الكل يدخل ارجوكم الاحترام مفقود بينهما مالحل

بأدخل بالموضوع على طول صديقتي الغاليه من بعد زواجها وهي تعاني من اسلوب زوجها معها تحكي لي أو بالاصح تفضفض لي واتحسر عليها واحاول دائما اني انصحها بالصبر وما تكبر الموضوع يوصل لاهلها وتخسر بالاخر
تحكي لي وتقول اسلوبه معها غالبا جاف نادرا يسمعها كلام حلو عادي عنده تتعب آخر همه راحتها واذا كان الاخ (وحده مقهوره منه) زعلان منها أومن أي شي ثاني ياعمري خلاص ينسى انها زوجته وأم عياله وأشكال الالفاظ السيئه اللعن التقليع من الغرفه يكلفها بالشيل والحط حتى لو ثقيل وهو جالس يناظرها هذا غير انه لا سلام ولاكلام ولاشيئ وعلى هذا الحال أيام عاد هي ياعمري مالها ردة فعل لأنه كل هذا قدام عيالها خايفه يتأثرون لوصار جدال وهوه ماراح يفكر فيهم( زعلان الاخ ) بهالفتره ما لها خلق تطلع تقابلني لانها ماتبغى تطلبه ويرفض اكيد طلبها فمابيننا الاالتلفون وبعد كم يوم يجياها وبحركات كأنه يعتذر وتناقشه عن المشكله ويتفاهمون وآخر مره ولا تتكرر ويطيح الحطب .وتبشرني بكذا ويصيرون عسل*عسل فتره بسيطه واول ما يتضايق حضرته حتى لو شيئ تافه رجع لطريقته اللي تقصر العمر
صديقتي يابنات تقول لي انها ملت معاد ينفع معاه شيئ حاولت معاه انها تغير من اسلوبه كثيربالهدوء بالتعصيب بالصوت العالي بالواطي... بدون مايحسوا الاولاد طبعا.. وتطلب نصيحتي وأنا ماعندي الا اصبري علشان اولادك
قلت بعد اذنها بأعرض تجربتها لكم لأنه مالها بالنت وتساعدوني بنصيحتها الله يكون في عونها