الله يجزاها خير اللي اتشور علي

1. صباح الخير

صباح الخير

الصراحة مو عارفة من وين آبتدي... زواجي كان عن خطبة ولا كنت آعرف زوجي ولا أهله، سألنا عنه وقالوا اوكي وكان يدعي الالتزام، اكتشفت بعدين انه مدخن وانه ما ايصلي بالاضافة الى كونه كذاب ومخادع وممثل درجة أولى، يعني يكذب عيني عينك على امه وابوه، وايقولي كذبه في الشغل، فمن اهنيه قمت ما أثق فيه ولا آصدق اي شي ايقوله، وفعلا عقب ايام آكتشف كذبه...
كلمته اكثر من مرة باللين وبالقسوة عن موضوع الصلاة، التدخين واسلوب الخداع الي يتبعه لكنه ما تغير، فوق هاذي من طلعته للشغل ما آشوفه الا في الليل ساعة او ساعتين، طول يومه في المقاهي ومع اصدقائه...
هاليومين طالع لي بموضة جديدة، انتي ما تحتاجين مصروف وعندج راتبج، كلها 500 ريال وراتبه 6000 ومستخسرها فيني؟ يعني انت مخادع واتمثل ومدخن وما تصلي وفوق ذيه كله ما تبي تصرف؟؟؟
شنو الحل معاه؟ جربت الدلع والليالي الرومانسية، لقيته ايدوسني بعدها لأنه ايشوفني مثل ما يبي، جربت التطنيش والسكوت لقيت نفسي آتعب نفسياً وهو مرتاح ولا على باله، حاليا آجرب الانشغال، يعني آنه فعلا لي حياتي الخاصة وشغلي وأهلي، فرجعت لحياتي السابقة وعلاقتي فيه محصورة بهالساعتين الي معاه، لقيته يتكتم على اخباره وما يتكلم الا بالقطارة، كأنه في حرب مو في زواج، يعني اما آصير عادية وزينة معاه وعقبها يغلط علي وآخر مثال كان مسألة المصروف، أو انه بيتبع الحرب النفسية وبيخليني جذي، وعلى فكرة اهوه ايعرف الحرب النفسية ومجربها في الشغل >> هو ضابط
صليت استخارة اكثر من مرة على الطلاق بس ما آرتاح بعدها، وأوشكنا في مرة انه نتطلق لكن ربي كاتب لنا نستمر، آدعي ربي كل ليلة انه اذا مو اهوه الزوج اللي بآظل معاه طول عمري انه ايسر لي الانفصال عنه قبل لا ايضيع عمري...... حاليا ما بينا اطفال، حملت مرة وسقطت، واحنا لي احين ما كملنا سنة زواج وعمري نهاية العشرينات يعني مو صغيرة واهوه عمره 30 سنة.