الفزعه تكفون فاجني زوجي

سوي صينيه معكرونه بالباشميل او صينيه توست بدجاج والقشطه والجبن
ماحشي كوسا اوبطاطس او باميا دجاج ورز لحم
شوربه شوفان او عدس سمبوسه كفته تونه اودجاج سلطه فتوش اوتبوله متبل حمص
مهلبيه جيلي

ياشين الرجاجيل الي مايعطون الحرمه وقت تفكر ،،،
شوفي ياقلبي حبه حبه اول شيء المقبلات ،،
سوي نوعين سلطه على حسب الي عندك ممكن تسوين فتوش او تبوله او قطعي كل الي عندك وحطي علىه مايونيز وزبادي وتطلع سلطه جديده خ
يبغالك تصلحين نوعين صياني عندك مكرونه بالباشيميل او مكرونة البيتزا او المنتو الكذاب لفيها من اليوم وبكره حطيها بالفرن ،،
وكبسة دجاج او لحم ،،
واذا يبغون حلى سوي كريم كراميل اذا هم مايهمهم هالامور او جلي والا خليه يجيبلك كنافه من برى اسرعلك ،،
وبس
ودعواتك لي ربي يسخرلي زوجي ويصلح بينا

الله يجزاكم خير ويسخرلكم ازواجكم ويرزقكم من حيث لاتحتسبون انا شاكره لكم ربي يرفقكم ويسعدكم يارب

يا قلبي
انا كذا تخيلي ابوي يعزم وامي مو موجوده وعادي
شوفي الشباب يحبون هل مضاغيط والله وسوي معاها سلطه خضار مع حلا تشيز كيك يدوخون ومصقع انا اسوي كذا اذا ما في وقت مهلبية واله يدوخون بس لازم يكون لحم والببسي وبس وانا اختك انا اسوي كذا وتريهم شباب يدوخون

مشكوره ياقلبي والله انك صادقه ههه

اولا
اذا بتسوين كريب مالح فسوي الخبز الحين وبكرا لفيه ودخليه الفرن
او بتسوين سبرنج رول كمان الحين تلفيه وحطيه بالفريز وبكرا اقليه
او حتي سمبوسه لفيها وقلبيها بحليب ثم بقسماط وعلي الفريز وكمان بكرا القلي
تعالي للحلا
اذا عندك كاسات فابدعي طبقه كيك ثم كريم كراميل ثم دريم ويب وزينه
او تشيز كيك بالكاسات بعد حلو وسريع
بسكويت مطحون وشوي زبده عقبها كريمه خفق او دريم ويب وأخيرا حشوه التشيز كيك او جلي فراوله وحطي عليها شرايح فراوله
وهذا حلا سريع وحلو
بالقالب المتحرك رصي كيك اليمامه
وعلي جوانب الصينيه حطي سويس رول شوكلاته
سوي كريم كراميل عادي ثم حطي عليها حبه بسكويت شاي وملعقه صغيره نسكافيه وبالخلاط وعلي طول علي الكيك
الطبقه الاخيره دريم ويب وزينيها بالشوكولاته
هذا خلصنا الحلا والمقبلات
السلطات سوي سلطه خضرا عاديه ولا تكثري الطماطم وقطعيها كبار شوي
واضيفي لها ذره وجبن مبشور واذا تحبي كمان دجاج ناقيت مقطع
والأفضل اذا تحبي تحطيها طبقات بصينيه وآخر طبقه بطاطس دريتوس
ثم خلطه زبادي ومايونيز وخل وليمون وملح وشوي نعناع
وكثري الخلطه عشان ع الاقل تغطي اغلب الوجه وتكفي هالسلطه
ماانصحك بالمكرونه بالباشميل شغله وكمان حرام خليهم ياكلو الرز
سوي مصقعه بطاطس وكوسه وبيذنجان وجزر اقليها وسوي كشنه لحم او دجاج
رصي الخضار بصينيه ثم لحم ثم خضار وشوي كشنه طماطم علي الوجه واذا ماتبغي مو لازم غطيها بقصدير علي الفرن
واذا تحبي تزيدي ورق عنب من برا
ولاتنسين الشمبانيا شرايح تفاح وليمون وبرتقال وقطع تفاح صغيره وربع حزمة نعناع وكلها بالجيك وصبي عليها عصير تفاح وسفن اب وأنصحك تسوينها الحين عشان يتخمر ويطلع واو
وكذا خلصت السفره
اذا حابه تسوي حلا قهوه شوفي لك حلا سهل من النت مليان وفيه حلا السميد مرتب
والله ييسر لك
ولا تنسين الفواكه مع الحلا او بطيخ او شمام
أنصحك الحين تأخذي ورقه وقلم او ملاحظه بالجوال
وتكتبين وش مخططه تسووين واغراض كل طبخه عشان تعرفي الي لك والي عليك
التخطيط المسبق والتدبير نص الشغل
واول ماتقومي للمطبخ افرمي البصل وأعصري الطماطم وافرمي صدور الدجاج عشان يروح نص الهم

