعض الناس على قولتك مهم متعودين على الطبيخ السنع .
حنان/طيب عبد الرحمن وقلنا ماهو متعود على الطبيخ السنع على قولتك .اخوي خالد كمان مهو متعود ,بس الحمد لله الي كان شبعان وماكثر في الاكل.
وضحى/ احسن محد قاله يرتز يجي وماحد اعزمه .
غزال/ والله منزين ذي الجيه الي تسمم فيها .تلقينهم قالو لاعادها الله من جيه.
حنان/انا لاحظته توان كل مقلنا وضحى مسويه مرقوق ينقلب وجهه المسكين.
مريم/ههه دقيقة فقط قولوو لي من عبد الرحمن ومن خالد .
حنان وهي ترقص حواجبها لوضحى / عبد الرحمن ياستي حبيب القلب والطفولة وزوج المستقبل لي مسز وضحى.وخالد اخوي
مريم التفتت لوضحى الي محمرة من الخجل/انتي مخطوبة .
غزال/من يوم كانو صغار محيرينها له.
مريم/ يعني ايه نتي محيرة
حنان/ يعني من صغرهم عبد الرحمن لوضحى وضحى لعبد الرحمن.
مريم/ يالطيف من يوماً صغارماييفهمون و ولا يقدرو ياختارو
حنان/ أي اختيار دخيلك احنا اهلنا يخترون لنا.
مريم/ اختيار الاهل شئ حلو جميل ويدعوا الى اللفخر وترابط الاسرة .ولكن البنت لها رئيها كمانن.
حنان/ومن قال ان وضحى مجبورة انها توافق لو ماتبيه .
مريم /انا اسفة المفروض ما تدخل في قضاياكم الشخصية.
وضحى / بالعكس يامريم انتي تعرفين قد ايش ارتحتلك وحنا نعتبرك وحدة منا.وانا اقولك ان صح فيه اسر الله يهديهم يجبرون بناتهم لاوكمان عيالهم على الزواج من بنت عمه حتى لو مايبغون بعض وهذي واحده من عيوبنا لكن انا بعد ماكبرت شورونا ابوي وعمي وقبلنا عن اقتناع .ولد عمي رجال والنعم فيه .
حنان/ ياهوا ترى ماقدر انا.
غزال/ حنانوه ووجع استحي على وجهك والله ان جتك امي لاتخلي ليلتك سودا.
حنان/مشكلة البزران.
غزال/ بزر ولدك.
وستمرو في ضحك وسوالف.
في وسط الحوش جلسين كل من عبدالله وخوه سعدومعهم احمدوحمدفي جهة وفي الجهة الثانيةمنيرة وصيته ومها وامينه.وحكي وسوالف
عبد الله /ها يعيالي عسى خلصتو جمع المحصول ترى السيارة قريب تجي.
حمد /ابشرك يبا.بس بقيلنا الجهة الغربية بكرة ننتهي منها ان شاء الله.
سعد/ ايه همتكم يعيالي.واكيد دورك ياحمد هذي المرة.
احمد/ ايه دوري يبا.
حمد/ بس ترى يمكن احمد يتاخر في المدينة هاذي المرة .
الكل صد على حمد وهو يتكلم .
عبد الله / وليه يتاخر ليه ماهو زي كل مرة يبيع المحصول ويجيب اغرضنا ويرجع .
حمد/والله يبا نبي احمد يراجع البلدية عشان يشوف الكهرباء وش بقيلها وتصل القرية .وبيشتري بذور جديدة للمزرعة.ويتفقد عمارتنا .ويشوف بندر وخالد وسالم ويطمن عليهم .ترهم بعيد عنا ولازم نراعيهم ونراقبهم ولا ضاعوا.
سعد/ والله انك صادق ياولدي .بس المزرعة من بيساعدك عليها.
حمد/المزرعة بعد بيع المحصول مافيها شغل كثير .انا والعمال نخلصة.
عبد الله/ اجل شوركم وهداية الله .
سعد/يلا قمنا للصلاة.
عبد الله ايه بس ترى العشاء عندنا بعد الصلاة.
سعد/ ماله داعي ياخوي.
عبد الله/ خلنا نسمر وننبسط وانا اخوك .مادام العيال مبسوطين مع بعض.
صيته/ ايوالله يبو حمد
وكملو سهرتهم وبسطتهم وكلن راح على بيته عشان ينام ويرتاح.
آه آه آه آه آه الحقو عليا------------------------------
يترى ايش الي صار
لكن هل راح اتم بسطتهم صح ولا فيه الي يكدرها
في الليلة الرابعة حنشوف

الليلة الرابعة
آآآآآآآآه الحقوني-----------------------------------------------------------------
فزت ام حمد من فراشها بسرعة على صوت الصرخة .
صيته/ اللهم اجعله خير.
عبد الله / هذا صراخ من .
صيته وهي تجرى طالعه مع الباب/هذا صوت مريم.
وخرجت والتقة في بنتها وضحى الى سمعت نفس الصراخ وفتحو باب غرفة ماجد الى فيها مريم وكانت وضحى شايلة معها فنوس.
صيته/خير يابنتي ويش بلاك.
وضحى/ ايش صاير سيبناك مافيك شئ.
مريم بصوت مرتجف/ اش هدا الضلام. ولعو النور الله يخليكم فية حاجة بتمشي على رجوالي.
قربت وضحى الفانوس منها ولقيت فار صغير .اول ماشفتة مرير
مريم/ وا او فار فار فار فاروا و الحقوني قوموني ماني قادرة اقوم .بعدوه عني
صيته/ وطي صوتك يابنت تراك فظحتينا وعلشان فار .
وقامت صيته له وقتلتة وطلعته برا. اما مريم اغمى عليها
وضحى/هاهاهاهاهاهاهاهاها ,الحرمة جنت.:
صيته/ يما بسرعة روحي جيبي بصلة وفقشيها.
وضحى راحت المطبخ وجابت البصلة وقطعتها .وقربتها صيته من خشم مريم لين فاقت.
مريم/ لا ---- م--- اق—در وتتلفت فين راح.
صيته/ يما مريم كل هذا عشان فار اجل لو تجيك عقرب ويشت سوين.
مريم / انتو ليه طفيتو النور وسبتوني في الضلمه.
وضحى/ حنا دايمن يامريم نطفي المبات ماهو بيدانا.
مريم/ ليه
وضحى/ قريتنا ماوصلتها الكهربا علشان كذا اهل القرية تساعدو وجابو ماطور كبير يولد الكهربا ,وهذا المطور مايستحمل يشتغل 24ساعة لازم نطفية في الليل علشان يستحمل يشتغل في النهار. وحنا علشان خاطرك كنا مانطفية لين نطمن عليك ونشوفك نمتي . ونتي علشان كنتي تعبانة ماكنتي تصحين في الليل وتشوفين الدنيا ظلام.
مريم/ يعني من اليوم طول الليل حيكون ضلام.
وضحى / لا. خلاص علشانك خايفة راح اخلي هذا الفانوس عندك .
مريم/ لالالالالالالالالالا.الله يخليكي لاتسيبيني ماحقدر انام لوحدي تعالي نامي معايا.
صيته/ يما وضحى معليه نامي معهى.
قامت وضحى وجابت فراشها ونامت عند مريم . ومرت ليلتهم على خير
مها/ وانت ليه ماقلتلي انك رايح تتاخر في المدينة.
احمد/ والله جا شغل فجئة ,ونسيت اقلك.
مها ا/صلا انت قول انك ماتبي تقلي .
احمد / آآآآآآآآف .وليه مابغا اقولك لاتظنين الشر .وبعدين اذا فيه شغل مهم في المزرعة ولا غيرها وانا ملزوم به . ماني ماخذ شورك . الحرمة السنعه توقف مع زوجها مهو تلم بوزها .
قطعت عليهم نقاشهم بنتهم شوق وهي شايلة كتابها .
شوق/ يما ماني فاهمة هذا الدرس ,تكفين علميني عليه.
مها/ اقول انقلعي عن وجهي .
احمد/ انتي ويش فيك على البنت .علميها ان كنتي تعرفينه .
مها/ آآآآآآآآآآآآآآآآآآف ماني فاضيتلها.
