غرامك صار عنواني وان قبلك بلا عنوان رواية روعه لا تفوتكم

اما من ناحيه ثانيه راحت بسمه تدور على سهر ولقتها بغرفه الطعام الفخمه وغالب عليها ستايل الكيووت اكثر لانها زايدتها بشغلات بيبي وكانت تشرف على الخدامات يرتبون الشوكلت وهذي الشغلات رفعت راسها سهر والا تشوف بسمه ابتسمت لها ابتسامه وبغمزه سهر: اوه اوه وش هالحركات مانتحمل كل هذا يطلع منك يالملعونه اخس اخس بسمه: ههه تراي استحي المهم كيف الترتيبات تحتاجين شي سهر: لاقلبوو خلصت الحين جايه لكم بسمه: اوكي سهووره تعالي معي فوق ابي اطلع اصلح الغره الجميله لول سهر: لاتكفيين اطلعي مافي حد البيت الضيوف ماليه البيت صلحيها وانزلي ووبعدين لاتسوين لي فيها تستحين بسمه استحت من ردها لانهم يموونوون مره على بعض: لالا امزح لول بس استأذن يلا اجل انا طالعه ومشت بسمه واكتشفت انها اجباري تمر من الصاله الي فيها المعازيم وماكانت تبي حد يشوفها الا لمن تكون خالصه اضطرت تطلع برا وتدخل من المطبخ وعلى طول الاسنسير وتوصل فوق طلعت برا ومرت من المطبخ وراحت مكان ما الاسنسير موجود الي كان قزازه شفاف فتحت الاسنسير ودخلت وقعدت تدور البروشور الي بتثبت فيه الغره انفتح الاسنسيرعلى الدور المطلوب ارفعت راسها وتيبست واصدر منها شهقه مسموعه للي يوقف جنبها رفع راسه لانه كان يلعب بالموبايل حقه الا ويتصنم الا والاسنسير بيسكر قام وضغط يوقفه همس
.... وهو منصدم : مين ب بسمه؟ بسمه وهي خايفه ومتلعثمه بصوت خافي: اسفه ماكنت ادري في حد هنا .
ونزلت من الدور وركض على غرفه سهر كان وده يلف ويشوفها ولكن احترمها بكونها قريبته "كان مستغرب كيف انه عرفها لانها هي ماتغطي اصلا فكان يشوف وجهها اما هالمره شافها بدون غطا وبدون عبايه .... والله وكبرتي يابسمه "
دخلت الغرفه وسكرت الباب ووقفت وراه تحس كنه قاعد يلحقها وتتنفس بقووه وماهي عارفه شتسوي حتى وجهها انقلب بعدين ابتعدت حست انها فكره غبيه انه يلحقها وين حنا فيه وراحت عند المرايه وهي تطالع وجهها وتحاول تهدا بعد ماهدت شوي ارتسمت على شفاتها ابتسامه حلوه وفي خاطرها " مملوح والله ماهو مثل مايقولون "وحطت يدها على وجهها وهي تقول"وانا بعد شكلي ماكان شين " وقعدت تنفض راسها" لاا ياربي وش هالافكار وليه شاغله نفسي فيه ماصار شافني بالغلط وبعدين هو متزووج اوه خلني اسوي غرتي واصلح شكلي وانزل "
من جهه ثانيه في القصر كان صوت الدي جي والاغاني واصوات الزمامير وتفقع البلونات والضحك ماكله الجو كانوا كل المعازيم مبسوطين وماكان في قلب احد منهم شي على الثاني وكانت البسمه مرسومه على شفاه كل حرمه وكل بنت وكل طفل وحتى الخدم الي يتذمرون من الشغل وهذي الاجواء لانهم عارفين وش بيصير بعده لول كانوا مبسوطين على الاجواء واستهبال البنات وفي هذا الاثناء وصلت بسمه وبدت تشاركهم الفرحه بسمه :ايوا ايوا عاشو البنات عاشوا سهر بصوت عالي وهي تغني : في كل ديره مثلها مايصير ماكل مخلوق مثل مخلوق من شافها قلبه وراها يطير يتبع هواها بالغلا والشوق"وتحرك بوجها يمين ويسار بدلع وتحرك يدينها بالسما "
ردوا عليها البنات بصوت واحد : بنت السعوديه بنت السعوديه غزل وهي ترقص بشعرها وتغني: وغزل في كل ديره مثلها مايصير لفوا البنات عليها وهم يضحكون ردت وحده منهم وهي تقول : على تبن قصدك انو مثلي انا مايصير قاموا البنات يضحكون وكملوا رقصهم والحريم مبسوطين عليهم اديم : بنات حطوا شريط راشد الماجد الجديد مرره يرقص سهر : والله مدري وينه كنت ادور عليه منصوور خذه معه ولاجابه اديم وهي تصارخ : بشووف وصايف تمووت في راشد بشوفها اذا جابت الشريط...وصايف وصايف لفت وصايف عليها الي كانت تصلح سلسالها وهي تناظرها اديم : وصايف جبتي شريط راشد الماجد وصايف وهي شاقه الضحكه :
تبوني اشغله Yap
البنات سمعوهاوقالوا: اي اي شغليه يلا وعلى ماكانت تجيب الشريط بدا التعليق على شريط الماجد الجديد وصايف جابته وشغلته وكان على مقطع
" الله لم تكلم كنك تغني ترنم والورد منك تعلم والشاعر يضيع شعره "
صرخت وصايف : واو واو هذي لي هذي لي"وبدت تغني " كنك تغني ترنم والورد مني تعلم " وقامت تناقز "
والبنات يضحكون وصاروا يرقصون ويرقصوون حتى جا وقت جمعوا البزران كلهم وودوهم غرفه الطعام الكبيره كانت الالوان خافته شوي وصفوهم على الطاوله وعلوا على صوت المسجل ومشغلين غنوا لحبيبي وبدوا يصفقون ويغنوون معه بس خلصت الكل صار يصرخ والي يصفق والي يصفر بأصابعه قامت سهر شالت سلمان ومسكت معه السكين وقطعوا القاتو معه وبس خلص الكل صفق وبدوا البزارين والبنات والحريم ياكلون اديم وهي تضحك : ههه جنو وين الريجيم وخلاص ببدا وماراح اكل معكم ههه اقول قومي مناك قاموا يضحكون البنات غزل: اديموه حرام عليك الا هو يوم واحد جنى: عاشت عاشت فديتس انا اديم: يووه ياغزل ترى الحين تصدق وتحلل اليوم الواحد تحليل قاموا البنات يضحكون سهر: ماعليك منها كولي هو كل يوم بيجي اكل مثل كذا وبعدين انتي تووك 15 سنه العمر قدامك كلي واشبعي وبعدين فكري بالهريجيم والخرابيط عاد هنا جنى تشققت: عاشت سهرر ياربي كم بتحمل انا صدق لاقالوا العقل السليم في الجسم السليم قاموا البنات يضحكون عليها ردت اديم: عاد انتي لاجسم سليم ولا عقل سليم ههه البنات يضحكون عليها وردت بسمه : يوه يوه اديم خفي عليها شفيك جنى: قولي لها ناشبت لي نشب واقفه هنا " وتأشر على بلعومها "
وقاموا الكل يضحكون خلصوا اكل وقاموا يفتحون الهدايا مع البزارين وسلمان كان مبسووط مره الدنيا مو شايلته من الوناسه لذا قرر في هذا العيد ميلاد يفتح الهدايا لان كل عيد ميلاد مايرضى يخاف حد يسرقهم ههه او بلاحرى لان ولد جيرانهم مو موجود لانه دايم ياخذ العابه وصايف: هااه بنات نقووم نرقص جنى: لاوالي يرحم والديك مافيني اتحرك حركه وحده ارجع كل الي كلته ضحكوا البنات عليها وصايف : الله يفشلك حلاتك تسوين نفسك سمينه بس خفيفه مو ثقيله رجعوا البنات يضحكون جنى: كفايه مجاملات ههه "والبنات بعد يضحكون "
غزل: لالا شوفوا ماحنا براقصين صادقه جنى الحين نرجع كل الي اكلناه هم انا اقولكم وش نسوي "وهي تفكر "
وصلت سميره ام بندر مرت اخوها وهي تقول: يلا غزل جهزي نفسك فهد هذا هو بالطريق سهر: لالالالالالا تفكين ياسميره خليها عندنا انا مستعده اوصلها مع اخوي محمد او مع السواق تونا بدايه السهره بعدين تونا في يوم الخميس كلها يوم خليها تكفيين سميره : لااخاف عمتي ماترضى تقعد بالبيت اكثر من كذا سهر: لاتخافين بكلمها وبقولها بعدين هي بيت خالتها قبل لايصير بيت اختها ماهي ببيت غريب سميره: غلبتيني هالمره "وغمزت لها"خلاص كلموا عمتي وقولوا لها غزل: هيو هيو كل مره بسكت وبقعد اناظر الناس تتخاصم علي سهروهي تضحك : ههه مالت عليك مو عشان شي عشان تكملين العدد باللعبه الي بنلعبها لازم يكون عددنا متساوي"وتطلع لسانها "
غزل وهي بتوقف : اجل انا اوريك يلا يلا انا بروح سميره انتظريني بسمه: ههه ماعليك منها تستهبل خليك غزل: لا بس استهبل لول كلموا ام فهد واستأذنوا منها طبعا في البدايه خافت فيه كلافه بس بعدين اقنعوها انه عادي ويمونون بعد خمس دقايق سميره: غزل غزل غزل وهي ميله شفايفها: هاه لايكون الوالده غيرت رايها سميره وهي تضحك : ههه لا فهد وصل بس قومي شيلي لجين عني لاني بطلع بندر والاغراض غزل وهي قايمه: واه اوكي " وهي تناظر البنات" استنوا لاتلعبوون برجع لكم اما البنات كانوا يلعبوون لعبه حلووه وتوونس وهي انه كل وحده من البنات تختار رقم ويكون الحد الاخير للارقام الي يختارونها بنفس عددهم مثلا اذا كان عددهم 10 يكون اقصى رقم يختارونه 100 واذا كانوا 7 اقصى عددي يختارونه 70 وكذا .....