الله يعينك حبيبتي
ومن اللحين حددي شنوو بتسوين عشان ماتتلخبطين وجهزي كل شي قبل تنامين
وانصحك تسووين نوعين سلطه ,, تبوله وتزينيها بالخس والليمون ,, وسلطه خضراء تتكون من الخس والخيار والجزر وبقدونس وبصل اخضر بس خففي منه واذا بصله صغيره بعد حلوو وبعد ماتقطعينها صغار حطي ملح وعصير ليمونه وزيت زيتون وفلفل اسود وبالخلاط حطي فصتين ثوم وشوية زنجبيل اخضر طازج وزنجبيل جاف شوي واخلطيهم وحطيهم ع السلطه الخضراء وبعدين قدميها بصحن التقديم وزينيه بشرائح الطمام والسلطه الخضراء تكون من جوا عشان يعطي شكل حلوو
وسوي سلطة الزبادي ,, زبادي وخيار تبشرينه مع شوية نعناع وتحطين عليهم شويه من خلطة الزنجبيل والثوم وحطي لبن عليهم شوي وقدميه وزينيه بالنعناع
والاكلات الرئيسيه سوي برياني او مندي او مكرونه بالبشاميل
مع هذا الطبق الكودو بالتوست مره رهيب وانا بنفسي جربته
المقادير ..
1 كيس توست
4 بيض مخفوق
كأس بقسماط
الحشوة ..
دجاج مسلوق ومنتف
2 بصل يقطع صغار
3 فلفل رومي مقطع صغار
بقدونس_ بصل اخضر
بهارات- ملح - فلفل اسود -رشة زنجبيل جاف
ومعجون طماط + ملعقة كتشب
واذا قربتي تطفين عن الحشوه حطي 3 ملاعق مايونيز وحركي لحد مايمتزج زين
1 كأس خس مقطع شرائح رفيعه
لاعداد الحشوة ..
يحمس البصل حتى يصفر ويضاف له ملعقة بهارات ثم الدجاج ويقلب حتى يشارف على النضج ..
نضع عليه الملح وباقي مقادير الحشوة باستثناء الخس نتركه للاخير ..
ترفع الحشوة عن النار ويضاف لها الخس وتخلط سويا ثم تحشى بها الخبز
الطريقة
نأخذ شريحتين من التوست ونضع القليل من جبنة بوك << تدهن وتفرد سويا بواسطة النشابة
تقطع سويا بواسطة قطاعة كبيرة او مايتوفر من ادوات المطبخ بحيث تكون دائرية وتأخذ حجم التوست
تجمع هذه الاقراص ثم تغمس في البيض ثم البقسماط ثم تقلى في زيت غزير
يقطع كل قرص الى نصفين ويحشى بالحشوة
وبالعافيه حبيبتي
ووحلي بكريم كراميل وحلوو بهالاجواء الحاره شوي
وافضل تسوين عصير بالبيت سواء برتقال او اي نوع ثاني
وانا افضل عصير المانجوو لأنه سهل وبنفس الوقت حلوو ومايأخذ وقت
وهو طبعا تجيبن العلبه الكبيره لعصير راني بالمانجو << معروف
وتحطينه بالخلاط وتحطين عليه 3 ملاعق زبادي وربع بيالة ماء بارد
وتحركينه بالخلاط لحد ماتصير له رووغه
وجيبي اكواب التقديم وحطي في كل كوب نقطة فيتمو << حق رمضان
وصبي عليه العصير من الخلاط مباشره وشوفي شكل العصير بالكووب بيطلع مموج يهبل
ودعوواتي لك يالغاليه

في وقت الظهر او الحين حاولى اتطلع افكار ورينا الصوره العشاء ههه
مثلا
طبق رئيسي لحم او دجاج او سمك
كم نوع من سلطه ورق عنب
او العشاء يكون سمبوسه صينه الدجاج مع خضار ومعجنات
شوربه
وبعد العشاء نوعين اوثلاثه من الحلى
او العشاء يكون سمبوسه صينه الدجاج مع خضار ومعجنات

الله يسعدكم لبى قلوبكم الله لايحرمني منكم وربي انكم ساعدتوني الله يفتح لكم ابواب رزقه ويسهل لكم كل صعب ويفرح قلوبكم يارب ياقلبي مماعرف انزل الصور هذي المشكله بس بكتب لكم ايش عملت خ