الله يوسع لها دنيا وآخره ويسعدها اللي تساعدني

~النعومه~

26-10-2022 - 03:38 am

--------------------------------------------------------------------------------
أهلين فراشات .. صبحكم الله بالخير ..
بدخل بالموضوع على طول .. احس نفسي مكتأبه
زوجي ساكن بقريه تبعد عن مدينتنا كم ساعه .. المهم هوا يجي كل اسبوع
والحمدلله امورنا تمام وماشي الحال .. لما يكون عندنا ياسلام .. احس بثقه واحس بحبه لي
لكن لما يروح اذا ماكلمته انا قليل يكلمني (( اعترف اني انا ما أصبر ))
بس حتى ولو اصبر لليل اذا ما اتصل ... انا اكلمه
الاسبوع اللي راح كلمني السبت ..,, أما الاحد والاثنين انا كلمت .. الثلاثاء لما صارت 9 بالليل كلمته
وتشرهت عليه قلت ليه ماتكلمني؟؟
وهو محذرني كم من مره اني ما أقول له ليه ماكلمتني (( لانه مايحب الانتقاد والتشره والعتب))
انقلب السؤال لزعل
وقال انتي تدورين المشاكل ومن هالكلام __( وقال كلام جارح )
وقال وش المشكله لو ماكلمت؟؟؟؟ انا مزاجي يكون مقفل .. وما ابي اكلمك وانا مالي خلق .. وتحسبين منك .. وهو من الدوام..
لاتخليني من اروح لين ارجع ما اكلم ولا افتح الجوال عشان افتك من المشاكل !!!<+== تخيلوا كل هالكلام لاني قلت ليش ماتكلمني؟؟
طيب انا اسمع اصوات الشباب عنده ... مباريات .... ووناسه ....!!
المهم انا اعتذرت ونسيت السالفه .. وهو نساها من بكرا..
جا الاربعاء وكان عنده مشاكل فالشغل ..
وقال : معليش اني زعلت عليك .. تراي امر بظروف صعبه
احنا الاسبوع الجاي بنسافر لمصر .. 5 ايام
وانا حجزت التذاكر والباقي عليه
المهم قال ترا مزاجي الاسبوع اللي طاف مره صعب ... مشاكل ماديه ومضغوط شوي
ومسألة السفر جت في غير وقتها .. ولازم اضبط اموري عشان ما انحرج ... بالسلف .......
المهم ... هو مشى امس الجمعه .. وكلمني لمن وصل وياسلام علينا تمام
لكن رجعت حليمه لعادتها القديمه...
السبت ماكلمني ولا حتى رساله
جيت بكلمه قلت
لا
خليه ... هو شافني انا كل يوم اتصل .. وصار ما يفكر يكلم..
ودي اطنش بس عجزت
جوالي ماسكته بيدي .. وكل شوي اطل فيه اشوف يمكن متصل علي مادريت
اف ... اتمنى اطنش بس اعجز
وش أسوي

التعليقات (9)

انا الدلع مني تعلم اصوله

26-10-2022 - 05:51 am

اتصلي هذا حبيبك
ماله غيرك ياقمر

شذى الليالي

26-10-2022 - 06:52 am

ارسلي له رساله حب وشوق وهو راح يتصل عليش
الله يجعل ايامكم كلها فرح وسعاده

كاندي 2001

26-10-2022 - 07:53 am

نصيحة لك و لكل الفراشات : لا تطلبي من زوجك يعطيك شيء من احاسيسه و مشاعره خاصة الرزمانسية و هو متضايق او عنده مشاكل خاصة ان كانت مادية ....و انت اذا بدك اياه يكلمك بسيطة : ابعصي له مسج حبيبي كلمني اليوم الساعة كذا ... او كلمني ضروري في شيء مهم و دي اقولك اياه .. لا تنسى
و لما يكلمك و يقول ويش الشيء اللي بدك تقوليه ؟ جاوبي: اني اشتقت الك و مبسوطة لسماع صوتك .. ومن هالحركات...
اذا بدك يكلمك استني عليه اشوف انك تتكلمي كل يوم و هو يقول ما في داعي اكلمها اليوم اخليها باكر تقومي تتصلي باكر يقول خليها لما تبطل تتصل اكلمها . و انت مو راضية توقفي اتصالات...
طريقة ثانية خليه يقلق عليك و هو يكلمك كل شوي..يعني قولي انك بتخافي بالليل و انك بتنقزي من اي صوت و مرة سمعت صوت و مش متاكدة شو هو و صرت تنادي على اسم زوجك لا شعوريا ..
و مرة انه بطنك وجعك طول الليل و خفت و تمنيتي انه جنبك ليوديكي للمشفى
و مرة اتشردقتي و انت بتشربي و انك حسيت انه آخر نفس بيطلع ( بعيد الشر ) و ما في احد يدق على ظهرك و لما تحسنت بكيتي من الفرح و من الزعل ..
و مرات انك حلمت انه نايم جنبك و فرحت و اصحيتي من الحلم و شفتي مخدته و بدات تبكي..

الواان الطيف

26-10-2022 - 08:54 am

الله يكتب لك اللي فيه الخير يارب
ويريح قلبك

عبير الجوري905

26-10-2022 - 09:55 am

؟؟؟؟؟؟؟؟؟؟؟؟؟؟؟؟؟

~النعومه~

26-10-2022 - 10:56 am

شكرا لكم حبيباتي الله يسعدكم يارب

~النعومه~

26-10-2022 - 11:57 am

عبير الجوري905
انتي يالاستعلامات قصدي يا تسعه صفر خمسه
وش معنى الاستفهامات هذي ....!!!!!
ناس عجب !!

ارنبه

26-10-2022 - 12:58 pm

طيب ارسلي له رساله حب وشوق وفي اخرها اكتبي مو قادرة انام وانا ماسمعت صوتك وتطمنت عليك وبعدين من بكره قولي له والله ماتتخيل قد ايش وناستي لما سمعت صوتك وقدرت انام وانا متطمنه
واذا دق لاتقولي ليه انت ماتدق لان شكله مايحب التشره وهو مضغوط بعدين طولي بالك عليه انتي اذا كنتي مشغوله مره بشي مو ماتحبي تتكلمي مع احد حتى تخلصي اكيد هو نفس الشي
وادعي ان ربي يسخره لك ويسخر بعضكم لبعض امين
اذا عجبك ردي ادعي لي بالزوج الصالح عاجلا غير اجل واذا مااعجبك ادعي لي بتفريج كربتي امين
ههه ادري اني نشبه بس معليش ..

روهــــــــادا

26-10-2022 - 01:59 pm

هدي اعصابك وترى الرجال كلهم مايحبون العتب وبعدين احنا الحريم حساسات ورومانسيات بطبعنا لكن الرجال عمليين يعني لما مايكلمك صدقيني هو مو قصده تطنيش لكن مشغول بعمله مع اصحابه بس اكيد انه يحبك بس يعتبر ان عدم اتصاله شئ طبيعي طولي بالك وتغاضي والحياة ماتمشي الا بالتغاضي والتطنيش واذا ماكلمك وكنتي ولهانه عليه كلميه لكن لاتعاتبينه علشان ماتخسريه والله يوفقكم

اللي تشك ان زوجها عربي تدخل←
ايميل ثاني→