وانهم بعد مايختارون الرقم يصيرون يطبطبون "يطقون" بيدينهم على الطاوله بيدينهم ووحده تقول
Stop
وكل وحده لها الحريه تحط يد وحده او يدينها او ماتحط اي يد حيث ان كل يد عباره عن 5 ووحده منهم تعد اذا كانوا عدد الايدين بنفس الرقم الي اختارته وحده من البنات تطبق يدينها على بعض وكل وحده منهم تضربها من الجهتين واذا قالت "اح " او " اي" او اي شي من هالقيل تطلع برا
.
.
. ..{ عند غزل وسميره }..
هذا وأنا ف بيتك توجهني الباب ما قلت لي خلّي على وين مقفي ؟؟ ضميت حزني ورحت منهار الأعصاب واللي ذبحني صكه الباب خلفي !!
غزل : سميره انا بنتظرك هنا عند الباب وانتي خذي الاغراض وبندوري وارجعي سميره: غزوله والله مافيني حيل مسافه وبعدين تعالي بها عند الباب وخليكي ورا الباب وانا باخذها وبعدين مافي حد تعالي بس غزل:اف منك عنيده ابتسمت سميره مشت غزل عند الباب وانتظرت سميره تجي وصلت سميره عند الباب واخذت بنتها وسكرت الباب وجات بتلف الا تشوف ظل واحد مقبل بطوله وبشموخه ماعرفت شتسوي تركض بسرعه لباب المدخل الرئيسي فشافت المسافه بعيده فقررت تتخبى من الجهه الثانيه للباب لانه كان فيه اشجار كثيره والوقت ليل اكيد ماراح ينتبه لها بس شلون ماراح ينتبه وهالأنوار الي بكل مكان وفي الوقت الي كانت تفكر فيه امداه الرجال يوصل اول ماشافها فتخ عينه بقوه وهو بخاطره " اول مره القمر ينزل على الارض وفي بيتنا بالتحديد" ماهو كان يعرف ايش يسوي غير انه يعلق مثل مايسوي لمن يشوف اي بنت حلوه او مو حلوه عكس الشخص الي شاف بسمه واحترمها وغض بصره غزل خافت وهي تقول بخاطرها "صدق انه حقير هالمنصور ولسا ماتاب "
تشجعت وراحت ماشيه ووقفها صوته: اوه اوه غزال الشرقيه قام ينطط فوق اسوار بيتنا شسالفه اما غزل "صدق انه مايستحي يكلمني حالي حال اي وحده يشوفها وهوماشي ماكني بنت خالته " استسخفت دمه وقررت تمشي:لو سمحت عن قله الادب تراني بنت خالتك وماني من خايساتك تيبس منصور صدق انها وقحه عقد حواجبه وقال: والله مدري من الي يتمشى في بيت مو بيته وهو لابس هاللبس" ويأشر عليها "
غزل ودموعها تهدد بالنزول من الحيا نزلت راسها وهي تركض: اسفه كنت افكر مافي حد موجود رد منصور بأستهزاء : حياك الله تعالي كل يوم بس حاسبي لفت غزل عليه وراحت تركض حتى صلت غزل الباب وفتحته بسرعه وسكرته بقووه لفوا البنات عليها سهر: غزووله شفيك ابطيتي " وهي تناظرها" غزل شفيك غزل وهي خايفه وهي تلهث: هااه .. لابس شفت بسه وخفت تلحقني وماعرفت شسوي معها ضحكوا البنات عليها بسمه وهي تنقز: يالبي وينها وينها اخترعت غزل: لالا راحت قامت تركض اصلا كانت خايفه مني بس انا بعد خفت منها يوم شفتها بوجهي بسمه: خسساره ارتاحت غزل يوم عرفت ان بسمه غيرت رايها بانها تروح وتمسك البسه وصايف: اجل يلالالا خلنا نكمل اللعبه نجود: لا انا خلاص طفشت وايدي عورتني من جنى هالدبه ماتصدق على الله انها بتضرب وحده ضحكوا البنات عليها جنى وهي تمثل دور البريئه وتجرك رموشها: حرام عليك مو بس انا بسمه: بسم الله عليك ههه اقول يلا مناك قاموا البنات وراحوا الصاله وقعدوا شوي شوي شوي المعازيم بدت تخف حتى انقرضوا مابقى غير الاهل متعودين يسهرون بمثل هذي الحفلات وصايف: هاه يمه متى بيجي فيصل غزل: لاوالله احلفي تجلسوني والحين تروحون وصايف : لول انا ماقلت بنروح بس بشوف متى بيجي بس غزل : لاوالله ياحليلك بس حتى لو يجي مافي تروحون وصايف: ههه هو انا الحين قلت يلا يمه قومي نروح بس سؤال اسألها غزل: لول على بالي بعد
" اووه صح ماعرفتكم على عايله ام فيصل ..عندها ولدين وهو فيصل وعمره 26 وبعده مشاري 24 وبعده اديم وعمرها 20 وبعدها وصايف وعمرها 17 وبعدها جنى وعمرها 15 يصيرون بنات خاله سهر وساكنين نفس الشي بالخبر بس في حي الرابيه "
" نرجع لمحور حديثنا "
بسمه: وين سلمان اختفى مع المعازيم ام محمد: عند ابووه اول ماجا راح لابوه ركض نجوى: هو محمد وصل؟؟ نجود: الشكوى لله زوجها ولاتدري وينه نجوى متفشله : ههه الاا ادري بس استهبل نجود: اي اي هين نجوى : نجوود وجعوه انثبري نجود وهي تضحك : تيب تيب بسكت نجوى وهي قايمه : اجل برووح اشووفه سهر: لاتتحمسين معه منصور نجود: ههه فشلووني نجوى وهي محمره : نجيد ووجع نجود وهي تضحك غزل: ههه نجوود خفي عليهاا نجود: ههه تيب اسفه ههه نجوى : انا اوريك وصايف : اقوول تعالوا جيبوا شريطي لاتسرقونه اعرفكم ماتصدقون على الله الواحد ينسى شي هنا لفوا عليها الموجودين سهر وهي مفتحه عيونها: اه يا الكلبه " وبتروح تبي تنط عليها "
وصايف وهي تنط من الكنبه: ههه امزح وربي امزح "وتمد شفايفها "يمه شوفيها ام فيصل: احسن تستاهلين ولا هذا كلام ينقال وصايف : والله استهبل ماهو بقصدي ههه سهر: سامحتك بس اوريك ان ماكسرته ماكون سهر هع "وراحت ماشيه جهة الاستريو بغرور "
وصايف تلحقها: سهر حرام عليك ابيه سهر: اجل حنا مانصدق على الله الواحد ينسى شي هاه" وجات تفتح مكان الكاسيت "
وصايف: لا وربي امزح بس ابي اضحكم سهر: لاحبيبتي لاتضحكينا كفايه ثقاله دم وصايف: ههه اوكي اسفه ممره اسفه سهر وهي تمد يدها : بوسيها وصايف فتحت عيونه: وع مققرفه شعندك تسوين مثل العجايز سهر اخترعت وهي ترجع يدها: لالا امززح خذيه"وتعطيها الكاسيت "
وصايف وهي تاخذه وماشيه: ههه قصينا عليها هذا الي كان ناقص وصايف بنت عبد العزيز تبوس ايد سهر النتفه فتحت سهر عيونهها وراحت تلحقها وصايف وهي تضحك: يمه يمه " وتخبت ورا امها "
ام فيصل : وصايف ووجع كسرتي ظهري من خفك وصايف وتطق ظهر امها :يمه قومي نمشي عيالهم متوحشين سهر بقله صبر: خالتي اقبضي لسانها لاذبحها وصاروا الكل يضحك على هبالهم وصايف وهي تخف على امها: سهر اسمعي نتفق اتفاق سهر: لالا لاتحاولين تغريني لااتفاق ولاشي قبل لاخذ حقي وصايف:انتي اسمعي بالأول سهر: يلا قولي الي عندك وصايف بحركه طفوليه: هم عاد استني افكر شوي سهر وهي فاتحه عيونها : ولسا بعد تفكر عشان انسى لالا عنووني " وراحت لعندها "
وصايف: ههه لا لا والله بس اجننك شفيك صايره جني سهر : ههه جني بعينك ،، تيب يلا قولي اتفاقك وصايف: هم شرايك اجيب لك باسكن روبنز وماتضربيني سهر: ههه لاوالله فيلم حنا تقصين علي من بيجيب لك اياه هالوقت وصايف : ماعليك ماعلييك اهم شي يوصلك سهر: هم دام كذا اوكيه وشوفي"وتأشر عليها بأصبعها" خله مايوصلني وصايف: عاد وخري عن طريقي بروح اكلم مصادري الخاصه عشان اخليها تجيب لك " وتطير شعرها على الجانب الثاني بدلع "

ضحكوا البنات عليها ووخرت سهر عنها ومشت بغروور ودزتها بيدها من راسها وكانت شوي وبتطيح ضحكوا البنات لفت وصايف على سهر: هئ خلاص ما ...
