الله يجزاها الف خير اللي ترد على وتساعدني تكفون لها دعوه

هلا حبيبيت هو امر طبيعي اغلب الرجال جذي اول الزواج ومع الايام راح يتغير وتخف غيرته بس انتي حاول تقنعيه باسلوبك وخليه يثق بك اكثر وان شالله ربنا يسهل عليك

الله يعينك اصبري عليه دامه طيب في اشياء ثانيه على الاقل احسن من غيره
وادعي ان الله يخفف غيرته

السلام عليكم ورحمة الله وبركاته
كيفكم يابنات اخباركم عساكم طيبين
بدخل بموضوعي
انا متزوجه من 8 شهور تقريبا الحمد لله حياتي حلوه
بس عندي مشكله بسيطه بغيت اخذ رايكم فيها
انا زوجي غيور لدرجه احس من شدة غيرته احسه يشك
بقولكم اكثر من موقف وانتوا احكموا ودلوني وش اسوي
انا عايشه فبريطانيا كل الناس هنا يخلون حريمهم يطلعون مع بعض يتمشون وانا يقولي لا يقول اخاف احد يخربك ولا يااذيك
معطيني النت بس اشتغل على نفس الجهاز اللي هو يشتغل عليه يقول لا ماتشترين لاب توب لك
مع انه معطي اخته لاب توب هديه
اوكي ايميلي مسوي له حفظ بيانات يعني الباسورد موجود
يدخل ايميلي اذا رحت انام ويشوف الايميلات والبنات الموجودين يدخل ملفاتهم يشوف وش حاطين صور
واذا لقى وحده مرسله عالبريد صور فيها اولاد يرسل لها رساله يحرجني لدرجه وحده ارسلت لي رساله
ان زوجك يشك فيك ومدري وشو وتهزء وحذفتني من عندها بسببه
وخدمة البلاك بيري من يوم فتحها لي والجوال في يده مين اضفتي ومين هذي ويشوف صورهم يعني مااخذ راحتي احس بقلق
واذا صرنا بالشارع او فالسوق او اي مكان عينه على عيوني يشوف وين اناظر وتخيلوا حتى خوالي يقول ماتطلعين معهم
وغير كذا طبعا مااشوف مباراه ولا فيلم لوحدي واذا جاء رجال فالتلفزيون ساقه باين ولا صدره على طول يناظرني يقول لايكون شفتي
واذا كلمته يقول مو شك هذي غيره
يابنات والله تعبت انا قبل اتزوج ابوي ماكان يسوي لي كذا عشان يغار بس مو لدرجه الشك انا قلت له
اذا بتستمر كذا رجعني بيت اهلي الين تتعدل
مع اني مو بس احبه الا اموت فيه لكن ماادري وش اسوي له تعبت معه كثر تخيلوا 8 شهور بغييره وشك
احس اني بموت
اذا كلمته يقولي هذا من خوفي عليك عشان احافظ عليك
واذا قلت له رجعني بيت اهلي يقول اذا رحتي مابترجعين وغير كذا يقول مابتعدل تكفون ساعدوني
انا حاولت معه بالكلام بالاسلوب والرسايل وكل شي مو راضي يقتنع يقول الرجال اللي مايسوي كذا مع زوجته وبناته مو رجال
اول ببيت اهلى اطلع السوق لوحدي عادي جوالي محد يفتشه لي لاب توب خاص فيني
غير عن عيشتي بعد الزواج
مع انه مايقصر معي بشي لاحب وحنان ولاكرم ولا شي الحمد لله كلها موفره لي بس يغار لدرجه الشك ساعدوني

عاتي انا صار معي اكثر منك في بداية زواجنا
شي طبيعي مع الايام بيتغير انتي خليه يثق فيك بزياده
ربي يغير حاله للافضل

الله يجزاك الخير والجنه
امين عساه يتغير

الله يهديه يارب ويبعد عنه الشك
ان شاء الله البنات يفيدونك

وعليكم السلام ورحمة الله وبركاته
اختي اجلسي معاه وكلميه قولي له هذي مو غيره هذا اقرب شي له هو الشك
وانت بطريقتك هذي تفتح عيوني على اشياء انا مو منتبه لها وقولي له انت كل شي فيك حلوو وغيرتك حلووه
بس لو تخفف هالغيره شووي تطلع احلى وشووفي وش يقولك ؟؟
الله يسخره لك ويسعدكم ويوفقك يارب

مدري صراحه الله يعيتك مابيدي غير الدعاء لك
بس انتي اصبري شوفي النهايه معاه