احمد/ تعالي حبيبتي شوق . وباسها على رئسها . روحي ابوي لعمتك وضحى خليها درسك
مها/ لالالالالالالالالالالا. اسمع عاد لاانا ولاانت ولاعيالي بيدخلون بيت عمي عبد الله طول مافيه ذيك العقربة.
احمد/ وليه ان شاء الله .
مها/ كذا انامااطيقها. وانتي روحي غرفتك وذاكري دروسك بلحالك .
احمد/ اسمعي مادامك مانتي عارفة تذاكرينلها خليها تروح لعمتها وضحى , وبلا عناد
مها/ انا قلتلك لالالالالالالا.
احمد / ماهو بعلى كيفك . واخذ بنته من يدها وراحو بيت عمه عبدالله.ومن ورا الباب
احمد/ ياهل البيت .ياعرب
صيته/ ياهلا ياهلا بوليدي احمد .اقلط ماقدامك احد
دخل احمد بيت عمه ولقي مرت عمه وولدها حمد يتقهوون سلم عليهم وباس راس مرت عمتة
احمد/ ياعمه وضحى فيه.
صيته/ ايه فيه قاعدة تذاكر لمحمد ليه خير ياولدي
احمد/ لا والله بس ودي انها تذاكر لشوق كمان.
صيته/ معليه . روحي يما شوق وقليلها تذاكرلك .
احمد/انتبهي مع عمتك وضحى ولا طفاشينها زين واذا خلصتي تعاليلي هنا .لاتروحين البيت لحالك.
صيته وحمد طالعو في احمد وعرفو من شكله انها مشكلة جديدة من مشاكل مها الي متنتهي
حمد بعد مامد فنجال القهوة لولد عمه/اليوم كمان ماجت السيارة الله يستر.
احمدوهو يتقهوة/ معليك يابن الحلال مادامنا خلصنا لم المحصول متى ماجات جات.
حمد/بس اخاف تتاخر ويخيس المحصول في الصناديق .
احمد/ يارجال وكل الله.
صيته/ الا وين امك مامرت على اليوم زي عوايدها .
احمد/ امي اليوم راحت لام خلف .
صيته/ لاوالله ان امك مالها خاتمه .اجل تروح وماتقلي انا اوريها السنع لين شفتها
احمد +حمدههه ههه
وتمو يسولفون ويتقهون لين خلصت شوق واخذها ابوها ورجعو بيتهم
وضحى / آآآآآآآآآآآآآآآآآآآآآآآآآآآآآآآف.
مريم/هاهاها خير اشبك كدا تتاففي .
وضحى/ هذوالي الورعان جننوني لي ساعتين وانا اذكرلهم .
مريم/ ترى كلو واحد بس .محمد سارو جمع .بعدين ايش ورعان هادي .
وضحى/هاهاهاهاهاهاوالله ورعان من فمك شئ ثاني . وبعدين ماهو بس محمد اليوم كمان شوق بنت مها.
مريم/ وليه والدتها ماتزاكرها؟.مو متعلمة
وضحى/ معها الابتدئي بس .
مريم / كويس يعني تعرف موادها .
وضحى/ مها فالحة في المشاكل وبس .لكن مذاكرة بنتها لالالالالالالالالا----- وقطع عليهم كلامهم دخلت صيته ومعها امينة/ السلام عليكم
وضحى+مريم/ وعليكم السلام
امينه/ كيف حالك يامريم .
مريم/ تسلمي ياقلبي انا كويسة الحمدلله . فين غزال وحنان ماجو عندنا اليوم.
امينه/ البنات يذاكرون ويرتبون البيت واذا خلصن جاو ان شاء الله .
وضحى/ههه. انا عارفة ان مافية جية مادامك قلتي اذا خلصو
الكل ههه تموا يسولفون ويضحكون لين قامت عنهم امينة وراحت بيتها
صيته/ ترى ياوضحى بكرة ان شاء الله من الفجر بروح لامي من زمان عنها.وبقعد عندها اليوم كله والمغرب اجي. عاد بنتي لاوصيك في البيت ,ومريم, وابوك ,وعيال اخوك
وضحي/ يما ابغا اروح معك.
صيته/ وين تروحين مالك الريح الي تاخذك .اناويش قاعدة اقول من الصبح .انثبري ونتبهي للبيت ولااسمع انه جا من بنت صيته قصور.
وضحى تتحرطم بصوت واطي/ اقعدي واقعدي هذا حالي في ذا البيت
صيته/ ارفعي صوتك سمعيني ويش تقلين.
وضحى/ههه اقول تروحين وتجين سالمة.وسلمي على جدتي .يما بس انتي بتروحين مع مين.
صيته/ بيوصلنا سواق مزرعة ابو خلف .
وضحى/ههه لاولله ماوصلتو .يما هذا مايعرف يسوق .
صيته/ الا يعرف ماعليك انتي منه وترا الدرب مافيها لاسيارت ولا اوادم ينخاف منهم.قومي بس حضري العشاء انا بصلي واتعشاء وانام علشان اصحا من الفجر.
تعشوا وكملو سواليفهم الي ماتنتهي ونامو على خير.
احداث هادية هل راح تستمر حياة ابطالنا على كذا................. الله اعلم
انتضرو الليلة الخامسة

الليلة الخامسة
من بعد صلاة الفجر ذهبت صيته مع ولدها حمد تزور امها وتقيل عندها
وضحى/ صبحك الله بالخير يبا .
عبدالله/ صبحك الله بارظى . كيف اصبحتى يابنتي.
وضحى / الحمدلله طيبة من فظل ربي . صليت يبوي.
عبد الله/ الحمدلله توني جاي من المسجد .
وضحى/ يلا اروح احظر لك القهوة والفطور . وين تبيني اجيبها لك في المجلس ولا الحوش.
عبدالله/ لايبا حطيها في الحوش على الدكة .وقولي لمحمد ينادي عمك سعد يفطر معي .
وضحى/ حاضر يبا------------ -ياولد .ابو حمد
عبدالله / اقرب حياك ماقدامك احد .
سعد/ السلام عليكم .
عبدالله+وضحى/ وعليكم السلام
عبدالله/ الطيب عند طارية ذحين كنت اقول لوضحى تناديك تفطر معي .
سعد/ههه ام احمد من يوم ماعرفت ا ن ام حمد راحت الله يسهل عليها حضرت القهوة والفطور وارسلتها مع احمد وهو ينتظرنا في الدكة برا.
وضحى / عمي الله يسمحكم وانا وين رحت.
سعد/ هههوالله فيك الخير يابنتي بس انتي تعرفين ام احمد اذا راحت امك. وترها تقلك لاتسوين غداء هي بترسلك الغداء .وابو حمد بيجي يتغداء عندي .
وضحى/ بس ياعمي امس قالتلي ام خالد انها هي الي بتسوي الغداء وبيترسله لنا .
سعد/ اجل مادام كذا انا بغدي اخوي وماعلي منكم.ههه
عبدالله/ يابن الحلال لاتعذبون نفوسكم وترى وضحى ماتقصر.
سعد/ لاوالله مامنها قصور بنتي ترى هذي الغالية مارضى احد ينقد عليها بشئ. عسى يبنتي اشوفك في بيت زوجك مبسوطة مع الغالي.
سكتت وضحى ونزلت راسها وطلعت تجرى من الغرفة
عبدالله/ههه حرام عليك خجلتها.
سعد/ الله يفرحني بهم يابو حمد.
عبدالله/ ايو الله ياخوي ودي اشوفها في بيت زوجها قبل ماموت.
سعد/ الله يطول بعمرك .ويجعلك لنا ياخوي ذخر.
عبدالله/ اقول يلا نفطر تلاقي ولدك بلع نص الفطور.
سعد/ههه وانت الصادق احمد ماينحط عنده اكل.يلا
مريم / الله يامحلا الصباح .واصوت العصافير تجنن .يريتني اقدر امشي.
تدخل عليها شوق ومعاها 4اولاد. اثنين يشبهو بعض بدرجة ماتفرقون بينهم واثنين واحد كبير والثاني اصغر منه . ابتسمت مريم لهم لاانها اول مره تشوفهم غير شوق طبعاً
مريم/ اهلين ياحلوين ليه ماتسلمو.