قاطعته سهر : ههه امزح شفييك بالغلط وصايف وهي تلف: اي على بالي "ومشت "
سهر: من جدها ؟ من بيجيب لها؟ جنى: استني وتشوفين هذي جنييه سهر: ههه اجل ننتظر يمي يمي اشتهيته غزل: حتى انا بعد سهر: انتي اسكتي وش دخلك قالت انا مو انتي اديم : لاوالله مالي دخل انا ابي جنى: انتوا استنوا خل نشووف شبتسوي هالجنيه وصلت وصايف و على وجهها تكشيره ماتبشر بالخير سهر: هااه بشري وصايف: سهووره حبيبتي مصادري الخاصه هالمره ماقبلت طلبي سهر: احلفي خسااره اجل اوريك تشهيني وكل شي وفي النهايه تطلع مصادرك فاشله ضحكوا البنات وصايف: ههه لاامزح بس اقترحت عليه بأنه نروح كلنا ونجيب ايس كريم وناخذ لفه على الكورنيش بعد اذن هالعجيزات الي عندنا طبعا ام محمد وهي فاتحه عيونها: اه ياوصييفه الحين حنا عجايز اجل مافيه وصايف: اول شي انا اسمي وصايف وثانيا ههه شفيك ياخاله استهبل ام محمد: هذا الي فالحه فيه استهبل وبس قامت تضحك ام فيصل: لاوين بتطلعون هالوقت وصايف: طيب ماتبون تعرفون مع مين اول؟ غزل: تيب ياحلوه وانتي قايله لنا من مصادرك الخاصه وصايف :مصادري مصادري ...........
اديم: يلا عاد لاتمصخينها وصايف: ههه زين مصادري الله يسلمكم فيصل سهر: لاوين فشله كلناا نروح معه والله لايقعد يسب سب فينا طول الطريق وصايف: ههه لاتخافين عنزك منصوور بيشيل معه مسئوليه قطيعه " وتأشر عليهم "
قاموا يضحكون غزل: صدق انه وجهك مغسول بمرق ههه وصايف : هي هي يلا قوموا الحين بيهون يلالا سهر: استني "تلف تطالع امها" هاه يمه نروح ام محمد: والله مدري عنكم اخاف عليكم بنات شكثركم ام فيصل: لاماعليهم خووف فيصل و منصور معهم ولاتنزلون كلوه في السياره قاموا البنات " هيو "
سهر: يلا بنات قوموا نشيل هلأصباغ الي على خششنا وصايف : لاعااد مايمدي بنتثلم اديم: اي صح يلا وبعدين حنا بااليل يلايلا غزل وهي تناظر سهر وبصوت واطي: سهر والله احس شكلي غلط سهر: لاعادي والله ترى عادي قومي بسس غزل : هاه نجوى ارووح نجوى: اي شدعوى كل البنات بيروحوون وبعدين عيال عمك عادي قومي بس قامت غزل وراحت تلبس عبايتها وشطنتها شوي ويدق موبايل وصايف
....: احلفووا ترى الوقت يمشي وبيسكر باسكن وبتنثبرون بالبيت وصايف : لافصوولي هذا حنا جينا فيصل : يلا ثواني اشوفكم قدامي وخلني ما اشوفكم وماعندي غير كذا وصايف: اعصابك ههه تيب تيب فيصل يقلدها: تيب تيب يلا باي مع هالوجه وصايف وهي تطالع السماعه:صدق انك سعودي بحت سهر: ههه اديم بنظره يعني شعندك: شفيهم السعودين وصايف: ابد ابد بس يجنن تعاملهم مع الجنس اللطيف اديم وهي تسكر عبايتها: ههه بهذي غلبتينا صراحه وصايف وهي تضحك : اجل يلا يلا بسرعه
} طلعوا البنات وكلهم كانوا متلثمين عشان مافي وقت يشيلوا الميك آب منصور وفيصل كانوا يسولفون على مايجون البنات وكان فيصل يضحك ومنصور رفع راسه وشهق من خرعته رفع فيصل راسه وصار يناظر مكان ماكان منصور يناظر {
منصور: فيصل حط رجولك ياشييخ مافينا نجيب اهالي الخبر ورانا فيصل: ههه قولك منصور: والله شكلهم يخوف وش عندهم متلثمات فيصل : انا ادري ههه بس استر لهم ههه
" وصلوا البنات لعندهم "
منصور: اقول ارجعوا ارجعوا بس لاحد يشووفكم"ويسوي نفسه يتلفت "
جنى: لاوالله ماحنا بزران عندكم منصور: اولهم انتي جنى: فيصل شوفه فيصل: ههه منصور عااد مافيني حييل منصور: بالله عليكم اي سياره بتشيلكم سهر: منصور لاتستهبل خل ناخذ الكادلك منصور: اسف انا ماني بساييقه غزل: صدق نذل لف عينه على مصدر الصوت وعلى وجهه ابتسامه ساخره : اوه هذي انتي
" مااتت خوف غزل لايقول شي من الي صار "
نجوود: الحيين بنروح ولالا منصور: اوه اوه نجوود هنا اجل ماكون ولد سلمان اذا ماوديتكم نجود: ههه منصوور عن الاستهبال منصور : يلا ولايهمك " ويغمز "
} كل الموجودين يطالعون بعض شصاير وايش السالفه ... ؟؟ {
} غزل انقهرت حد امها صدق انه سخيف وماينعطى وجه {
فيصل : سهر وين مفتاح الجمس حقكم سهر: مدري خل منصور يروح يجيبه من السواق منصور: بديت اشك انه حنا صرنا خدمكم وصايف: افا بس افاا امسحها بوجهي هالمره منصور وهي يتكلم بصوت واطي: شوراهم ههه كل وحده تدور رضانا فيصل: ماعليك بس عشان الطلعه بنات ماعليهم شرهه منصور: يلا ادخلوا داخل عند السياره وانا بروح اجيب المفتاح من السواق .
الكل "اوكي "

} دخلوا داخل لان السياره توقف داخل فراحوا كلهم قريب من السياره ومعهم فيصل وصل منصور لعندهم وشغل السياره وركبوا {
منصور وهو يصلح كرسي السايق : وين رايح به ذا الكرسي حشا حاطه قدام الدركسوون فيصل: ههه "وهو بعده يرجع الكرسي لورا "
وطبعا اصوات خرشه البناات ملت السياره منصور وهو يرفع البريك : بسم الله " ويعلي صوته " احم
" سكتوا البنات "
قام وقال: هاه وين بتروحون وصايف: حنا قايلين لفيصل نبي ناخذ ايس كريم ونلف على الكورنيش ونرجع منصور : بس ماطلبتوا سهر: اقول منصوور وش طاري عليك اليووم مو من عوايدك تكون مروق هالوقت
" وفيصل طول الوقت يراقب تحركات سهرالدلووعه "
منصور: والله ياحلوه انا بكيفي اروق متى مابي زين سهر: صدق انك سخييف غزل بصوت واطي : فهذي صدقتي سمعتها جنى: ههه غزوول شفيك شايله على منصوور منصور وهو يسمعهم: اي والله ياجنى مدري شفيها بنت خالتكم ثقيله طينه كذا فيصل: هي انت شفيك شايل على البنت ؟ منصور: ابد لاني شايل ولا شي " ويكح "
" غززل تنرفزت وكرهت الساعه اللي فكرت تركب معه بسياره "
اديم : منصوور حرام عليك لاهي بثقيله طينه ولاشي فيصل: غزل ماعليك منه والله انك شيخه البنات منصور وهو منقهر ويرص على سنوونه: مالك دخل في بنت خالتي فيصل:تراها تصير بنت عمي وبنت خالتي مثل ماتصير بنت خالتك منصور: اي بس من متى تمون عليها كذا فيصل: مثل ماتمون عليها منصوور: اوه
" وشغل المسجل وكان مكان السي دي شوي طالع قام ودخله يبي يشوف ايش الاغاني الي بداخله الا وصوت عبدالمجيد يملي المكان وهو يقول >> مالي غيرك ومالك الا انا حباايب يكرهك نصفي ونصفي فيك ذايب الهوى غلالالالالاب وامره الله غالب الزمك طول العمر لاجي ولا اروح كني مقيد وقيدي مو سلاسل قيدي اخلاص ووفاء ولا انت قايل لو يقوم الكون تخسف بي زلازل ما احرك ساكنٍ بك غير مسموح <<"
فيصل: ياويلي علليك يامجيد منصور : اي والله
" وبعض منهم سكت وبعض قعد يسمع مجيد وبعض منهم قعد يدندن معه وقفت السياره يوم وصلت من الاشاره رفع منصور يده عشان يصلح المرايه ويلفت نظره انه كل البنات فكوا اللثام ماعدا وحده فيهم ((ياويلي انا على هالعيون من هذي)) يمكن غزل لاماتوقعها غزل وفي النهايه خطر على باله انه يسوي اي شي عشان يعرف اذا هي غزل "
" غزل طبعا مافكت اللثام لانها قاعده بالمرتبه الثالثه ووراه يعني اكيد لو رفع عينه بيشوفها وهو اصلا مايستاهل يشوفها "
منصور وهو يوطي على صووت : يلا ماقلتوا لنا شتبوون نجيب لكم
