الكيك ليه يطلع معي كذا

السلام عليكم ورحمة الله وبركاته
كيف حالكن يا فراشات..يارب بخير وبصحة وعافيه
فراشات انا ابيكن بخدمة ماعليكن امر
انا اسوي الكيك ويطلع معي روعة وناضج يعني مو عجين ولا شي والطعم اروع وماعليه خلاف ابد وشكله بعد حلو وريحتها احلى
بس لمن اجي اكله احسه ينشب بحلقي ههه و ثقيل و مو خفيف وطري زي بيتي كروكر(((انقهر منه بجد)))
وهذا رايي وراي اهلي كلهم ليه طيب والله جاني احباط وحلفت مااسوي كيك بعد اليوم ههه
هل السبب هو اني استخدم الحليب ؟؟؟
او ازيد من الباكينغ باودر مثلا او مدري وش سالفته
الكيكة اللي اسويها معتمدة عليها دايما هي كالتالي
4بيضات واحط ذرة ملح وفانيلا واخفق يمكن 5دقايق وعقب احط السكر واخلط لين يصير ابيض
وبعدين احط الزيت تقريبا نص كاس واستخدم زيت نور(( يعني زيت خفيف))وحلب سايل كاس وربع
(( حليب بودرة وازيده مويه))
واحط الدقيق ع دفعات بعد ما انخله مرتين وهو تقريبا يجي كاسين وشوي وما انسى الباكينغ باودر
وان حبيت اقلبها كاكاو اشيل تقريبا نص كاس من الدقيق واستبدله بالكاكاو
و ع فكرة استخدم الدقيق الكويتي
واحطها بصينيه مدهونه بالزيت ومرشوشة بالدقيق
والفرن يكون ع 350 تقريبا واحطها بالرف الوسط وتقعد حوالي الساعه
طريقتي فيها شي غلط وش تنصحوني عشان تكون خفيفه وطريه وماتنشب بالحلق هذا اهم شي ههه
وجزاكن الله يالفراشات كل خير
وربي يوفقنا واياكن لما يحبه ويراضاه