الكل/ السلام عليكم.كانهم في مدرسة.
الاطفال مساكين مستحين مره وماحد فيهم راضي يتكلم.
نوف/ اث فيتم ثاكتين .ذي حالة مليم (ايش فيكم ساكتين.ذي خالة مريم)
مريم/ياعمري انتي وتعرفي عليا كمانن.تعالي ياعسل في حضن خالتك .وحضنتها وباستها
مريم/ ياللا دحين قوليلي من دول . وفين اخوانك منهم.
نوف وهي تاشر باصابعها/هذ احويا مهمد وهذا احويا فيثل .(هذا اخويا محمد وهذا اخويا فيصل)
مريم/ طيب ومين التوام الحلوين دول.
نوف/ هذا لمان و ليمان(هذا سلمان وسليمان )
سليمان/ هي انتي يالغبيه انا كم مرة اقول لك سليمان وسلمان انطقيها صح مرة ثانية.
مريم/ طيب وانتا ليه زعلان هيا تتكلم كدا عشان صغيرة . حتى انتا لما كنت قدها كنت تتكلم زيها.
سليمان/ لالالا انا كنت اتكلم زين.وبكرة ادخل المدرسة زي محمد.:
مريم / اكيد حتدخل وتدرس وتنجح وتسير الاول على المدرسة.
سلمان/ وان كمان.
محمد/ اصلاً هم صغار لسع اذا كبرو يدخلون المدرسة زيي.
مريم/ صح انتا ماشاء الله عليك رجال بطل وشاطر.
سليمان / حتى حنا رجال.
مريم / كلكم عسل.
نوف/ بس انا عثل .(بس اناعسل)
مريم/ههه انتي عسل وسكر وقشطة --------
في هذا الوقت الكل سمع صوت بوري سيارة مزعج *راحو الاطفال ينطون ويصرخون ويشوفون من الي جاء
احمد/ هذي السيارة الي رايحه المدينة جات .
عبدالله/ وهذا وقته يوم راح حمد تجي.
سعد/ لاتشيل هم وانا اخوك كل شئ جاهز.
وطلعو كلهم للمزرعة ولقيوا راشد صاحب السيارة شاب في مقتبل العمر 25سنة اصلة من قرية الجبل لكن اشترى ذا السيارة وصارت هي مصدر رزقة ينقل البضايع والغنم وحتى الناس من القرى الى المدينة والعكس ويصرف على اهله منها وعايش مبسوط يملكون اهله مزرعة صغيرة في قريتهم وهم جيران لبيت سعد اتمنى ماتكونو نسيتوه لان لسع دورهم في القصة ماجا.
عبدالله/ ياهلا ياهلا والله براشد.
راشد/ياهلا فيك ياعمي ابوحمد كيف حالك .كيف حالك ياعمي سعد .وسلمو على بعض واخذو علوم بعض.,
راشد/ ها بشرو عساني جيت في وقتي .
سعد/ ايو والله ياولدي في وقتك .المحصول جاهز بس خل العمال يحملونه في السيارة .وانت تعال افطر وتقهوا وقيل اليوم عندنا وعين من الله خير.
راشد/ والله ياعمي سعد انا اليوم عجلان بتقهوى وافطر وبعدين ابتوكل .ورانا درب وبمكن اليوم من اوله.
عبدالله/ الي يريحك ياولدي يلا القهوة .
احمد/ياعمي انا بشوف العمال وبعدين ابروح البيت اجيب اغراظي واقبلكم هنا.
عبدالله/ خير ان شاء الله ..يلا ياراشد حياك وراحو كلهم بيت عبدالله ولما وصلوالبيت
عبدالله وهو يمد علية الفنجال/ حياك ياولدي تفضل .
راشد/ زاد فضلك .وكثر خيرك .الحمام وينة وانت بكرامة باغسل يدي .
سعد/ تفضل معي ياولدي
وكانو كلهم يحترمون راشد ويقدرونه لرجولته ولاانه قايم بشغلهم ولا يقصر معهم .كان الحمام والمجلس خارج البيت فيه مسافة بينهم .(وترى عقدة البدو ان الحمام يكون جنب) المجلس.
حنان متوجهة لبيت جدها عبدالله قربت توصل.
سليمان/حنان حنان.
حنان/ آآآآآآآآف خير ويش تبي لاحقني لين هنا .
سليمان/ ترى ابغا اقولك ان سلمان راح لشنطتك واخذ الحلاوة الي فيها.
حنان عصبت وحنان اذا عصبت ماتعرف ايش تسوي رفعة الغطا عن وجههاوحطت يديها على خصرها
حنان بصوت واطي وهي تتقرب منه شوي شوي/وانت حبيبي سلمانوة وش سويت.
سليمان/ والله ماسويت شئ انا قلتله لاتفتح الشنطة بس هوفتحها واكل الحلاوة الحمرا
نطت حنان عليه ومسكته/ وانت واش دراك انها حمرا مادامك ماكلت معه.
سليمان/هي هي سيبيني والله لاعلم ابوي اذا جا انا ماكلت .وغافلها وشرد على بيت جده عبد الله لاانه القريب وهي طيارة وراه .
والله ماكون حنان بنت حمد ا ن سيبتك انت واخوك الدب .ماكملت كلامها الاهي صاقعة بي راشد الي كان عند المغسلة الخارجية يغسل يده .ومن قوة الصقعة رجع على ورا وهي طاحت على وجهها عند رجوله.
احمد/مها الاغراض حقتي كلها جاهزة في الشنطة مع الهدوم.
مها بقل اهتمام / كل الي قلتلي حطيتها .انت متى بتروح .
احمد/ الحين رايح .لكن اسمعي ياحرمة والله ثم والله ثم والله ا ن جيت وسمعت انك مسوية وحدة من مشاكلك الي ماتنتهي في اهلي ولا بيت عمي ولاحتي الحرمة لايكون لي معك تصرف عمرك ماراح تنسينة ويلا الحين نسلم عليك. وخرج من البيت
مها/آآآآآآآآآآآآآآآآآآآآآآآآف قلبه عليها انا اوريه.
حنان دخلت على وضحى ومريم وهي ترتجف ورجولها ماهي شيلتها .
حنان/ ياويلي ويلاة لاوالله متهنيتي في عمرك ياحنان ياويلي ياويلي.
وضحى /بسم الله عليك انتي وش صايرلك تولولين على نفسك.
حنان / لاوالله انا بموت لالالالاويش بموت انا مت خلاص.
مريم/ههه ياقلبي اش مؤتك .
حنان / بالكم ماتدرون ويش صار .
وضحى+مريم / ايش صار.
حنان/والله الفظيحة والله الورطة
وضحى/آآآآآآآآآآآف انتي بتكلمين ولا اصكك كف اعدل فيه هرجتك .
حنان/ لالالالالالالالالالالالا.دخيلك يكفي الطيحة الي اولا .بقول ,ان---- ان---انا كنت ---جايه ----بيت –جدي –ولقيني سليمان وعصبي ورحت اجري وراه ---------------------وصقعت في الرجال الي عندكم---------.
وضحى/ي ياويلك ويلاة والله لو انا منك اروح اختار مكان زين يكون هواه شرقي ومرتفع عن الارض واحفر قبري فيه .
مريم/ههه ههه
والله انا احسب عندك مصيبه اتاري هدا الي عندك .وترى انا مع وضحى في الرئىههه
حنان / ايه اظحكوا اظحكوا ماهو انتو الي صاير عليه الموقف .لا والفشله اني طحت عند رجليه .وهو حظرته ماسك ظهره ويقول وتتمصحر بصوتها تقلده ( حشى حشى منتي بنت انتي سوبر مان)مادري هذا وشهو بعد الله ياخذه
مريم/ههه ههه والله لايق عليكي سوبر مان تروالله صادق من وصفك للضربه الي جاتو المسكين.
وضحى/مريم دخيلك قوليلي وشهو ذا علشان اذل حنانوة به.
مريم / ابداً ياقلبي دا راجل بيطير ولو قوة مو طبيعية.يجي في الرسوم المتحركة في التلفزيون.
حنان/ سوبر مان في عينة .اجل الى جاه قليل علية ولو ادري انه قليل ادب كان كملت علية.