" كل وحده منهم قالت وش تبي ومن ازعاجهم ماعرفوا شي "
فيصل وهو يصارخ: اي شوي شوي وين نسمعكم
" سكتوا البنات "
منصور وهو على وجهه شبه ابتسامه : كل وحده تقول لنا وش تبي بالترتيب من سهر الى اخر وحده بالسياره فيصل بصوت واطي: الى وين تبي توصل منصور ناظر فيصل وسكت سهر: انا ابي توفي وصايف: انا ابي شوكلت مع سيرب وذ ناتس اديم : انا ابي شوكلت وفنيلا منصور: ول ماعندها وقت بنات العم جامعه ثنين في واحد ههه فيصل: ههه اعقل عن اختي اديم: صدق انك دب منصور: لاوالله يامصلي ههه
" ضحكوا البنات "
اديم : سخييف منصور: مو اسخف منك فيصل : بتووب ولالالا منصور وهو يناظر بنتظر دورها يوصل: ههه لالا كملوا جنى: انا ابي ايس كريم البرج ابو طبقتين مع الكيك وسيرب وناتس منصور وهو ميت ضحك : ههه فيصل شسالفه خواتك كل وحده تزيد على الثانيه الاولى تبي شاكلت مع سيرب وناتس والثانيه جامعه فانيلا وشوكلت والثالثه ياحليلها شوكلت بس بكيك وسيرب وناتس فيصل هنا مات ضحك وماقدر يقول شي
" والبنات يضحكون "
جنى: كلوا تبن كلكم وربي سخيفيين ليش الناس تاكل باسكن ليكون عشان شوكلت ولا فنيلا وين يطلع حلاه الاكل بدون تخبيص اديم: غزل انا ماقلت لك هذي بتحلل اليوم الي صرحتوا لها فيها غزل وهي تضحك بصوت عالي لاول مره : ههه ماكنت ادري انه بيصير كذا لف منصور اول ماسمع ضحكتها قام وابتسم " اخ طلعتي مانتي بسهله "
فيصل: جنوو ماعليك منهم امري وتدلليي جنى : فديتك انا والله نجود: الحين دوري انا ابي توفي بسمه: انا ابي توفي ميلك شيك منصوور: امووت على ذوق بنات العم
" استحت بسمه "
جا دور غزل وسكتت سهر: هاه غزل ماقلتي وش تبين غزل: انا ماحب باسكن ثقييل منصور : كويس توفرين والله بس ليه جايه دامك ماتبين غزل : اصلا ماني بماخذه على حسابك وبليز منصور يكفي
" الكل استغرب من حال الثنين ماحد متحمل الثاني "
فيصل: اانا ااعرف غززل وش تحب اكييد تبين ايس كريم ماكدونالدز غزل ومالها خلق: ههه اي بس مابي شبعانه فيصل: افا كلنا ناكل وانتي لا مايصير منصور: ان شاء الله تبين امر ماكدونالدز عشان ايس كريم ابو ريالين غزل: انا ماقلت ابي شي فيصل: غزل ولا يهمك مالك الا يوصلك غزل وهي راضيه على معامله فيصل الحنون لها: تسلم والله ياولد العم
" انقهر منصور "
اديم: غزوله نسيت باخذ رقمك الجديد اوكي غزل: مايخالف عطيني موبايلك اسجله لك
" عطت اديم موبايلها لغزل وسجلت رقمها ورجعته ومنصوور ميت قهر "
" وصلوا باسكن ونزل فيصل ومنصور "
منصور بعد ماخلص طلب وطلب له هو وفيصل لف على فيصل منصور: انت من جدك بتوديني لماكدونالدز عشان ايس كريم واحد فيصل: حرام عليك والله تكسر الخاطر وانت شايل عليها بقوه وهي ماسوت لك شي منصور وفخاطره "هئ وش سوت فيني قل وش ماسوت فيني هالمفعوصه "
فيصل: وين رحت منصور: هنا بس قاهرتني فيصل: لاتسوي لي فيها ترى بيكون على طريقنا وترى اذا ماتبي تسوق انا اسوق عنك ممنصور:فيصلووه شسالفه الحنان فجأه على بنت العم فيصل: ولا شي بس حالها من حال البنات
" وعلى ماخلص الطلب اخذوا الاوردر ورجعوا السياره كل واحد منهم ركب مكانه "
فيصل: كل واحد ياخذ طلبه والكيس الي لحاله هذا حق جنى جنى: ياعساي ماخلا
" منصور وهو ساكت ويرفع عيونه لغزل وهو مغتاظ منها ومايدري ليه "
" كان الكل لاهي بلايس كريم وكل واحد متلذذ على حقه شوي ويدق تليفون غزل هدوا شوي من الوضع عشان ترد "
غزل : مرحبا
...: لاوالله يابرود اعصابك وينك فيه لهالحين غزل: ههه انا طالعه مع البنات
...: وين طالعين بهالوقت غزل: فواز شفيك علي لاتخاف مو لحالنا معانا فيصل ولد عمي ومنصور فواز: وين رايحين؟ غزل: رحنا نجيب ايس كريم وبنرجع .. ؟؟ فواز: بتطولون ؟ غزل:لاوالله ربع ساعه عشر دقايق فواز: اها اوكي بسرعه انا بنتظرك قدام بيت خالتي اوكي غزل: اوكي فواز: يلامع السلامه غزل:في امان الله سهر: ياربيه من هلاخوان شفيه من جده جاي؟ غزل: اي ينتظرني عند باب بيتكم
" فهالوقت وصلوا لشباك ماكدونالدز وكان زحمه هاللوقت في شارع الكورنيش كانوا الشباب حاشيين الشارع بلاستعراضات والدبابات ولعب الكووره "
فيصل: غزل تبين صانداي ولا ابو ريالين غزل: لا ابو ريالين " وتبتسم "
" طلبوا وراحوا للشباك الثاني وانتظروا خمس دقايق مع انهم ماطلبوا الا ايس كريم بس كان زحمه عشان كذا انتظروا ومنصور طول الوقت ساكت "
} اخذوا الايس كريم واول شي سوته فكت اللثام اول مافكته رفع عينه منصور عشان يشوف طريقه وجذبه البنت الي تاكل ايس كريم والبسمه على شفاهها كنها مسويه انجاز {
" مشت السياره وكانوا كل وحده تسولف مع الثانيه حتى وصلوا وسلم فواز على منصور وفيصل وكل واحد راح بيته وحط راسه ونام بعد هاليووم اللي رسم البسمه على شفاه الكل الا شخصين في طريقهم لبداية مشوار مجهول "
.
.
اتمنى تعجبكم زي ماعجبتني لا تبخلوا عليا بردودكم الحلوه علشان اكملها
.

بدايه موفقه واسلوب رائع يعطبك العافيه

يسلمو
بدايه حلوة كملي ولا تطولين علشان نتابع
ننتظرك

شاكرة مرورك اختي macbook7 ,

شاكرة مرورك اختي ونات قلب
والرواية بجد روعة ولعيونكم حنزل بارت بعد شوية
وان شاء الله يعجبكم

الجزء الأول
الفصل الثاني
أنا مبحر مع العالم على زورق بلا مجداف ..
على كف الزمن تايه ولا أدري وين يرميني ؟
في مكان بعيد عن اجواء الخبر والحر والرطوبه الي تعصر القلب ...كانت الاجواء يتخللها البرد القارس ووذبذبات المطر الخفيفه الي تخفف من بروده الجو ..نزل من سيارته بكل شموخه وكبريائه رفع راسه للسما عشان توصل ذبذبات المطر وترطب وجهه ترك العنان للمطر يتخلل شعره دخل يده بين خصلات شعره اللي يوصل طوله لعند الاذن واطول بشوي بشكل حلو وملفت للنظر اللي كان يميز شعره بسواده وكثافته .
ومادرى بنفسه الا خطواته تاخذه عند البحيره وصار يتأمل البحيره وكيف حبات المطر تلتقي مع مياه البحيره تذكر اهله والجلسه معهم كيف تريح باله وكيف راح يكون الاحتفال باول حفيد في عيد ميلاده وكيف كان وده انه يكون معهم في هاللحظات الحلوه او يشاركهم بهديه لكن ظروفه ماكانت تساعده وطلعت منه تنهيده شوق للأهل والوطن ويتذكر ضحكات سلمان اللي كان تملي اجواء غرفته قبل سنه
..:: عمو ثولتان ابي الوح الملاهي
سلطان :: ياروح عمو انت بكرا نروح اليوم مافي وقت حبيبي
سلمان : عمو لا الحين نلوح
سلطان : حبيبي انت انا اليوم مشغول قول حق عمو منصور او بابا
سلمان وهو لاوي بوزه : عمو انا ما احبك زعلان منك
سلطان وهو يقرب وجهه لسلمان ويأشر بأصبعه على خده: عطني بوسه ونروح الملاهي.
سلمان بفرح وهو يبوسه : حبيبي عمو امواه
يلا نلوح بسلعه ( نروح بسرعه) يهههو
ويقطع حبل تفكيره صوت المسج اللي هز جيبه
فتح المسج وقراه
"صار بعض الشوق فيني منطوي خلف الجفاف
وهذا بعضه في خفوقي يحتري باقي الوعود
من فقدتك ياحبيبي / والمشاعر ماتخاف ..
