اللي اسمه زوجي كرهني حياتي

السلام عليكم
ياعالم وش ذا الحاله
ليش الرجال كل شي على كيفه والبنت عاجبها اهلا ماعجبها تأكل تبن
ليش الرجال له حق ينتقد ويهزء ويقل ادبه والبنت ياويلها وياسواد ليلها
؟؟؟؟؟؟؟؟؟؟؟؟؟؟؟
والله في قهر قهر قهر قهر
حسبي الله ونعم الوكيل بس
الله يقطع الساعه اللي تزوجته فيها من قلبي هالدعوه
ببداء اقول مشكلتي وافهموني وعطوني حل معه اي حل ماعندي مانع اسويه
تشوفون الانسب اطلق منه طلبت الطلاق من اللحين
تشوفون الحل اقوله اذلف اتزوج غيري وفكني من وجهك قلت له من اللحين
تشوفون الحل اروح لبيت اهلي واطنشه اللحين ادق عالسواق وامشي
السالفه بلا سابق انذار ولا اي شي جديد نمنا عالسرير جاء قال لي انا تعبان قلت سلامتك وش فيك وش يعورك قال مايعورني شي قلت له يعني متضايق قال ايه نفسيتي تعبانه
قلت من ايش ووش فيك ؟؟ << سالته لانه هو بداء وقال لي
سفهني ومارد عدت السؤال
قال اسكتي انا اجاوب متى مابغيت << نفخ علي فجأه
قلت طيب وخليته
قام قال الرجال في شي اذا ماصار له الا لما يطلب يصير ماله طعم وشو ؟؟
رديت قلت كل شي اذا ماجاء الا بطلب يصير طعمه غير لما يجي بدون طلب
قال لالالالا انا اقصد الاهتمام
انتي ماتهتمين فيني وانتي ماتحترميني وانتي اخلاقك سيئه واطباعك وعاداتك شينه وطلباتك كثيره
وراعية زن لما يجيك طلبك ونخلص من شي معاكي وتبدين في شي ثاني وانتي بقول لك بصراحه ماعاد تهميني وذيك المره قلتي طلقني واذا رحتي لاهلك انا ارتاح قبل كنت انهبل لما ترجعين اما اللحين
لا بصراحه ارتاح منك
( لتوضيح لكم يااخوات هالكلام كله ماله مناسبه ابدا من فتره قلت طلقني لانه تكلم كلام بايخ عن امي
قال طز فيك انتي وامك وانتي ماتربيتي وقليلة ادب عشاني طلبت منه يأثث البيت اللي حاطني فيه وفاضي ولي سنه ساكنه فيه حتى ستاير مافيه احط قصدير لا تدخل الشمس واحنا نايمين سالفة اني ازن
لاني ابغاه يحط اثاث في البيت تعبت نفسيتي من البيت وهو كذا فاضي بلاط البيت ولي سنه ساكنه
لاتقولون ماعنده فلوس عنده ويسلف الناس .. انا مو موظفه ولا كان انا صلحت البيت )
انا بعد كلامه انصدمت وسكت افكار جابتني وافكار ودتني
قال لي صح كلامي او لا ؟؟
سكت انا شوي انصدمت منه .. قلت انا ممكن اكون مقصره باشياء ولي عيوب بس مو لهالدرجه اللي وصفتني فيها ..
قال اصلا سكوتك قبل ماتردين معناه انك عارفه انك كلك غلط في غلط ومن الغلط انك تقولين حتى انت فيك وفيك وفيك الواحد يبداء يصلح نفسه واذا صلح الطرف الاول يشوف الطرف الثاني
( يابنات انا ماجبت طاريه ولا قلت فيك وفيك طلع كذا من نفسه )
قلته له طيب انا مااحترمتك وغيرها من العيوب عطني موقف سويته عشان تكون الصوره واضحه
وعشان افهم قصدك اكثر
قال افهمني اللي تفهمينه ماابي اوضح لك شي ..
حامت كبدي منه ومسكت نفسي وريت بهدوء قلت انا فيني اخطاء وانت فيك اخطاء
لازم كل واحد يعدل من تصرفاته ويحاسب على الفاظه
قال بس اسكتي خلاص وقام وطلع في الصاله
رجع للغرفه بعد ربع ساعه ونام
يابنات كلامه جرحني مره واللي يقهر دايم يتلفظ علي وانا لو بس ابغى اناقشه يقول اسكتي ويصارخ علي
انا ابين القوه وانا من داخلي ضعيفه واحسه بكلامه كسر شي في خاطري
انا صابره على امور تقهرني منه ولا ابغى اذكره فيها لاني عارفه انها ماراح تفيد ولايقبل يسمع كلام مني
وش اسوي انا معاه ؟؟
ابي حل ؟؟
ابغى اخليه يندم على كلامه البايخ لي .. هو قوي مايهزه شي بس انا ابغى اقهره باي طريقه
انا حامل وتعبانه وهو ماقدر هالشي ..
وحتى لدرجه انه يمن علي بالفين ريال جهزت لي ولبيبي الجاي فيها اغراض وذالني فيها
مليت وحاسه اني مالي كرامه ومالي اي اهميه عنده
واتوقع انه مايحبني واحس انه يكرهني
شكرا لكم انك قريتوا كلامي الكثير بس من حرتي والله اكتب من غير رأيي ..
الله يوفقكم ويسعدكم ويرزقكم ويوسع في رزقكم
ويحقق لكم مرادكم يارب