وضحى/ المسكين وراه درب سفر كيف بيستحمل .الله يعينه .
حنان/ياويلي ياويلي هذا راشد ماغيره .
وضحى/ ايه ابشرك .
حنان/ لاوالله اني بسوي الي قلتيلي واحفر قبري بيدي .اكيد بيقول في الطريق لاحمد انتو ماربيتو بناتكم ويعلمه. ايه واحمد يعلم ابوي وابوي يذبحني.
مريم/ههه وليه كل هدا عشنك بي الغلط صدمتى برجال.
وضحى/ لاتخافين راشد رجال والنعم فيه ماظن بيصغر عقلة ويقول لاحد.
مريم/ههه بالله ياحنان ماقلتيلنا بعد ماقلك دا الكلام اش حصل.
حنان/ ويش بعدها قمت وغطيت وجهي وشردت على هنا.
وضحى/ الله يفظحك وليش تجين بيتنا ليه ماذلفتي بيتكم علشان يعرف انك ماتقربيلنا.
حنان/ الله يخسك نسيتي نفسك وبلاويك ---------
غزال/ السلام عليكم
الكل/ وعليكم السلام
غزال/ هي انتي ياحماره ليش ماستنيتيني .
حنان/ ياقليلة الادب انا اكبر منك وتقلين كذا والله لعلم امي طيب .
غزال/ ههه علمي ماعلي منك *********بس ترى انا بعلمها بالي شفتة
حنان برتباك/ يعني ويش شفتي.
غزال/في البيت اقلك.
وضحى/ الله يخسكم من بنات مسيبين امكم تسوي الغدا ونتو جايين اطقون حنك .
حنان/ والله انا عرظت المساعدة وقالتلي روحي يابنتي ياحبيبتي عندهم وماعليك انا ادبر عمري.
غزال/ علينا ترى انا هنا **********تراها قلتلك اذلفي عن وجهي فراقك عيد.
وضحى /ههه ايه هذي ام خالد الي اعرفها .
حنان بتغير الهرجة/ اقول وضحى عمتي راحت .
وضحى/ههه ايه راحت توك تسئالين .
مريم/ الا ياوضحى هيا ام خالتي صيته فين ساكنة.
وضحى/ جدتي ساكنة في الصحراء الي في الجنوب .مسافة 6ساعات بالسيارة.
مريم/ صحراء اكتر من كدا.
حنان/ههه ياحليلك يامريم والله لوتروحين هناك لليلة وحدة لترجعلك الذاكرة .
مريم / والله اجل خلونا نروح اش تستنو.
وضحى/ههه والله يامريم شفاقانين عليك من الصدمة.
مريم/ وليه يعني.
وضحى / لااني انا وضحى عبدالله اخاف اروح هناك .
مريم/ يالطيف .بجدك تتكلمي.
وضحى/ والله بجد يامريم اولاً جدتي ساكنة في خيمة مهو بيت زينا .وبعدين الصحراءفيها ذيابة وعقارب وحيات وثعابين ووحوش مايعلم بيها الى الله .
حنان/ انا مادري كيف جدتي ساكنةفيها لين ذحين وماهي راضية تجي تسكن عندنا معن ا كثر الناس تركت الصحراء وسكنت القرى او المدن.
مريم/ وليه جدتك منها راضيه تسكن عندكم.
وضحى/ والله يامريم حاولنا فيها كثير بس هي ماهي راضية.تقول مااترك ديرة اهلي الي عشت فيها من صغري.
مريم/ وهيا ساكنة لواحدها.
وضحى/ لامعاها ولدها نايف.
غزال/ دخيلك أي نايف هذا .تراه ورع .ولايسوق .
حنان/ ورع في عينك رجال عمره20سنة توقلين ورع.
مريم/ انا قصدي من فين ياكلو من فين يشربو مين يجيب اغراضهم.
وضحى/ والله يامريم حالتها تقطع القلب ماعندها لامحلات ولا سيارت تجيها .ماغير تشرب من العين وتاكل من عشب الصحرا والى تطبخ لها ولاولدها لذبحو من عيد لعيد وترعا غنمها الي الذيب كل يوم ياكل واحدة
مريم/ ماعندها اولاد غيرو نايف هادا.
وضحى / الى عندها عيال وبنات كثير وكلهم حاولو فيها تجي عندهم .ماهي راضيه .تقلهم ان كنتو تبون رظاية عليكم اتركون في ديرة اهلي.
حنان/ ربك ساتر عليهم وحاميهم من البلاوي الي عندهم .حنا ساكنين في بيوت وماحنا سالمين. فاكرين بنت ام علي الي قرصتها عقرب ومالحقو عليها ,ماتت على طول
غزال/ الله يرحمها. ولا عمي حميد الله يرحمه ابوي قالنا كان صغير يلعب عند البير وطلعله ثعبان اسود وقرصه وعلى طول مات.
وضحىوهي اطالع في مريم الي ميته من الرعب/ هي انتي ويش بلاك .
مريم وهي ترتجف من الخوف/ لاابداً سلامتكم قعدين تحكوا عن دي القصص الي زي وشكم وتبغوني انبسط ,واقعد مرتاحة ,الله يعليكم قلوب .مرة حساسة .
وضحى/ههه لاتخافين ماراح يصيبك الا الي الله كاتبه لك .
مريم/ بس برضك حاجة تخوف كيف الواحد يأمن على نفسوا .
حنان/ حنا اخذنا في المدرسة اذكار الصباح والمساء وفيها (من نزال منزالآ فقال 3مرات صباحاًو مساء,اعوذ بكلمات الله التامات من شر ماخلق ,لم يضره شئ حتى يرتحل من منزلة)وكمان من قال(بسم الله الذي لا يضر مع اسمه شئ في الارض ولا في السماء وهو السميع العليم)3مرات لم يضرة شئ
وضحى/ وحنا الحمدلله محافضين عليها.
مريم/ دخيلكم اكتبوها لي عشان احفضها.
حنان/ وضحى يقليلة الاصل وين القهوة من الصبح قعدين عندك ماقهويتينا.والله لعلمك السنع عند عمتي .
وضحى/ههه والله من سوالفكم نسيتوني الظيفكم .دقيقة اروح اسويها وجيبها لكم.
وخرجت وضحى تسوي القهوة
حنان بخبث/ والله وبتزوج ولد عمي .والله من رداوت حظه .
مريم/ ههه والله حرام عليكي وضحى زي العسل.
غزال/ والله انتي الي طيبة وعلى نياتك بس ترى الحذر زين.
مريم اطالع فيهم بستغراب / انتم اشبكم قلبتم عليها كدا.
حنان/ حنا ماقلبنا ,عليها وضحى طيبه لين تجيها حالتها.حنا انعرف انه ماهو بيدها بس ويش نقدر نسوي.
مريم لما شافت ان هرجتهم قلبت جد خافت /انتو اش تقول وانا مني فاهمة حاجة.
غزال/ انتي مالاحظتي ان وضحى تنام لحالها .
مريم/ طيب عادي مفيلها شئ.
حنان/ طيب انتي مالاحظتي انها اذا عصبت تروح غرفتها.
مريم/ههه اشبكم انتو بتخوفوني بالقوة اكيد ازا الواحد عصب يروح غورفتو.
غزال/ ترى اذا دخلت غرفتها امها تقفل عليها بس انتي ماتدرين علشان ماتقدرين تتطلعين.
مريم/ بسم الله .وليه تقفل عليها.
حنان قربت من مريم وتهمس في اذنها/ الي ماتعرفينة ان وضحى سعره.
مريم/ههه سعرها كم يعني.
غزال بصوت جدي يخوف/ ماهو سعرها **** سعره سعره يعني تتحول تنقلب . ساعات تقلين مافيه احسن منها وساعات تتوحش لدرجة انها ممكن تاكل الاوادم ..
مريم/ههه------ههه---انتو اكيد تمزحو عليا .محاصدقكم.
حنان/ كيفك لاتصدقين حنا قلنالك وماعلينا.
مريم /ازا كدا انتو كيف مانتو خايفين منها وجالسين معاها.
غزال/ اولاًحنا زي ماتشوفينا مانجي يمها كثير .وبعدين احنا اذا شفنا حالتها اتغيرت نشرد على طول.