وش بعد خوفي من انك من غيابك ماتعود ؟؟ "
عقد حواجبه وهو يشوف المسج ومستغرب من الرقم هذي مو اول مره توصله مسجات من رقم غريب سلطان بينه وبين نفسه " ايش سرهالمسجات اللي توصلني هالأيام ومن رقم خاص.. مع الايام راح اعرف ايش هالسر "
وصار يدق على الرقم
ترن ترن
لكن ماوصله اي رد ونقفل الخط وطلعت له شاشه صغيره تعطيه خبر انه واصله 17 مسد كول
بس شاف المسد كول تذكر شيماء ونسى سالفه المسج
سلطان : اوه نسيت شيماء الحين تنتظرني .. اكيد بتعصب. وانا ابدا مو رايق لاحد
مشى بخطواته السريعه واللي تدل على كبريائه علشان يقابل ست الحسن " شيماء"
.
.
.
في بيت ( ابو فيصل )
ترن
ترن
ام فيصل : فيصل يمه شوف من على التلفون .
فيصل وهو نازل من الدرج ويصلح شماغه: حاضرين للحلوين .
فيصل يرد على التلفون : الو
..:: الو .. السلام عليكم
فيصل : وعليكم السلام ..
..:: ممكن اكلم اديم
فيصل : لحظه شوي
فيصل بصوت عالي اديم اديموه
اديم وهي طالعه من المطبخ:شفيك تصرخ
فيصل وهو يناظرها:تعالي تليفون ..وحده تبيك
اديم وهي ترجع المطلبخ: شوف مين وانا برجع ادق عليها بعد شوي
فيصل وهو ساد السماعه بيده : احلفي انتي واياها
طنشته اديم
رجع فيصل للطرف الثاني ولقاه مقفل
" فيصل بخاطره احسن فكيتيني"
لف على امه: يلا يا ام فيصل انا طالع تامريني على شي
ام فيصل: ابد سلامتك انتبه يمه
فيصل: من عنوني " وعطاها بوسه على الطاير"
" والام مبسووطه على ولدها"
في الدور الثاني
"طق طق طق"
......: لاتعليق
طق طق طق طق طق
....: هم
جنى : مشاري افتح هذي انا
"مشاري بس عرف انها جنى طنشها"
"رجعت تطق تطق"
"قام فتح الباب وفي عيونه شرار"
مشاري: نعم شتبين
جنى اخترعت منه : يمه فجعتني
مشاري وهو يسمك راسه : جنى اخلصي وش تبين
جنى عرفت انه الي بتقوله مو وقته لذا غيرت المووضوع: هاه لا ابد بس ابووي يقولك تعال له بالمجلس الخارجي مدري وش يبي وخفت اقوله نايم ويفضحك
مشاري اختبص: قولي له يتحمم يلا بسرعه"ودخل وسكر الباب وراه"
جنى وهي خايفه: زين زين
"جنى ماعرفت وش تسوي تدري لو يدري بالي سوته بيذبحها لذا قررت تحبس نفسها بغرفتها"
"بعد ربع ساعه طلع مشاري بغرفته بسسرعه وهي ينادي"
مشاري: جنىى جنىى
جنى وهي ميته خووف ماعرفت شتسوي
مشاري : جنى
جنى وتطل براسها : نعم
مشاري: وش قلتي لابوي
جنى ارتاحت نوعا ما: قلته بيجيك بس مدري اذا موجود ولالا
مشاري:زين يلا
" نزل تحت يركض واديم بتطلع وهو مايدري صقعها"
اديم: وجعوه ان شاء الله ماتشوف
مشاري: سوري سوري " ومشى"
اديم: الحمدالله والشكر" وطلعت"
ويوم وصلت شافت جنى تطل من فووق
اديم: جنو شفيك تتطلين كنك خايفه من شي
"جنى قالت لها باللي سوته"
اديم وهي بتضحك : ياويلك ويلاه
جنى وهي ترتجف خايفه من مشاري لانها تعرف مشاري اذا عصب: مالي دخل بس كنت بقوله ان بكرا المس مسويه لي اعاده لاني مزفته في الاختبار فقلت يشرح لي لاني خير شر ماني فاهمته هالفيزياء وقلت هو الوحيد الي بيشرح لي ويوم طلع لي معصب خفت وقلت له انه ابوي يبيك مادريت انه بينقلب على راسي
اديم حزنت على اختها : ما.......
وقاطعهم صوت مشاري الي جاي معصب على جنى ويوم سمعها تقول كذا حزن عليها ماكان يعرف انه مسوي لها رعب في البيت عشان كذا قرر مايعصب عليها بس بيأدبها شوي
مشاري وهو رافع حاجبه: جنى وين ابووي
جنى شهقت: ها..ا..ه مدري يمكن تاخرت عليه وطلع
مشاري وعلى وجهه ابتسامه سخريه: عن الكذب لاني كنت واقف وسمعت كل شي
فتحت جنى عيونها
وكمل: مره ثانيه اذا تبين اشرح لك شي تعالي بوقت اكون فاضي مو وانا نايم وماراح اقول لا هالمره سامحتك لان المس مسويه اعاده عشانك مره ثانيه ياويلك
استانست جنى: ياعسساي ماخلا
مشاري: اخخ منك تعرفين متى تتذيريبيين
"جنى اكتفت بأبتسامه واديم راحت عنهم ومشاري نادى اخته في الصاله الفوقانيه و قعد يشرح لها "
.
.
.
في بيت بو نايف..
كانت الاجواء رايقه ماكان فيه الاصوت التلفزيون ووموطي عليه كانوا قاعدين بالصاله الي كان يتخللها اشعه الشمس الذهبيه الي تزيد من جمال وروعه البيت وتخليها تفتح النفس
ام نايف : يمه يا نجلاء كيف الحمل معك .
نجلاء : الحمدلله يمه تمام ..
ام نايف: قومي نتغدا وش تنتظرين ؟
نجلاء : بنتظر اخواني يمه من زمان ماتغديت معهم .
ام نايف : قومي كلي لك شي طيب. لا تتعبين ..
نجلاء : يمه انا مرتاحه كذا مو تعبانه تطمني .
ام نايف : بنتي واعرفك مهمله في الاكل
نجلاء : لا تحاتين يمه .. انا اكل عن عشر ههه
"شوي ويسمعون صوت وراهم"
..:: يامرحبا مليون نجول ام كرش هنا
نجلاء : يوه نيوف ياهلا والله
ويروح نايف ويسلم على امه ويبوس راسها .. ويسلم على اخته
نايف: وينك يانجول من زمان عنك .. اشتقنالك كل هذا تغلي ..
نجلاء: ههه مانتغلى حتى انت وحشتنا
نايف: لو وحشتك كان دقيتي وسالتي ..
نجلاء : اسأل امي اني دايم اسال عنك بس تقول انك مشغول بدراستك
نايف: ليه تسالين امي ماعندي جوال انا .. شوفي لك عذر ثاني يام كرش.
نجلاء : يوه والله ان زوجي يقولي بالكرش صايره حلوه ..
نايف : ههه لا عاد فهذي يبالغ تلقينه حايمه كبده .
نجلاء : بنشوفك لما تتزوج ونشوف زوجتك بكرشتها وش بتقول عنها
ام نايف: الله يبلغني في ذاك اليوم اللي اشوف نايف متزوج
"اكتفى نايف بالابتسامه واعتذر منهم وطلع لغرفته"
نجلاء : يمه نايف كلمك مره انه يبي تدورين له على وحده اوشي من هالقيل ؟
ام نايف: لا والله .. ومن افتح معه الموضوع يقول مو وقته لما يخلص دراسته يقول انه راح يفكر
نجلاء: الله يوفقه ويسعده مع بنت الحلال اللي تقدره
"وشوي ويدخلون البنات"
نجود: هذي اخر مره امر بنتك فيها "وتتأفف"
بسمه : اي انشااء الله يصير خير
نجود: يا..
"لفت وشافت نجلاء"
نجود بفرحه : هيو نجول اليوم عندنا وش الطاري
نجلاء بدلع : يوه ليه الكل مستغرب وجودي ..
بسمه : لانك من زمان ماجيتي كله تعبانه والا مشغوله والا الحبيب مايرضى
نجلاء : ههه بنام عندكم هاليومين وبتشبعون مني .
نجود فتحت عيونها عالاخر : والحبيب وينه ؟؟
نجلاء : رايح ينبع عنده اجتماع
نجوود : اها يعني راح تودينا السوق صح
نجلاء وتعفس وجهه بحركه كيوت: لا مو صح سواقكم انا
نجود : تكفين عاد نبي نطلع معك من زمان ماطلعنا معك
نجلاء : ههه خلوني افكر
نجود : تكفين وش تفكيره يلا وافقي
نجلاء : بس بشرط .
نجود وهي تفكر ايش ممكن يكون الشرط : ياربي قولي
نجلاء : اي شي اطلبه منكم تسونه .. اوكي
نجود : الله يصبرني .. اوكي
نجلاء بابتسامة نصر : اتفقنا
نجود تناظر بسمه : يلا قومي نروح نغير ملابسنا ونرجع نتغدا
بسمه : يلا شرفي .. يعني ماتروحين الا معي
نجود : بلا ثقالة دم واذا تبين تجين حياك
ام نايف : نادوا نايف في طريقكم .
