الله يجزاها بالجنة ويرزقها الزوج الصالح التقي اللي ترد علي

1. كيف حالكم يابنات


2. بدخل في الموضوع على طول:فأمنى انكم تتحملوني شوي


3. قلي خلاص اتركي البخاخ والكريم خلاص>>>بكل بساطة قالها ليا

السلام عليكم

كيف حالكم يابنات

بدخل في الموضوع على طول:فأمنى انكم تتحملوني شوي

أنا شعري مرة خفيف وكلمة خفيف قليلة فيه وكل ما حط لشعري شي ما ينفع معاه وقررت أنو أروح لدكتور مع أنو ما كنت أحب أعالج شعري الا بخلطات طبيعية ورحت للدكتور واداني بخاخ مينوكسديل بتركيز5% مع أنو هذا البخاخ يستخدم للرجال مو للنساء لأن تركيزه مرة قوي ومع هذا قلت الحمد لله واستمريت عليه لمدة شهرين وانا عندي أمل كبير انو شعري يكثر ويطلع من جديد ونسيت أقلكم كمان انه وصف لي حبوب وكمان كريم عشان يوقف التساقط
بس والله يابنات انه ما بان على شعري أي نتيجة بالعكس كل من شافني يلاحظ انو شعري مرة خف ولما رحت للدكتور وقلتله انو ما في أي نتيجة على شعري تعرفو ايش قلي......

قلي خلاص اتركي البخاخ والكريم خلاص>>>بكل بساطة قالها ليا

مع انه كان مديني أمل أنو شعري يطلع من جديد,وتركت الكريم والبخاخ وقلت أجرب خلطات أحسن لي
وقالتلي وحدة على خلطة وهي(زيت عافية-حلبة محموسة-محلب-قهوة-حنا-سدر-قرنفل) وانا ذحين قاعدة أستخدمها ولا حظت يا بنات أنو شعري بالعكس كل ماله وينزل والله العظيم يابنات انو اللي ينزل مني خصل وهاذي يمكن خامس مرة أستخدمها وما وقف التساقط.........
فأيش رايكم أكمل على هاذي الخلطة ولا لا>>>>>في ناس تقول بداية العلاج كذا ينزل الشعر التالف فهل هذا الكلام صحيح?
وكمان فكرت أنو أستخدم الثوم أو البصل مع استخدامي للزيت يعني مثلا استخدم الزيت يوم الخميس ويوم الأثنين أستخدم الثوم أو البصل ما ادري ينفع كذا ولا لا واذا ينفع ايت أفضل لأنبات الشعر البصل أو الثوم وكيف الطريقة
والله يا بنات اللي تفيدني اني راح أدعيلها ليل ونهار
وهاذي هي معاناتي فأتمنى من أي وحدة تقرأ موضوعي تجاوب على أسئلتي وتجيبيلي خلطة مجربة ومضمونة تكون هيا مجربتها واذا ما تعرف أتمنى انها تدعيلي
أختكم وطالبة مساعدتكم