مريم برعب/ كيف تتغير.
حنان بصوت عميق مؤثر/ اذا بدت تعصب وتحمر عيونها ويدخن خشمها وتسوي حركات غريبه وتنتفظ اشردي .
مريم /ياويلي انا كيف اشرد ورجلي مكسورة مني قادرة امشي ------
ماخلصة مريم كلامها الى وضحى دخلت وغزال وحنان بصوت واحد الس سعره
وصريخ مريم/ا ا اه
وضحى من الصوت طاحت منها صينية الشاهي والقهوة وشردت على برا .ومريم تزحف على بطنها بتشرد .اما غزال وحنان بصوت واحد /ههه ههه ههه ههه ههه ههه والله بطنيههه هههماني قادرةههه الهبلة صدقتههه
انتبهت مريم للي قاعدين يقولونه /ي----ع—ن—ي كن ----تو تتحكو عليا والله لااوريكم طيب
دخلت وضحى راسها من الباب انتو صاحين ولا مجانين.
غزال+حنان/ههه الي طاحو على الارض من شدت الضحك
وضحى/ والله انكم مسوين مصيبه ,اعرفكم اذا ضحكتوا كذا.
مريم / الله يخيبهم سيبيهم عنك والله لااردها لهم الاتنين ههه قال سعره قال ههه ههه
سليمان/عمتى مها امي تقلك لاتسوين غدا هي مسوية لبيت جدي وحاسبتك معهم
مها/ قول لمك مابغا منها ولا من بيت جدك شئ كفاني الله شرهم .وصكت الباب في وجهه.
شوق بخوف/يما بكرة عندنا اختبار وانا ماني فاهمه الدروس---------.
مها /وش تبيني اسوي فيك يعني .مانتي تروحين المدرسة زيك زي غيرك .ولا بس انتي الغبيه الي ماتفهمين .ولا ايش رئيك اقلك روحي بيت جدك ذاكري.وقامت لها ومسكتها من يدها وبدت تهزها بقوة والله ياشوق ان طلعتي من البيت بدون شورى لا احش ارجولك .وذحين انقلعي ذاكري عساك ماتنجحين.
سليمان راح لمه يبكي/ والله ماعاد اروح لذي السعره.
امينة/ خير ويشبك تصيح ومن السعره.
سليمان/السعره عمتي مها زعقت على وقالت مانبي منكم شئ وصكت الباب في وجهي.
امينة/ الله يهديك يامها والله مادري متى بتستنعين وتغدين حرمة.
امينه/ يالا ياولدي شيل هاذي الصحون وخل اخوك يشيل ذاك القدر وتعالو وراي.وراحو لبيت عبدالله
امينه/ ياعرب ياخلق انتو وينكم .طلعت وضحى
وضخى/ هلا بام خالد قربي ماحولك احد .
امينه/ تكفين شيلي الي فيدين العيال لاينثرونه .
حنان/ واينك يم حنان بنتك بتموت من الجوع.
امينه ببتسمتها التي لاتغيب/ يخسا الجوع ابشري وهذا الغدا يلا حطوه انتي واختك وجيبوه عند مريم ولا تنسون تغرفون للعيال.
نوف/انا ابعا اتل مع حاله مليم(انا ابغا اكل مع خاله مريم )
وضحى / تعالي كلي مع حالتك مليم يامدلعة.
وتغدو وتقهوو وعينو من الله خير
في السيارة المتجهه الى المدينة راشد مشغل الاغاني ومحمد عبدو يصدح الاماكن .وراشد سارح في عالم ثاني (والله ماكون حنان بنت حمد ان س----------)حنان حنان خبلة ههه بجد انا ليه افكر فيها والله لودرو عنا اهلها ليقبرونا في وقت واحد آآآآآآآآآآآآآآآآآآآآآآآآآآآآآآآه----------
احمد/ بسم الله عليك وشبك تنهد والله من ذا الي من الصبح فاتح فمه.
راشد/ههه ذحين تقول على مطرب العرب كذا.
احمد/ اقول طف ذا البلية احسن, ترانا في طريق سفر.
راشد/ وهذا المسجل طفينه ويش تبي بعد.
احمد / ايه ذحين قلي اخر قصايدك.
راشد/ تنهد وفكر شوي وفجائه جات هذي القصيده على لسانه / اها اسمع
قبل السفر ودي بنظرة اخيرة
اعيش فيها باقي العمر ----واموت
وارحل وفي نفسي خفايا كثيرة
عن عاشق في خاطرة شعر وبيوت
يغيب ويحسب كل غيبه قصيرة
وكم غيبه كالموت واقسى من الموت
مفقودعنوانه وضايع مصيرة
عمره يفوت بصمت وايامه تفوت
يابسمه في ثغر دنيا مريره
فيها الحزن مشرب وفيها الشقى قوت
انا بديره وانت عني بديره
لا شايف طيفي ولا سامع الصوت
(عبدالله القحطاني)
وسلامتك
احمد/ ومن قال سالم.ايه هذا الزين يلا نبي وحدة ثانيه
راشد/اقول ترى وصلنا للمحطة الي دوم نتغدى فيها .اقول انزل بس.
احمد/ تراني ماني مسيبك ,
بعد الغدا وخير.
اليوم مر على الجميع بدون هموم ومشاكل لين صلاة العشاء.وضحى تحظر العشاء وهي قلقانة وخايفة
وضحى/ تفظل يبا العشاء.
عبدالله/ تسلمين يابنتي .عشيتي عيال ماجد؟
وضحى/ ايه عشيتهم ونامو.بس يبا ماكن امي تاخرت.
عبد الله/ ايوالله يابنتي . الغايب عذرة معه .
وضحى /اناخايفة يبا .انا اعرف ان مصطفى مايعرف يسوق زين.
عبدالله/ لاتخافين يابنتي يمكن امك لقيت جدتك تعبانة وبتبات عندها .وكلي الله وروحي نامي وان ماجو لين بكرة يفرجها الله من عنده.
الكل نام وهم مهتمين وقلقنين على حمد وامه ؛ -----------------------------------
يترى ايش صار عليهم ؟
واحمد ويش راح يسير بسفرته؟
ومها راح تبطل مشاكل؟

اليلة السادسة
مضت الليلة السابقة على خير وستقبلو يوم جديد ,بخيرة وشره ,يوماُ مضطرب الكل خائف ومترقب ,ينضرون من الباب ويتطلعون من النافذة .امينة باتت عند وضحى ومريم هي وبناتها عشان عمتها وزوجها مسافرين. قامو من بدري وافطرو وجلسو على القهوة.
وضحى/ والله ياناس انا خايفة امي بالمرة ابطت .
امينة/لا. مافية الى كل خير .
حنان/ بس ماهي من عادتها جدتي تتاخر .
مريم/ وضحى حبيبتى الغايب عزرو معاه, انتي لاتقلقي.
محمدبصوت عالي/ جدتي جات********جدتي جات********جدتي جات******
وضحى وهي تجري على برا/ الحمد لله .الحمدلله . شافت امها نازلة من السيارة وهي سانده امها الي هي جدة وضحى .وتنزلها معها .
وضحى /الله يالوناسة حتى جدتي جات . وراحت وسلمت عليهم وباسة راس جدتها ودخلتها عند الباقين في غرفة مريم .الي سلمو على الجدة وصيته ورحبو فيهم.
امينة/ ياهلا وسهلا بجدتي ياحيك الله ,تو مسفرت ونورت.
ام نايف/ الله يبقيك يابنتي ويخليك لعييلك .الى كيف حال خالد عسى بخير.
امينه/ الحمدلله طيب وماعليه .
وضحى وهي مادة فنجال القهوة على جدتها/وانتي كيف حالك يجده ,كذا من 6شهور منشوفك .
ام نايف/ والله انتو الي ماتجوني ,ولا تطلون على .آآآآآآآآه وينك ياولدي يماجد هو الي كان يجيني ويواصلني ,ويسائل على .
صيته/ كلنا يما نسائل عليك ونتمنا اليوم الي تجين تعيشين فيه عندنا.
وضحى/ ايوالله يجدتي تكفين لاترجعين الديرة تمي عندنا.والله ان ماوسعتك الارض تشيلك عيوننا
ام نايف/ واين ارجع يابنتي , انا نذرت ان الله سلم لي نايف اني ماعود مرة ثانيه .