نايف وهو نازل من الدرج : من يناديني .. ترا انا وصلت
نجود : وصل حبيب امه
نايف: ياغيوره حبيبها عندك مانع .. اشوف الحلوين ساكتين
نجود : لا مو ساكته شوفني اسولف معك
نايف: ما اقصدك انتي يالرجه
نجود : انت قلت الحلوين ومافي غيري حلو
نايف : انا اتكلم عن المزيونه بسوم
نجود ماده بووزها : قال ايش قال مزيونه شكلك احول وماتشوف زين
بسمه بعصبيه : نجود
نجود : خلاص بسكت وبروح عنكم وجلسوا امدحوا في بعض شكل كرتي طايح معكم
"ويضحكون عليها وتطلع غرفتها وهي معصبه منهم"
***
.......: لا يامعود جوف الساعه جم صارت؟
سلطان وهو يكتم غيضه: يابنت الحلال ماتسوى علي قلت لك راحت علي نومه
........: اي انا مو مهمه بالنسبه لك
سلطان لاحوول: شيماء هو انا قلت كذاا وبعدين تراها واصله معي لاتزوديها
شيماء: شفيك حبيبي شنو مضايقك؟
سلطان : لاابد والله بس راسي كان اليوم مصدع وجيتي انتي وكملتيها انا ماجيت الا عشان خاطرك ولا انا كنت ناوي اكمل نومتي لاني تعبان
شيماْ: فديتك والله اسفه اخر مره
سلطان بخاطر"موشي جديد تسوي سواتها وبعدين اسفه "
"سلطان ابتسم عن خاطرها"
سلطان وهو يتنهد: هااه وش تبين نطلب ؟
شيماء بإبتسامة دلع : مدري كيفك شوف كل شي منك حلو
سلطان : اوكي .. نشوف special order لليوم . وانا كم شيومه عندي
شيماء وهي تنزل راسها ( يعني انها مستحيه ) .: تسلم يالغلا .
***
في بيت ابو نايف في الصاله كانوا قاعدين العايله كلها ماعدا الابو الي مابعد يجي من الدوام كانت الام تكلم في التليفون والباقي يسولفون شوي ويسكتون
نجود: نجلاء
نجلاء: هم
نجود: نجلاءءء
نجلاء: هم
نجود: نجلالالالالالاء ووجع
نجلاء: يوجعك انشاء وش تبين خليني اتفرج
نجود: بسمه سكري التلفزيون
بسمه وهي تناظرها: ياسلام
نجود: بسوم يلا عاد بلا مصاخه
نايف: وليه ان شاء الله
نجود وهي تناظره: لاني بتكلم
بسمه :SO
نجود: يعني تاكلين تبن وتسكرينه
نايف: نجوود وش هاللكلام بعد
نجود: رفعتي ضغطي
بسمه وهي تلف من جديد ناحيه التلفزيون
نجلاء: هاه هاه شتبين" وحطت بياله الشاي على الطاوله "
نجود: يلا قومي نطلع
نجلا وهي فاتحه عيونها: من الحين
نجود: اي ماطيق اطلع بالليل وخصوصا ايام week day
نجلاء: اف منك والله انك رايقه طيب بكلم نجوى بشوفها اذا بتروح مالي خلق الفلف معكم اقعد معها بالكوفي وانتم تسوقوا
نجود:GOOD IDEA"وشقت البسمه"
بسمه : انا يمكن ماروح
نجلاء: ليه
نجود: ليه
بسمه: مدري مالي خلق احس نفسي تعبانه
نجود: بسمه COME ON مو كل يوم بتحصل لك زين
بسمه"وهي تفكر"
نجلاء بأبتسامه حلوه: من جد بسووم مو كافي اني انا عازمتك
بسمه ماحبت تكسر بخاطرها: وربي مالي خلق بس لعيوونك بشوف اذا وقتها ارتحت ولالا
نجلاْء: اووكي
نجود : يلايلا كلمي عليها
"نجلاء وهي تناظرها وتبتسم وترفع حاجب قامت نجود وردت الابتسامه بأكبر منها"
نايف: اجل يلا انا بستأذن
نجلاْ: وين تو بدري
نايف: بروح اريح وراي presetation ابي اخلصه اليوم وماقدر اشتغل وانا دايخ
نجلا: الله يوفقك
" ابتسم لها وطلع "
نجلا وهي تطلع رقم نجوى تناظر نجود: وين تبون نرووح؟
نجود: مدري هو عندنا غير الراشد او الظهران موول
بسمه : ههه من جد
نجود: وليتهم شي كلهم وع
نجلا: ماحد ماكل قلبي غيرك تبين تطلعين
نجود : شسووي والله الرياض ومانروحها الا بين فتره وفتره مجبوورين عشان هالعزايم
نجلا:طيب ورا ما.... " وقاطعها صوت نجوى"
نجوى: مراحب ياهلا والله هلا
نجلا: لاعااد استحي انا ههه
نجوى: تكفين كبرنا عن ايام الحياء ههه
نجلا: كانك كبرتي انا بعدني لو سمحتي لاتجمعين ههه
نجوى: ههه طايب طايب يانجيل
نجلا: ههه شخباارك وش مسوويه؟ وش الدنيا بك
نجوى: والله ابد عايشين مامن جديد ؟ انتي وش اخبارك مع الحمل
نجلا: وع وع لاتجيبين لي طاريه اول واخر مره افكر اجيب عيال
نجوى: ههه استغفري ربك بس
نجلا : استغفر الله بس بصراحه قلق
نجوى:تحملي لعيوون احم احم
نجلا: امحق اتحمل وبعديين ههه
نجوى: اتحدى لو تقولين هالحكي قدامه
نجلا: فهذي صدقتي ههه اقول الا نسيتيني ورا انا داقه
نجوى: كنت عارفه ماتدقين لله
نجلا وهي تشهق: صدق انه وجهك مغسول بمرق الحين انا مادق ولا انتي
نجوى: ههه تكفين كملي الي عندك مافينا ندخل بنقاش ثاني
نجلا: ههه اي والله بقولك انا اليوم بطلع مع هالعنز الي عندي فقلت امرك نروح نقعد بالكوفي ونروق ونسولف
نجوى: اها يعني بو العيال مصرح لك
نجلا: ههه لامو تصريح ولاشي بس مسافر رايح ينبع
نجوى: ههه عشان كذا الله يحفظه ..همم خلاص بشوف واعطيك call
نجلا: اوكي انتظر لاتبطين
نجوى: ولايهمك
نجلا: اووه صح وشوفي اذا سهر بتجي معك اولا
نجوى: من عنووني اوامر ثانيه
نجوى: ههه لابس تيك كير باي
نجوى: يوتو باي
"رجعت تكلم خواتها "
نجوود: هاه وش تقول
نجلا: بتشووف وبترد علي
بسمه: من اسمعك تتكلمين معها احسكم رجعتوا صغار مثل اول
نجلا: اي والله لعنبو هالدنيا اللي ماترحم فرقت بيينا ولا من يصدق انه حنا نفترق بس الحمدالله على كل حال احسن من غيرنا
نجود تنشب لامها : يمه بسك تلفونات واذا ماقعدنا جنبك قولي عيالي جاحديني محد يقعد جنبي وانتي اربع وعشرين ساعه ماسكته وتسولفين بالله عليك وش تقولوون
نجلا: يمه من جد انا جايه لك ولا جايه اقعد لحالي
ام نايف وهيي تتلعثم وتودع الي معها بالخط وبعد مافقلت : ياختي من زمان ماكلمت ام سالم وماصدقت على الله اسمع صوتها عشان اسكر
نجلا: ماعلينا ،، بتروحين اليوم معنا
ام نايف: لا عندنا عزيمه بالجيران انتم روحوا
نجود: ههه مافي شي جديد اه شنسوي بس
"بسمه وهي قايمه"
نجود : على وين ..؟
بسمه : بطلع فووق شوي بشوف الي علي عشان اشوف اذا اروح ولالا
نجوود: اوكيشن بس حااولي مالي خلق اروح برووحي
بسمه: اووكيك
" وطلعت"
.
.
.
