الله يحقق لها اللي ببالها اللي تدخل وتساعدني في مصيبتي

السلام عليكم يافراشات انا بأختصار تقدملي شخص من قبيله غير قبيلتنا بس من نفس المنطقه يعني كلنا نرجع لنفس المنطقه وكثير من اهلنا تزوجوو من قبيلتهم...المهم انو ابوي سأل عنه زين بعمله وبمدرسته السابقه وبكليته وبحارته بعد وبالمسجد حق حيهم وبجيرانهم والكل يمدح فيه وبرضو زوج خالتي سأل عنه بالجوازات وبالدوائر الحكوميه ومدحه كثير مو راعي سفرات او دشره ولا اي شي لدرجة انو قال لأبوي انو هالرجال اعقل من زوج بنتي...المهم ان امي مخربه علي السالفه وماتبيني اتزوجه بسبب حجج واهيه ومطلعه كلام عن الرجال واهله انهم راعين مخدرات وانهم مغازلجيين ومابقى ولا كلمة ماطلعتها عن الناس استغفر الله العظيم بس.. ويوم طلبتها رقم المصدر اللي قالها هالكلام عشان ابوي يتأكد منه رفضت وقالت لا مافي(لأنها منفصله عن ابوي) وانا عارفه السبب الحقيقي لرفضها وهو انها تكره هذي القبيله جدا وماخذه فكره سيئه عنهم....
المهم ابوي قالي انهم مره ممتازين وموافق على كل شي وامي تقول لا مافي ولو بتتم هالزواجه انا ماراح اتدخل فيها ولا اشارك لامن بعيد ولا من قريب(ماعرف ايش تقصد) واذا جت تشتكيني بكره تقول انو زوجي يغازل ولا راتبه قليل وتبغى سلف مني راح اقولها بوجهها انها كذابه واني قلت لها عن حقيقته..
للمعلوميه راتب خطيبي ستة آلاف وماعنده اي ديون وسكنه مجانا بدون اجار ولاعليه اي فواتير كهرباء او مويه ولا حتى اقساط بنك او سياره يعني راتبه عليه بس...
انا بين نارين تكفون شورو علي.. انا ابي اتزوجه وبرضو مابي اخسر امي او تتغير علاقتي معاها..
وانا شفت الرجال الشوفه الشرعيه ومره ارتحت له واهداني طقم الماس بس من الشوفه الشرعيه وهذا يدل على الكرم..
تكفون يافراشات دلوني انصحوني ريحوني ايش اسوي كيف اتصرف مره تعبت منها ماتكلمني ولاترد علي ولا على رسايلي ابد!!!!!!