امينه/ خير ويش صاير على نايف .
صيته/ ترى امي جايه تقعد عندي ,وحنا من امس نلم في قشها وماقعدلها مجلاس في ذاك المكان.
ام نايف / ايوالله يابنتي الله فرحني بردت ولدي لي.
امينه/ والله اني ماني فاهمه ولا شئ ياجماعة فهمونا ويش صاير.
ام نايف/ قبل امس سرح ولدي نايف مع الغنم مثل كل يوم .ويوم جاء الليل ضوت الغنم وهو ماضوا معها .وبت لليلة الله لايعيدها من لليله مادري ويش الله سوابه. مرة اقول ضاع .ومره اقول اكله الذيب, ومرة انادي .ومرة اصيح.لين اصبح الصبح وهو ماجاء .وانا حرمة عجيز ماقدر امشي وروح ادور عليه .ولا عندي عرب انشدهم .وحالتي حاله لين الله ارسلي وليدي حمد وبنتي صيته .وروح حمد يدور عليه لين لقاه طايح بين الحيا والموت .قارصه ثعبان في رجله .ولاولا ستر الله كان مات ولا احد لحق عليه .ونذرت ان الله سلمه لي ماني براده ذيك الديار.
وضحى/ وكيف حال خالي نايف الحين .
ام نايف/ الحمدلله هو من يوم انقرص ,ربط على رجله وتم يجر نفسه لين غمر(اغمي عليه)ويوم جابه حمد بنتي صيته ماقصرت عالجتة ومصت السم لين طلع .وربي رد فيه .
مريم/ الحمدلله على سلمتو.
ام نايف/ يعساك سالمة . الى انتي يابنتي من وين .وشبها رجلك .
وضحى قالت لجدتها سالفة مريم كلها .
ام نايف/ الله يشفيك يابنتي ويردك لهلك سالمه ,غانمة .
الكل/آمين.
يسمعون صوت عبدالله من بره ينادي صيته .
ام نايف/ يما صيته خذيني معك ابغا اسلم على عبد الله .
عبد الله/ ياهلا حي الله عمتي ام نايف .
ام نايف/ الله يبقيك .كيف حالك يولدي.
عبد الله/ الحمد لله بخير وعافيه .والله الساعة المباركة الي جبتك عندنا.
ام نايف / الله يبارك فيك .
عبد الله/ وضحى ياوضحى.
وضحى /سم يبا .
عبد الله/ خذي جدتك وديها الغرفة خليها ترتاح .اكيد اتعبها مشوار السيارة.
ام نايف/ههه ايوالله تعرفون بعد عجيز مادني السفر.
وضحى /ترى ياجدة انتي في عز شبابك .
ام نايف/ اقول خلي عنك ,وديني غرفتي خليني اريح شوي. ودتها غرفتها
عبد الله/ الحمدلله على سلامتكم وترى خليت كومار يجيب خروفين من الغنم وابذبحها موجب لعمتي ام نايف اولدها .وانتو الله يعينكم اطبخوها لنا .وتراني ابا اعزم اهل القرية كلهم .
صيته/ الله يحفظك .واكرمك الله .وابشر بالي يبيظ وجهك .
عبد الله/ ماتقصرين والله.
امينه/ياهلا والله ببوخالد يامرحبا الحمدلله على سلامتك .
حمد/ هلا والله بام عيالي ونور بيتي .
امينه/ والله البيت دونك ماهو بشئ.
حمد/الله لايحرمني منك ,والله انك انسئ في ذي الدنيا ,عساني ماخلا منك .
امينه/ ولا منك ياضي عيني .
حمد/ اقول ترى الغدا اليوم عند ابوي.
امينه/ ايوالله داريه انا بس جيت عشان اسلم عليك .وارد اساعد عمتي .
حمد/ ماتقصرين دايم رايتك بيضاء . وترى العشاء عندنا بذن الله .
امينه / ان شاء الله. اسلم عليك
اتجمعو اهل القرية الرجال في مجلس الرجال عند ابو حمد . والحريم عند صيته في البيت
حنان/ والله حرام من متى وحنا محبوسين هنا.
مريم / وليه ماتخرجو من حابسكم .
وضحى /مجنونة انتي حنا عندنا البنت ماتروح تجلس مع الحريم ياتساعد امها في المطبخ .ياتنثبر في الغرفة .مع البنات الي زيها.
مريم / والله انتو عقد .كل حاجة عيب ومايصير.
حنان/ اتعودي من حالك احسلك بدال مهو عصبن عنك .
مريم/ههه لالا راح اتعود دام اني عندكم لا تخافي.
وضحى/ههه ايه ناس ماتجي الى بلعين الحمراء .
غزال/آآآآآآآآآآآآف والله فايقين .
حنان/ونتي ليه معصبه ويش حارق دمك .
غزال/ ويش يعني حبسه الظهر وفي الليل كرف.
وضحى /ههه عادي ترى انا نفس الشئ بس العكس الظهر كرف وفي الليل حبس.
حنان/ لا والله . انتي عندك حجة تقعدين في البيت عند مريم عشان ماتقدر تجي.
وضحى/ول ول ول يلحسد .
مريم/ يعني حتاخديني ياوضحى حجة ليكي. مقواكي من بنت.
وضحى/ عاد والله حظي الي يفلق الصخر. اقوم اساعد امي على غرف الغدا ابرك.
وتغدو وعينو من الله خير وراحو بيوتهم يستعدون للعشاء عند حمد الي اكد على الكل انه يجي .
مريم/ وضحى بلا بياخة روحي بيت اخوكي انا مو صاير على شئ.
وضحى / بالله اسكتي احسن انا ماحسبت على الله افتك .تجين انتي وتقلينلي روحي.
مريم / اخاف اخوكي ولا مرتو يزعلو عليكي واكون انا السبب في كدا.
وضحى/ والله يامريم الكل مقدر وضعك وعاذرك .وامينه وحمد طيبين ومايشيلون في خاواطرهم على أي احد .بعدين احسن خلي ذولي الثنتين يكروفون لين يطلع من عينهم .
مريم /ههه والله انتي مجرمة .
عند الرجال في مجلس حمد
حمد/ حي الله نايف ومايهونون الباقين .
نايف/ الله يحيك ياخال .وماتقصر.
حمد/ اقلطو على موجبكم وحياكم الله .وسامحونا على القصور
سعد/ها يانايف ترى غداك انت ومك بكرة عندنا .وحياكم الله يجماعة الخير كلكم لايغيب منكم احد.
نايف / ياجماعة الخير والله مامنكم قصور بس مانبي نكلف عليكم .
سعد/ هاذا موجبكم وملزومينبه ومافيها كلافه .
وقامو لعشاهم وكل راح بيته وبتو لليلتهم بفرح وسعادة بجيت ام نايف ولمة الاهل وجتماع الشمل .وسلامة نايف .
احداثنا بسيطة في هذا الجزا هل راح تستمر

الليلة السابعة
استعد سكان قرية الوادي اليوم للغدا عند سعد ابو احمد وجتمعوا عنده مثل عادتهم .الرجال لحال في هرجهم وسوالفهم ومشاريعهم ومزرعهم ,والحريم لحال .في طبخهم وحشهم في خلق الله وهرجهم الي مايخلص.
منيرة/ ياهلا وغلا بام نايف .
ام نايف / يهلا فيك ,ويحفظ غاليك ان شاء الله .
ام خلف/ الحمدلله على سلامة ولدك ,ومايشوف شر.
ام نايف/ الله مير يسلمك ,وماتشوفين الشر في غالي .
دخلت عليهم مها/السلام عليكم .
الكل /وعليك السلام .
مها/ ها كيف حالك ياجدة اليوم.
ام نايف/الحمدلله يابنيتي . الا جوزك ماجا .
مها وهي تحيس في بوزها/ لا ماجا يقول انه بيطول في المدينه المرة هاذي.
ام نايف/ليه عسى ماشر.
منيرة/ لاماشر ياعمتي عنده مقاظي بيجيبها ,وبيتطمن على عيال عمة واخوه.