في احدى الفلل الراقيه في حي الحزام الذهبي فتحت شباكها الي كان يطل على البحر ووقفت بعيد وصارت تشم ريحه البحر الي تمووت فيها تحس انه ريحته يتغلغل بداخلها وياخذها بعيد عن الواقع الي تعيش فيه ياخذها الي عالم خيالها الي ياما وصلها لبعيد ياخذها الى عالم تمنت حد يشاركها فيه كانت تلمحه وهو يحلق معها بس ماكانت تقدر تدقق فيه كل ماقربت منه ابتعد عنها كل ماتحسه قريب منها يرجع ياكد لها انه صعب المنال
ابعدت خصلات شعرها الي صارت تحكك عيونها مع انه كان الطقس على ابواب الصيف بس مايمنع نسمات الهواء من انها تمر على شاطئ البحر وتلطف الجو
" ليه ياربي ماني قادره احسه ماني قادره اوصله ماني قادره اعرف من هو تعبت من كثر مايطاردني لييه ولمتى؟ انا تعبت من هذي الاوهام نفسي لو اعيش طبيعيه ومايهمني حد بس هو متغلغل بداخلي ولاني عارفه مين؟؟احس اني فداخلي كتله مشاعر وبتتفجر بس متى مادري اكره لقب رومانسيه لاني مستحيل استسلم لجو رومنسي على قد ماحلمت به بخيالي بس احس هذي مشاعر طبيعيه كل الناس تحسها وكل بنت تحتاجها ""
قطع حبل افكارها صوت طق على الباب
....: مين
....: عبير افتحي هذا انا
عبير: وليد
وليد: اي من غيري افتحي بسرعه
عبير وهي تفتح الباب: يالله حييهم
ولييد وهم مبستم : الله يحيك يصير ادخل
عبير: اكييد تفضل شدعووى مسوي لي فيها مستحي
ولييد وهو من جد مسوي مستحي: عبير بطلب طلب
عبير: اها عشان كذا ولا وليد يستحي
ولييد: لا افا مايسويها هالشنب" ويلمس شنبه بيده"
عبير تضربه على كتفه : ههه مصدق نفسك انه فيك شنب اقول اخلص وش عندك
وليد: امي ماتبي تعطيني فلوس تقول تونا رايحين البحرين واخذت كل لي بخاطرك ياخي فهميها اني ولد والولد مايصير يقعد بدون فلووس
عبير: ههه وليد امي ماتقصد كذا امي ماتبي تلهيك بالروحه والجيه والفلوس وهالخرابيط انت هالسنه ثانويه عامه شد حيلك وخذ الي تبي اتحداها تقول لا
ولييد: اف لاتوقفين لي بصفها بس انا طفشان من جد
عبير: حرام عليك تونا من يومين جايين من البحرين
ولييد: حتى لوو مع ربعي غيرر
عبير: مدري وش لقينا من وراهم ... تيب قول حق بدر يمكن يعطيك اوياسر
وليد: ياسر سخييف مسوي لي فيها اخلاق وخرابيط وواقف مع امي مابي ارز فيسي وبعدين ليه ماتعطيني انتي
عبير: حبيبي انا ماينزلي راتب عشان اوزع فلوسي
وليد ويحني حواجبه: افاا تبخلين على اخووك
عبير:ولييد لاتسوي لي فيها
وليد وهو يتنهد : خلاص براحتك
عبير وهي تناظره بس وصل للباب
وليد
وليد لف عليها عرف انه كسر خاطرها: وين بتروح مع اصحابك
ولييد وماسك ابتسامته: مدري بس اتوقع رايحين تشيليز
عبير: تيب تعال ورااي
" وعطته 500 ريال"
عبير: سوري ماعندي غيرهم
ولييد: ماتبين اروح اصرف لك
عبير: ههه لاوالله شناوي على بطاقتي " وتمسكه من اذنه" ولاتحاول تغلبني مره ثانيه وتجي تمثل علي
وليد وهو يبوس راسها : ياعساني ماخلا من هالاخت ذولا الخوات ولا بلالالاش
عبير وهي مبسووطه : تيب يلا "وتأشر بخشمها على الباب"
وليد يوم قرب من الباب: اخليك مع احلامك يا "احلام نيران" ههه ويركض
عبير فتحت عيونها وهي تصرخ: اه يالملعون انا اوريك جااي للحاجه " وصلها صوت ضحكته من بعيد "
"قررت ترفع السماعه وتدق على سهر"
واخذت تلفونها ودقت على سهر
ترن ,,,, ترن
شوي ويوصلها صراخ سهر
سهر : خير وش تبين ؟
عبير مستغربه : وش فيك ؟؟ وبعدين وين السلام
سهر : السلام عليكم
عبير : وعيكم السلام .. كيف الحلوين ؟
سهر : اخلصي وش تبين
عبير وهي تغني : شدعوه
اش صار ؟؟ اشدعوه شصار شقلنا لك
سهر : وع صوتك نشاز
عبير بدلع : صوتي يهبل بس انتي تغارين .
سهر : انا اغار تكفين من ايش اغار منك ومن صوتك
عبير : انا الى الحين ماعرفت ليه انتي معصبه
سهر : باختصار لانك قاطعه
عبير بدلع : يعني اشتقتي لي
سهر : لا طبعا اشتقت لحبيبي
عبير متفاجئه : وشو
سهر : حبيبي
عبير : عيدي ماسمعت
سهر وهي كاتمه الضحكه : استحي خلاص
عبير : سهر وتحب غريبه
سهر : احب كيفي
عبير وهي متحمسه :منهو اعترفي
سهر : لالا مابي
عبير تمثل انها زعلانه : خلاص لاتقولين براحتك
سهر : ههه فديت الزعلانين نا
عبير : الحين بتقولين والا لا؟
سهر : بقولك بس لا تعلمين احد
عبير : سرك في بير بس قولي
سهر : عمي ههه
وانفجروا ضحك
عبير : ايه انا استغربت انك انتي تحبين
سهر : وش لي بالحب اصلا .. مو انا اللي اركض ورا واحد لازم هو يركض وراي
ماجابته امه اللي اركض وراه
عبير : ياعيني وربي انك توحفه
شوي ويطق الباب على عبير
عبير : سهر دقيقه مدري من عالباب .. وش فيهم اليوم ازعاجات على الصبح ...برب
سهر : ههه تيت
وراحت عبير تشوف من عالباب وتشوف الخدامه .
عبير : yes tela
Tela : baba faisal is dawn stair
عبير : ok I come now
عبير وهي متوهقه " ياربي البيت مافي احد .. وش يبي ... ايش اسوي ..
وترجع ترفع السماعه تشوف سهر الا وتلقاها مسكره ومرسله لها مسج
" هلا عبوره .. سوري قفلت الخط .. بس انتي تاخرتي .. قلت بروح اصلي لا ن بروح السوق بعد شوي.. اذا رجعت دقيت عليك اوكي تيك كيرياحلوه"
وقررت عبير انها ترد عليها بمسج بعدين بعد ماتشوف ايش سالفة فيصل .. وماهي عارفه كيف تتصرف .. عبير بينها وبين نفسها " يوه فشيله تاخرت عليه بروح اشوفه "
ولبست لها حجاب وراحت له
واول مانزلت من عند الدرج شافته .. عبير بخاطرها " معقوله هذا فيصل .. كيف تغير عن اخر مره شفته فيها " وجلست تناظره ويوم حست انها زودتها قررت انها تروح له
عبير : السلام عليكم
فيصل وهو واقف احتراما لها : وعليكم السلام .. ياهلا والله
عبير : هلا فيك .. تفضل
فيصل : وكيف الحال يابنت العم ؟
عبير وهي مستحيه : يسرك الحال .. انت طمنا عنك وكيف الاهل
فيصل : الحمدلله كل شي بخير
"والصمت كان سيد الموقف"
وقررت عبير تقط

.وفي نفس الوقت في بيت بو محمد محمد كان جالس بالصاله
محمد : يلا يا نجوى سهر بتروحون والا شلون
نجوى : بنروح وش فيك تصرخ
محمد : انتوا تعصبون بالواحد احمدوا ربكم متبرع اوديكم يوم مالقيتوا سواقين .
نجوى : يلا يا سهر الاخ محمد يقول بسرعه
سهر وهي نازله :خلصت
محمد : يلا مشينا
" بالسياره"
سهر : محمد مر بيت عمي بناخذ البنات
محمد : وانا سواقك تقعدين تتأمرين
سهر : فشيله عاد ينتظرونا حتى هم سواقهم مع عمي
محمد : امري لله مانقدر نقول لأ لبنات العم
سهر : فيك الخير والله
محمد : بس خليهم يطلعون من الحين ..
سهر : يوه من الحين .. بيتهم مو قريب ترا
محمد : انتي قولي كذا وشرط نوصل وهم ماخلصوا
سهر : ههه .. لا ماراح اقول
وكملوا طريقهم لبيت عمهم علشان ياخذون البنات معهم .
.
.
.
"الرياض"
أجمل ما يميز الرياض والبساتين أنها جامعة ألوان لم تدخلها الصنعة ولم تمازجها الكلفة، مع بديع أزهارها التي سماها الله سبحانه وتعالى زينة وزخرفاً فقال تعالى: {حتى إذا أخذت الأرض زخرفها وازينت}.
في الرياض كانت الاجواء كعادتها وزحمة شوراعها واسواقها اللي تغص بالناس وكانت جالسه باليت ومن الملل والطفش قررت تدخل msn واول مادخلت تلقى اضافة من ايميل غريب
وترددت بس بالنهايه قبلت لانها متعوده على اصحابها كل يوم لهم ايميل جديد عشان كذا قبلت وغير كذا انها متعوده على استهبالهم عليها الي تعودت عليه وصار شي عادي عندها
You have resaved nudge
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
مساء الخير
زيني تمادى وخلاهم يموتون فيني ..خلا كل المزايين \\. صفر .\\ على شمالي:
مساء النور ياهلا ..بس عفواً من معي؟؟
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
على هونك طيب ،، حنا نعرف بعض
زيني تمادى وخلاهم يموتون فيني ..خلا كل المزايين \\. صفر .\\ على شمالي:
لاوالله ،، يلا بسرعه ترى حتى لو انتي صديقتي وماقلتي مين بصكك بلوك وديليت لاني بجد مو رايقه
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
اوب ماكنت ادري انك عصبيه لهذي الدرجه
زيني تمادى وخلاهم يموتون فيني ..خلا كل المزايين \\. صفر .\\ على شمالي:
عن اذنك ماعندي وقت اضيعه معك
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
استني انا "لسعه شوق" في منتدى ......
زيني تمادى وخلاهم يموتون فيني ..خلا كل المزايين \\. صفر .\\ على شمالي:
اوه ياهلاوغلا ..كيفك
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
انا الحمد الله بخير*_^ اثاريكي طلعتي ثقل امووت يانااس
زيني تمادى وخلاهم يموتون فيني ..خلا كل المزايين \\. صفر .\\ على شمالي:
ههه لاوالله بس صحباتي دايم يستهبلون علي قلت يمكن تكونين منهم
"وكملت"
زيني تمادى وخلاهم يموتون فيني ..خلا كل المزايين \\. صفر .\\ على شمالي:
الاا ماقلتي لي من وين جبتي ايميلي وانتي مانتي من ضمن الاداره
"الطرف الثاني توهقت"
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
ها لابس انا اخذته من المراقبه العامه خليتها تجيبه لي لاني بصراحه مره ارتحت لك وحسيت اقدر اخذ واعطي معك بما ان ماعندي اخت اقعد معها او اسولف معها والي يقربوون لي كلهم صغار او كبار مو قدي يعني اوعيال وماقدر اخذ واعطي حسيتك من البنات الي يرتاح الواحد لهم ..ولاتخافين ترى الاداره مايعطون اي حد الايميلات بس لاني اصريت عليها وقلت لها بمجرد ماانك راح تتضايقين من اضافتي لك راح احذفك وكنه مافي شي صار
زيني تمادى وخلاهم يموتون فيني ..خلا كل المزايين \\. صفر .\\ على شمالي:
لاعاادي حبووبه حصل خير كويس انتي ولاغيرك لاني مالي خلق صراحه
"منار منور بسرعه لايفووتك "
وصل الصوت لمنار لذا اضطرت تقفل النت
منار: اوكي استني شوي
"ورجعت للطرف الثاني"
زيني تمادى وخلاهم يموتون فيني ..خلا كل المزايين \\. صفر .\\ على شمالي:
اقول قلبو انا لازم اطلع الحين اشوفك وقت ثاني
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
وين لسا بدرري مابعد نتعرف اكثر
زيني تمادى وخلاهم يموتون فيني ..خلا كل المزايين \\. صفر .\\ على شمالي:
معليش حبووبه لازم اطلع وفي وقت ثاني نتعرف لاني طالعه الحين اوكي J
•»‹ ” رجعت أسأل " غصب " ع نّ ي • جبرني " الشوق " وَ اع ذرن ي ” ›«•:
اوكي ..تيك كير وفرصه سعيده
زيني تمادى وخلاهم يموتون فيني ..خلا كل المزايين \\. صفر .\\ على شمالي:
وانا اسعد والله يو تو
" وقفلت مناار من عندها"
الحيين وصلنا لاهالي الرياض ولعند منار " وعارفه السؤال الوحيد الي في بالكم منهي منار ووش تطلع "
الله يسلمكم منار هي اخت غزل وساكنه بالرياض عند خالها لانها متخصصه قسم ماهو موجود بالشرقيه الي هو "ديزاين..."
ونجي لعايلتنا بالرياض وهو "بيت بو مساعد"
" وعنده مساعد 29 سنه ويشتغل بزنس والحين هو يبني مشروع جديد بينه وبين منصور وله هيبته بالسوق تعلم التجاره من ابوه حتى ابوه يفتخر فيه انه ولد بهالعمر يطلع من اكبر المنافسين للرجال الي صاروا لهم عايشين كل حياتهم ومابعد يطلع صيتهم وهو بهالعمر اسمه يهز السوق هز ..وبعده مازن 24 سنه ماكمل دراسته لانه مسك احدى معارض السيارات الي يمتلكها ابووه وبعده لميس وتدرس في جامعه سعود ادب انجليزي "
طلعت منار من غرفتها او بلاحرى غرفه لميس الي مشتركه فيها واخذت طرحتها ونزلت تحت
راحت منار لعند لميس ولقتها ممده رجولها على الكنبه وقاعده تحركهم بطريقه طفوليه
لميس وهي تلعب بغرتها: وينك فيه تأخرتي
منار وهي تحرك شعرها بفوضويه : كنت على النت وحده في منتدانا ضافتني وقبلت اشوف شسالفتها وحزنت عليها ماعندها خوات وماعندها حد تسولف معه" وتجلس بالكنبه الي مقابلها وتقعد وتلم رجولها لصدرها"
لميس: اها اي بس انتبهي لاتخورينها معها تعرفين النت اكثر مني
منار تغمز لبنت خالها: don’t warry
لميس: يووه نسيتيني ليه ناديتك الجوهره بترسل لي سبرايز لك الحين
منار بحماس : وشو
لميس: الحين بتشوفيه بعيونك
منار وهي متحمسه : لموستي حبيبي تعرفيني ماحب الانتظار"وترامش بعيونها"
لميس: ههه نونو لاتتمليحين
منار: يالله منك تيب وشو عشان اتحمس له
لميس: ياملحك لاتحمستي
منار: ههه تيب قوولي
لميس وهي تصلح جلستها: اوكي اوكي الجوهره بترسل لي
منار: اي
لميس : بترسل لي
منار: ياله صبرك اي
لميس: اعصاب عيونك ههه
منار: ههه لميسووه وربي بذبحك اخلصي
لميس: ok I’ll tell u
منار وهي تقلدها: اوكي ايتيل يو ياشينك بس قولي يلا
لميس: اجل مافيه انتظري
منار: اكرهك
لميس: شعور متبادل بس كل هذا الصبر عشانك بعيد عن اهلك"وتأشر بأصبعها عليها"
منار وهي فاتحه عيونها: اه يالحيوانه
لميس: ههه baby I just kidding
منار: هيهيههيي ماصله
لميس: ههه تيب بقولك الجوهره بترسل لي prison break sison 2
منار وهي طايره : تستهبلين
لميس: ههه والله
منار: عسى مترجم
لميس: ههه لاحظاً اووفر بس don’t worry I’m with u
منار: فديتك ياربي والله بس تراي افهم وقامت تبووسها
"وشوي بدخله بو مساعد "
منار: ياله حيو بنور هالبيت انا لولاك مدري شلون بصبر على بيتك
لميس فاتحه عيونها من هالنصابه
ابو مساعد مبسوط على منار: ههه افا افا من مطفش نظر عنووني قولي لي وانا اوريك شغله فيه
منار وهي تدلع على خالها وتأشر بعيونها على لميس: هذي ياخالو
ابو مساعد : لميسوه شمسويه حق بنت خالتك
ولميس لسا فاتحه عيونها وجات بتنطق :يب....
منار: عمي دايم تذلني اذا طلبتها
ابو مساعد : ماعااش من يذلك وانا موجود
لميس وهي تصارخ: يبه ماعليك منها هذي نصابه
منار: شفت ياخالي هذي هي قدامك يسبووني
لميس: مناروه و......."وسكتت"
منار: كملي كملي شفت ياخالي
لميس وهي تقرب من منار: منوره " وتقبصها قبصه خلتها تصارخ "
منار: ههه استهبل اخ وخري
لميس: قولي قولي انك تكذبين
منار : انا اكذب بس وخري
لميس: قولي انا محد يصدقني
"بو مساعد يراقب الوضع بأبتسامه نابعه من قلب"
منار: ههه لاهذي قويه " وتوخر منها بقوه "
ابو مساعد : ههه الله لايخليني منكم مدري شلون بصبر بعدك يامناار
لميس : يبا شسالفتك مع منار هاه
منار: مووتي حره "وتطلع لسانها"
ابو مساعد وهو يسوي مرتبك: لالا بس تعودت عليها
منار: ههه فاهمتك ياخاالي "وتغمز له "
ابو مساعد : ههه اجل وين الوالده
لميس: عند ام عبدالله جارتنا تو متوفي ولد اخوها وراحت تعزيهم
الكل قال " اووه الله يرحمه "
ابو مساعد : شخبار الاهل يامنار
منار: والله ماتصلت عليهم
ابو مساعد : ااها سلميلي عليهم
منار : يوصل
"شوي ويدق جرس البيت"
منار: هيو وصل واخيرا روبيكا روبيكا go take things from out said
ابو مساعد : ههه شوي شوي يابنتي من جاي
لميس: ماعليك منها يبه خبله هذا سواق صديقتي جايب فيلم prison break الجزء الثاني ههه
ابو مساعد يضحك :اي
"وصلت الخدامه وبيدها كيس"
منار وهي مبسووطه : واخيرا مابغى يووصل
لميس: ههه من جد
منار: بنشوفه الحين لالا مانبي
لميس: متى تبين
منار: بالليل الحين بتبدا مباراه الهلال والاتحاد خلينا مقدر ماشوفها كاس خادم الحرمين الشرفين
لميس : اوه صح
ابو مساعد : ههه وانتوا هذا حالكم الله يصلحكم بس فديت الرياضيات انا
منار: ههه نعجبك " وتتغمز"
ابو مساعد : واكي اخليكم اانا طالع ابي ارتاح
لميس: بابا ماتبي غداء
ابو مساعد: لايبا انا اتغدا بالشغل يلا عن اذنكم
منار ولميس: اذنك معك
منار: يلا افتحي التلفيزيوون
"فتحوه وقعدوا ينتظرون المباراه "
معلومه: الى الان لم يتضح اي احد الاحداث الي راح تكون في القصه
ولكن هذي تعتبر بارتات لاظهار الشخصيات فقط
انتظروني في البارت الجديد
وكل بارت راح يكون حدث او حدثين فيه حتى لاتتراكم الاحداث ويروح طعم كل حدث
تابعوا".............."
لتعرفوا ماتحويه القصه
مستعده اتقبل ارائكم على البارت وحتى لو كان في مجرد توقعات