ام نايف/ الله يرجعهم لي سالمين غانمين ان شاء الله.
الكل / امين.
منيرة/ حياكم الله على الغدا تفظلو .
مريم/ خلالالالالالالالالالالالالالالالاص انا زهقت مليت من النوم والحبسة بين اربع جدران
وضحى/ والله اني حاسة فيك بس ويش الصرفة .
مريم/ ابغا اخرج ابغا اشم شوية هؤا حرام كدا.
وضحى/وكيف تتطلعين وانتي ماتقدرين تمشين على رجلك .
مريم/ والدتك قالتلي ان ابو خلف قالها ان الكسر مو شديد مرة .
وضحى/ وكمان قالها ان الكسر يبيله اقل شئ اسبوعين حتى يلتحم ويجبر وقال لاتمشي عليها .
مريم / ومن قال اني حمشي عليها.
وضحى/وكيف راح تتطلعين ياذكية.
مريم/ انتي راح تساعديني لين اوقف وبعدين تديني عصيا اتسند عليها وعليك. وانط على رجلي السليمة .
وضحى/ والله اني اخاف انك كنتي برجل وتصيرين برجلين .
مريم/ الله يعافيكي حبيبي انتي.
وضحى/طيب انا ويش ابغا.----------------ويش تبغين ياوضحى ------------ويش تبغين-------
مريم/ اوف خير اش تاني .
وضحى / شوفي انا ماسوي شئ بدون مقابل .
مريم/طلباتك.
وضحى / شوفي انا ذحين مابغا شئ لكن الطلب باخليه مفتوح ,يعني متى ماطلبتك تنفذين ,وعد.
مريم/ يخرب بيتك كيف مصلحجية -----------------.خلاص اديك وعدي متى ماتطلبي انا جاهزه
وضحى/ يلا قومي --------. جابتلها عصا وسندتها لين خرجو برا من باب البت وكان الحوش المشترك قدامهم على طول.
مريم/آآآآآآآآآآآآآآآآآآآآآآآه يمحلا الهؤا .والله والدنيا غيم .يترى راح تمطر .
وضحى/ الله العالم .بس يلا دخلنا .
مريم/كيف لالالالالالا مراح ادخل انا ماحسبت علىالخرجة
وضحى/ اقول ادخلي لاوالله ان جاء احد وشافنا ليدفنونا حيين .
مريم/ وضحى الله يخليكي مافيه احد كلهم في الحفلة .
وضحى/ههه حفلة ها لاوالله ذي الي بتجلطني اسمها عزيمة-----سامعة---------عزيمة .ردي وراي ع ز ي م ة عزيمة
مريم/ خلاص مصارت كلمة قلتها عزيمة عجبك اتفقنا .ها نقعد شوية .
وضحى/ الله يستر امشى افرجك على الحوش . شوفي هذيك الدكة مكان جلسة اهلي دايماً مرتزين فيها. وهذاك بيت عمي سعد ..والي هناك بيت حمد . وهذاك بيت احمد.والبعيد شوي بيت ماجد .تعالي معي اوريك .شوفي هذا الحوش الصغير فية زرع العايلة منها ناخذ النعناع والطمطم واليمون وشوفي كمان زرعين كسبرة وبقدونس وبامية .يعني مايسما اكتفا ذاتي .
مريم/عاشو اكتفا ذاتي , هادي من فين اخدتها .آآآآه اقول وضحى شكلي تعبت مافي شئ اجلس عليه اريح شويا.
وضحى/ والله اني قايلة بس العناد ويش انسوي فية ------, اقعدي على ذا الصندوق
جلست مريم ومدت رجلها قدامها وتاملت في الزرع الاخضر / الله يجنن يابختكم انا لو عندكم والله مااشرب الشاي والقهوة الى هنا .
وضحى/ والله اتحداك .اول شئ راح تطفشين ثاني شئ كل ماطلعتي البسي عباتك وبرقعك ولا تغطي ويش ذا القرف الواحد يقعد في بيتة احسن .
مريم/ لي ماتسوو سور تفصلوه عن باقي الحوش .
وضحى / صح ان اخوي ماجد سوا هذا الحوش وزرعة لمي لكن الكل مستفيد منه وياخذون الي يبون منه .واذ قفلنه ماراح يدخلونه وهذي صعبه وامي ماترضها.
مريم/ ماجد اخوكي هوا الي زرعو .مشاء الله تنسيقو مر خطير .وتقسيماتو حلوة .هوا اخوكي مهندس زراعي .
وضحى/ ههه لا اخوي تاجر .درس الابتدئي والمتوسط والثانوي هنا في قرية الجبل وكمل الجامعة في المدينة .وبعد الجامعة اشتغل في كذا محل لين قدر يفتح محل بنفسة وتوسعة تاجارتة وفتح كذا محل في المدينة .وبنا عمارتنا شراكة مع ابوي وعمي .وسكن فيها .
مريم/ انتي مو قلتي ان داكا البيت البعيد شوية لو.
وضحى/ اسمعي ياستي .هو اتزوج بنت خالي وسكن في المدينة علشان شغلة وقعد فيها .لين جابو محمدوفيصل وماتت زوجته (عزوا )وهي تجيب نوف .وطبعاً جاء وجاب عياله عندنا علشان ننتبهلهم يوم يكون مسافر لشغله .وبعدين ياطويلة العمر قرر يتزوج وقالنا على ناس حضر يعرفهم في المدينة وراحوا هلي وخطبوله وتزوجها -------.
مريم/ الي هي امل صح.
وضحى وهي مندهشة/وانت ايش عرفك بامل.
مريم/يزكية نسيتي مضرابة اول يوم لي وكلام مها وتلميحها عن (امل) الي موفاهمة من قصتها شئ.
وضحى/ ولا يهمك ترى مها لك كلام على عقلها .المهم خليني اكملك علشان تفهمين السالفة .ماجد تزوج من امل وعاش معها شهرين في المدينة وهو يقنعها انها تنقل عندنا وهي خايفة ومترددة .وبعدين وافقت وجا وهنا وهو كان باني هذاك البيت الي شفتية من بعد ماماتت زوجتة ويوم جو رحبنا فيهم واكرمناهم وسوى ابوي غدا كبير لهم وبعد الغدا كلن راح بيته ويوم جاء بعد المغرب من ذاك اليوم ماسمعنا الى ص----------------------- هيهيهي انتو ويش تسوون هنيا
وضحىوهي تتلعثم/ ح—حن--- حنا----- اية طلعنا نتمشى شوي
ام نايف/ يمال الي ماني بقايلة .انتو ماعندكم مذهب اتمشون اهنيا قدام الي رايح والي جاي .
وضحى/ جدتي ترى حنا تاكدنا ان مافية احد ثمن طلعنا.
ام نايف/ اقول ادخلن لخلي هالعصا تلعب على جنوبكم .
مريم/ههه دخيلك الى العصا اهوه حندخل دحين .انا اصلاً قلت لوضحى صعبه الخرجة قالت لا مايهمك .
وضحى/ وي لا يلي ماتخفين من الله هذا كلامك طيب يمريوم شوفي من بيطلعك مرة ثانية .
مريم/ههه الله يخلي لي جدتي صح ستو .
ام نايف/ اقول تحكي عربي وخلي كلام الخواجات عنك.
وضحى/ ههه احسن اكسحوها . لقطي وجهك .
مريم/ طيب ياوضحى انا اوريكي ههه .دحين ياجدتي كلامي مو عربي .الي يسمعك يقول اتكلم ( انقلش )
ام نايف/ منهو انجش ذا بعد .واحد من الخواجات حقينك .
وضحى/ههه لا لا ياجدتي هذا اسم طبخة عندهم . الي ياكلها لوانه شايب يرجع شباب .
ام نايف/ وهي وينها فيه ماعندنا منها.
وضحى/ لامافيه منها الى في المدينة .
ام نايف/ ويش علية نروح المدينة .ترى ماهي من بعدها .ونجيب ذي الاافة علشان امك المسيكينة تراها معجزة .
وضحى/ههه اثريك تبينها لمي .
ام نايف/ اجل لمن بعد .لا وكمان حرام نجيب لمنيرة .
مريم/ ههه وانتي ماتبغي ياجدتي .
وضحى/ تراها كمان للعجز زينة.
ام نايف/ ومنهي العجوز ,عجز حيلك .
وضحي/ ههه منهي بعد امي .
ام نايف / ايه على بالي غيرها . يلا ادخلو تراها حروت (وقت)جيت الرجال.
وصلو احمد وراشد المدينة في الصباح وقفو في السوق عند الدللال الي حرج على بضاعتهم وباعها لكثر واحد دفع فيها اعلى سعر وسلم احمد فلوسه وراح يدور زبون غيرة
راشد/ الحمدلله ربي وفقنا ويسر امورنا يلا ياخوي اشتر مقاضيك خلنا نعود.
احمد/ لا ياراشد انا المرة هاذي ابقعد في المدينة كمن يوم بزور عيال عمي واخوي ,وابغاك توديني ذحين عندهم في العمارة حقتنا .
راشد/ابشر بسعدك وانا اخوك .انا بروح مكة بودي ركاب واذا جيت مريت عليك .
احمد/ تم .مشينا .
حنان/السلام عليكم .
وضحى +مريم+الجدة+صيته/ وعليكم السلام
حنان/ آآآآآآآآآآآآآآآآه يارجولي بحسها بتتكسر .
وضحى/ وليه يابعدي .
حنان / والله من عزيمة البارح .
ام نايف / والله بنات مافيكم بركة . اجل من البارح لليوم تعورك . ابك شوفي امك قامت بالعشاء البارح واليوم ساعدت جدتك منيرة على غداها. وقامت معها قومه كان الغدا لها.
وضحى/ واين مرة ولدها ماساعدتها.
ام نايف/ منهي مها لابركتن فيها من بنت فشلتنا ,جات على الغدا مثل الغريبة اخر واحدة ومن يوم ماغسلت يديها ذلفت بيتها. مدري ذي البنت متى بتصطلب وتراعي بيتها وهلها وعيالها
صيته/ الله يهديها ا نشا الله.
ام نايف/ ماقول الى الله يعينك ياولدي يااحمد على مابلك به.
دخلت عليهم امينه وتسبقها بسمتها/ السلام عليكم
الكل / وعليكم السلام
امينه وهي تكلم بناتها/ انتو هنا وانا اقول حليلهم قاعدين يذاكرون في غرفتهم .
حنان/ يما انا جيت اسأل وضحى عن بعظ الدروس .
غزال/ تراها تكذب يما اصلاًوضحى ادبي وحنان علمي .
امينه/ كذا يعني انا ربيتكم على الكذب .
حنان وهي تبوس راس امها/ لاوالله ياحلا ا م .مربيتنا على الصدق- بس بجد انا كنت ابسأل وضحى ولا حتى مريم عن مسأل ان كانو يعرفونها.
وضحى/ انا بنسبه لي انسي ماعرف في العلمي شئ.
مريم / وانا والله مادري على حسب. ارسلي كتبك لي اقراها واردلك ازا كنت اعرف فيها حاجة
حنان/ بس ردي علي بسرعة ,تعرفين اختبارتنا النهائية بعد اسبوع .
مريم / خلاص ارسليها الليلة والصباح اردلك .
حنان/ اوكي .
ام نايف/ واشنهو الي اوكيتيه(غطيتيه)
حنان/ههه انا وين وانتي ياجدتي وين .
ام نايف/ اقول والله ياحنان ان ماصطلبتي لصلبك بزي العصا
امينه/ههه اية ياجدتي عطيها من ذا الزين .
حنان/والله قلبو على .خلني اروح وارسلك الكتب مع سليمان ولا سلمان .
ام نايف/ ايه اشردي ذحين .بنات الزمن ذا الله يخارج منهم .
وضحى/ ههه اشبهم بنات الزمن ذا وش زينهم .جمال ودللا واخلاق وخدمة
ام نايف/ذاك اول مهو ذحين.يوم البنت من طلعت الضو صاحية تحلب وتغسل وتطبخ وماتشكي
ماهوذحين لاسوتلها شغلة مرضت اسبوع , آآآآآآآآآآآآه . تنهدت الجدة من خاطرها وقالت
كانت أول يوم بالأصل بدويه * حملها حمل على غيره كبير
حملها كايد ولاهي به رديه * تعتزم وتقول خير والف خير
قبل مايظهر شعاع الشمس حيه * ابتدت مشوارها الصعب العسير
نارها شبة وصاجه في يديه * ومن عجينتها على صاجه تدير
وعقب ماخلص فطور اهل الحميه * روحة يم الغنم تعلف شعير
وأوردتها الماء على جال الركيه * دلوها فوق السواني له صرير
وشدة المحزم وصاحة للرعيه * واقتفتها للمراعي والغدير
حافيه وعصابته عشرين طيه * وللحطب فاعورها سيف شطير
ومع غروب الشمس عادت شوشليه * والحطب فوق الجحش كبر البعير
وأبتدت ترضع بهمها الاجوديه * من كبير الضان تطلب للصغير
والصميل أودى وزبدتها طريه * والعشا مرقوق مامثله يصير
وانقلب حال بدويتنا حضريه * واختلف طبعه عن اولها كثير
حملها في حملها دايم هنيه * من عسير الحمل بدل باليسير
عقب ماأسمه مع الرحل صخيه * ا صبح اسمه من عقب هذا عبير
عقب ماثوبه على دور الضحيه * صار بالموضه لها دور خطير
عقب ماهي بالغنم صبح وعشيه * صارت بسوق الذهب بس تستدير
عقب مالبرقع يزين هالبنيه * النقاب اصبح لها مثل الخفير
عقب ماهي مع صلاة الصبح حيه * الظهر يذن وهي تعزف شخير
من عقب مانومها بأرض خليه * امرحة في غرفة كله حرير
من عقب ماهي بعيشتها شقيه * الخدم قالولها بأمرك نطير
تامر وتنها ومطلبها هديه * وهي على المركاء مثل زول المدير
صيته/ صح لسانك ,والله انك صادقة.
وضحى/ والله حرام عليكم حنا بعد فينا الخير بس الزمن تغير .
ام نايف/ لا الزمن هو هو بس الناس الي تغيرو . الله يهدي خلقه . يلا انا بروح ارقد
صيته/ يما خليك ذحين بحط العشاء ماتعشيتي .
ام نايف/ لا يابنيتي مابغا عشاء بس صبيلي كبايت لبن وخليني انام خفيفة.
وضحى / انا اصبلك ياجدة .
ام نايف / الله يسعدك يابنتي .وجيبيه لي في الحوش (ترى الجدة تنام في الحوش ماهي متعودة على حبسة الغرف)
سليمان/ تقلك حنان هذي كتبها .
مريم / شكرا ياعسل انتا سلمان ولاسليمان.
سليمان/ انا سليمان.
مريم /انتو اهلكم كيف يعرفوكم من بعض ,مايلخبطو من بينكم .
سليمان / لا كلهم يعرفوانا من بعض ,انا عندي هاذي الفقشة (اثر طيحة اوضربه)في جبهتي وسلمان ماعنده .
مريم/ آها دحين عرفت كيف يفرقو بينكم ,شكرا ليك انا حاقرئها وحرد عليكم بكرة.
سليمان / مع السلامة
مريم /مع السلامة ياحبيب قلبي.
اطلعت مريم على الكتب على السريع وشلفتها بسيطة عليها وتقدر تشرحها لحنان
وضحى وهي جايبه العشاء/ ها وش طلع معك
مريم/ -------------
وضحى/ هي مريوم
مريم/ اش فيكي انتي ليه كدا تصرخي
وضحى/ اكلمك ماتردين عليا .اقلك ويش طلع معك ,اكيد مانتي فاهمة فيها حرف.
مريم/ بلعكس كلها بسيطة وفهمتها من نضرة . بس الي انا مو فاهمتو كيف اتذكر الي في الكتاب المعلومات, الدروس ,المعادلات,ولا اتزكر انا درست الين صف كم ,وفي أي مدرسة .
وضحى/ اقول انتي معذبة عمرك ,قلتلك كم مرة خليها على ربك وهو يفرجها من عندة .ويلا خلينا نتعشا قبل لايبرد .
وسمو وتعشو ونامو ومرت لليلتهم على خير وسلامة -------------------------------